”جۇڭگو شينجياڭىنىڭ تاريحى جانە بولاشاعى“ حالىقارالىق تالقى مىنبەرى قاشقاردا وتكىزىلدى
پان يۋە، ەركىن تۇنياز قاتىناستى ٴارى ارناۋ ٴسوز سويلەدى
انار بۇلت \ شينجياڭ گازەتىنىڭ ٴتىلشىسى لي ياڭ 6 ـ ايدىڭ 12 ـ كۇنى قاشقاردان حابارلايدى. 6 ـ ايدىڭ 12 ـ كۇنى ”جۇڭگو شينجياڭىنىڭ تاريحى جانە بولاشاعى“ حالىقارالىق تالقى مىنبەرى قاشقاردا وتكىزىلدى. ورتالىق كوميتەت بىرلىكساپ ٴبولىمىنىڭ ورىنباسار باستىعى، مەملەكەتتىك ۇلت ىستەرى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشىسى پان يۋە، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز تالقى مىنبەرىنىڭ اشىلۋ سالتىنا قاتىناستى ٴارى ارناۋ ٴسوز سويلەدى.
پان يۋە بىلاي دەپ باسا دارىپتەدى: باس شۋجي شي جينپيڭنىڭ مادەنيەتتى جالعاستىرۋ، دامىتۋ اڭگىمە ماجىلىسىندە العا قويعان ”ەكىنشى ۇشتاستىرۋدىڭ“ كەلەلى ٴمانىن، ىشكى تەتىگىن جانە امالياتتىق تالابىن تەرەڭ تانىپ جەتۋ كەرەك. شينجياڭدى ارىدان جالعاسقان تاريحي ۇلاسپالىلىق تۇرعىسىنان تانۋعا تاباندى بولىپ، شينجياڭ مادەنيەتىنىڭ كوپ نەگىزدى، ٴبىر تۇلعالىعىنىڭ ديالەكتيكالىق قاتىناسىن دۇرىس تانىپ، شينجياڭداعى ٴار ۇلتتىڭ تاڭداۋلى ٴداستۇرلى مادەنيەتىنىڭ تاريحي رولى مەن وسى زامانعى قۇنىنان شينجياڭدى ٴتۇسىنىپ، جۇڭحۋا ۇلتى ورتاق تۇلعا تاريحىنان، جۇڭحۋا ۇلتى كوپ نەگىزدى، ٴبىر تۇلعالى ارناسىنان شينجياڭدى زەرتتەپ، كوپ نەگىزدى مادەنيەت شوعىرلانعان، كوپ ٴدىن قاتار ٴومىر سۇرگەن ۇلت شوعىرلى قونىستانعان وڭىردەن شينجياڭدى ٴتۇسىنىپ، ”ٴبىر بەلدەۋ، ٴبىر جولدى“ بىرگە قۇراتىن مەملەكەتتەر دوستىعىن، اۋىس ـ كۇيىسىن تەرەڭدەتۋدىڭ ماڭىزدى ورنىنان شينجياڭدى ايگىلەۋ كەرەك. شينجياڭداعى ۇلتتار ارالاسقان تاريحي شىندىقتى، ارحەولوگيالىق ناقتى زاتتاردى، مادەنيەت مۇرالارىن تولىق اشىپ جانە ودان ٴونىمدى پايدالانىپ، شينجياڭنىڭ ەجەلدەن ەلىمىزدىڭ ايرىلماس ٴبىر بولىگى جانە كوپ ۇلت شوعىرلى قونىستانعان ٴوڭىر ەكەندىگىن، شينجياڭداعى ۇلتتاردىڭ جۇڭحۋا ۇلتى ۇلى شاڭىراعىنىڭ تامىرلاس، تاعدىرلاس ماڭىزدى مۇشەسى ەكەندىگىن انىق ٴتۇسىندىرۋ كەرەك.
ەركىن تۇنياز تالقى مىنبەرىنىڭ ٴساتتى وتكىزىلگەنىن قىزۋ قۇتتىقتايتىندىعىن ٴبىلدىردى. ول بىلاي دەدى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسىنىڭ پارمەندى باسشىلىعىندا، شينجياڭ جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ”ٴبىر بەلدەۋ، ٴبىر جولدى“ بىرگە قۇرۋعا بەلسەندى قىزمەت وتەپ، بۇرىن بولىپ كورمەگەن تەبىنمەن جاڭا دامۋ ارناسىمەن توعىسىپ، جوعارى ساپالى دامۋدى ىلگەرىلەتتى، تيانشان الابىنىڭ بارلىق جەرىنەن كوركەيىپ ـ گۇلدەنگەن كورىنىس جارىققا شىقتى. سوڭعى جىلدارى ٴبىز ٴتۇرلى قىزمەتتى تىڭعىلىقتى ىلگەرىلەتىپ، شينجياڭنىڭ مادەنيەت مۇرالارىن قورعاۋدا جانە جالعاستىرۋدا تىڭ ساتىعا قادام تاستادىق. ٴبىز باس شۋجي شي جينپيڭنىڭ مادەنيەتتى جالعاستىرۋ، دامىتۋ اڭگىمە ماجىلىسىندە سويلەگەن ماڭىزدى ٴسوزىنىڭ رۋحىن مۇقيات دايەكتىلەندىرىپ، مادەنيەت سەنىمىن اناعۇرلىم بەكەمدەپ، اشىق، سيىسىمدى بولۋدى ۇستانىپ، تۋراشىلدىقتان اينىماي جاڭالىق اشۋعا تاباندى بولىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، ەل ٴىشى ـ سىرتى مادەنيەت اۋىس ـ كۇيىسىن، سەلبەستىگىن بەلسەنە ورىستەتىپ، شينجياڭنىڭ مادەنيەتتى جالعاستىرۋ، دامىتۋ جاڭا جاعدايىن قۇلشىنا اشىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرامىز.
قازاقستاننىڭ جۇڭگودا تۇراتىن باس ەلشىسى، وزبەكستاننىڭ جۇڭگودا تۇراتىن ەلشىحاناسىنىڭ مادەنيەت ـ ساياحات كەڭەسشىسى، بەيجيڭ داشۋەسىندەگى قاتىستى جاۋاپتى جولداستار ارناۋ ٴسوز سويلەدى.
ورتالىق ۇلتتار داشۋەسىنىڭ، بەيجيڭ داشۋەسىنىڭ، شينجياڭ شىفان داشۋەسىنىڭ، اۋمىن داشۋەسىنىڭ جانە ەگيپەت كاير داشۋەسىنىڭ، وزبەكستان عىلىم اكادەمياسىنىڭ، اۆستراليا گريففيز داشۋەسىنىڭ قاتىستى مامان ـ وقىمىستىلارى ارقاۋ ٴسوز سويلەدى.
دوڭگەلەك ۇستەل تالقى مىنبەرىندە، جينالىسقا قاتىناسقان مامان ـ وقىمىستىلار شينجياڭ ارحەولوگياسى مەن جۇڭحۋا ۇلتىنىڭ كوپ نەگىزدى، ٴبىر تۇلعالى ارناسى، شينجياڭ تاريحى مەن جۇڭحۋا مادەنيەتىنىڭ كوپ نەگىزدى ٴوزارا ٴسىڭىسۋى، باتىس ٴوڭىر جىبەك جولى مەن شىعىس ـ باتىس وركەنيەتىنىڭ اۋىس ـ كۇيىسى، ٴوزارا ۇلگى الۋى، شينجياڭنىڭ دامۋى مەن جۇڭگو ۇلگىسىندەگى وسىزامانداندىرۋ سياقتى نەگىزگى تاقىرىپتى ارقاۋ ەتە وتىرىپ تالقى جۇرگىزدى.
وسى رەتكى تالقى مىنبەردى ورتالىق ۇلتتار داشۋەسى، بەيجيڭ داشۋەسى جانە قاشقار داشۋەسى بىرلەسىپ ۇيىمداستىرىپ وتكىزدى، شينجياڭ داشۋەسى، شينجياڭ شىفان داشۋەسى سەلبەسىپ وتكىزدى.
ەلزات احمەتجان اشىلۋ سالتىنا قاتىناستى، ورتالىق ۇلتتار داشۋەسىنىڭ باستىعى گو گۋاڭشىڭ اشىلۋ سالتىن باسقاردى. ورتالىق پەن مەملەكەت ورگاندارىنىڭ قاتىستى تاراۋلارىنداعى، اۆتونوميالى رايوننىڭ قاتىستى تاراۋلارىنداعى، عىلمي زەرتتەۋ قۇرىلىمدارىنىڭ جانە جوعارى مەكتەپتەردىڭ جاۋاپتىلارى، جۇڭگو، قازاقستان، وزبەكستان، اۆستراليا، ەگيپەت، گەرمانيا، ۆەنگريا، يتاليا، موڭعۇليا، رەسەي، امەريكا سياقتى مەملەكەتتەردەن كەلگەن مامان ـ وقىمىستىلار تالقى مىنبەرگە قاتىناستى.
