ما شيڭرۇي قاتىناستى، ەركىن تۇنياز ۇسىنىس كۋالىگىن بەردى، لي يفي، حى جۇڭيوۋ قاتىناستى
انار بۇلت \ شينجياڭ گازەتىنىڭ ٴتىلشىسى ليۋ شياڭ 4 ـ ايدىڭ 21 ـ كۇنى ۇرىمجىدەن حابارلايدى. 4 ـ ايدىڭ 21 ـ كۇنى شينجياڭ تيانيۋان امبەباپ اۆياتسياسىنىڭ تۇڭعىش ۇشاق ۇشىرۋ جانە اۆياتسيا كاسىپ سالاسىن (تومەن كەڭىستىك ەكونوميكاسى) زەرتتەۋ ورنىنىڭ ماڭدايشالىعىن اشۋ سالتى ۇرىمجىدە وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي قاتىناستى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز قاتىناستى ٴارى جۇڭگو ينجەنەريا اكادەمياسىنىڭ اكادەميگى ۋ گۋاڭحۇيعا شينجياڭ اۆياتسيا كاسىپ سالاسىن (تومەن كەڭىستىك ەكونوميكاسى) زەرتتەۋ ورنىنىڭ قۇرمەتتى باستىقتىعىنا ۇسىنىس ەتۋ كۋالىگىن بەردى. جۇڭگو حالىقتىق اۆياتسيا باس مەكەمەسىنىڭ بۇرىنعى باستىعى ياڭ يۋانيۋان قاتىناستى ٴارى ارناۋ ٴسوز سويلەدى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ قاتىناستى.
شينجياڭنىڭ جەرى كەڭ، بايلىعى مول، ايرىقشا بايلىق ارتىقشىلىعىنا جانە وڭىرلىك ورىن باسىمدىعىنا سۇيەنىپ، امبەباپ اۆياتسيا كاسىپ سالاسى مەن تومەنگى كەڭىستىك ەكونوميكاسىن دامىتۋ ەڭ وڭتايلى مەزگىلدە تۇر، كومەسكى كۇشى شەكسىز.
شينجياڭ تيانيۋان امبەباپ اۆياتسيا شەكتى جاۋاپكەرشىلىك سەرىكتەستىگىن شينجياڭ اۋەجاي توبى ٴۇرىمجى قالاسىمەن، قاشقار ايماعىمەن، جياڭسۋ ياجيە اۆياتسيا دامىتۋ توبى شەكتى سەرىكتەستىگىمەن سەلبەسىپ قۇرعان، ٴۇرىمجى قالاسىن ورتالىق، قاشقار مەن قۇلجانى وڭتۇستىك، سولتۇستىك شينجياڭنىڭ ورتالىق تورابى ەتكەن، راديۋسى 500 كيلومەتر كەلەتىن ”ٴبىر ساعاتتىق اۆياتسيا ەكونوميكا شەڭبەرىن“ قۇرۋعا كۇش سالىپ، ٴوڭىردىڭ ٴوندىرىسىن، اينالىمىن، تۇتىنۋىن جانە شۇعىل جاعدايعا توتەپ بەرۋىن قامتاماسىز ەتىپ، فاكتورى تولىق، قۇرىلىمى ۇيلەسىمدى، حالىق تۇرمىسىنا قىزمەت وتەيتىن، تەز قارقىندى، جوعارى ٴونىمدى اۆياتسيا قىزمەت وتەۋ قامتاماسىزدىعىن ازىرلەيدى.
شينجياڭ اۆياتسيا كاسىپ سالاسىن (تومەن كەڭىستىك ەكونوميكاسى) زەرتتەۋ ورنى تۇعىر باسىمدىعىن، بايلىق باسىمدىعىن تولىق ساۋلەلەندىرىپ، مەكتەپ جانە عىلمي زەرتتەۋ قۇرىلىمدارىنىڭ ماماندارىن، پروفەسسورلارىن ۇسىنىس ەتىپ ماماندار اقىل ـ پاراسات قويماسىن قۇرىپ، كاسىپتىك قىزمەت ٴبولىسى بويىنشا اۋەجاي ماڭى ەكونوميكاسىن \ كاسىپ سالاسىن زەرتتەۋ ورتالىعىن، توراپ قۇرىلىسىن زەرتتەۋ ورتالىعىن، امبەباپ اۆياتسيا كاسىپ سالاسىن (تومەن كەڭىستىك ەكونوميكاسى) زەرتتەۋ ورتالىعىن قۇرىپ، شينجياڭ حالىقتىق اۆياتسيا ىستەرىنىڭ دامۋىنا اقىل ـ پاراسات جانە ساياسات تىرەگىن ازىرلەپ، اۆتونوميالى رايوننىڭ ”سەگىز ٴىرى كاسىپ سالاسى شوعىرىن“ دامىتۋىنا اناعۇرلىم ويداعىداي قىزمەت وتەيدى.
سوڭعى جىلدارى اۆتونوميالى رايوندىق پارتكوم جاڭا دامۋ ارناسىنا بەلسەندى قىزمەت وتەپ جانە توعىسىپ، ”بەس ۇلكەن ستراتەگيالىق ورىندى“ كوزدەپ، نازاردى جىبەك جولى ەكونوميكالىق بەلدەۋى وزەكتى رايونى، جۇڭگو (شينجياڭ) ەركىن ساۋدا سىناق رايونى جانە ”سەگىز ٴىرى كاسىپ سالاسى شوعىرى“ قۇرىلىسىنا شوعىرلاندىرىپ، شينجياڭنىڭ ”شىعىسپەن بىرلەسىپ باتىسقا شىعارۋ، باتىستان ەنگىزىپ شىعىستان اكەلۋ“ سىندى وڭىرلىك ورىن باسىمدىعىن تولىق ساۋلەلەندىرىپ، قاتىناس نەگىزدىك قۇرىلعىسىن ورنالاستىرۋ قۇرىلىسى مەن حالىقتىق اۆياتسيا جەلىسى تورى قۇرىلىمىنىڭ تور قالىپتاستىرىپ، دارەجەسىن جوعارىلاتۋىن كۇش سالا ىلگەرىلەتىپ، شينجياڭ ەرەكشەلىگىنە يە، ٴار ۇلت بۇقاراسىنا پايدا جەتكىزەتىن، جوعارى ساپالى دامۋعا تىرەك بولاتىن كەشەندى، ستەرەولدى قاتىناس جۇيەسىن جەدەل تۇلعالادى.
كەلەسى قادامدا شينجياڭ كاسىپ سالاسىن جوسپارلاۋدى، قىزمەت وتەۋ قامتاماسىزدىعىن كۇشەيتۋدى شىن مانىندە ويداعىداي ىستەپ، ساياساتتىق قولداۋ كورسەتۋ، فينانستىق قىزمەت وتەۋ، بايلىقتى جايعاستىرۋ، دارىندىلاردى باۋلۋ سياقتى جاقتاردا كەشەندى شارا قولدانىپ، دالمە ـ ٴدال كۇش سالىپ، اۆياتسيا كاسىپ سالاسىنىڭ جانە تومەن كەڭىستىك ەكونوميكاسىنىڭ جوعارى ساپالى دامۋىن ىلگەرىلەتەدى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن جانە قاتىستى جولداستار شينجياڭ اۆياتسيا كاسىپ سالاسىن (تومەن كەڭىستىك ەكونوميكاسى) زەرتتەۋ ورنىنىڭ ماڭدايشالىعىن اشتى. اۆتونوميالى رايوننىڭ ورىنباسار ٴتوراعاسى ۋاڭ گاڭ ٴسوز سويلەدى، ۋ گۋاڭحۇي ٴسوز سويلەدى.
قاتىستى جاۋاپتى جولداستار تيانيۋان امبەباپ اۆياتسياسىنا ىسكە قوسىلۋ تولىمدىلىعى كۋالىگىن تاراتتى. تيانيۋان امبەباپ اۆياتسياسىنداعى جاۋاپتى جولداس ارناۋ ٴسوز سويلەدى.
قادەن كابەن، شۋە بين، جۋ ليفان، جين جىجىن، جۇڭگو (شىنجىن) كەشەندى اشۋ زەرتتەۋ ورنىنداعى، جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگىندەگى، جۇڭگو اۆياتسيا تاسىمال قوعامىنداعى، جۇڭگو حالىقتىق اۋەجاي قوعامىنداعى قاتىستى جاۋاپتى جولداستار قيمىلعا قاتىناستى.
