اۆتونوميالى رايون تۇتاس رايوننىڭ بەينە ەكراندىق ورنالاستىرۋ ٴماجىلىسىن اشتى
باس شۋجي شي جينپيڭنىڭ تاسقىننان ساقتانۋ، قۋاڭشىلىققا قارسى اتتانۋ قىزمەتى جونىندەگى ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، حالىقتىڭ ٴومىرى مەن مال ـ مۇلكىنىڭ حاۋىپسىزدىگىنە جانە قوعامدىق كەلەلى جاعدايدىڭ ورنىقتىلىعىنا بار كۇشپەن كەپىلدىك ەتۋ كەرەك
ما شيڭرۇي قاتىناستى ٴارى ٴسوز سويلەدى، ەركىن تۇنياز باسقاردى، لي يفي، حى جۇڭيوۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 6 ـ ايدىڭ 19 ـ كۇنى ۇرىمجىدەن حابارلايدى. باس شۋجي شي جينپيڭ تاسقىننان ساقتانۋ، قۋاڭشىلىققا قارسى اتتانۋ قىزمەتى جونىندە ماڭىزدى نۇسقاۋ بەرگەننەن كەيىن، 6 ـ ايدىڭ 19 ـ كۇنى تۇستەن كەيىن اۆتونوميالى رايون تۇتاس رايوننىڭ بەينە ەكراندىق ورنالاستىرۋ ٴماجىلىسىن اشىپ، باس شۋجيدىڭ ماڭىزدى نۇسقاۋىنىڭ رۋحىن مۇقيات ۇيرەندى، دايەكتىلەندىردى، سانجى قالاسىنىڭ تاسقىن، لاي ـ شاعىل كوشكىنى اپاتىن ٴبىر جاقتى ەتۋ جاعدايى جونىندەگى مالىمەتتى تىڭدادى، تۇتاس رايوننىڭ ٴوندىرىس حاۋىپسىزدىگى جاعدايىنا تالداۋ جاسادى، تۇجىرىمدادى، شينجياڭنىڭ كەزەكتەگى جانە كەلەسى قادامداعى تاسقىننان ساقتانۋ، قۋاڭشىلىققا قارسى اتتانۋ، اپاتتان ساقتانۋ جانە وعان توتەپ بەرۋ، ٴوندىرىس حاۋىپسىزدىگىن باسقارۋ سياقتى قىزمەتتەرىن جاپپاي ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ ماجىلىسكە قاتىناستى.
ٴماجىلىس تۇتاس رايونداعى ٴتۇيىندى سۋ قويماسى، اۋىل ـ قىستاقتاعى جازعى جيىن ـ تەرىن وڭىرلەرى، اشىق كومىر كەن جانە كومىرگە جاتپايتىن كەن، قاتەرلى حيميالىق بۇيىمدار كاسىپورىندارى، قاتىناس توراپتارى، ساياحات كورىنىس وڭىرلەرى سياقتى ورىندارعا بەينە ەكراندىق ورنالاستىرۋ جاسادى. ما شيڭرۇي، ەركىن تۇنياز قاتىستى جاۋاپتىلارمەن جەلىدە بايلانىس جاساپ، ٴارقايسى ورىنداردىڭ قازىرگى جۇمىس اينالىمى، ٴوندىرىس جاعدايى جانە حاۋىپسىزدىك شارالارىنىڭ تياناقتاندىرىلۋى، ورىن تەۋىپ وتىرعان حاۋىپ ـ قاتەر، كومەسكى كىنارات سياقتى جاعدايلاردى ەگجەي ـ تەگجەيلى سۇراستىردى، قاتىستى جاۋاپتى جولداستاردىڭ كەزەكتەگى ٴوندىرىس حاۋىپسىزدىگى قىزمەتى جونىندەگى مالىمەتىن تىڭدادى.
ٴماجىلىس مىنالاردى اتاپ كورسەتتى: باس شۋجي شي جينپيڭ تاسقىننان ساقتانۋ، قۋاڭشىلىققا قارسى اتتانۋ قىزمەتى جونىندە ارناۋلى ماڭىزدى نۇسقاۋ بەرىپ، ايقىن قىزمەت تالابىن ورتاعا قويدى، بۇل حالىقتى وزەك ەتكەن دامۋ يدەياسىن جانە تەرەڭ دە قويۋ حالىقشىلدىق سۇيىسپەنشىلىگىن تولىق ايگىلەپ، تاسقىننان ساقتانۋ، قۋاڭشىلىققا قارسى اتتانۋ قىزمەتىن ويداعىداي يگەرىپ،ٴتۇرلى حاۋىپ ـ قاتەردەن، كومەسكى كىناراتتاردان ٴونىمدى ساقتانۋىمىزعا ايقىن قىزمەت بەتالىسىن كورسەتتى. تۇتاس رايونداعى جەر ـ جەر، تاراۋلار ساياسي دەڭگەيدى شىنايى جوعارىلاتىپ، باس شۋجيدىڭ ماڭىزدى نۇسقاۋىنىڭ رۋحىن مۇقيات ۇيرەنىپ، ۇعىنىپ، باتىل دايەكتىلەندىرىپ، تياناقتاندىرىپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، حالىقتى بارىنەن جوعارى قويۋعا، ٴومىردى بارىنەن جوعارى قويۋعا مىقتاپ تاباندى بولىپ، حاۋىپ ـ قاتەر تانىمىن، تومەنگى شەكتە ويلاۋدى كۇشەيتىپ، سانجى قالاسىنىڭ تاسقىن، لاي ـ شاعىل كوشكىنى اپاتىنان تەرەڭ ساباق الىپ، ”ٴاردايىم قام جەپ تۇراتىن“ جاۋاپكەرشىلىك سەزىمدى ونان ارى نىعايتىپ، تاسقىننان ساقتانۋ، قۋاڭشىلىققا قارسى اتتانۋ، قاتەردەن اراشالاۋ، اپاتتان قۇتقارۋ قىزمەتتەرىن تىڭعىلىقتى ويداعىداي ىستەپ، ٴتۇرلى توسىن وقيعالاردان پارمەندى، ٴونىمدى ساقتانىپ جانە وعان توتەپ بەرىپ، ٴار ۇلت حالىق بۇقاراسىنىڭ ٴومىرى مەن مال ـ مۇلىك حاۋىپسىزدىگىن شىنايى قورعاۋى كەرەك.
ٴماجىلىس مىنالاردى اتاپ كورسەتتى: شينجياڭ قازىر نەگىزگى تاسقىن مەزگىلىنە ٴوتتى، نوسەر تاسقىنى، ەرىگەن قار تاسقىنى، كوشكىن، لاي ـ شاعىل كوشكىنى سياقتى اپاتتاردىڭ حاۋىپ ـ قاتەرى ارتۋدا. جەر ـ جەر، تاراۋلار ساقتىقتى جوعارىلاتىپ، جاۋاپكەرشىلىكتى مىقتاپ ارقالاپ، باتىلدىقپەن ارقالاپ، بەلسەندىلىكپەن ىسكەرلىك كورسەتىپ، بەيعامدىققا سالىنۋ يدەياسىن، باق سىناۋ پسيحيكاسىن باتىل جويىپ، باس شۋجيدىڭ جانە پارتيا ورتالىق كوميتەتىنىڭ ورنالاستىرۋلارىن، تالاپتارىن بار كۇشپەن ناقتاپ تياناقتاندىرۋى كەرەك. اپاتتى باقىلاۋ ـ ولشەۋدى جانە ودان ساقتاندىرۋدى كۇشەيتىپ، ٴارقايسى تاراۋلاردىڭ كەڭەسۋ مەحانيزمىن كەمەلدەندىرىپ، اۋا رايى شارت ـ جاعدايى، جاڭبىر جاعدايى، سۋ جاعدايى، ەگىنجايدىڭ توپىراق ىلعالدىعى سياقتىلاردى باقىلاۋ ـ ولشەۋدى مەجەلەۋدى كۇشەيتىپ، ساقتاندىرۋ، ەسكەرتۋ ينفورماتسياسىن دەر كەزىندە جاريالاپ، باقىلاۋ ـ ولشەۋ، الدىن الا مالىمدەۋ قابىلەتىن شىنايى جوعارىلاتۋ كەرەك. حاۋىپ ـ قاتەردى، كومەسكى كىناراتتاردى ىشكەرىلەي اداقتاپ تەكسەرىپ، ٴتۇيىندى وزەن، كول، سۋ قويمالارىن، توسپالاردى قورعاۋدى، ارالاپ تەكسەرۋدى جانە قاتەرلى سۋ قويمالارىن قاتەردەن ارىلتۋدى، بەكەمدەۋدى كۇشەيتىپ، لاي ـ شاعىل كوشكىنى، تاۋ كوشكىنى سياقتى گەولوگيالىق اپات وڭاي تۋىلاتىن وڭىرلەردى شارلاپ تەكسەرۋدى، ٴبىر ـ بىردەن تەكسەرۋدى كۇشەيتىپ، ەرتە بايقاۋ، دەر كەزىندە جويۋ، ەش قاتەرسىز بولۋدى شىنايى ورىنداۋ كەرەك. شۇعىل جاعدايعا توتەپ بەرۋ قىزمەت دايىندىق جوباسىن كەمەلدەندىرىپ، ادام، جابدىق، زاتتىق ماتەريال سياقتىلاردى الدىن الا دايىنداۋ، الدىمەن ورنالاستىرۋ تەبىنىن كۇشەيتىپ، قاتىناس، سۋ يگىلىگى، ەلەكتر قۋاتى سياقتى كاسىپتىك قوسىننىڭ شۇعىل جاعدايعا توتەپ بەرۋ دايىندىعىن ويداعىداي ىستەپ، بۇقاراعا اپاتتان ساقتانۋ، اپات شىعىنىن ازايتۋ ٴبىلىم تاربيەسى ۇگىتىن كۇشەيتىپ، توسىن جاعدايعا توتەپ بەرۋ، ٴبىر جاقتى ەتۋ قابىلەتىن جوعارىلاتۋ كەرەك. قۋاڭشىلىققا قارسى اتتانۋ قىزمەتىن ٴبىر تۇتاس جوسپارلاپ، ويداعىداي ىستەپ، تاسقىننان ساقتانۋ، قۋاڭشىلىققا قارسى اتتانۋ ”ەكى جاعىن دا يگەرۋگە“ تاباندى بولىپ، سۋ بايلىعىن ٴبىر تۇتاس جوسپارلاپ ورنالاستىرۋدى كۇشەيتىپ، اۋىل شارۋاشىلىعىندىق سۋارۋعا جانە ٴوندىرىس، تۇرمىسقا پايدالاناتىن سۋدى بار كۇشپەن قامتاماسىز ەتىپ، تۇتاس رايوننىڭ اۋىل شارۋاشىلىعى ٴوندىرسىنىڭ ورنىقتى، ٴتارتىپتى بولۋىنا شىنايى كەپىلدىك ەتۋ كەرەك.
ٴماجىلىس مىنالاردى باسا دارىپتەدى: جەر ـ جەر، تاراۋلار، اسىرەسە، پارتيا، ۇكىمەت ورىندارىنداعى نەگىزگى جاۋاپتى جولداستار باس شۋجي شي جينپيڭنىڭ ٴوندىرىس حاۋىپسىزدىگى جانە اپاتتان ساقتانۋ، اپات شىعىنىن ازايتۋ، اپاتتان قۇتقارۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، تۇتاس رايوننىڭ ٴار سالاسىنداعى ٴوندىرىس حاۋىپسىزدىگى قىزمەتىن ٴبىر تۇتاس جوسپارلاپ ويداعىداي ىستەپ، اۋىر، ەرەكشە اۋىر حاۋىپسىزدىك شىرعالاڭدارى تۋىلماۋ تومەنگى شەگىن باتىل ساقتاپ، حالىق بۇقاراسىنىڭ ٴومىرى مەن مال ـ مۇلىك حاۋىپسىزدىگىنە جانە قوعامدىق كەلەلى جاعدايدىڭ ورنىقتىلىعىنا باتىلدىقپەن شىنايى كەپىلدىك ەتۋى كەرەك. جاۋاپكەرشىلىك تىزبەگىن اناعۇرلىم ناقتى يگەرىپ، پارتيا مەن ۇكىمەت تەڭ جاۋاپكەرشىلىك ارقالاۋعا، ٴبىر قىزمەت ورنىندا قوس جاۋاپكەرشىلىك وتەۋگە تاباندى بولىپ، ٴوندىرىس حاۋىپسىزدىگى جاۋاپكەرشىلىك ٴتۇزىمىن قاتاڭ تياناقتاندىرىپ، ”ٴۇش باسقارۋ، ٴۇش ٴسوزسىزدى“ قاتاڭ تياناقتاندىرىپ، ٴوندىرىس تيجارات ورىندارىنداعى نەگىزگى جاۋاپتى ادامنىڭ ٴوندىرىس حاۋىپسىزدىگىندەگى ٴبىرىنشى جاۋاپتى ادام جاۋاپكەرشىلىگىن كورنەكتىلەندىرىپ، ناقىلاندىرىپ، ٴوز جاۋاپكەرشىلىگىن ٴبىلۋدى، ٴوز جاۋاپكەرشىلىگىن ارقالاۋدى، ٴوز جاۋاپكەرشىلىگىن ادا ەتۋدى شىنايى ورىنداۋ كەرەك. ٴتۇيىندى سالانى وڭاۋدى اناعۇرلىم كۇشەيتىپ، نازاردى كومىر الابى، كەن، قاتەرلى حيميالىق بۇيىمدار، سىرتتا قۇرىلىس جۇرگىزۋ، ٴتۇيىندى ونەركاسىپ كاسىپورىندارى جانە كاسىپ سالاسى باقشا رايونى، ورماندا ورتتەن ساقتانۋ سياقتى سالاعا شوعىرلاندىرىپ، حاۋىپ ـ قاتەردى، كومەسكى كىناراتتاردى ىشكەرىلەي اداقتاپ تەكسەرىپ، قاينارىنان باستاپ وڭاۋدى، دالمە ـ ٴدال وڭاۋدى، زاڭ بويىنشا وڭاۋدى كۇشەيتىپ، شىرعالاڭ كومەسكى كىناراتتارىن تۇبىرىنەن جويىپ، ساياحات كورىنىس ٴوڭىرى، كورىنىس ٴتۇيىنى، ٴتۇيىندى جول سياقتىلاردىڭ ٴتارتىبىن باسقارۋ جانە حاۋىپ ـ قاتەردەن ساقتانۋ قىزمەتىن ىشكەرىلەي، تىڭعىلىقتى ويداعىداي ىستەپ، اۋىر، ەرەكشە اۋىر شىرعالاڭنىڭ تۋىلۋىن باتىل تەجەۋ كەرەك. ٴوندىرىس حاۋىپسىزدىگىن باسقارۋ قابىلەتىن اناعۇرلىم جوعارىلاتۋ كەرەك، ٴار دارەجەلى باسشى كادرلار ماسەلەنى باعدار ەتۋدى كۇشەيتىپ، حاۋىپ ـ قاتەرگە ىشكەرىلەي جۇيەلى تۇجىرىم جاساپ، كۇش سالا تەكسەرۋ ـ زەرتتەۋ جۇرگىزىپ، ٴوز تاراۋىنىڭ، ٴوز سالاسىنىڭ جاعدايى جونىندە كوڭىلدە سان بولۋدى، اتقاراتىن شاراسى بولۋدى ورىنداپ، حاۋىپ ـ قاتەرگە توتەپ بەرۋ، سىن ـ سايىسقا ساقاداي سايلانۋ، قاتەردەن قۇتىلۋ قابىلەتىن، ورەسىن ۇزدىكسىز جوعارىلاتىپ، رەفورما، دامۋ، ورنىقتىلىق قىزمەتتەرىندە ۇزدىكسىز جاڭا جاعداي اشۋدى شىنايى ىلگەرىلەتۋى كەرەك.
ۋاڭ جيانشين، ٴيۇسۇپجان مامەت، قادەن كابەن، شۋە بين، اۆتونوميالى رايوننىڭ قاتىستى تاراۋلارىنداعى جانە ورىندارىنداعى جاۋاپتى جولداستار نەگىزگى ٴماجىلىس الاڭىندا ماجىلىسكە قاتىناستى. ٴارقايسى ايماق، وبلىس، قالالاردا، بيڭتۋاننىڭ ٴارقايسى شى ـ قالالارىندا بولىمشە ٴماجىلىس الاڭى ورنالاستىرىلدى.
