انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 5 ـ ايدىڭ 30 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 5 ـ ايدىڭ 30 ـ كۇنى ۇرىمجىدە شينجياڭعا ەكسكۋرسيالاي، ساپارلاي كەلگەن جاپونيا چۋاڭجيا عىلمي قوعامى ۋاكىلدەر ۇيىرمەسىندەگىلەرمەن كەزدەستى.
ما شيڭرۇي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان ۋاكىلدەر ۇيىرمەسىندەگىلەردىڭ كەلگەندىگىن قارسى الدى. ول بىلاي دەدى: قازىر جۇڭگو مەن جاپونيانىڭ حالىقتىق اۋىس ـ كۇيىسى كۇن سايىن جيىلەدى، چۋاڭجيا عىلمي قوعامى ۋاكىلدەر ۇيىرمەسىندەگىلەردىڭ وسى رەت جۇڭگونىڭ شينجياڭىنا كەلىپ ناقتى ەكسكۋرسيادا، ساپاردا بولۋى جاپونيانىڭ جۇڭگونىڭ شينجياڭىمەن اۋىس ـ كۇيىسىن جەبەۋدە، اسىرەسە، جاپونيا جاستارىنىڭ جۇڭگونىڭ شينجياڭى جونىندەگى تۇسىنىگىن تەرەڭدەتۋدە ماڭىزدى ٴمان الادى. جۇڭگونىڭ شينجياڭى ەجەلدەن كوپ ۇلت شوعىرلى قونىستانعان، كوپ ٴدىن قاتار ٴومىر سۇرگەن، كوپ نەگىزدى مادەنيەت جينالعان جەر. ٴبىز ٴتوراعا شي جينپيڭنىڭ جانە جۇڭگو كوممۋنيستىك پارتياسى ورتالىق كوميتەتىنىڭ ورنالاستىرۋلارى، تالاپتارى بويىنشا، جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ازيا _ ەۆروپا التىن ارناسىن جانە جۇڭگونىڭ باتىسقا ەسىك اشۋىنىڭ الدىڭعى شەبىن تۇلعالاۋ سىندى ستراتەگيالىق ورىندى ارقاۋ ەتىپ، ”ٴبىر بەلدەۋ، ٴبىر جولدى“ بىرگە قۇرۋمەن تەرەڭدەي توعىسىپ، ٴارقايسى ەلمەن اۋىس ـ كۇيىستى، سەلبەستىكتى ۇزدىكسىز تەرەڭدەتىپ، شينجياڭنىڭ ٴارقايسى سالاسىنىڭ، ٴارقايسى جاقتارىنىڭ سىرتقا قاراتىلعان دوستىق اۋىس ـ كۇيىستى بەلسەنە ورىستەتۋىنە جەتەكشىلىك ەتتىك جانە ونى ىلگەرىلەتتىك. حالىقتىق اۋىس ـ كۇيىستىڭ ٴتاسىلى مول، يكەمدى، ارناسى الۋان ٴتۇرلى، قولايلى بولدى، ول جۇڭگو _ جاپونيا دوستىعىن جەبەيتىن ماڭىزدى كۇش. كوپ جىلدان بەرى جاپونيا چۋاڭجيا عىلمي قوعامى جۇڭگو مەن جاپونيانىڭ دوستىعىنا كۇش ۇستەپ، جۇڭگومەن بەلسەنە اۋىس ـ كۇيىس جاساسىپ، ەكى ەل قارىم ـ قاتىناسىنىڭ دامۋىنا قىمباتتى ۇلەس قوستى. كوپشىلىكتىڭ جۇڭگونىڭ شينجياڭىنا كوبىرەك كەلۋىن، ارالاپ كورۋىن، شينجياڭ جونىندەگى تانىمىن جانە تۇسىنىگىن ونان ارى تەرەڭدەتىپ، شينجياڭنىڭ قاتىستى سالالارىمەن بايلانىستى، اۋىس ـ كۇيىستى كۇشەيتۋىن ٴۇمىت ەتەمىن. جۇڭگونىڭ شينجياڭى جاپونيانىڭ ٴارقايسى سالاسىمەن حالىقتىق اۋىس ـ كۇيىستى دامىتۋعا زور كۇشپەن قولداۋ كورسەتىپ، ەكى جاقتىڭ ٴتۇسىنىسۋىن، ٴوزارا سەنىم ارتۋىن ۇزدىكسىز كۇشەيتۋگە، جۇڭگو _ جاپونيا قارىم ـ قاتىناسىنىڭ دامۋىن جەبەۋگە اناعۇرلىم زور بەلسەندى كۇش ـ قۋات قوسادى.
جاپونيا چۋاڭجيا عىلمي قوعامىنىڭ ۇنەمىلىك ىستەرگە جاۋاپتى ورىنباسار باستىعى جانە باس باسقارۋشىسى گۋچۋان جياشۋ مىنالاردى ٴبىلدىردى: حالىقتىق اۋىس ـ كۇيىس جاپونيا _ جۇڭگو دوستىعىندا ورنىن وگەيسىتۋگە بولمايتىن ماڭىزدى رول اتقارۋدا. چۋاڭجيا عىلمي قوعامى بۇل رەت جاپونيا جاستارىن جۇڭگونىڭ شينجياڭىن ەكسكۋرسيالاۋعا، ساپارلاۋعا ۇيىمداستىرۋدا، باستىسى، جاپونيا _ جۇڭگو ەكى ەلدىڭ ماڭگىلىك دوستىق ارمانىن جالعاستىرىپ، جۇڭگونىڭ شينجياڭىمەن بايلانىستى جانە اۋىس ـ كۇيىستى كۇشەيتۋدى ماقسات ەتكەن. جاپونيا _ جۇڭگو ەكى ەلدىڭ مادەنيەت، ٴدىن قاتارلى سالالارداعى بايلانىسى قويۋ، قارىم ـ قاتىناسى ۇزاقتان جالعاسقان، اسىرەسە، چۋاڭجيا عىلمي قوعامى بۇددا دىنىنە سەنۋ جاعىندا جۇڭگونىڭ شينجياڭىمەن تەرەڭ بايلانىسى بار. جۇڭگونىڭ شينجياڭىنا ۇنەمى كەلىپ ساپارلاپ، عىلمي قوعامنىڭ گۋمانيتارلىق سالاداعى باسىمدىعىن ساۋلەلەندىرىپ، شينجياڭمەن عىلىم، وقۋ ـ اعارتۋ، كوركەمونەر سياقتى جاقتارداعى اۋىس ـ كۇيىستى كۇشەيتىپ، ەكى جاقتىڭ دوستىعىن ۇزدىكسىز نىعايتىپ، ٴوزارا ٴتۇسىنىسۋدى جەبەپ، بىرگە دامۋدى ىلگەرىلەتۋدى ٴۇمىت ەتەمىن.
ەلزات احمەتجان، قايسار ابدۇكەرىم كەزدەسۋگە قاتىناستى.
