انار بۇلت \ شينجياڭ گازەتىنىڭ ٴتىلشىسى جاڭ لەي 5 ـ ايدىڭ 30 ـ كۇنى ۇرىمجىدەن حابارلايدى. 5 ـ ايدىڭ 30 ـ كۇنى تۇستەن بۇرىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 11 ـ ٴماجىلىسى جابىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى ٴارى ٴسوز سويلەدى.
تۇراقتى كوميتەت قۇرامىنداعىلاردان 59 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ٴماجىلىس «شينجياڭ ۇيعۇر اۆتونوميالى رايونىنىڭ ›جۇڭحۋا حالىق رەسپۋبليكاسىنىڭ جۇمىستاندىرۋدى جەبەۋ زاڭىن> اتقارۋ ٴادىسىن»، «شينجياڭ ۇيعۇر اۆتونوميالى رايونىنىڭ اۋىل ـ قىستاق تاس جولى ەرەجەسىن»، «شينجياڭ ۇيعۇر اۆتونوميالى رايونىنىڭ عىلىم ـ تەحنيكا قوعامى ەرەجەسىن»، «شينجياڭ ۇيعۇر اۆتونوميالى رايونىنىڭ كەن بايلىعىن بارلاۋ ـ تەكسەرۋ ۇسىنىلىمىن باقىلاۋ ـ باسقارۋ بەلگىلەمەسىن» داۋىسقا سالىپ ماقۇلدادى؛ اۆتونوميالى رايوندىق حالىق قۇرىلتايى تۇراقتى كوميتەتىنىڭ «شينجياڭ ۇيعۇر اۆتونوميالى رايونىنىڭ كۋالاندىرۋ ەرەجەسىن» جانە «شينجياڭ ۇيعۇر اۆتونوميالى رايونىنىڭ جەكە شارۋاشىلىقتى، جەكەلەر باسقارۋىنداعى شارۋاشىلىقتى دامىتۋ ەرەجەسىن» كۇشىنەن قالدىرۋ جونىندەگى قاۋلىسىن داۋىسقا سالىپ ماقۇلدادى؛ «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ جاڭا داۋىردەگى پروكۋراتۋرا ورگاندارىنىڭ پروكۋرورلىق ۇسىنىس قىزمەتىن كۇشەيتۋ جونىندەگى قارارىن»، «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ اۆتونوميالى رايوننىڭ بايلىق سالىعىندا ناقتى قولدانىلاتىن سالىق مولشەرى، ەسەپتەپ جيۋ ٴتاسىلى، سونداي ـ اق سالىقتى ازايتۋ، كەشىرىم ەتۋ ٴادىسى جونىندەگى قاۋلىسىن» داۋىسقا سالىپ ماقۇلدادى.
ٴماجىلىس اۆتونوميالى رايوندىق حالىق قۇرىلتايى تۇراقتى كوميتەتىنىڭ «ٴۇرىمجى قالالىق حالىق قۇرىلتايى تۇراقتى كوميتەتىنىڭ <ٴۇرىمجى قالالىق حالىق قۇرىلتايىنىڭ ۋاكىلدەردىڭ ۇسىنىس، سىن، پىكىرلەرىن ٴبىر جاقتى ەتۋ ەرەجەسىنە> وزگەرىس ەنگىزۋ جونىندەگى قاۋلىسىن»، «ىلە قازاق اۆتونوميالى وبلىستىق حالىق قۇرىلتايىنىڭ ٴىس قاراۋ ەرەجەسىن»، «قارامايلى قالالىق حالىق قۇرىلتايى تۇراقتى كوميتەتىنىڭ <قارامايلى قالاسىنىڭ جەرگىلىكتى زاڭ ەرەجە جاساۋ ەرەجەسىنە> وزگەرىس ەنگىزۋ جونىندەگى قاۋلىسىن»، «سانجى حۇيزۋ اۆتونوميالى وبلىسىنىڭ ەگىس داقىلدارى تۇقىم كاسىپ سالاسىنىڭ دامۋىن جەبەۋ ەرەجەسىن»، «سانجى حۇيزۋ اۆتونوميالى وبلىسىنىڭ كومىر كەن حاۋىپسىزدىگىن زەردەلىلەندىرۋ قۇرىلىسىن جەبەۋ ەرەجەسىن»، «بايىنعولين موڭعۇل اۆتونوميالى وبلىستىق حالىق قۇرىلتايىنىڭ ٴىس قاراۋ ەرەجەسىن»، «موري قازاق اۆتونوميالى اۋداندىق حالىق قۇرىلتايىنىڭ ٴىس قاراۋ ەرەجەسىن»، «يانجي حۇيزۋ اۆتونوميالى اۋداندىق حالىق قۇرىلتايىنىڭ ٴىس قاراۋ ەرەجەسىن» بەكىتۋ جونىندەگى قاۋلىنى داۋىسقا سالىپ ماقۇلدادى.
ٴماجىلىس اۆتونوميالى رايوندىق حالىق قۇرىلتايى قوعامدىق قۇرىلىس كوميتەتىنىڭ اۆتونوميالى رايوندىق 14 ـ كەزەكتى حالىق قۇرىلتايى 2 ـ ٴماجىلىسىنىڭ ٴتوراعالار القاسى قاراۋعا تاپسىرعان ۋاكىلدەر ورتاعا قويعان كەڭەستىك جوبالاردى قاراۋ ناتيجەسى جونىندەگى بايانداماسىن داۋىسقا سالىپ ماقۇلدادى.
ٴماجىلىس كادرلاردى مىندەتكە تاعايىنداۋ، مىندەتىنەن قالدىرۋ ىستەرىن دە داۋىسقا سالىپ ماقۇلدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ ميڭشان، لي نيڭپيڭ، توحتى ياقۇپ، ٴدىلشات قىدىرقان، پيڭ شينلاي، ۋاڭ گوحى، ٴمامتىمىن قادىر، باس حاتشى ٴمۇتالىپ روزى ماجىلىسكە قاتىناستى.
اۆتونوميالى رايوننىڭ ورىنباسار ٴتوراعاسى قايسار ابدۇكەرىم، اۆتونوميالى رايوندىق جوعارى حالىق سوتى مەكەمەسىنىڭ باستىعى ٴدىلشات سايىم، اۆتونوميالى رايوندىق حالىق پروكۋراتۋراسىنىڭ باس پروكۋرورى گاۋ جيميڭ، اۆتونوميالى رايوندىق باقىلاۋ ـ تەكسەرۋ كوميتەتىنىڭ قاتىستى جاۋاپتىلارى قاتارلىلار ماجىلىسكە سىرتتاي قاتىناستى.
ماجىلىستەن سوڭ اۆتونوميالى رايوندىق حالىق قۇرىلتايى تۇراقتى كوميتەتى «زاڭمەن باسقارۋ وي جەلىسىن امالياتتا ايگىلەپ، شارۋاشىلىق ـ ساۋدا ورتاسىن ساپالىلاندىرۋ» ارناۋلى تاقىرىپتىق لەكسياسىن وتكىزدى، تۇتاس شينجياڭداعى ٴار دارەجەلى حالىق قۇرىلتايلارى بەينەبايلانىس تاسىلىمەن ٴبىر ۋاقىتتا ۇيرەندى.
5 ـ ايدىڭ 29 ـ كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ 32 ـ رەتكى مەڭگەرۋشىلەر ٴماجىلىسى تۇراقتى كوميتەت ٴماجىلىسىنىڭ ٴتۇرلى كەڭەستىك تاقىرىپتاردى قاراۋ جاعدايى جونىندەگى مالىمەتتى تىڭداپ، تۇراقتى كوميتەت جالپى ٴماجىلىسىنىڭ داۋىسقا سالۋىنا تاپسىرىلاتىن كەڭەستىك جوبالاردى بەكىتتى.
