ورتالىق كاسىپورىندارى مەن جەرگىلىكتى ورىن قول ۇستاسىپ، مۇناي ـ تابيعي گاز ىستەرىن قاۋىرت دامىتۋدى بىرگە اقىلداستى
شينجياڭ تارىم مۇناي ـ تابيعي گاز بىرلەسىپ بارلاۋ سەرىكتەستىگى جۇمىس باستادى، تۇڭعىش سەلبەسىپ بارلاۋ ۇڭعىماسى فۋتان 1 ـ ۇڭعىماسىنا بۇرعى سالىندى
ەركىن تۇنياز، حوۋ چيجۇن ماڭدايشالىق اشۋ جانە بۇرعى سالۋ سالتىنا قاتىناستى
انار بۇلت \ شينجياڭ گازەتىنىڭ ٴتىلشىسى لي ياڭ 5 ـ ايدىڭ 29 ـ كۇنى قاعىلىقتان حابارلايدى. 5 ـ ايدىڭ 29 ـ كۇنى ساعات 12دە گۇرىلدەگەن گۋدوك داۋىسىنىڭ زەڭگىر كوكتى جارىپ وتۋىنە ىلەسە، بۇرعى باعاناسى باياۋ قوزعالىپ، قاعىلىق اۋدانىنداعى فۋتان 1 ـ ۇڭعىماسىنا بۇرعى سالىندى، بۇل شينجياڭ ياشين كومىر قاباتى گازى قارجى قوسۋ ـ اشۋ (توبى) شەكتى جاۋاپكەرشىلىك سەرىكتەستىگىنىڭ جۇڭگو مۇناي ـ تابيعي گاز توبى تارىم مۇناي الابى سەرىكتەستىگىمەن بىرگە قۇرعان شينجياڭ تارىم مۇناي ـ تابيعي گاز بىرلەسىپ بارلاۋ سەرىكتەستىگىنىڭ رەسمي ىسكە قوسىلعاندىعىن كورسەتەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، جۇڭگو مۇناي ـ تابيعي گاز توبى شەكتى سەرىكتەستىگىنىڭ باس ديرەكتورى، پارتيا باسشىلىق گرۋپپاسىنىڭ ورىنباسار شۋجيى حوۋ چيجۇن شينجياڭ تارىم مۇناي ـ تابيعي گاز بىرلەسىپ بارلاۋ سەرىكتەستىگىنىڭ ماڭدايشالىق اشۋ جانە فۋتان 1 ـ ۇڭعىماسىنا بۇرعى سالۋ سالتىنا قاتىناستى.
كەزەكتە شينجياڭ ”بەس ۇلكەن ستراتەگيالىق ورىندى“ كوزدەپ، بايلىق ارتىقشىلىعىن، وڭىرلىك ورىن باسىمدىعىن جانە كاسىپ سالاسى نەگىزىن تياناق ەتىپ، كۇشتى شوعىرلاندىرا وتىرىپ ”سەگىز ٴىرى كاسىپ سالاسى شوعىرىن“ تۇلعالاۋدا. وسى رەت بىرلەسىپ قارجىلاندىرعان سەرىكتەستىك قۇرۋ شينجياڭنىڭ جەرگىلىكتى مەملەكەت مەنشىگىندەگى كاسىپورىندارى مەن شينجياڭدا تۇراتىن ورتالىق كاسىپورىندارىنىڭ مۇناي ـ تابيعي گاز بارلاۋ سالاسىندا تۇڭعىش رەت سەلبەستىك ورىستەتۋى بولىپ تابىلادى، بۇل شينجياڭنىڭ ابزال بايلىعىن اشۋ، اسىرەسە، مۇناي ـ تابيعي گاز قورىن ارتتىرىپ، ٴونىمىن جوعارىلاتۋ، مەملەكەت ستراتەگياسىنا قىزمەت وتەۋ قىزمەتىنىڭ تىڭ تىرەككە يە بولعاندىعىن كورسەتەدى.
سوڭعى جىلداردا اۆتونوميالى رايون جۇڭگو مۇناي توبىمەن مەرزىم بويىنشا سەلبەستىك مەحانيزمى ٴماجىلىسىن اشىپ، شينجياڭنىڭ مۇناي ـ تابيعي گاز بارلاۋ، اشۋ، كاسىپ سالاسىن دامىتۋ، زورايتۋ سياقتى كەلەلى ىستەرىن جوسپارلاپ جانە ىلگەرىلەتىپ، توعىسپالى دامۋدىڭ تاماشا جاعدايىن قالىپتاستىردى. كەلەسى قادامدا ورتالىق كاسىپورىندارى پەن جەرگىلىكتى ورىن مۇناي ـ تابيعي گاز سالاسىنداعى سەلبەستىك تەبىنىن ۇزدىكسىز ارتتىرىپ، وزدەرىنىڭ تۇعىر بايلىعى، عىلمي زەرتتەۋ تەحنيكاسى سياقتى جاقتارداعى باسىمدىقتارىن ساۋلەلەندىرىپ، مۇناي ـ تابيعي گاز قورىن ارتتىرۋ، ٴونىمىن جوعارىلاتۋ تەبىنىن ارتتىرادى.
ۇعىسۋعا قاراعاندا، سەلبەستىك، اشۋ بولىگى كۇنلۇن تاۋىنىڭ بوكتەرىنە ورنالاسقان، بارلاۋ اۋماعى 4498 شارشى كيلومەتر، شىعىسى مەن باتىسى قاعىلىق اۋدانىن، گۇما اۋدانىن ەندەي وتەدى ەكەن. وسى رەت بۇرعى سالىنعان فۋتان 1 ـ ۇڭعىماسى وسى وڭىردەگى مۇناي ـ تابيعي گاز بارلاۋدى جەدەل ىلگەرىلەتۋدە ماڭىزدى مانگە يە ەكەن.
جاڭادان قۇرىلعان شينجياڭ تارىم مۇناي ـ تابيعي گاز بىرلەسكەن بارلاۋ سەرىكتەستىگى بايلانىس جاساۋدى، ىستەستىكتى شىن مانىندە كۇشەيتىپ، گەولوگيالىق زەرتتەۋ مەن ٴوندىرىس ۇيىمدارىن ويداعىداي يگەرىپ، ٴتۇيىندى نىسانالاردى دالەلدەۋدى كۇشەيتىپ، مۇناي ـ تابيعي گاز بارلاۋ اياق الىسىن بار كۇشپەن جەدەلدەتەدى. فۋتان 1 ـ ۇڭعىماسىنان سىرت، بيىل سەلبەستىك، اشۋ بولىگىندە 9 بارلاۋ قۇدىعىن بۇرعىلاپ، زور بايقاۋدى، زور قامال الۋدى ەرتەرەك جۇزەگە اسىرۋعا كۇش سالىپ، شينجياڭنىڭ ەكونوميكاسى مەن قوعامىنىڭ جوعارى ساپالى دامۋىنا دەم بەرىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە اناعۇرلىم زور ۇلەس قوسۋدى جوسپارلادى.
جۋ ليفان جانە جۇڭگو مۇناي توبىنىڭ قاتىستى جاۋاپتىسى ارناۋ ٴسوز سويلەدى، جين جىجىن قيمىلعا قاتىناستى. جۇڭگو مۇناي توبىنىڭ، اۆتونوميالى رايوننىڭ قاتىستى تاراۋلارىنىڭ جانە قاتىستى ايماق، وبلىس، قالالاردىڭ جاۋاپتى جولداستارى، جۇڭگو مۇنايى تارىم مۇناي الابى سەرىكتەستىگىنىڭ، شينجياڭ ياشين كومىر قاباتى گاز توبىنىڭ، سونداي ـ اق قۇرىلىسقا قاتىناسقان ورىنداردىڭ قاتىستى جولداستارى قيمىلعا قاتىناستى.
