ما شيڭرۇي اۆتونوميالى رايوندىق پارتكوم عىلىم ـ تەحنيكا كوميتەتىنىڭ 1 ـ ٴماجىلىسىن باسقارىپ اشقاندا بىلاي دەپ باسا دارىپتەدى
شينجياڭنىڭ عىلىم ـ تەحنيكا قىزمەتىن ويداعىداي ىستەۋدەگى سانالىلىق پەن تاباندىلىقتى كۇشەيتىپ، عىلىم ـ تەحنيكا، وقۋ ـ اعارتۋ ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، جوعارى ساپالى دامۋعا جەتەكشىلىك ەتۋ، ونى ىلگەرىلەتۋ كەرەك
ەركىن تۇنياز، ٴزۇمىرات وبۇل، حى جۇڭيوۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 26 ـ كۇنى ۇرىمجىدەن حابارلايدى. اۆتونوميالى رايوندىق پارتكوم عىلىم ـ تەحنيكا كوميتەتى 7 ـ ايدىڭ 25 ـ كۇنى 1 ـ ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەندى، دايەكتىلەندىردى، باس شۋجي شي جينپيڭنىڭ عىلىم ـ تەحنيكادا جاڭالىق اشۋ جونىندەگى ماڭىزدى بايىمداۋىن، اسىرەسە، مەملەكەتتىك عىلىم ـ تەحنيكا جينالىسىندا، مەملەكەتتىك عىلىم ـ تەحنيكا سيلىعىن بەرۋ جينالىسىندا، ەكى اكادەميانىڭ اكادەميكتەر جينالىسىندا سويلەگەن ماڭىزدى سوزدەرىنىڭ رۋحىن مۇقيات دايەكتىلەندىردى، تياناقتاندىردى، رايونىمىزدىڭ عىلىم ـ تەحنيكادا جاڭالىق اشۋ جونىندەگىٴتۇيىندى قىزمەتتەرىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم عىلىم ـ تەحنيكا كوميتەتىنىڭ مەڭگەرۋشىسى ما شيڭرۇي ٴماجىلىستى باسقاردى ٴارى ٴسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ عىلىم ـ تەحنيكادا جاڭالىق اشۋ جونىندەگى ماڭىزدى بايىمداۋىن جەتە ۇيرەنىپ، جەتە ٴتۇسىنىپ، پارتيا ورتالىق كوميتەتىنىڭ جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل جۇزەگە اسىرۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، شينجياڭنىڭ جوعارى ساپالى دامۋىنداعى جانە وسىزامانداندىرۋ قۇرىلىسىنداعى عىلىم ـ تەحنيكادا جاڭالىق اشۋ قاجەتىن تەرەڭ يگەرىپ، رەفورما ادىسىنەن پايدالانىپ عىلىم ـ تەحنيكا قىزمەتىن ىلگەرىلەتۋگە تاباندى بولىپ، عىلىم ـ تەحنيكادا جاڭالىق اشۋدىڭ تۇتاس تۇلعالىق يقۋاتىن ۇزدىكسىز جوعارىلاتىپ، عىلىم ـ تەحنيكادا قۋاتتى ەل قۇرۋعا شينجياڭ ۇلەسىن قوسۋعا قۇلشىنۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماجىلىسكە قاتىناستى.
ٴماجىلىس «اۆتونوميالى رايوندىق پارتكوم عىلىم ـ تەحنيكا كوميتەتىنىڭ قىزمەت ەرەجەسىن»، «اۆتونوميالى رايوندىق پارتكوم عىلىم ـ تەحنيكا كوميتەتى كەڭسەسىنىڭ قىزمەت ەگجەي ـ تەگجەيلى ەرەجەسىن» اقىلداستى، قارادى؛ اۆتونوميالى رايوننىڭ عىلىم ـ تەحنيكادا جاڭالىق اشۋ قىزمەتى جاعدايى جونىندەگى مالىمەتتى، 2023 ـ جىلعى اۆتونوميالى رايوننىڭ عىلىم ـ تەحنيكا سيلىعىن ساراپتاۋ جاعدايى جونىندەگى مالىمەتتى تىڭدادى.
ما شيڭرۇي بىلاي دەپ اتاپ كورسەتتى: پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى عىلىم ـ تەحنيكادا جاڭالىق اشۋدى مەملەكەتتىڭ دامۋ جالپى جاعدايىندا وزەكتى ورىنعا قويىپ، ەلىمىزدىڭ عىلىم ـ تەحنيكا ىستەرىندە تاريحي سيپاتتى تابىسقا قول جەتكىزۋىن، تاريحي سيپاتتى وزگەرىس تۋىلۋىن ىلگەرىلەتتى. باس شۋجي شي جينپيڭ مەملەكەتتىك عىلىم ـ تەحنيكا جينالىسىندا، مەملەكەتتىك عىلىم ـ تەحنيكا سيلىعىن بەرۋ جينالىسىندا، ەكى اكادەميانىڭ اكادەميكتەر جينالىسىندا ماڭىزدى ٴسوز سويلەپ، جاڭا داۋىردەگى عىلىم ـ تەحنيكادا جاڭالىق اشۋ قىزمەتىن ويداعىداي ىستەۋگە ٴتۇبىرلى بويسۇنۋ ولشەمىن ازىرلەدى. يدەيا مەن ارەكەتتى باس شۋجي شي جينپيڭنىڭ ماڭىزدى ٴسوزىنىڭ رۋحىمەن جانە پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ جاپپاي جاڭالىق اشۋدى قولدايتىن ٴتۇزىلىس ـ مەحانيزم ورناتۋ، عىلىم ـ تەحنيكا ٴتۇزىلىسى رەفورماسىن تەرەڭدەتۋ جونىندەگى كەلەلى ورنالاستىرۋلارىمەن شىن مانىندە بىرلىككە كەلتىرىپ، عىلىم ـ تەحنيكانىڭ ستراتەگيالىق جەتەكشى ورنى مەن ٴتۇبىرلى تىرەكتىك رولىن تولىق تانىپ، جاڭا داۋىردەگى شينجياڭنىڭ عىلىم ـ تەحنيكا قىزمەتىن ويداعىداي ىستەۋدەگى سانالىلىق پەن تاباندىلىقتى اناعۇرلىم كۇشەيتۋ كەرەك.
ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ ”دامۋى نەعۇرلىم كەنجە وڭىرلەر دامۋعا جاڭالىق اشۋ ارقىلى دەم بەرۋ ستراتەگياسىن اتقارۋدى سولعۇرلىم قاجەت ەتەدى“ دەگەن ماڭىزدى نۇسقاۋىنىڭ رۋحىن تەرەڭ ٴتۇسىنىپ، عىلىم ـ تەحنيكا ارقىلى شينجياڭدى گۇلدەندىرۋ ستراتەگياسىن، دارىندىلاردا قۋاتتى رايون ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن اتقارۋدى بۇلجىتپاي ىلگەرىلەتىپ، جاپپاي جاڭالىق اشۋدى قولدايتىن ٴتۇزىلىس ـ مەحانيزمدى جەدەل ورناتىپ، ٴتۇيىندى سالالاردا عىلىم ـ تەحنيكادا جاڭالىق اشۋدى ىلگەرىلەتۋدى كورنەكتىلەندىرىپ، دامۋدىڭ جاڭا قوزعالىس قۋاتىن، جاڭا باسىمدىعىن ۇزدىكسىز سومداۋ كەرەك. نازاردى وڭىرلىك عىلىم ـ تەحنيكادا جاڭالىق اشۋ ورتالىعىن قۇرۋعا شوعىرلاندىرىپ، مەملەكەتتىك ٴتۇيىندى تاجىريبەحانا قۇرۋدى بەلسەنە ىلگەرىلەتىپ، ٴتۇيىندى كاسىپورىنداردىڭ زەرتتەۋ ـ اشۋ قۇرىلىمىن جەدەل قۇرۋىن قولداپ، جوعارى، جاڭا تەحنيكا كاسىپورىندارىن بار كۇشپەن جەتىلدىرىپ، وڭىرلىك عىلىم ـ تەحنيكادا جاڭالىق اشۋ قابىلەتىن ٴۇرتىس جوعارىلاتۋ كەرەك. نازاردى عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدى تەرەڭ توعىستىرۋعا شوعىرلاندىرىپ، ”سەگىز ٴىرى كاسىپ سالاسى شوعىرى“ قۇرىلىسىن ارقاۋ ەتىپ، ٴبىر توپ كەلەلى عىلىم ـ تەحنيكا نىساندارىن جوسپارلاپ، ورنالاستىرىپ، كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، بىرلەسىپ عىلىم ـ تەحنيكادان قامال الۋ قابىلەتىن جوعارىلاتىپ، جاڭاشا وندىرگىش كۇشتەردى جەرگىلىكتى جاعدايعا قاراي جەتىلدىرۋ، دامىتۋ كەرەك. نازاردى عىلىم ـ تەحنيكا دارىندىلار قوسىنىن كۇشەيتىپ قۇرۋعا شوعىرلاندىرىپ، اناعۇرلىم اشىق دارىندىلار ساياساتىن اتقارىپ، 10 ميلليارد يۋاندىق دارىندىلاردى دامىتۋ قورىنان ويداعىداي پايدالانىپ، دارىندىلاردى ەنگىزۋ، پاراسات ەنگىزۋ سەرپىنىن ارتتىرىپ، قۇرىلىمى ۇيلەسىمدى، ساپاسى جوعارى جاڭاشىل دارىندىلار قوسىنىن تۇلعالاۋ كەرەك. نازاردى جاڭالىق اشۋدىڭ، جاسامپازدىق جاراتۋدىڭ ومىرشەڭدىك كۇشىن قاۋلاتۋعا شوعىرلاندىرىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رەفورما ورنالاستىرۋلارىن ىشكەرىلەي دايەكتىلەندىرىپ، وقۋ ـ اعارتۋ، عىلىم ـ تەحنيكا، دارىندىلار ىستەرىنىڭ دامۋىن ٴبىر تۇلعالى ىلگەرىلەتىپ، عىلىم ـ تەحنيكادا جاڭالىق اشۋ قاجەتىنە ۇيلەسەتىن ٴتۇزىلىس ـ مەحانيزمدى جانە تاماشا ورتانى جەدەل قالىپتاستىرۋ كەرەك. نازاردى جوعارى دەڭگەيلى عىلىم ـ تەحنيكادا ەسىك اشۋدى، سەلبەسۋدى كەڭەيتۋگە شوعىرلاندىرىپ، ”ٴتورت جاق سەلبەستىگى“، ”عىلىم ـ تەحنيكا ارقىلى شينجياڭعا كومەكتەسۋ“ مەحانيزمىنەن ويداعىداي پايدالانىپ، شىعىس پەن باتىس بولىكتەردىڭ، ورتالىق پەن جەرگىلىكتى ورىنداردىڭ عىلىم ـ تەحنيكا سەلبەستىگىن تەرەڭدەتىپ، توڭىرەكتەگى ەلدەرمەن عىلىم ـ تەحنيكا سەلبەستىگىن كۇشەيتىپ، نازاردى ەل ٴىشى ـ سىرتىنداعى اناعۇرلىم كوپ باسىمدىققا يە جاڭالىق اشۋ بايلىقتارىنا شوعىرلاندىرۋ كەرەك.
ما شيڭرۇي بىلاي دەپ باسا دارىپتەدى: پارتيانىڭ عىلىم ـ تەحنيكا ىستەرىنە جالپى بەتتىك باسشىلىعىنا تاباندى بولىپ، اۆتونوميالى رايوندىق پارتكوم عىلىم ـ تەحنيكا كوميتەتىنىڭ ٴبىر تۇتاس جوسپارلاپ جالپى قىزمەتتى يگەرۋ رولىن شىنايى ساۋلەلەندىرىپ، ٴتۇرلى ٴتۇيىندى مىندەتتەردى جۇيەلى ىلگەرىلەتىپ، سايكەستى، جوعارى ٴونىمدى شەشىم جاساۋ، قولباسشىلىق ەتۋ جۇيەسىن جانە ۇيىمداستىرۋ، اتقارۋ جۇيەسىن جەدەل ورناتۋ كەرەك. ٴار دارەجەلى باسشى كادرلار، اسىرەسە، نەگىزگى جاۋاپتى جولداستار عىلىم ـ تەحنيكا جاڭا بىلىمدەرىن ۇيرەنۋگە باسا ٴمان بەرىپ، عىلىم ـ تەحنيكا قىزمەتىنە باسشىلىق ەتۋ جانە ونى ىلگەرىلەتۋ قابىلەتىن كۇشەيتۋى كەرەك.
تيان شياڭلي، چىن ۋيجۇن، چىن ميڭگو، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، ۋاڭ لين، اۆتونوميالى رايوندىق پارتكوم عىلىم ـ تەحنيكا كوميتەتىنىڭ مۇشەلەرى جانە مۇشە ورىندارداعى جاۋاپتى جولداستار ماجىلىسكە قاتىناستى.
