ٴار ۇلت شارۋالارىنىڭ بايۋ جولىن، باقىت جولىن ويداعىداي سالۋ، ودان ويداعىداي پايدالانۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ لەي 6 ـ ايدىڭ 2 ـ كۇنى ۇرىمجىدەن حابارلايدى. اۆتونوميالى رايوندىق حالىق قۇرىلتايى تۇراقتى كوميتەتى كەڭسەسى وتكىزگەن تىلشىلەر ماجىلىسىنەن ۇعىسۋىمىزشا، «شينجياڭ ۇيعۇر اۆتونوميالى رايونىنىڭ اۋىل ـ قىستاق تاس جولى ەرەجەسى» (تومەندە قىسقارتىلىپ «ەرەجە» دەلىنەدى) اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 11 ـ ماجىلىسىندە داۋىسقا سالىنىپ ماقۇلدانعان، بيىل 7 ـ ايدىڭ 1 ـ كۇنىنەن باستاپ اتقارىلادى ەكەن.
2023 ـ جىلدىڭ سوڭىنا دەيىن، شينجياڭدا اۋىل ـ قىستاق تاس جولىنىڭ جالپى ۇزىندىعى 155 مىڭ 900 كيلومەترگە جەتىپ، بارلىق اۋىل ـ قالاشىققا جانە شارت ـ جاعدايى بار قۇرىلىمدىق قىستاقتارعا %100 اسفالت جول تۇتاستىرىلعان. اۋىل ـ قىستاق تاس جولى جوعارى جىلدامدىقپەن دامۋمەن بىرگە، جاۋاپكەرشىلىك نەگىزگى تۇلعاسى ايقىن بولماۋ، سالۋ، اسىراۋ قارجىسى تاپشى بولۋ، ”قۇرىلىسقا ٴمان بەرىپ، اسىراۋعا نەمقۇرايدى قاراۋ“، اسىراۋ قۋاتى جەتەرسىز بولۋ، قاتىناۋ جونىنەن قىزمەت وتەۋ جانە قىستاق جولى زاڭ ـ ٴتۇزىمى كەمەلدى بولماۋ سياقتى ماسەلەلەر بارعان سايىن كورنەكتىلەندى، «ەرەجە» جوعارىداعى ماسەلەلەردى ايقىندادى جانە جۇيەگە ٴتۇسىردى.
قازىر شينجياڭداعى اۋىل ـ قىستاق تاس جولىنىڭ دەنى قىستاق جولى سانالادى، الايدا قازىر اتقارىلىپ وتىرعان تاس جولعا قاتىستى زاڭدار مەن زاڭ ەرەجەلەردە قىستاق جولى جونىندە بەلگىلەمە جاسالمادى. اۆتونوميالى رايوندىق حالىق قۇرىلتايى تۇراقتى كوميتەتى زاڭ ـ ٴتۇزىم قىزمەتى كوميتەتى ەكونوميكالىق زاڭ شىعارۋ باسقارماسىنىڭ باستىعى لي يۋەحۇڭ بىلاي دەپ تانىستىردى: «ەرەجەدە» قىستاق جولى اۋىل ـ قىستاق تاس جولى كولەمىنە ەنگىزىلىپ، قىستاق جولىن جوبالاۋ، سالۋ، اسىراۋ، باسقارۋ جانە قاتىناۋ، سونداي ـ اق زاڭدىق جاۋاپكەرشىلىك سياقتىلار جونىندە ايقىن بەلگىلەمە جاسالىپ، قىستاق جولىنا قاتىستى زاڭ ەرەجە شىعارۋ اقتاڭداعىنىڭ ورنىن تولتىردى.
«ەرەجە» اۆتونوميالى رايوننىڭ اۋىل ـ قىستاق قىزمەتى ٴىس جۇزىندىگىمەن ۇشتاستىرىپ، اۋدان دارەجەلى حالىق ۇكىمەتىنىڭ اۋىل ـ قىستاق تاس جولىن جوبالاۋداعى، سالۋداعى، اسىراۋداعى، باسقارۋداعى جانە قاتىناۋداعى جاۋاپكەرشىلىك نەگىزگى تۇلعاسى بولاتىندىعىن بەلگىلەدى، سونىمەن بىرگە اۋىل ـ قىستاق تاس جولى قۇرىلىسىندا جەردەن ۇنەمدى پايدالانۋ، ەگىستىك جەردى قورعاۋ، جاڭالاۋدى جانە كەڭەيتىپ سالۋدى قازىر بار تاس جولداردان جانە قۇرىلعىلاردى تولىق پايدالانا وتىرىپ جۇرگىزۋگە ٴتيىس، اۋدان دارەجەلى حالىق ۇكىمەتى قاتىناس ـ تاسىمال نەگىزگى باسقارۋ تاراۋلارى قىزمەت مەحانيزمىن ورناتۋلارى، اۋىل ـ قىستاق تاس جولى قۇرىلىسىنىڭ ساپاسى مەن حاۋىپسىزدىگىنە باقىلاۋ ـ تەكسەرۋ جۇرگىزۋدى كۇشەيتۋگە ٴتيىس دەپ بەلگىلەدى.
اۋىل ـ قىستاق تاس جولىنداعى ”سالۋعا باسا ٴمان بەرىپ، اسىراۋعا نەمقۇرايدى قاراۋ“ جانە اسىراۋ قۋاتى جەتەرسىز بولۋ ماسەلەسىنە مەڭزەس، «ەرەجەدە» اۋداندىق قاتىناس ـ تاسىمال نەگىزگى باسقارۋ تاراۋلارىنىڭ، سونداي ـ اق اۋىل ـ قالاشىق حالىق ۇكىمەتتەرىنىڭ، قىستاق تۇرعىندارى كوميتەتىنىڭ سايكەستى اسىراۋ قىزمەت جاۋاپكەرشىلىگى ايقىندالىپ، اۋىل ـ قىستاق جولىن اسىراۋدا اۋداندى نەگىز ەتۋ، دارەجە بويىنشا جاۋاپتى بولۋ، بۇقارا ات سالىسۋ، ىركىلىسسىزدىكتى قامتاماسىز ەتۋ پرينسيبىنە بويسۇنىپ، اۋىل ـ قىستاق تاس جولىن اسىراۋدىڭ بازارلانۋىن، ارنايىلانۋىن ىلگەرىلەتۋ، سونىمەن بىرگە جەلى بويىنداعى قىستاق تۇرعىندارىنىڭ اۋىل ـ قىستاق تاس جولىن كۇندەلىكتى اسىراۋ قىزمەتىنە ات سالىسۋعا تولىق جۇمىلدىرۋ كەرەك دەپ بەلگىلەندى.
اۋىل ـ قىستاق تاس جولى قاتىناۋىنا قىزمەت وتەۋ جونىندە «ەرەجەدە» اۋىل ـ قىستاق تاس جولى قاتىناۋىندا ۇكىمەت جەتەكشى بولۋ، قوعامدانعان تيجارات جۇرگىزۋ، جەرگىلىكتى جاعدايعا قاراي ىستەۋ، قالا مەن اۋىلدى ٴبىر تۇتاس جوسپارلاۋ، قالا ارقىلى اۋىلعا جەتەكشىلىك ەتۋ، جولاۋشى تاسىمالى مەن زات تاسىمالىن قاتار جۇرگىزۋ، تاسىمال مەن پوچتانى ۇشتاستىرۋ پرينسيبىنە تاباندى بولۋ كەرەك دەپ بەلگىلەندى. قارجىنى قامتاماسىز ەتۋ جاعىندا «ەرەجەدە» ۇكىمەتتىڭ قارجى ۇسىنىلىمىن نەگىز ەتۋگە تاباندى بولىپ، اۋىل ـ قىستاق تاس جولى ەسىمىن قويۋ ۇقىعى، جاسىلداندىرۋ تيجارات ۇقىعى، جارناما تيجارات ۇقىعى سياقتى تاسىلدەردەن تولىق پايدالانا وتىرىپ، كوپ جولدارمەن قارجى توپتاۋ، ورىندار مەن جەكەلەردى قارجىلاي جىلۋ بەرۋ نەمەسە جىلۋ ورنىنا جۇمىس ىستەپ بەرۋ سياقتى تاسىلدەر ارقىلى اۋىل ـ قىستاق تاس جولى قۇرىلىسىنا جانە اسىراۋعا ات سالىسۋعا شابىتتاندىرۋ ايقىندالدى.
”«ەرەجە» شينجياڭنىڭ ’تورتتە جاقسى اۋىل ـ قىستاق جولىنىڭ‘ جوعارى ساپالى دامۋىن ىلگەرىلەتۋگە زاڭمەن باسقارۋ قامتاماسىزدىعىن ازىرلەدى، بۇل اۋىل ـ قىستاق تاس جولى ىستەرىنىڭ اقاۋسىز باياندى دامۋىن ىلگەرىلەتۋگە، حالىق بۇقاراسىنىڭ ٴوندىرىس، تۇرمىس قاجەتىن قاناعاتتاندىرۋعا، اۋىل ـ قىستاقتى گۇلدەندىرۋ ستراتەگياسىنا قىزمەت وتەۋگە جانە وعان تىرەك بولۋعا، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن ىلگەرىلەتۋگە جانە ونى قامتاماسىز ەتۋگە ٴتيىمدى“، ـ دەدى لي يۋەحۇڭ.
