حالىق تۇرمىسىنىڭ جىلى شۋاعى ارقىلى ىنتىماقتىڭ ۇلى كۇشىن ۇيىستىرامىز

 انار بۇلت \ شينجياڭ گازەتىنىڭ تىلشىلەرى

　　حالىق تۇرمىسى حالىق باقىتىنىڭ تياناعى، قوعام جاراسىمدىلىعىنىڭ نەگىزى. اۆتونوميالى رايوندىق 10 ـ كەزەكتى پارتكومنىڭ ون ٴبىرىنشى جالپى ٴماجىلىسى دۇرىس ساياسي بەتالىسقا تاباندى بولىپ، ماڭىزدى پرينسيپتەردى ايقىنداپ، حالىق تۇرمىسىن جاقسارتۋدى، جۇرت تىلەگىن ۇيىستىرۋدى بارلىق قىزمەتتىڭ شىعار ٴتۇيىنى جانە تابان تىرەر تياناعى ەتۋدى العا قويدى. تيانشان الابىنداعى ٴارقايسى شەپتە شايقاس جاساپ جاتقان ٴار دارەجەلى پارتيا مۇشەلەرى مەن كادرلار مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن تەرەڭ تانىپ، حالىق تۇرمىسىن جاقسارتۋدى، جۇرت تىلەگىن ۇيىستىرۋدى بارلىق قىزمەتتىڭ شىعار ٴتۇيىنى جانە تابان تىرەر تياناعى ەتىپ، حالىق تۇرمىسىنىڭ جىلى شۋاعى ارقىلى ىنتىماقتىڭ ۇلى كۇشىن ۇيىستىرىپ، شينجياڭداعى ٴار ۇلت حالقىنىڭ بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى ـ تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭ قۇرۋ جولىندا اسقاق جىگەرمەن قايراتتانا ۇمتىلىپ، قاجىماي ـ تالماي كۇرەس جۇرگىزۋىنە جەتەكشىلىك ەتۋدە جانە ونى ىلگەرىلەتۋدە.

　　حالىق تۇرمىسىن جاقسارتۋ ارقىلى زەيىن ـ زەردەنى، كۇش ـ قۋاتتى شوعىرلاندىرىپ، شىنايـى مويىنداۋدى كۇشەيتەمىز

　　اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ شۋجيى چىن جىجياڭ بىلاي دەپ قارادى: جۇڭحۋا ۇلتى ورتاق تۇلعا تانىمىن بەرىك ورناتۋ شينجياڭ جونىنەن اسا ماڭىزعا جانە رەال كوكەي تەستىلىككە يە، ال حالىق تۇرمىسىن ۇزدىكسىز جاقسارتۋ _ زەيىن ـ زەردەنى، كۇش ـ قۋاتتى شوعىرلاندىرۋدىڭ، شىنايى مويىنداۋدى كۇشەيتۋدىڭ ماڭىزدى تۇتقاسى.

　　”حالىق تۇرمىسىندا كوبىرەك تيىمدىلىكتەر جاراتىپ، حالىق تۇرمىسىنداعى الاڭ ـ ۋايىمداردى كوبىرەك شەشكەندە عانا، ٴار ۇلت بۇقاراسىنىڭ بەكەم تۇردە پارتيانىڭ سوزىنە قۇلاق اسۋىنا، پارتياعا العىس ايتۋىنا، پارتياعا ىلەسۋىنە مۇمكىندىك جاساۋعا، جۇرت تىلەگىن اناعۇرلىم ۇيىستىرۋعا، جۇڭحۋا ۇلتى ورتاق تۇلعا تانىمىن كورنەكتى كۇشەيتۋگە بولادى“، ـ دەدى چىن جىجياڭ.

　　”جالپى ٴماجىلىس جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى مىقتاپ يگەرىپ، شينجياڭنىڭ رەفورما، دامۋ، ورنىقتىلىق قىزمەتتەرىن ٴبىر تۇتاس جوسپارلاپ، ورنالاستىرۋ جاسادى. ٴبىز ٴارقانداي ماسەلەنى ويلاعاندا، ٴارقانداي شەشىم جاساعاندا، ٴارقانداي قىزمەتتى ىستەگەندە وسى نەگىزگى جەلىنى مىقتاپ ارقاۋ ەتە وتىرىپ ورىستەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋدىڭ جانە ەكونوميكالىق، قوعامدىق دامۋدىڭ ٴارقايسى سالالارىمەن، ٴارقايسى بۋىندارىمەن ۇشتاسۋ ٴتۇيىنىن، كىرىسۋ ٴتۇيىنىن ٴدال تابۋىمىز كەرەك“. اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي حۇڭبين بىلاي دەپ قارادى: ٴار ۇلت بۇقاراسىن رەفورمانىڭ، دامۋدىڭ جەتىستىكتەرىنەن تەڭ يگىلىكتەندىرىپ، بىرگە بايۋعا بەت الدىرعاندا عانا، جۇڭحۋا ۇلتى ورتاق تۇلعا تانىمىن بەرىك ورناتۋدىڭ زاتتىق نەگىزىن ۇزدىكسىز بەكەمدەپ، ٴار ۇلت بۇقاراسىنىڭ ويدى ٴبىر جەرگە شوعىرلاندىرىپ، كۇشتى ٴبىر جەرگە جۇمساۋىنا مۇمكىندىك جاساۋعا بولادى.

　　ەمدەۋ، قوعامدىق قامتاماسىزداندىرۋ، تۇرعىن ٴۇي سياقتى الەۋمەتتىك قىزمەت وتەۋ ورەسى بۇقارانىڭ ٴتول مۇددەسىنە تىكەلەي قاتىستى. سوڭعى جىلدارى اۆتونوميالى رايوندىق پارتكوم مەن ۇكىمەت جۇمىستى ٴبىرىنىڭ سوڭىنان ٴبىرىن، جىلدان ـ جىلعا جالعاپ ىستەدى، ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيۋمەن بىرگە، شينجياڭنىڭ قوعام ورنىقتىلىعى مەن باياندى تىنىشتىق نەگىزىن دە اناعۇرلىم بەكەمدەدى.

　　”تەك حالىق تۇرمىسىن تاباندىلىقپەن جاقسارتقاندا، ٴار ۇلت بۇقاراسىن شىن مانىندەگى تابىس سەزىمىنە، باقىت سەزىمىنە كەنەلتكەندە عانا، جۇڭحۋا ۇلتىنىڭ ۇيىسۋ قۋاتى مەن باۋراۋ قۋاتىن ۇزدىكسىز كۇشەيتۋگە، ٴار ۇلت بۇقاراسىنىڭ ۇلى وتاندى شىنايى مويىنداۋىن، جۇڭحۋا ۇلتىن شىنايى مويىنداۋىن، جۇڭحۋا مادەنيەتىن شىنايى مويىنداۋىن، جۇڭگو كوممۋنيستىك پارتياسىن شىنايى مويىنداۋىن، جۇڭگوشا سوتسياليزمدى شىنايى مويىنداۋىن ۇزدىكسىز نىعايتۋعا بولادى، ـ دەدى اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى حى يۇڭحۇي.

　　قيىن ماسەلەلەردى شىن مانىندە شەشىپ، قۇت ـ ىرىستى ارتتىرىپ، جۇرت جۇرەگىن جىلىتامىز

　　اۆتونوميالى رايوندىق پارتكومنىڭ پارمەندى باسشىلىعىندا، سوڭعى جىلدارى بۇكىل رايونداعى تاراۋلار، ورىندار ىستەۋدىڭ قوزعاۋشى كۇشىن كۇشەيتىپ، ىستەۋدىڭ بىرىككەن كۇشىن قالىپتاستىرىپ، قيىندىقتان تايسالماي العا ۇمتىلىپ، تياناقتاندىرۋدى مىقتاپ يگەرىپ، جالپىعا ٴتيىمدى، نەگىزدىك سيپاتتى، تومەنگى شەكتەن تۇسىرمەۋ سيپاتتى حالىق تۇرمىسى قىزمەتىن كۇش سالا ويداعىداي ىستەپ، 2023 ـ جىلى قازىنالىق شىعىستىڭ 77.4ىن حالىق تۇرمىسى سالاسىنا جۇمساپ، ”جۇڭحۋا ۇلتى ٴبىر ۇلكەن وتباسى، ٴبىر ٴۇيلى جاندار تۇگەلدەي تاماشا تۇرمىس كەشىرۋى كەرەك“ دەيتىن ورتاق تۇلعا ۇستانىمىن تەرەڭ ٴتۇسىندىردى.

　　”ٴار ۇلت بۇقاراسىنىڭ بىرگە باقىتتى، تاماشا، باي ـ باردام تۇرمىس كەشىرىپ، ارالاسۋ، ىشتەسۋ، توعىسۋ بارىسىندا اناردىڭ دانىندەي تىعىز ۇيىسۋى ٴۇشىن، ٴسوز جوق، بىلەك سىبانا كىرىسىپ، قيىن ماسەلەلەردى شىنايى شەشىپ، قۇت ـ ىرىستى ارتتىرىپ، حالىق جۇرەگىن جىلىتىپ، دامۋ تابىستارىنان ٴار ۇلت بۇقاراسىن ٴادىل يگىلىكتەندىرۋدى جەبەۋ كەرەك“. حى يۇڭحۇي بىلاي دەدى: قالا، اۋىل تۇرعىندارىنىڭ سالاماتتىق ورەسىنىڭ جوعارىلاۋىن ٴونىمدى جەبەۋ ٴۇشىن، اۆتونوميالى رايوندىق دەنساۋلىق ساقتاۋ، سالاماتتىق كوميتەتى 3 ـ دارەجەلى 22 شيپاحانادان 40 ەمدەۋ اترەتىن تاڭداپ جىبەرىپ، تاپسىرىسپەن باسقارۋ ۇلگىسى ارقىلى اۋدان دارەجەلى 40 شيپاحاناعا باعىتتامالى كومەكتەسىپ، ساپالى ەمدەۋ بايلىعىنىڭ تومەنگە ٴتۇسۋىن جانە بىركەلكى ورنالاسۋىن جەبەدى. نەگىزگى الەۋمەتتىك دەنساۋلىق ساقتاۋعا قىزمەت وتەۋ قاراجاتىنىڭ ادام باسىنا تۋرا كەلەتىن قوسىمشا قاراجات ولشەمى 2012 ـ جىلعى 25 يۋاننان 2023 ـ جىلى 89 يۋانعا، نەگىزگى ساتى ەمدەۋ ـ دەنساۋلىق ساقتاۋ قۇرىلىمدارى ورىستەتكەن نەگىزگى الەۋمەتتىك دەنساۋلىق ساقتاۋعا قىزمەت وتەۋ نىساندارى 10 تۇردەن 12 تۇرگە كەڭەيىپ، بۇقارانىڭ ەسىك الدىنداعى ساپالى ەمدەۋ بايلىعىنان يگىلىكتەنۋىنە مۇمكىندىك جاسادى.

　　جۇمىستانۋ ەڭ نەگىزگى حالىق تۇرمىسى. 2023 ـ جىلى بۇكىل رايوننىڭ قالا ـ قالاشىقتارىندا جاڭادان 482 مىڭ 200 ادام جۇمىستانىپ، سايكەس مەزگىلدەگىدەن %4.49 ارتتى، اۋىل ـ قىستاق ەڭبەككۇشتەرىنەن 3 ميلليون 200 مىڭ 700 ادام (رەت) سىرتقا شىعىپ جۇمىس ىستەپ، ٴبىر ميلليون 93 مىڭ ادام كەدەيلىكتەن ارىلدى.

　　”ٴبىز جۇمىستاندىرۋدى ورنىقتىرۋدى كەلەلى ساياسي جاۋاپكەرشىلىك ەتىپ، كاسىپ سالاسىن دامىتۋ سىندى تەتىكتى جانە جۇمىستاندىرۋدى ارتتىرۋ سىندى باعداردى مىقتاپ يگەرىپ، امالدىڭ بارىنشا جۇمىستاندىرۋدى ورنىقتىرىپ، جۇمىستانۋدى قامتاماسىز ەتىپ، جوعارى ساپامەن تولىق جۇمىستاندىرۋ ارقىلى حالىق تۇرمىسىنىڭ نەگىزىن بەكەمدەدىك“، ـ دەدى چىن جىجياڭ.

　　حالىق تۇرمىسىنىڭ تومەنگى شەگىن شىن مانىندە مىقتى يگەرۋ ٴۇشىن، اۆتونوميالى رايوندىق قوعامدىق قامسىزداندىرۋ ورتالىعى كوپ ٴتۇرلى شارانى قاتار قولدانىپ، قوعامدىق قامسىزداندىرۋدىڭ جوعارى ساپالى كەڭەيۋىن ىلگەرىلەتتى، 2023 ـ جىلى بۇكىل رايوندا نەگىزگى زەينەتكەرلىك، جۇمىسسىزدىق، جۇمىس ۇستىندە جارالانۋ قامسىزداندىرۋىنا قاتىناسقاندار 21 ميلليون 844 مىڭ 300 ادامعا (رەت) جەتىپ، 2022 ـ جىلدىڭ سوڭىنداعىدان ٴبىر ميلليون 20 مىڭ 800 ادام (رەت) ارتتى؛ قيىنشىلىعى بار قاۋىمنىڭ قوعامدىق قامسىزداندىرۋىن ۇكىمەت وكىلەتتى تاپسىرۋ ساياساتى جالپى بەتتىك تياناقتاندىرىلىپ، قيىنشىلىعى بار 529 مىڭ 600 بۇقاراعا 38 ميلليون 582 مىڭ 200 يۋان قارجى تاپسىرىلىپ، قوعامدىق قامسىزداندىرۋدىڭ ”قورعانىشتىق“، “ورنىقتىرعىشتىق“ رولىن تولىق ساۋلەلەندىردى.

　　”ٴبىز قالا، اۋىلداردىڭ قونىستانۋ شارت ـ جاعدايى مەن ورتاسىن كۇش سالا جاقسارتىپ، 54 مىڭ 400 جالعا بەرىلەتىن قامتاماسىزدىق سيپاتتى تۇرعىن ٴۇي سالدىق، مۇنىڭ ىشىندە الەۋمەتتىك جالعا بەرىلەتىن ٴۇي 13 مىڭ 400گە، قامتاماسىزدىق سيپاتتى جالعا بەرىلەتىن تۇرعىن ٴۇي 41 مىڭعا جەتىپ، حالىق تۇرمىسىنداعى ناقتى ىستەردى كوڭىل قويا، سۇيىسپەنشىلىكپەن، كۇش سالا ويداعىداي يگەردىك“، ـ دەدى لي حۇڭبين.

　　الەمدەگى ٴىرى ىستەر ىجداعاتتىلىقپەن ىستەلۋدەن باستالادى . بۇكىل رايونداعى ورىندار، تاراۋلار كۇش سالا ىستەۋمەن بىرگە، شاماسىنىڭ جەتىسىنشە ىستەۋلەرى، تىڭعىلىقتى، ورنىقتى بولۋدان جازباي، ورنىقتىلىق بارىسىندا ىلگەرىلەپ، شەگە قاعۋ رۋحىمەن ٴار ۇلت بۇقاراسى ەڭ كوڭىل ٴبولىپ وتىرعان، ەڭ تىكە، ەڭ رەال مۇددە ماسەلەلەرىن يگەرىپ، ناقتى شارالاردى العا قويىپ، ەگجەي ـ تەگجەيلى، ناقتاپ تياناقتاندىرىپ، ناقتى قىزمەتتىڭ ونىمدىلىگىن ٴار ۇلت بۇقاراسى كورە الاتىن، يگەرە الاتىن حالىق تۇرمىسىنىڭ باقىتىنا اينالدىرۋدى بەلسەنە ىلگەرىلەتىپ، جۇڭحۋا ۇلتىنىڭ ۇيىسۋ قۋاتى مەن باۋراۋ قۋاتىن ۇزدىكسىز كۇشەيتتى.

　　دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولامىز

　　جۇمىستاندىرۋ حالىق تۇرمىسىنىڭ نەگىزى، جۇمىستاندىرۋ ورنىقتى بولسا، حالىق جۇرەگى ورنىنا تۇسەدى، الەم تىنىش بولادى.

　　”ادام كۇشى بايلىعى جانە قوعامدىق قامتاماسىزداندىرۋ تاراۋلارى جۇمىستاندىرۋ ارقىلى سۇيەمەلدەۋ ساياساتىن كەمەلدەندىرىپ، جۇمىستانۋعا قىزمەت وتەۋ تەبىنىن ارتتىرىپ، وڭتۇستىك شينجياڭ سىندى وسى ’شاحمات كوزىن‘ ارقاۋ ەتىپ، ٴىسورىنداردىڭ قىزمەتكەر قابىلداۋ شارت ـ جاعدايىن لايىقتى كەڭەيتىپ، ٴتۇرلى دارىندىلاردى وڭتۇستىك شينجياڭعا ۇزدىكسىز شوعىرلانۋعا جەتەكتەيدى. وڭتۇستىك شينجياڭدا جۇمىستاندىرۋدى جەبەۋ ينجەنەرياسىن ىشكەرىلەي اتقارىپ، شارۋاشىلىق قۇرۋ ارقىلى سۇيەمەلدەۋ، جۇمىسقا ورنالاستىرۋعا قىزمەت كورسەتۋ سياقتى جاقتاردان وڭتۇستىك شينجياڭعا ساياساتتىق قولداۋ كورسەتىپ، وڭتۇستىك شينجياڭنىڭ اۋىل ـ قىستاقتارىنداعى ەڭبەككۇش، جۇمىسقا ورنالاسۋى قيىن ادامدار سياقتى ٴتۇيىندى قاۋىمنىڭ ۇزاق ۋاقىت ورنىقتى جۇمىسقا ورنالاسۋىن، كىرىستى ارتتىرىپ، بايۋىن جەبەيدى“، ـ دەدى چىن جىجياڭ.

　　قوعامدىق قامتاماسىزداندىرۋدىڭ حالىق تۇرمىسىن تومەنگى شەكتەن تۇسىرمەۋ سىندى نەگىزدىك رولىن ساۋلەلەندىرىپ، رايونىمىز قيىنشىلىعى بارلارعا ادام كۇشى بايلىعى جانە قوعامدىق قامتاماسىزداندىرۋ بويىنشا كومەكتەسۋ ـ سۇيەمەلدەۋ ارناۋلى ارەكەتىن كۇش سالا اتقارىپ، ەڭ تومەنگى تۇرمىستى قامتاماسىز ەتۋ، ەرەكشە قيىنشىلىعى بارلار، كەدەيلەسكەندەر، قايتا كەدەيلەسكەندەر، اۋىر مۇگەدەكتەر سياقتى قيىنشىلىعى بار قاۋىمدى قامسىزداندىرۋعا قاتىناستىرۋدى ”يكەمدى اداقتاۋعا“ شىنايى كەپىلدىك ەتەدى. ديقان جۇمىسكەرلەردىڭ، يكەمدى جۇمىستانۋشىلاردىڭ، جاڭا كاسىپ كۇيىندەگى جۇمىستانۋشىلاردىڭ قوعامدىق قامسىزداندىرۋعا قاتىناسۋ ٴتۇزىمىن اقاۋسىزداندىرىپ، ٴتىپتى دە كوپ قاۋىمدى قوعامدىق قامتاماسىزداندىرۋ جۇيەسىنە ەنگىزۋگە كۇش سالادى.

　　”حالىق تۇرمىسىن جاقسارتۋدى، جۇرت تىلەگىن ۇيىستىرۋدى ارقاۋ ەتىپ، ٴبىز حالىق بۇقاراسىنىڭ سالاماتتىعىن قامتاماسىز ەتۋدى شىعار ٴتۇيىن جانە تياناق ەتىپ، ساپالى ەمدەۋ بايلىعىن نەگىزگى ساتىعا ٴتۇسىرۋ مەن ەمدەۋ قىزمەت وتەۋىنىڭ ٴتۇيىنىن تومەنگە ويىستىرۋدى ۇزدىكسىز ىلگەرىلەتەمىز. اۆتونوميالى رايون، ايماق، اۋدان، اۋىل، قىستاق سىندى 5 دارەجەلى دەنساۋلىق ساقتاۋ، سالاماتتىق قىزمەت وتەۋ جۇيەسىن ۇزدىكسىز كەمەلدەندىرىپ جانە ساپالىلاندىرىپ، جان ـ جاقتى، تۇتاس تىرشىلىك پەريودىنداعى، جوعارى ساپالى دەنساۋلىق ساقتاۋ، سالاماتتىق قىزمەت وتەۋ تورىن قالىپتاستىرامىز. قارتتاردىڭ سالاماتتىعى جانە ايەلدەر مەن بالالاردىڭ سالاماتتىعى سياقتى ٴتۇيىندى ادامدار شوعىرىنىڭ سالاماتتىعىنا قىزمەت وتەۋ دەڭگەيىن ۇزدىكسىز جوعارىلاتىپ، ٴار ۇلت بۇقاراسىن رەفورمانىڭ، دامۋدىڭ جەتىستىكتەرىنەن بىرگە يگىلىكتەندىرەمىز“، ـ دەدى حى يۇڭحۇي.

　　”ٴبىز قالا، اۋىلدىڭ قونىستانۋ شارت ـ جاعدايىن اناعۇرلىم جاقسارتامىز، بيىل بۇكىل رايون بويىنشا قالا ـ قالاشىقتارداعى 1000عا تاياۋ كونە، ەسكى شاعىن اۋماقتى جاڭالاۋ جۇمىسىن باستاۋ جوسپارلانىپ وتىر، بۇل 200 مىڭ وتباسىنداعى تۇرعىندى قامتيدى“، ـ دەدى لي حۇڭبين.

　　حالىق تۇرمىسىن جاقسارتۋدا سوڭعى كومبە بولمايدى، تەك تىنباي جارىققا شىعاتىن جاڭا باستاما عانا بولادى، ول توقتاۋسىز كۇش سالۋدى، ۇزاق ۋاقىت ەڭبەك ەتۋدى قاجەت ەتەدى. بۇكىل رايونىمىزداعى تاراۋلار، ورىندار الدا حالىق تۇرمىسىن جاقسارتۋدى سەرپىلىس ٴتۇيىنى ەتىپ، باعىتتامالىلىعى اناعۇرلىم كۇشتى، قامتۋ اۋماعى اناعۇرلىم كەڭ، رولى اناعۇرلىم تىكە، ونىمدىلىگى اناعۇرلىم كورنەكتى شارالاردى قولدانىپ، الەۋمەتتىك قىزمەت وتەۋمەن قامتاماسىزداندىرۋ قابىلەتىن جانە ورەسىن ۇزدىكسىز جوعارىلاتۋى، ٴار ۇلت بۇقاراسىنىڭ رەفورما، دامۋ جەتىستىكتەرىنەن بىرگە يگىلىكتەنۋ بارىسىندا ۇيىسۋ قۋاتىن، باۋراۋ قۋاتىن ۇزدىكسىز كۇشەيتىپ، جۇڭگو تىلەگىن، جۇڭحۋا رۋحىن شىنايى بەكەمدەۋىنە مۇمكىندىك جاساپ، جۇرت تىلەگى مەن كۇش ـ قۋاتتى جۇڭگو ۇلگىسىندەگى وسىزامانداندىرۋدى جۇزەگە اسىرۋدىڭ شينجياڭ امالياتىنا شوعىرلاندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كەرپىش بولىپ قالانىپ، ۇلەس قوسادى.