توقىماشىلىق كاسىپ سالاسى باقشاسىنىڭ ٴونىم قۇنى 7 جىلدا 10 ەسە ارتتى

日期:2024年06月04日
来源:新疆日报
【字体:

قۇلجا اۋدانى سولتۇستىك شينجياڭ اۋماعىنداعى ەڭ ۇلكەن توقىماشىلىق كاسىپ سالاسى بازاسىن تۇلعالادى

  توقىماشىلىق كاسىپ سالاسى باقشاسىنىڭ ٴونىم قۇنى 7 جىلدا 10 ەسە ارتتى

  انار بۇلت \ شينجياڭ گازەتىنىڭ ٴتىلشىسى لۋ فىڭباۋ

  2017 ـ جىلى جاڭا قۇرىلعان كەزدە ىرگە تەپكەن كاسىپورىندار قازىر 5تەن 23كە كوبەيىپ، بۇكىل شينجياڭداعى وڭدەلمەگەن كەزدەمە توقۋ ماشيناسىنىڭ كولەمى ەڭ ۇلكەن كاسىپتىك توقۋ باقشا رايونىنا اينالدى؛ العاشقى جىلدىق ٴونىم قۇنى 200 ميلليون يۋاننان بىلتىرعى ٴونىم قۇنى 2 ميلليارد يۋاننان استامعا دەيىن، قۇلجا اۋدانىنىڭ توقىماشىلىق كاسىپ سالاسى باقشاسى وڭىرلىك ورىن باسىمدىعى، شينجياڭعا كومەكتەسۋ باسىمدىعى، كاسىپ سالاسى تىزبەگى باسىمدىعى سياقتىلارعا سۇيەنىپ، جوعارى ساپالى دامۋ جولىمەن ٴجۇردى.

  5 ـ ايدىڭ 23 ـ كۇنى، ٴدال جۇمىس ۋاقىتى، قۇلجا اۋدانى توقىماشىلىق كاسىپ سالاسى باقشاسىنان ارلى ـ بەرلى جۇرگەن قىزمەتكەرلەردى كورمەيسىز، زاۆود ۇيلەرى قاز ـ قاتار ٴتىزىلىپ، ماشينالاردىڭ گۇرىلدەگەن داۋىسى زاۆود ۇيلەرىنەن تولاسسىز شىعىپ تۇر.

  شينجياڭ حۋاشۋ توقىماشىلىق عىلىم ـ تەحنيكا شەكتى سەرىكتەستىگىنىڭ ٴوندىرىس سەحىندا ٴبىر ـ بىرلەگەن جىڭىشكە دە نىعىز ماقتا ٴجىپ قارداي اپپاق ماقتا شۇيكەسىنەن تارتىپ شىعارىلىپ، اينالمالى دوڭگەلەكتى بويلاپ توقتاۋسىز اينالىپ، ۇرشىقتارعا ورالىپ جينالىپ جاتىر. سەحتا جۇمىسشىلار از، ولار بىردە جالعاۋىن تەكسەرىپ، ەندى بىردە جاڭا ماقتا ٴجىپ ۇرشىعىن اۋىستىرۋدا.

  2017 ـ جىلى 8 ـ ايدا قۇلجا اۋدانى توقىماشىلىق كاسىپ سالاسى باقشاسى قۇرىلىپ، تۇڭعىش توپتا 5 كاسىپورىن ىرگە تەپكەن، شينجياڭ حۋاشۋ توقىماشىلىق عىلىم ـ تەحنيكا شەكتى سەرىكتەستىگى وسى كاسىپ سالاسى باقشاسىنا تۇڭعىش توپتا ىرگە تەپكەن ٴجىپ ٴيىرۋ كاسىپورنى.

  ”قۇلجا اۋدانىندا قارجى قوسىپ زاۆود قۇرعاندا، شينجياڭنىڭ ماقتا بازاسىنىڭ باسىمدىعىنان جانە كاسىپورىننىڭ زەرتتەۋ ـ اشۋ، ٴوندىرۋ، ساتۋ جاعىنداعى باسىمدىعىنان پايدالانىپ، كاسىپورىندى زورايتۋعا، كۇشەيتۋگە بولادى“، ـ دەدى شينجياڭ حۋاشۋ توقىماشىلىق عىلىم ـ تەحنيكا شەكتى سەرىكتەستىگىنىڭ باس ديرەكتورى مياۋ يۇيجۇن.

  كاسىپورىنداردىڭ توقىماشىلىق كاسىپ سالاسى باقشاسىنا ىرگە تەبۋىن جەرگىلىكتى ورىننىڭ قولايلى قاتىناس باسىمدىعىنان بولە قاراۋعا كەلمەيدى.

  قۇلجا اۋدانى جىبەك جولى ەكونوميكالىق بەلدەۋىندەگى ماڭىزدى ٴتۇيىندى قالا، قورعاس شەكارا وتكەلىنەن 90 كيلومەتر كەلەدى، دولاتى شەكارا وتكەلىنەن 70 كيلومەتر قاشىقتىقتا، اۋدان كولەمىندە ”بەس ەندىك، سەگىز بويلىق“ تاس جول تورى قالىپتاسقان، جىڭ _ قۇلجا _ قورعاس تەمىر جولى تۇتاس اۋداندى ەندەي وتەدى، اۋدان كولەمىندە 2 ايالداما بار، تەمىر جول تاسىمالى قولايلى.

  كوپتەگەن باسىمدىققا سۇيەنىپ، قۇلجا اۋدانى توقىماشىلىق كاسىپ سالاسى باقشاسىن جوعارى باستالۋ تۇيىنىنەن جوبالاپ قۇردى، كاسىپ سالاسى باقشاسىنىڭ جوبالانعان اۋدانى 20 شارشى كيلومەتر، 1 ـ مەرزىمدە جيىنى ٴبىر ميلليارد 780 ميلليون يۋان قارجى قوسىلىپ، سالىنعان ولشەمدەنگەن زاۆود ۇيلەرى مەن سايكەستى قۇرىلعىلارى شامامەن 450 مىڭ شارشى مەتر بولىپ، ٴجىپ ٴيىرۋ، كەزدەمە توقۋ، دايىن ونىمدەردى وڭدەۋ سياقتى ٴبىرشاما كەمەلدى كاسىپ سالاسى تىزبەگى قالىپتاسقان.

  ”شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، كاسىپورىنداردىڭ الاڭسىز ىرگە تەۋىپ، وندىرىسكە قوسىلۋىنا مۇمكىندىك جاسايمىز“، ـ دەدى قۇلجا اۋدانى يدۇڭ ونەركاسىپ باقشاسى باسقارۋ كوميتەتى پارتيا قىزمەتى كوميتەتىنىڭ مۇشەسى يان چۇنپيڭ.

  شينجياڭ تيان ـ ي حۇڭچي توقىماشىلىق عىلىم ـ تەحنيكا شەكتى سەرىكتەستىگىنىڭ توقىماشىلىق سەحىندا 312 توقۋ ماشيناسى جوعارى جىلدامدىقپەن جۇمىس ىستەۋدە، كۇمىس رەڭدى جىبەك جىپشەلەر ٴيىرىلىپ ۇرشىققا اينالۋدا، ماقتا ۇرشىقتارى كەزدەمە توقۋ ماشيناسىنىڭ ”تارس ـ تۇرس ەتكەن دىبىسىندا“ تۇرلىشە كەڭدىكتەگى وڭدەلمەگەن كەزدەمەگە اينالدى.

  ”ىرگە تەۋىپ، جۇمىسشى قابىلداۋدان وندىرىسكە دەيىن كاسىپ سالاسى باقشا رايونى ’كۇتۋشى ۇلگىسىندەگى‘ قىزمەت وتەۋمەن قامدادى“، ـ دەدى شينجياڭ تيان ـ ي حۇڭچي توقىماشىلىق عىلىم ـ تەحنيكا شەكتى سەرىكتەستىگىنىڭ زاۆود باستىعى سۇن شىشىڭ.

  يان چۇنپيڭ بىلاي دەپ تانىستىردى: كاسىپورىننىڭ ٴوندىرىس زاۆود ۇيلەرىن توقىماشىلىق كاسىپ سالاسى باقشاسى قامدايدى ٴارى كاسىپورىنعا كومەكتەسىپ جۇمىسشى قابىلداپ، كاسىپورىن قىزمەتكەرلەرىنىڭ جاتاق، قاتىناس سياقتى ۋايىمدارىن شەشىپ، كاسىپورىننىڭ ”توتە كەلىپ جايعاسۋىن“ جۇزەگە اسىردى. سونىمەن بىرگە باقشا رايونىندا ارناۋلى ۇجىم كاسىپورىندارعا ىرگە تەۋىپ، كاسىپورىنداردىڭ شيكىزات، قارجى قۇراۋ، جۇمىسشى ىستەتۋ، ارتقى شەپ سياقتى قيىنشىلىقتارىن شەشۋىنە كومەكتەستى.

  تيان ـ ي حۇڭچي سەرىكتەستىگىن ”كەيىن كەلۋشى“ دەۋگە بولادى، 2022 ـ جىلى توقىماشىلىق كاسىپ سالاسى باقشاسىنا ىرگە تەۋىپ، قىسقا عانا 2 ايدا رەسمي وندىرىسكە قوسىلدى. ”بار ىنتا ـ پەيىلىمەن بار زەيىن ـ زەردەسىن وندىرىسكە ارنادى“. سۇن شىشىڭ بىلاي دەدى: سەرىكتەستىك ٴار جىلى 20 ميلليون يۋان قارجى شىعارىپ، جاڭالىق اشۋعا، زەرتتەۋ ـ اشۋعا جۇمساپ، ٴوندىرىس ونىمدىلىگىن جوعارىلاتتى. وندىرىسكە قوسىلعانىنا ٴبىر جىلعا جەتپەيتىن ۋاقىتتا بۇل سەرىكتەستىك 2 ـ مەرزىمدىك نىسان سالۋدى ۇيعاردى. قازىر 2 ـ مەرزىمدىك نىسان وندىرىسكە قوسىلدى، كاسىپورىننىڭ جىلدىق ٴونىم قۇنى 500 ميلليون يۋانعا ارتاتىندىعى ماجەلەنۋدە.

  كاسىپورىندار زورايىپ، كۇشەيىپ، توقىماشىلىق كاسىپ سالاسى باقشاسى دا كولەمىن كەڭەيتتى. بيىل توقىماشىلىق كاسىپ سالاسى باقشاسىنىڭ 2 ـ مەرزىمدىك نىسانى سالىنىپ بولادى ٴارى وندىرىسكە قوسىلادى، باقشا رايونىنىڭ توقىماشىلىق ٴوندىرىس قۋاتى سول كەزدە 320 ميلليون مەتر وڭدەلمەگەن كەزدەمە ٴوندىرۋ، 550 مىڭ ۇرشىق اينالاسىندا ٴجىپ ٴيىرۋ دارەجەسىنە جەتىپ، جىلدىق ٴونىم قۇنى مەجەمەن 5 ميلليارد يۋان اينالاسىندا بولادى دەپ مەجەلەنىپ وتىر.

  ”3 تە 5 جىل ۋاقىت جۇمساپ، توقىماشىلىق كاسىپ سالاسى باقشاسىن ىلە قازاق اۆتونوميالى وبلىسىنداعى ەڭ ۇلكەن جۇمىستاندىرۋ بازاسىنا، سولتۇستىك شينجياڭ اۋماعىنداعى ەڭ ۇلكەن توقىماشىلىق كاسىپ سالاسى بازاسىنا جانە بۇكىل ەلدەگى ايگىلى توقىماشىلىق شاعىن قالاشىعىنا اينالدىرىپ، جەرگىلىكتى ورىننىڭ توقىماشىلىق كاسىپ سالاسىنىڭ جوعارى ساپالى دامۋىنا جەتەكشىلىك ەتۋدى جوسپارلاپ وتىرمىز“، ـ دەدى يان چۇنپيڭ.