ەكولوگيالىق ورتانى وڭاۋدى جانە بايلىقتى قورعاۋدى، پايدالانۋدى ٴبىر تۇتاس جوسپارلاپ، كومىر الابى ٴورت رايوندارىن جونگە سالۋ قىزمەتىن عىلمي، قالىپقا ٴتۇسىرىپ ىلگەرىلەتۋ كەرەك

日期:2024年06月13日
来源:天山网
【字体:

ما شيڭرۇي ٴۇرىمجى مەن فۋكاڭدا كومىر الابى ٴورت رايوندارىن جونگە سالۋ قىزمەتىنە تەكسەرۋ ـ زەرتتەۋ جۇرگىزىپ، جەتەكشىلىك ەتكەندە بىلاي دەپ باسا دارىپتەدى

ەكولوگيالىق ورتانى وڭاۋدى جانە بايلىقتى قورعاۋدى، پايدالانۋدى ٴبىر تۇتاس جوسپارلاپ، كومىر الابى ٴورت رايوندارىن جونگە سالۋ قىزمەتىن عىلمي، قالىپقا ٴتۇسىرىپ ىلگەرىلەتۋ كەرەك

حى جۇڭيوۋ قاتىستى تەكسەرۋ ـ زەرتتەۋگە قاتىناستى

 6 ـ ايدىڭ 11 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي ٴۇرىمجى اۋدانى سۋلى بۇلاق كومىر الابىنداعى ٴورت رايونىن جونگە سالۋ جۇمىس باسىندا جۇمىس جۇرگىزۋ، قۇرىلىس جۇرگىزۋ جاعدايىن سول جەردىڭ وزىندە تەكسەرىپ كورىپ، ٴۇرىمجى قالاسىنىڭ كومىر الابىنداعى ٴورت رايونىن جونگە سالۋ اياق الىسى، جوباسى سياقتىلاردى تاپتەشتەي سۇراپ ۇعىستى.

  □ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 6 ـ ايدىڭ 11 ـ كۇنى ۇرىمجىدەن \ فۋكاڭنان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 6 ـ ايدىڭ 11 ـ كۇنى ٴۇرىمجى قالاسىنىڭ ٴۇرىمجى اۋدانىنا، سانجى حۇيزۋ اۆتونوميالى وبلىسىنىڭ فۋكاڭ قالاسىنا بارىپ، ٴبىر ٴبولىم كومىر الابىنداعى ٴورت رايوندارىن ارالاپ، ٴورت ٴسوندىرۋ، جونگە سالۋ قىزمەتىنە سول جەردىڭ وزىندە تەكسەرۋ ـ زەرتتەۋ جۇرگىزىپ، جەتەكشىلىك ەتتى. ول بىلاي دەپ باسا دارىپتەدى: شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، حالىقتى وزەك ەتكەن دامۋ يدەياسىن تياناقتاندىرىپ، شينجياڭداعى كومىر الابى ٴورت رايوندارىن جونگە سالۋ قىزمەتىنىڭ ماڭىزدىلىعى مەن ناقتى كوكەي تەستىلىگىن تەرەڭ يگەرىپ، كومىر الابى ٴورت رايوندارىن جونگە سالۋ قىزمەتىن ساياسي، ەكولوگيا، حاۋىپسىزدىك، حالىق تۇرمىسى جاعىنان جوسپارلاۋعا جانە ىلگەرىلەتۋگە تاباندى بولىپ، جۇيەلى جونگە سالۋعا، عىلمي جونگە سالۋعا، قالىپقا ٴتۇسىرىپ جونگە سالۋعا تاباندى بولىپ، بۇكىل رايوننىڭ كومىر الابى ٴورت رايوندارىن جونگە سالۋ جانە بايلىقتى قورعاۋ، پايدالانۋ قىزمەتىن ٴبىر تۇتاس جوسپارلاپ، ٴتارتىپتى ىلگەرىلەتىپ، تىڭعىلىقتى ونىمدىلىككە قول جەتكىزۋ كەرەك.

اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ قاتىستى تەكسەرۋ ـ زەرتتەۋگە قاتىناستى.

ٴۇرىمجى اۋدانى سۋلى بۇلاق كومىر الابىنداعى ٴورت رايونىن جونگە سالۋ جۇمىس ورنىندا جۇمىس اۆتوكولىكتەرى تارتىپپەن جۇمىس جۇرگىزىپ جاتتى. ما شيڭرۇي جەكە ـ جەكە 3 ـ ٴنومىرلى تارماق ٴورت رايونىنا، 1 ـ ٴنومىرلى تارماق ٴورت رايونىنا بارىپ، جۇمىس جۇرگىزۋ، قۇرىلىس جۇرگىزۋ جاعدايىن جۇمىس باسىندا تەكسەرىپ كورىپ، اۆتونوميالى رايوننىڭ قاتىستى تاراۋلارىنداعى جانە ٴۇرىمجى قالا، اۋدان ەكى دارەجەلى ورىنداعى جاۋاپتى جولداستارمەن اڭگىمەلەسىپ، ٴۇرىمجى قالاسىنىڭ كومىر الابى ٴورت رايوندارىن جونگە سالۋ اياق الىسى، جوباسى سياقتىلاردى تاپتەشتەي سۇراپ ۇعىستى. ما شيڭرۇي بىلاي دەدى: كومىر الابى ٴورت رايوندارىن جونگە سالۋدى ىلگەرىلەتۋ _ ەنەرگيا بايلىعى مەن ەكولوگيالىق ورتانى قورعاۋداعى، كومىر قىشقىل گازىن ازايتۋ قىزمەتىنە دەم بەرۋدەگى، جوعارى ساپالى دامۋدى ىلگەرىلەتۋدەگى ناقتى ٴىس، ماڭىزدى ٴىس، ٴسوز جوق، دەڭگەيدى شىنايى جوعارىلاتىپ، دۇرىس تانىم ورناتىپ، ساياسي ەسەپتى، ەكولوگيالىق ەسەپتى كوبىرەك جاساپ، ۇلكەن ەسەپ جاساۋعا، ۇزاق بولاشاقتىق ەسەپ جاساۋعا شەبەر بولىپ، ٴورت ٴسوندىرۋ قىزمەتىنىڭ الەۋمەتتىك يگىلىك سيپاتىن كۇشەيتىپ، ناقتى، ٴونىمدى ادىستەردى قولدانىپ، شىنايى، ويداعىداي يگەرۋ كەرەك.

ما شيڭرۇي فۋكاڭ قالاسى ۋگۇڭگوۋ كومىر الابىنداعى ٴورت رايونىنا بارىپ، كومىر قاباتىنىڭ جانۋ جاعدايىن تەكسەرىپ كورىپ، سانجى وبلىسىنىڭ كومىر الابى ٴورت رايوندارىنىڭ تارالۋ جاعدايى جونىندەگى تانىستىرۋىن تىڭداپ، قاتىستى جاۋاپتى جولداستارمەن بىرگە جونگە سالۋ شارالارىن، ادىستەرىن اقىلداستى. ما شيڭرۇي بىلاي دەدى: كومىر الابىنداعى ٴورت اپاتىنىڭ وراسان زور زيانىن جەتە تانىپ، ٴورت رايوندارىن جونگە سالۋدى ىلگەرىلەتۋدىڭ اتموسفەرا ورتاسىن جاقسارتۋ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن تياناقتاندىرۋ سياقتى قىزمەتتەر جونىندەگى كەلەلى ٴمانىن جەتە يگەرىپ، جاۋاپكەرشىلىك سەزىم مەن كوكەي تەستىلىك سەزىمدى شىنايى كۇشەيتىپ، ٴورت ٴسوندىرۋدى ٴورت رايونىن جونگە سالۋداعى ماڭداي الدى مىندەت ەتىپ، تارتىپپەن بىرتىندەپ ىلگەرىلەتىپ، ساتىلار بويىنشا اتقارىپ، كومىر الاپتارىن جان ـ جاقتى وڭاۋ جانە اشۋ قىزمەتىن عىلمي ىلگەرىلەتۋ كەرەك.

ما شيڭرۇي تەكسەرۋ ـ زەرتتەۋ بارىسىندا بۇكىل رايوننىڭ كومىر الابى ٴورت رايوندارىنىڭ تارالۋ جانە جونگە سالىنۋ جاعدايى جونىندەگى مالىمەتتى تىڭدادى. ول بىلاي دەپ باسا دارىپتەدى: جەر ـ جەر جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرۋگە تاباندى بولىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، اۆتونوميالى رايوندىق پارتكومنىڭ قىزمەت ورنالاستىرۋلارىن مۇقيات تياناقتاندىرىپ، ەكولوگيانى الدىمەن ەسكەرۋگە، جاسىل دامۋعا تاباندى بولىپ، جەرگىلىكتى جاعدايعا قاراي، تۇرلەر بويىنشا شارا قولدانىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، كومىر الابى ٴورت رايوندارىن جونگە سالۋ قىزمەتىن بار كۇشپەن ىلگەرىلەتۋى كەرەك. جۇيەلى جوسپارلاۋعا، عىلمي جونگە سالۋعا تاباندى بولۋ كەرەك. تۇتاس تۇلعالىق جوبالاۋعا، ٴتۇيىندى تۇردە قامال الۋعا تاباندى بولىپ، قىزمەت مەحانيزمىن ورناتىپ، كەمەلدەندىرىپ، جونگە سالۋ نىساناسى مەن جوسپارىن ايقىنداپ، ٴونىمدى جول جونىندە بەلسەنە ىزدەنىس جاساپ، تۇرلىشە جەر بەدەرى، گەولوگيا، كومىر قاباتىنىڭ ساقتالۋى سياقتى شارت ـ جاعدايلارعا مەڭزەس، تەحنيكالىق جوبانى ۇيلەسىمدى بەلگىلەپ، جونگە سالۋ قىزمەتىندە ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك. قاراستى جەر باسقارۋعا، كۇش بىرىكتىرە قامال الۋعا تاباندى بولۋ كەرەك. ايماقتار، وبلىستار، قالالار قاراستى جەر باسقارۋ جاۋاپكەرشىلىگىن شىنايى ارقالاپ، جاۋاپكەرشىلىكتى كوكەيگە ۇيالاتىپ، جاۋاپكەرشىلىكتى ارقالاپ، جاۋاپكەرشىلىك اتقارۋدى ٴىس ـ ارەكەتتە ايگىلەپ، كومىر الابىنداعى ٴورتتى ٴسوندىرۋ قىزمەتىن بەلسەندى، ىرىقتى تۇردە ىلگەرىلەتۋى، شۇعىل جاعدايعا توتەپ بەرۋدى باسقارۋ، جاراتىلىستىق بايلىق، ەكولوگيالىق ورتا سياقتى قاتىستى تاراۋلار سايكەسۋدى، سەلبەسۋدى كۇشەيتىپ، ۇگىتتەۋ، جەتەكتەۋ قىزمەتىن ويداعىداي ىستەۋگە باسا ٴمان بەرىپ، كومىر الابى ٴورت رايوندارىن جونگە سالۋ قىزمەتىنىڭ قارقىنىن ارتتىرىپ، ونىمدىلىگىن جەدەل جوعارىلاتۋدى كۇش بىرىكتىرە ىلگەرىلەتۋى كەرەك. ٴبىر تۇتاس جوسپارلاپ ىلگەرىلەتۋگە، كەشەندى شارا قولدانۋعا تاباندى بولۋ كەرەك. ٴورت رايوندارىن جونگە سالۋدى ەكولوگيانى قالپىنا كەلتىرۋ، بايلىقتى اشۋ سياقتى قىزمەتتەرمەن ورگانيكالى ۇشتاستىرىپ، بازارلاندىرۋ، زاڭمەن باسقارۋ ٴتاسىلىن قولدانۋعا تاباندى بولىپ، ”جونگە سالۋدىڭ ورنىنا قازۋدى قويۋدان“ باتىل ساقتانىپ، قايتا تىندىرىپ، جاسىلداندىرۋ قىزمەتىن بەلسەنە، ورنىقتى، ويداعىداي ىستەپ، كەن رايونىنىڭ ەكولوگيالىق ورتاسىن ٴونىمدى قورعاپ جانە جونگە سالىپ، بايلىقتى قورعاۋ، پايدالانۋ جانە ەكولوگيالىق ورتانى وڭاۋدا بىردەي تابىسقا جەتۋدى جۇزەگە اسىرۋعا قۇلشىنۋ كەرەك. حاۋىپسىزدىكتى ماڭىزدى ورىنعا قويۋدان جازباي، تومەنگى شەكتى قاتاڭ ساقتاۋ كەرەك. ٴورت رايوندارىن جونگە سالۋدى زاڭ بويىنشا، ەرەجە بويىنشا ىلگەرىلەتىپ، كومىر الابىنداعى حاۋىپ ـ قاتەرلەردەن، كومەسكى كىناراتتاردان ٴونىمدى ساقتانۋ جانە ونى جويۋ، اسىرەسە، ٴوندىرىس حاۋىپسىزدىگى جاۋاپكەرشىلىگىن باتىل تياناقتاندىرىپ، قازۋ رايونىنىڭ جيەگىندەگى بەتكەيلەردى يكەمدى باقىلاۋ ـ تەكسەرۋ، جونگە سالۋ سياقتى قىزمەتتەردى تىڭعىلىقتى ويداعىداي ىستەپ، ٴوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانىپ، كومىر الابى ٴورت رايوندارىن جونگە سالۋ قىزمەتىنە تاماشا ورتا ازىرلەۋ كەرەك.

جول ـ جونەكەي ما شيڭرۇي تاعى شينجياڭ ۋشين مىس كاسىبى شەكتى جاۋاپكەرشىلىك سەرىكتەستىگىندە تەكسەرۋ ـ زەرتتەۋ جۇرگىزىپ، كاسىپورىن جاۋاپتىلارىنا ٴوندىرىستى، شارۋاشىلىقتى جانە حاۋىپسىز دامۋدى ٴبىر تۇتاس جوسپارلاپ، قىزمەت وي جەلىسىن ونان ارى كەڭەيتىپ، دامۋ تاسىلىندە بۇرىلىس جاساپ، كولەمدەنگەن دامۋ جولىمەن جۇرۋگە تاباندى بولىپ، شارۋاشىلىق باسقارۋ دەڭگەيىن شىن مانىندە جوعارىلاتىپ، كاسىپورىندى زورايتۋعا، الۋەتتەندىرۋگە قۇلشىنۋدى تاپسىردى.