اۆتونوميالى رايوندىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ مەكەمەسى رەسمي ماڭدايشالىق استى

日期:2024年06月20日
来源:天山网
【字体:

انار بۇلت \ شينجياڭ گازەتىنىڭ ٴتىلشىسى گو ليڭ 6 ـ ايدىڭ 18 ـ كۇنى ۇرىمجىدەن حابارلايدى. 6 ـ ايدىڭ 18 ـ كۇنى شينجياڭ ۇيعۇر اۆتونوميالى رايوندىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ مەكەمەسى ۇرىمجىدە رەسمي ماڭدايشالىق استى، بۇل شينجياڭنىڭ ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ ىستەرىنىڭ جاڭا تاريحي پاراق اشقاندىعىن اڭعارتادى.

سول كۇنى بۇكىل مەملەكەتتەگى ٴارقايسى ولكەنىڭ (اۆتونوميالى رايون، توتە قاراستى قالا) ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ باس اترەتتەرى تۇراتىن جەرلەرىندە ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ مەكەمەسى ماڭدايشالىعىن رەسمي قوسىپ استى. 31 ولكە دارەجەلى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ مەكەمەسىنىڭ ٴبىر تۇتاس ماڭدايشالىق اسۋى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ باس اترەتى، تارماق اترەتى، ۇلكەن اترەتى تۇراتىن ولكە، قالا، اۋدان ٴۇش دارەجە ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ مەكەمەسىنىڭ ماڭدايشالىعىن قوسىپ اسۋ قىزمەتىنىڭ رەسمي باستالعاندىعىن كورسەتەدى.

ۇعىسۋىمىزشا، بۇكىل مەملەكەتتەگى قالا، اۋدان ەكى دارەجەلى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ مەكەمەسىنىڭ ماڭدايشالىق اسۋ قىزمەتى 6 ـ ايدىڭ سوڭىندا توپقا ٴبولىنىپ بۇكىلدەي ورىندالىپ بولادى ەكەن.

ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ مەكەمەسى ماڭدايشالىق اسقاننان كەيىن ٴار دارەجەلى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ قوسىندارى جەرگىلىكتى ورىن پارتكومى مەن ۇكىمەتىنىڭ قىزمەت كەلەلى جاعدايىمەن اناعۇرلىم تىعىز توعىسىپ، قاراستى جەردىڭ ٴورت ٴسوندىرۋدى، ورتتەن ساقتانۋدى باقىلاۋ ـ باسقارۋ قىزمەت جاۋاپكەرشىلىگىن ارقالاپ، جەرگىلىكتى ۇكىمەتتىڭ ارناۋلى مىندەتتەگى ٴورت ٴسوندىرۋ، ورتتەن ساقتانۋ قوسىنى قۇرىلىسىن باسقارۋدى ارناعا ٴتۇسىرىپ، ٴورت ٴسوندىرۋ، ورتتەن ساقتانۋ بويىنشا زاڭ اتقارۋدى ارناعا ٴتۇسىرۋ قۇرىلىسىن جاپپاي تياناقتاندىرىپ، ٴورت ٴسوندىرۋ، ورتتەن ساقتانۋ حاۋىپسىزدىگىن باسقارۋ ۇلگىسىنىڭ الدىن الا ساقتانۋعا قاراي تيپ جاڭالاۋىن جەبەپ، جەرگىلىكتى ورىننىڭ ەكونوميكاسىنىڭ، قوعامىنىڭ دامۋىنا اناعۇرلىم ويداعىداي قىزمەت وتەيدى.

اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت ماڭدايشالىق اسۋ سالتىنا قاتىناستى.