اۆتونوميالى رايوندىق 10 ـ كەزەكتى پارتكومنىڭ ون ٴبىرىنشى جالپـى ٴماجىلىسى اشىلدى
جۇڭحۋا ۇلتى ورتاق تۇلعا تانىمىن بەرىك ورناتۋدىڭ شينجياڭ امالياتىن ناقتى، جاندى، ٴونىمدى تۇردە ىلگەرىلەتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋ كەرەك
اۆتونوميالى رايوندىق پارتكوم تۇراقتى كوميتەتى ٴماجىلىستى باسقاردى، ما شيڭرۇي قىزمەتتەن بايانداما جاسادى ٴارى ٴسوز سويلەدى
4-ايدىڭ 15-كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10-كەزەكتى كوميتەتىنىڭ ون ءبىرىنشى جالپى ءماجىلىسى ۇرىمجىدە اشىلدى.
سۋرەتتى اناربۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 15 ـ كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 ـ كەزەكتى كوميتەتىنىڭ ون ٴبىرىنشى جالپى ٴماجىلىسى 4 ـ ايدىڭ 15 ـ كۇنى ۇرىمجىدە اشىلدى. ٴماجىلىس شي جينپيڭ جاڭا ٴداۋىر جۇڭگوشا سوتسياليزم يدەياسىن جانە پارتيا 20 ـ قۇرىلتايىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، باس شۋجيدىڭ جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى جۇڭحۋا ۇلتى ورتاق تۇلعا تانىمىن بەرىك ورناتۋدىڭ شينجياڭ امالياتىن ناقتى، جاندى، ٴونىمدى تۇردە ىلگەرىلەتۋگە شوعىرلاندىرىپ، شينجياڭداعى ٴار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى ـ تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا جەتەكتەدى جانە ونى ىلگەرىلەتتى.
ٴماجىلىستى اۆتونوميالى رايوندىق پارتكوم تۇراقتى كوميتەتى باسقاردى.
اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق پارتكوم تۇراقتى كوميتەتىنىڭ تاپسىرۋىمەن قىزمەتتەن بايانداما جاسادى ٴارى جالپى ٴماجىلىستىڭ رۋحىن دايەكتىلەندىرۋ، تياناقتاندىرۋ جونىندە ٴسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ەكونوميكالىق قىزمەت جونىندە ارناۋلى تاقىرىپتا ٴسوز سويلەدى.
ٴماجىلىس «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەرىك ورناتۋ جونىندەگى اتقارۋ پىكىرىن»، «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 ـ كەزەكتى كوميتەتى ون ٴبىرىنشى جالپى ٴماجىلىسىنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا جورىقتا جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەرىك ورناتۋ جونىندەگى قارارىن» قاراپ ماقۇلدادى.
ٴماجىلىس مىنالاردى اتاپ كورسەتتى: پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگوشا سوتسياليزمگە تاباندى بولۋ جانە ونى دامىتۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ستراتەگيالىق بيىگىندە تۇرىپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى كەلەلى ٴتول جاسامپازدىق تۇجىرىم جاسادى. باس شۋجي شي جينپيڭ ٴبىر قىدىرۋ جەلىلەس ماڭىزدى ٴسوز سويلەپ، ٴبىر قىدىرۋ ماڭىزدى نۇسقاۋ بەردى، اسىرەسە، شينجياڭنىڭ جۇڭحۋا ۇلتى ورتاق تۇلعا تانىمىن بەرىك ورناتۋى جونىندە تالاي رەت ايقىن تالاپ قويىپ، جاڭا داۋىردە پارتيانىڭ ۇلت قىزمەتىن جانە شينجياڭنىڭ ٴتۇرلى قىزمەتىن ويداعىداي ىستەۋگە ٴتۇبىرلى بويسۇنۋ ولشەمىن ازىرلەدى. ٴبىز ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، باس شۋجيدىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، ”جۇڭحۋا ۇلتى ورتاق تۇلعا تانىمى _ ۇلتتار ىنتىماعىنىڭ نەگىزى“ دەيتىن كەلەلى تۇجىرىمدى تەرەڭ ٴتۇسىنىپ، ”جۇڭحۋا ۇلتى ورتاق تۇلعا تانىمىن بەرىك ورناتۋ _ جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ٴارى ۇلتتار وڭىرلەرىنىڭ ٴتۇرلى قىزمەتتەرىنىڭ نەگىزگى جەلىسى“ دەيتىن جالپى تۇلعالىق تالاپتى تەرەڭ ٴتۇسىنىپ، ”جۇڭحۋا ۇلتىنىڭ ۇلى ىنتىماعى ارقىلى جۇڭگو ۇلگىسىندەگى وسىزامانداندىرۋدى جەبەۋ“ سىندى ستراتەگيالىق مىندەتتى تەرەڭ ٴتۇسىنىپ، پارتيانىڭ ۇلت قىزمەتىن ويداعىداي ىستەۋدە، ٴسوز جوق، ٴتۇيىندى يگەرۋگە ٴتيىستى 4 جاقتاعى قاتىناستى تەرەڭ ٴتۇسىنىپ، شينجياڭ قىزمەتىنىڭ باستان ـ اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋىمىز كەرەك.
ٴماجىلىس مىنالاردى باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋ _ شينجياڭنىڭ ۇلتتار ىنتىماعى، العاباسارلىعى مەن باياندى تىنىشتىعىنا قاتىستى كەلەلى ساياسي ماسەلە. ساياسي جاۋاپكەرشىلىكتى باتىل ارقالاپ، شينجياڭنىڭ ۇلت قىزمەتىن ويداعىداي ىستەۋدەگى جاۋاپكەرشىلىك سەزىمدى، بورىشتىلىق سەزىمدى كۇشەيتىپ، شينجياڭدا جۇڭحۋا ۇلتى ورتاق تۇلعا تانىمىن بەرىك ورناتۋدىڭ ايرىقشا ماڭىزدىلىعى مەن رەال كوكەي تەستىلىگىن تەرەڭ ٴتۇسىنۋ كەرەك. دۇرىس ساياسي بەتالىسقا تاباندى بولىپ، ماڭىزدى پرينسيپتى ايقىنداپ، حالىق تۇرمىسىن جاقسارتۋدى، جۇرت تىلەگىن توعىستىرۋدى بارلىق قىزمەتتىڭ شىعار ٴتۇيىنى جانە تابان تىرەر تياناعى ەتۋ، ۇلت سالاسىنداعى ماسەلەلەردى شەشۋدى جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتى جاعدايىن اشۋدىڭ قامال الۋ ٴتۇيىنى ەتۋ، ناقتى، جاندى، ٴونىمدى بولۋدى جۇڭحۋا ۇلتى ورتاق تۇلعا تانىمىن بەرىك ورناتۋدىڭ جالپى بارىسىنا ساباقتاستىرۋ كەرەك. عىلمي ٴادىستى يگەرىپ، بايىپتىلىقپەن ورنىقتى ىلگەرىلەۋگە تاباندى بولىپ، ”كۇتىپ وتىرماۋ“ مەن ”اسىعىستىققا سالىنباۋدىڭ“، ”باسقارۋ“ مەن ”اناعۇرلىم ويداعىداي باسقارۋدىڭ“، ”شينجياڭ ٴىسىن ويداعىداي ىستەۋ“ مەن ”شينجياڭعا ساياتىن سىرتقا قاراتىلعان كۇرەس ورىستەتۋدىڭ“ قاتىناسىن ويداعىداي ٴبىر جاقتى ەتىپ، جۇڭحۋا ۇلتى ورتاق تۇلعا تانىمىن بەرىك ورناتۋ قابىلەت ـ دەڭگەيىن جوعارىلاتۋ كەرەك.
ٴماجىلىس «اتقارۋ پىكىرىندە» بەلگىلەنگەن مىندەت ـ شارالاردى توڭىرەكتەپ، نازاردى جۇڭحۋا ۇلتى ورتاق تۇلعا تانىمىن بەرىك ورناتۋدىڭ شينجياڭ امالياتىن ىلگەرىلەتۋدەگى شەشۋشى تۇيىندەر مەن كۇش سالۋ تۇيىندەرىنە شوعىرلاندىرىپ، بىرەۋى ارقىلى بارىنە اسەر ەتەتىن، بىرەۋى ارقىلى جالپى جاعدايدى جانداندىراتىن قىزمەتتەر جونىندە ٴتۇيىندى ورنالاستىرۋلار جاسادى.
قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، حاۋىپ ـ قاتەرلەردى، كومەسكى كىناراتتاردى زاڭ بويىنشا جويۋعا تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ حاۋىپسىزدىك قامتاماسىزدىعىن ۇزدىكسىز كۇشەيتۋ كەرەك. شينجياڭدى زاڭمەن باسقارۋدى اناعۇرلىم كورنەكتى ورىنعا قويۋعا، لاڭكەستىككە قارسى تۇرۋ، بولشەكتەۋشىلىككە قارسى تۇرۋ كۇرەسىن ورىستەتۋ مەن ورنىقتىلىقتى قورعاۋ قىزمەتىنىڭ زاڭمەن باسقارىلۋىن، ۇدايىلانۋىن ىلگەرىلەتۋدى ۇشتاستىرۋعا تاباندى بولىپ، زاڭ بويىنشا قاتاڭ سوققى بەرۋدىڭ تەگەۋرىندى كۇيىن ساقتاۋدان اۋىتقىماي، ۇستىنەن وڭاۋ مەن تۇبىرىنەن وڭاۋعا تەڭ ٴمان بەرۋگە، جالپىلىق شارا اتقارۋعا تاباندى بولىپ، ەلەۋلى حاۋىپ ـ قاتەرلەردەن، كومەسكى كىناراتتاردان ساقتانۋ جانە ونى جويۋ مەحانيزمىن ۇزدىكسىز كەمەلدەندىرىپ، وڭاي ـ وسپاق كەلمەگەن قوعام ورنىقتىلىعى جاعدايىن ٴۇرتىس بەكەمدەۋ كەرەك.
حالىق تۇرمىسىنا تىعىز جاناسىپ، ەكونوميكانىڭ جوعارى ساپالى دامۋىن ىلگەرىلەتۋگە تاباندى بولىپ، دامۋعا اناعۇرلىم كوپ ساياسي ٴمان ۇستەپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ ماتەريالدىق نەگىزىن ۇزدىكسىز بەكەمدەۋ كەرەك. دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ قاتىناسىن ويداعىداي ٴبىر جاقتى ەتىپ، جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، ”سەگىز ٴىرى كاسىپ سالاسى شوعىرىن“ جوعارى ساپامەن قۇرىپ، وسىزاماندانعان كاسىپ سالاسى جۇيەسىن ورناتىپ، جاڭاشا وندىرگىش كۇشتەردى جەرگىلىكتى جاعدايعا قاراي جەتىلدىرىپ، اۋىل ـ قىستاقتى جاپپاي گۇلدەندىرۋدى جەبەپ، باۋىرلاس ولكە، اۆتونوميالى رايون، قالالارمەن، اسىرەسە، شينجياڭعا كومەكتەسەتىن ولكە، قالالارمەن اۋىس ـ كۇيىستى، سەلبەستىكتى كۇشەيتىپ، جىبەك جولى ەكونوميكالىق بەلدەۋى وزەكتى رايونى، جۇڭگو (شينجياڭ) ەركىن ساۋدا سىناق رايونى قۇرىلىسىن تەزدەتىپ، ٴار ۇلت جۇڭگو ۇلگىسىندەگى وسىزامانداندىرۋ تابىستارىن بىرگە جاراتاتىن، ونان بىرگە يگىلىكتەنەتىن دامۋ ورتاق تۇلعاسىن سومداۋ كەرەك. جۇمىستاندىرۋ اياسىن ەڭ جوعارى شەكتە كەڭەيتىپ، ەڭبەك شوعىرلانعان كاسىپ سالالارىنىڭ دامۋىن قولداپ، ٴار ۇلت بۇقاراسىنىڭ تۇراقتى جۇمىستانىپ، كىرىستەرىن ارتتىرىپ بايۋىن ىلگەرىلەتۋ كەرەك. حالىق تۇرمىسىنداعى ناقتى ىستەردى بار كۇشپەن ويداعىداي يگەرىپ، ەمدەۋ، قوعامدىق قامتاماسىزداندىرۋ، تۇرعىن ٴۇي سياقتى جاقتارداعى الەۋمەتتىك قىزمەت وتەۋ دەڭگەيىن جوعارىلاتىپ، ٴار ۇلت بۇقاراسىنىڭ تۇرمىس ساپاسىن ٴوسىرۋ كەرەك. وڭتۇستىك شينجياڭنىڭ ەكونوميكالىق، قوعامدىق دامۋىنداعى ولقىلىقتاردى جەدەل تولىقتاپ، قوعام ورنىقتىلىعى مەن باياندى تىنىشتىققا اناعۇرلىم پايدالى، جۇڭحۋا ۇلتى ورتاق تۇلعا تانىمىن بەرىك ورناتۋعا اناعۇرلىم ٴتيىمدى ٴتۇبىرلى سيپاتتى وزگەرىستەردى جۇزەگە اسىرۋدى ىلگەرىلەتۋ كەرەك.
شينجياڭدى مادەنيەتپەن نارلەندىرۋدى ىشكەرىلەي ورىستەتىپ، ۇلتتاردىڭ ورتاق رۋحاني مەكەنىن قۇرىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ يدەيالىق نەگىزىن ۇزدىكسىز بەكەمدەۋ كەرەك. شىنايى مويىنداۋدى كۇشەيتۋدى نىسانا ەتىپ، نازاردى ٴار ۇلت بۇقاراسىنىڭ دۇرىس پەن بۇرىستى ايقىن ايىرۋىنا، جۇرت تىلەگىن توعىستىرۋىنا، رۋحاني جاقتان ٴوزارا سۇيەنىش بولۋىنا شوعىرلاندىرىپ، سوتسياليستىك وزەكتى قۇن كوزقاراسىن بار كۇشپەن جەتىلدىرىپ جانە امالياتتا ايگىلەپ، وتانشىلدىق، كوللەكتيۆيزم، سوتسياليزم تاربيەسىن تەرەڭدەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ شينجياڭ حيكاياسىن ويداعىداي بايانداۋ كەرەك. جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋ، دامىتۋ ينجەنەرياسىن ىشكەرىلەي اتقارىپ، ونى ٴار ۇلت بۇقاراسىنىڭ قىزمەت، ۇيرەنۋ، كيىم ـ كەشەك، اس ـ سۋ، تۇرىس ـ ٴجۇرىس، قوعامدىق بارىس ـ كەلىس جاقتارىنا جاندى دا جالىندى تۇردە توعىستىرۋ كەرەك. ٴار ۇلتتىڭ تاڭداۋلى مادەنيەتىنىڭ جالعاسۋىن، دامۋىن، جاڭالىق اشۋىن، توعىسۋىن ىلگەرىلەتىپ، كوپ ساتىلى مادەنيەت ونىمدەرىمەن قامداۋدى ارتتىرىپ، ٴار ۇلت بۇقاراسىنىڭ رۋحاني مادەنيەت تۇرمىسىن بايىتۋ كەرەك. ەلىمىزدىڭ ٴدىندى جۇڭگوشالاندىرۋ بەتالىسىنا تاباندى بولىپ، ٴدىن ىستەرىن باسقارۋ قابىلەتىن جوعارىلاتىپ، شينجياڭدا ٴىسلام ٴدىنىن جۇڭگوشالاندىرۋدى نىق قاداممەن ىلگەرىلەتۋ كەرەك.
وقۋ ـ اعارتۋ ىستەرىنىڭ جوعارى ساپالى دامۋىن ىلگەرىلەتىپ، وقۋ ـ اعارتۋدان باستاپ كىرىسىپ، بالالاردان باستاپ يگەرىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ نەگىزگى شەبىن ۇزدىكسىز كۇشەيتىپ قۇرۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى وقىتۋ جۇرگىزىپ مەكتەپ باسقارۋدىڭ، ٴبىلىم بەرىپ ادام تاربيەلەۋدىڭ جالپى بارىسىنا ٴسىڭىرىپ، نەگىزدىك وقۋ ـ اعارتۋدى كەڭەيتۋ، ساپالىلاندىرۋ، دەڭگەيىن جوعارىلاتۋ ارەكەتىن ورىستەتىپ، مەكتەپ الدى تاربيەسىنىڭ، مىندەتتى وقۋ ـ اعارتۋدىڭ، ورتا مەكتەپ كەزەڭىندەگى وقۋ ـ اعارتۋدىڭ ساپالى، جالپىعا ٴتيىمدى دامۋىن ىلگەرىلەتىپ، جاستار مەن ورەندەردىڭ ”نەگىز قالاۋ“ ينجەنەرياسىن ىشكەرىلەي ىلگەرىلەتۋ كەرەك. وڭتۇستىك شينجياڭنىڭ تولىق كۋرس مەكتەپتەرىمەن جاپپاي قامتىلۋىن جۇزەگە اسىرۋدى ىلگەرىلەتىپ، وڭتۇستىك شينجياڭنىڭ وقۋ ـ اعارتۋ ساپاسىن كوتەرۋ ارەكەتىن اتقارۋ كەرەك. مەملەكەتتە ٴبىر تۇتاس قولدانىلاتىن ٴتىل ـ جازۋدى جاپپاي كەڭەيتىپ، جالپىلاستىرىپ، ”تىڭداۋ، سويلەۋ، وقۋ، جازۋدان“ جۇڭحۋا مادەنيەتىن تۇسىنۋگە، مادەنيەت جاعىنداعى شىنايى مويىنداۋدى نىعايتۋعا قاراي كەڭەيتۋ كەرەك. اناعۇرلىم كوپ تاڭداۋلى دارىندىلاردى وقۋ ـ اعارتۋ ىستەرىنە ات سالىسۋعا باۋراپ، نەگىزگى ساتىنىڭ وقىتۋ قوسىنىن تولىقتاپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ ادام تاربيەلەۋ ونىمدىلىگىن كۇشەيتۋ كەرەك.
ادامدى وزەك ەتكەن جاڭاشا قالا ـ قالاشىقتاندىرۋدى جەدەل ىلگەرىلەتىپ، ٴار ۇلت بۇقاراسىنىڭ كەڭ كولەمدە ارالاسۋىن، ىشتەسۋىن، توعىسۋىن ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ قوعامدىق نەگىزىن ۇزدىكسىز جاقسارتۋ كەرەك. تۇتاس رايوننىڭ، اسىرەسە، وڭتۇستىك شينجياڭنىڭ قالا ـ قالاشىقتاندىرۋ قۇرىلىسىن جەدەل ىلگەرىلەتىپ، كاسىپ سالاسىن دامىتۋ ارقىلى ادامداردى شوعىرلاندىرىپ، جوعارى ساپالى بىركەلكىلەنگەن الەۋمەتتىك قىزمەت وتەۋ ارقىلى ادامداردى باۋراپ، كوپ ۇلتتىڭ كەڭ كولەمدە توعىسا قونىستانۋى ارقىلى ادامداردى ىنتىماقتاستىرىپ، ٴار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحولوگيا سياقتى جاقتاردا جان ـ جاقتى كىرىگۋىن بىرتىندەپ جۇزەگە اسىرۋدى ىلگەرىلەتۋ كەرەك. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ساپالىلاندىرۋ كەرەك. ساياحاتتىڭ ارالاسۋدى، ىشتەسۋدى، توعىسۋدى جەبەۋدەگى ماڭىزدى رولىن ساۋلەلەندىرىپ، شينجياڭ ٴىشى ـ سىرتىنداعى ٴار ۇلت بۇقاراسىنىڭ ٴوڭىر اتتاپ اۋىس ـ كۇيىس جاساۋىن، ىقپالداسۋىن كۇشەيتىپ، بيڭتۋان مەن جەرگىلىكتى ورىننىڭ وركەنيەتتى ورىنداردى بىرگە قۇرۋ، ۇلتتار ىنتىماعىندا، العاباسارلىعىندا بىرگە قۇرۋ، بىرگە وزات بولۋ قيمىلدارىن تەرەڭدەتىپ، ٴار ۇلت بۇقاراسىنىڭ ۇزدىكسىز تۇردە ٴتۇسىنىسۋدى ارتتىرۋىنا، سۇيىسپەنشىلىكتى نىعايتۋىنا، ىنتىماقتى جەبەۋىنە مۇمكىندىك جاساۋ كەرەك.
ٴماجىلىس مىنالاردى باسا دارىپتەدى: پارتيانىڭ جالپى بەتتىك باسشىلىعىنا تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ”ٴبىرىنشى باسشى“ ينجەنەرياسىنا ەنگىزىپ، پارتكوم ٴبىر تۇتاس باسشىلىق ەتەتىن، ۇكىمەت زاڭ بويىنشا باسقاراتىن، بىرلىكساپ تاراۋلارى باستاماشىلدىقپەن سايكەستىرەتىن، ۇلت قىزمەتى تاراۋلارى مىندەت وتەپ، جاۋاپكەرشىلىگىن ادا ەتەتىن، ٴارقايسى تاراۋ كۇش بىرىكتىرىپ سەلبەسەتىن، تۇتاس قوعام بىرگە ات سالىساتىن جاڭا داۋىردەگى پارتيانىڭ ۇلت قىزمەتى جاعدايىن كەمەلدەندىرۋ كەرەك. باياندى ونىمگە يە مەحانيزم ورناتىپ جانە اقاۋسىزداندىرىپ، جەر ـ جەردىڭ، تاراۋلاردىڭ جانە ٴار جاقتىڭ، ٴار سالانىڭ قىزمەتى مەن جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتى ورگانيكالى ۇشتاسىپ، ٴبىرىن ـ ٴبىرى جەبەيتىن ٴتۇزىلىس ـ مەحانيزم جونىندە بەلسەنە ىزدەنىس جاساۋ كەرەك. ادام تاڭداۋدىڭ، ادام ىستەتۋدىڭ دۇرىس باعدارىن امالياتتا ايگىلەپ، كادرلار قوسىنىنىڭ قابىلەت ـ ساپا قۇرىلىسىن ويداعىداي يگەرىپ، ۇلت ماسەلەسىن ٴبىر جاقتى ەتۋ، ۇلت قىزمەتىن ويداعىداي ىستەۋ قابىلەتىن ۇزدىكسىز جوعارىلاتۋ كەرەك. نەگىزگى ساتىنىڭ بىرلىكساپ، ۇلت قىزمەتى كۇشىن تولىقتاپ، ”باسقارۋعا باتىلدىق ەتپەۋ، باسقارعىسى كەلمەۋ، باسقارا الماۋ“ ماسەلەسىن كۇش سالا وتىرىپ شەشىپ، نەگىزگى ساتىنىڭ قىزمەت دەڭگەيىن ۇزدىكسىز جوعارىلاتۋ كەرەك.
ٴماجىلىس مىنالاردى باسا دارىپتەدى: بۇل جولعى جالپى ٴماجىلىستىڭ رۋحىن دايەكتىلەندىرۋدى، تياناقتاندىرۋدى كەزەكتەگى ٴتۇرلى قىزمەتتى ويداعىداي ىستەۋمەن ۇشتاستىرىپ، قىزمەت نەگىزگى جەلىسىمەن تىعىز بايلانىستىرا وتىرىپ تياناقتاندىرۋدى يگەرىپ، ورنىقتىلىقتى ماڭداي الدى ورىنعا قويۋعا تاباندى بولا وتىرىپ تياناقتاندىرۋدى يگەرىپ، ستراتەگيالىق ورايدى قامتي وتىرىپ تياناقتاندىرۋدى يگەرىپ، نازاردى رەفورما جاساۋعا، ەسىك اشۋعا شوعىرلاندىرا وتىرىپ تياناقتاندىرۋدى يگەرىپ، حالىق تۇرمىسىنىڭ قۇت ـ ىرىسىمەن تىعىز جاناسا وتىرىپ تياناقتاندىرۋدى يگەرىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتە وتىرىپ تياناقتاندىرۋدى يگەرىپ، ٴىستى تىڭعىلىقتى ىستەپ، تىنباي كۇش سالىپ، ۇزدىكسىز قاجىماي قۇلشىنىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاڭا تاراۋىن قۇلشىنا جازۋ كەرەك.
ٴماجىلىس مىنالاردى باسا دارىپتەدى: ٴبىرىنشى ماۋسىمدا بۇكىل رايوننىڭ ەكونوميكاسى ورنىقتى، اقاۋسىز اينالىمعا ٴتۇسىپ، ناتيجەسى تاماشا بولدى. تۇتاس جىلدىق نىسانا ـ مىندەتتەرگە تۋرالانىپ، الداعى ەكونوميكالىق قىزمەتتى تىڭعىلىقتى، ويداعىداي ىستەپ، اۋىل شارۋاشىلىعى جالپىلىق ٴوندىرىس قۋاتىن بار كۇشپەن جوعارىلاتىپ، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى ىلگەرىلەتىپ، ىشكى سۇرانىستىڭ كومەسكى كۇشىن تولىق قاۋلاتىپ، كەلەلى نىساندار قۇرىلىسىن جەدەل ىلگەرىلەتىپ، جوعارى دەڭگەيلى سىرتقا ەسىك اشۋدى كەڭەيتىپ، جاسىل، تومەن كومىر قىشقىل گازدى دامۋدى ىلگەرىلەتىپ، حالىق تۇرمىسىن ٴۇرتىس قامتاماسىز ەتىپ جانە جاقسارتىپ، شارۋاشىلىق ـ ساۋدا ورتاسىن ساپالىلاندىرىپ، ٴتۇيىندى سالالارداعى حاۋىپ ـ قاتەرلەردەن ساقتانىپ جانە ونى جويىپ، ەكونوميكانىڭ ساپا جاعىندا ٴونىمدى جوعارىلاۋىن جانە سان جاعىندا ۇيلەسىمدى ارتۋىن ٴۇرتىس ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا جاڭا ۇلەس قوسۋ كەرەك.
ٴماجىلىس مىناداي ۇندەۋ شىعاردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ساياسي جاۋاپكەرشىلىكتى ارقالاپ، قىزمەتتىڭ نەگىزگى جەلىسىن مىقتاپ يگەرىپ، تۋراشىلدىقتان اينىماي جاڭالىق اشىپ، اسقاق جىگەرمەن ۇمتىلىپ، شينجياڭنىڭ جۇڭحۋا ۇلتى ورتاق تۇلعا تانىمىن بەرىك ورناتۋداعى ٴتۇرلى قىزمەتتەرىن تىڭعىلىقتى ويداعىداي ىستەپ، ۇلتتار ىنتىماعى، العاباسارلىعى ىستەرىن جاپپاي ىلگەرىلەتىپ، جاڭا داۋىردەگى شينجياڭ قىزمەتىندە كۇش سالا جاڭا جاعداي اشۋ كەرەك.
ٴماجىلىس قاتىستى بەلگىلەمەلەرگە ساي، وبۇلقاسىم ٴماتتۇرسىن جولداستىڭ اۆتونوميالى رايوندىق پارتكومنىڭ مۇشەسى مىندەتىنەن بوساۋىن بەكىتتى، ازەز ٴالي جولداستىڭ اۆتونوميالى رايوندىق پارتكومنىڭ كانديدات مۇشەسى مىندەتىنەن بوساۋىن بەكىتتى.
اۆتونوميالى رايوندىق پارتكومنىڭ مۇشەلەرى، كانديدات مۇشەلەرى ماجىلىسكە قاتىناستى.
اۆتونوميالى رايوندىق پارتكومنىڭ مۇشەسى، كانديدات مۇشەسى ەمەس ولكە دارەجەلى باسشى جولداستار؛ قازىرگى مىندەتىنەن بوساعان ٴىشىنارا ولكە دارەجەلى باسشىلار جانە دەمالىسقا، زەينەتكە شىققان باس ولكە دارەجەلى باسشىلار؛ پارتيا 20 ـ قۇرىلتايىنىڭ ۇرىمجىدەگى ۋاكىلدەرى؛ اۆتونوميالى رايوندىق ٴتارتىپ تەكسەرۋ كوميتەتىنىڭ تۇراقتى مۇشەلەرى؛ اۆتونوميالى رايونعا (ورتالىققا) توتە قاراستى ورىنداردىڭ جانە ورتالىق ورىنداردىڭ، كاسىپورىنداردىڭ، بيڭتۋان ورگانى تاراۋلارىنىڭ جانە توتە قاراستى ورىنداردىڭ، ايماق، وبلىس، قالالاردىڭ جانە بيڭتۋاننىڭ شىلارىنىڭ، قالالارىنىڭ نەگىزگى جاۋاپتى جولداستارى؛ قاتىستى ٴدىني قوعامداردىڭ جاۋاپتىلارى قاتارلىلار ماجىلىسكە سىرتتاي قاتىناستى. ٴماجىلىس تەلەۆيزور ـ تەلەفون ٴماجىلىسى فورماسىمەن ايماق، وبلىس، قالالارعا، اۋدان، قالا، رايوندارعا جانە بيڭتۋاننىڭ شىلارىنا، قالالارىنا، تۋان الاڭدارىنا دەيىن اشىلدى.
