انار بۇلت \ شينجياڭ گازەتىنىڭ ٴتىلشىسى ۋي يۇڭگۇي
”دوستار، بۇل ٴبىزدىڭ شينجياڭ گۇما اۋدانىندا وندىرىلگەن اق كۇرەڭكەي، بىقتىرعاننان كەيىن حوش ٴيىسى مۇرىندى جارىپ، ٴدامى ٴتىل ۇيىرەدى“...”پيالمان انارىنان قازىر كوپ قالمادى، كوپ مولشەردە الماقشى بولساڭىزدار، جاڭا اناردىڭ بازارعا سالىنۋىن سابىرلىلىقپەن كۇتۋلەرىڭىزگە تۋرا كەلەدى“ ... 3 ـ ايدىڭ 20 ـ كۇنى حوتان ايماعىنىڭ گۇما اۋدانىنداعى ەلەكتروندى ساۋدا ىستەرى كاسىپ سالاسى باقشاسىندا 10 نەشە جۇرگىزۋشى تىكە تاراتۋدا ەرەكشە اۋىل شارۋاشىلىق قوسىمشا ونىمدەرىن ساتىپ، تاپسىرىس تولاسىسىز بەرىلدى.
گۇما اۋدانى بۇرىن مەملەكەت دارەجەلى كەدەي اۋدان بولاتىن، قازىر شينجياڭنىڭ اۋىل ـ قىستاق ەلەكتروندى ساۋداسىنىڭ دامۋىنداعى ۇلگىگە اينالدى. 2023 ـ جىلى 12 ـ ايدا 7 ـ كەزەكتى جۇڭگو اۋىل ـ قىستاق ەلەكتروندى ساۋدا ىستەرى جينالىسى جانە 2023 ـ جىلعى اۋىل ـ قىستاق تىكە تاراتۋ ەلەكتروندى ساۋدا مىسالدارى جەتىستىكتەرىن جاريالاۋ ماجىلىسىندە گۇما اۋدانىنىڭ ەلەكتروندى ساۋدانى دامىتۋ مىسالى سيلىققا يە بولدى.
سوڭعى جىلدارى رايونىمىزدىڭ اۋىل ـ قىستاق ەلەكتروندى ساۋدا كاسىپ سالاسى قارىشتاپ دامىپ، جەر ـ جەر ورىستەتكەن ”سيفرلى ساۋدا ارقىلى اۋىل شارۋاشىلىعىن كوركەيتۋ“، ”تىكە تاراتۋ ارقىلى اۋىل شارۋاشىلىعىنا دەم بەرۋ“ سياقتى قيمىلدار اۋىل ـ قىستاق ەلەكتروندى ساۋدا قوسىنىنىڭ ۇزدىكسىز زورايۋىنا كۇش ۇستەپ، اۋىل شارۋاشىلىق ونىمدەرىنىڭ ساتىلۋ سوماسى جىلدان ـ جىلعا جوعارىلادى. 2023 ـ جىلى رايونىمىزدىڭ اۋىل ـ قىستاقتارىنداعى ينتەرنەتتەگى بولشەك ساتۋ سوماسى 33 ميلليارد 888 ميلليون يۋانعا جەتىپ، سايكەس مەزگىلدەگىدەن %31.07 ارتتى؛ اۋىل شارۋاشىلىق ونىمدەرىنىڭ ينتەرنەتتە بولشەك ساتىلۋ سوماسى 19 ميلليارد 320 ميلليون يۋانعا جەتىپ، سايكەس مەزگىلدەگىدەن %22.81 ارتتى.
قايتكەندە اۋىل ـ قىستاق ەلەكتروندى ساۋدا كاسىپ سالاسىنىڭ ساپاسىن جوعارىلاتىپ، دەڭگەيىن ٴوسىرۋدى ونان ارى جەبەۋگە بولادى؟ 3 ـ ايدىڭ 13 ـ كۇنى ساۋدا ىستەرى مينيسترلىگى قاتارلى 9 تاراۋ بىرلەسىپ «اۋىل ـ قىستاق ەلەكتروندى ساۋداسىنىڭ جوعارى ساپالى دامۋىن ىلگەرىلەتۋ جونىندەگى اتقارۋ پىكىرىن» (تومەندە قىسقارتىلىپ «اتقارۋ پىكىرى» دەلىنەدى) جاريالادى. پىكىردە اۋىل ـ قىستاق ەلەكتروندى ساۋداسىنىڭ جوعارى ساپالى دامۋىنىڭ 5 جىلدىق جاڭا نىساناسى العا قويىلدى ٴارى 14 تارماقتى ناقتى ساياسات ـ شارا العا قويىلدى.
«اتقارۋ پىكىرىندە» مىنالار العا قويىلدى: كوپ ساتىلى اۋىل ـ قىستاق ەلەكتروندى ساۋدا امبەباپ قىزمەت وتەۋ تۇعىرىن قۇرۋ كەرەك، بۇل اۋدان وڭىرىندەگى تىكە تاراتۋ ەلەكتروندى ساۋدا بازاسىن تۇلعالاۋ، اۋىل ـ قىستاق سيفرلى تۇتىنۋىن جەتىلدىرۋ، اۋىل ـ قىستاق حالىققا قولايلى سيفرلى قىزمەت وتەۋىن كەڭەيتۋ سياقتىلاردى قامتيدى. اۋىل ـ قىستاق وسى زامانعى زات اينالىمى بويىنشا جەتكىزۋ جۇيەسى قۇرىلىسىن جەدەلدەتۋ جاعىندا «اتقارۋ پىكىرىندە» مىنالار العا قويىلدى: اۋىل ـ قىستاق زات اينالىمى جابدىقتارىنىڭ وسىزاماندانۋ دەڭگەيىن جوعارىلاتىپ، اۋىل ـ قىستاق زات اينالىمى بويىنشا جەتكىزۋدىڭ شوعىرلانۋ دەڭگەيىن جوعارىلاتىپ، اۋىل ـ قىستاق ساۋدا ـ زات اينالىمىنىڭ جاڭالىق اشا دامۋىن ىلگەرىلەتۋ كەرەك. كوپ نەگىزدى جاڭاشا اۋىل ـ قىستاق ەلەكتروندى ساۋدا نەگىزگى تۇلعاسىن جەتىلدىرۋ جاعىندا، «اتقارۋ پىكىرىندە» مىنالار العا قويىلدى: اۋىل ـ قىستاق ەلەكتروندى ساۋدا قامداۋ تىزبەگىنە قىزمەت وتەۋ كاسىپورىندارىن جانە اۋىل ـ قىستاق ەلەكتروندى ساۋدا باستاماشىلارىن باۋلۋ كەرەك.
«اتقارۋ پىكىرىندە» تاعى مىنالار العا قويىلدى: اۋىل ـ قىستاق ەلەكتروندى ساۋداسىن كاسىپ سالالاندىرا دامىتۋ دەڭگەيىن جوعارىلاتىپ، اۋىل ـ قىستاق ەلەكتروندى ساۋدا كاسىپ سالاسى تىزبەگىن ۇزارتىپ، اۋىل ـ قىستاق ەلەكتروندى ساۋدا ەرەكشە، ايگىلى ماركاسىن جەتىلدىرۋ كەرەك؛ كوپ ٴتۇرلى فورماداعى اۋىل ـ قىستاق ەلەكتروندى ساۋدا ساتۋدى جەبەۋ قيمىلدارىن ورىستەتىپ، اۋىل ـ قىستاق ەلەكتروندى ساۋدا قولدانىلىم جاعدايىندا جاڭالىق اشىپ، اۋىل ـ قىستاق تىكە تاراتۋ ەلەكتروندى ساۋدا جارىس ىستەرىن جانە ساتۋدى جەبەۋ قيمىلدارىن وتكىزۋ كەرەك. سونىمەن بىرگە «اتقارۋ پىكىرىندە» تاعى نىسانداردىڭ مال ـ مۇلكىنىڭ سوڭعى باسقارۋىن كۇشەيتىپ، بازارلانعان تيجاراتتىڭ كادەگە جاراۋىن، تياناقتانۋىن ويداعىداي ىستەۋ سياقتى قىزمەتتەرگە تالاپتار قويىلدى.
اۆتونوميالى رايوندىق ساۋدا ىستەرى مەڭگەرمەسى ەلەكتروندى ساۋدا جانە ينفورماتسيالاندىرۋ باسقارماسىنىڭ قاتىستى جاۋاپتىسى مىنالاردى ٴبىلدىردى: نازاردى اۋىل ـ قىستاق ەلەكتروندى ساۋداسىنىڭ جوعارى ساپالى دامۋىنىڭ 5 جىلدىق جاڭا نىساناسىنا شوعىرلاندىرىپ، «اتقارۋ پىكىرىندە» العا قويىلعان ٴتۇرلى ساياسات ـ شارالاردى ويداعىداي دايەكتىلەندىرىپ، تياناقتاندىرىپ، شينجياڭنىڭ ەلەكتروندى ساۋدا كاسىپ سالاسىنىڭ جوعارى ساپالى دامۋىن ىلگەرىلەتۋ كەرەك. بيىل اۆتونوميالى رايوندىق ساۋدا ىستەرى تاراۋلارى شينجياڭ ەلەكتروندى ساۋدا قوعامىن قۇرۋدى جەدەل ىلگەرىلەتىپ، ەلەكتروندى ساۋدا كاسىپ سالاسىنىڭ دامۋىن ونان ارى جەبەيدى؛ 5 ـ كەزەكتى شينجياڭ تىكە تاراتۋ ەلەكتروندى ساۋدا مەرەكەسىن جانە جەلىلەس قيمىلداردى ويداعىداي وتكىزىپ، جەر ـ جەردى اۋىل شارۋاشىلىق، مادەنيەت ـ ساياحات بايلىق باسىمدىعىنا سۇيەنىپ اۋىل شارۋاشىلىعىنا دەم بەرىپ، تىكە تاراتۋدا زات ساتۋ نەگىزگى تاقىرىپتىق قيمىلىن ورىستەتۋگە شابىتتاندىرادى؛ 2024 ـ جىلعى تىكە تاراتۋ ەلەكتروندى ساۋدا باسشىلار كەڭەسى وتكىزىلىپ، ٴبىر توپ ”اۆتونوميالى رايوندىق تىكە تاراتۋ ەلەكتروندى ساۋدادان ۇلگى كورسەتۋ بازاسى“، ”شينجياڭ ەلەكتروندى ساۋدا قامداۋ تىزبەگىنەن ۇلگى كورسەتۋ كاسىپورىندارى“، ”شينجياڭ ەلەكتروندى ساۋدا تىكە تاراتۋ، جالپىلاستىرۋ ەلشىسى“ سياقتىلارعا ات بەرىلەدى.
□ شاعىن ەسكەرتپە
”100، 1000، 10 مىڭنىڭ“ اراسىندا ٴسىز بەن ٴبىز دە بارمىز
«اتقارۋ پىكىرىندە» مىنالار العا قويىلدى: 5 جىل ۋاقىت جۇمساپ، جابدىقتارى كەمەلدى، نەگىزگى تۇلعاسى جاندى، اينالىمى ىركىلىسسىز، قىزمەت وتەۋى جوعارى ٴونىمدى اۋىل ـ قىستاق ەلەكتروندى ساۋدا قىزمەت وتەۋ جۇيەسىن نەگىزىنەن قۇرۋ كەرەك. تۇتاس مەملەكەتتە 100 اينالاسىندا اۋىل ـ قىستاق ەلەكتروندى ساۋدا ”باستاماشى اۋدانىن“ باۋلىپ، ەلەكتروندى ساۋدانىڭ اۋىل ـ قىستاق كاسىپ سالاسىن جەبەۋ رولى ونان ارى كۇشەيتىلەدى. 1000 اينالاسىندا اۋدان وڭىرىندەگى سيفرلى اينالىم تىرەكتى كاسىپورنىن باۋلىپ، ٴداستۇرلى ساۋدا اينالىمى كاسىپورىندارىنىڭ سيفرلانا، توراپتانا، زەردەلىلەنە تيپ جاڭالاۋىندا بەلەستىك ىلگەرىلەۋشىلىكتەرگە قول جەتكىزىلەدى. 1000 اينالاسىندا اۋدان وڭىرىندەگى تىكە تاراتۋ ەلەكتروندى ساۋدا بازاسىن تۇلعالاپ، تىكە تاراتۋ ەلەكتروندى ساۋدا قولدانىلىم دەڭگەيى ونان ارى جوعارىلاتىلادى. 10 مىڭ اينالاسىندا اۋىل ـ قىستاق ەلەكتروندى ساۋدا باستاماشىسىن باۋلىپ، اۋىل ـ قىستاق ەلەكتروندى ساۋداسىنىڭ جۇمىستانۋعا، شارۋاشىلىق قۇرۋعا جەتەكتەۋ قابىلەتى ونان ارى جوعارىلاتىلادى.
اۋىل ـ قىستاق سيفرلى تۇتىنۋ ورتاسى ونان ارى بايىتىلادى
«اتقارۋ پىكىرىندە» مىنالار العا قويىلدى: 5G، جاساندى زەردە، جىلجىمالى اقشا تولەۋ سياقتى تەحنيكالاردى جالپىلىق قولدانىپ، شارت ـ جاعداي ازىرلەگەن اۋىل ـ قىستاق ساۋدا توراپ تۇيىندەرىنە سيفرلاندىرىپ وزگەرتۋ جۇرگىزىپ، كوپ ٴتۇرلى تۇتىنۋ ورتاسىن تۇلعالاپ، توراپتا تاپسىرىس بەرىپ، دۇكەننەن الۋ، شيكى، جاس زاتتاردى تىكە جەتكىزۋ سياقتى قىزمەت وتەۋ ورىستەتىپ، تۇرعىنداردىڭ تۇتىنۋ سەزىنۋىن مولايتادى. سيفرلى قۋات ۇستەۋ ارقىلى قامداۋ تىزبەگىن تومەنگە ٴتۇسىرۋدى ىلگەرىلەتىپ، جاڭا ەنەرگيا اۆتوموبيلىن، جاسىل، زەردەلى ٴۇي ەلەكتر جابدىقتارىن، جاسىل قۇرىلىس ماتەريالدارىن جانە ٴۇي جيھازدارىن، ٴۇي اشەكەيلەۋدى اۋىل ـ قىستاققا جەتكىزۋدى ۇزدىكسىز قولداپ، جالپىلىق تاۋارلاردىڭ جاڭالانىپ، دەڭگەيىن جوعارىلاتۋى جەبەلەدى. بازار، كوشە اۋماقتارى، ساۋداگەرلەر الارماندارعا ٴجون سىلتەپ تىكە تاراتۋ جۇرگىزىپ، ەرەكشە ساۋدا دۇكەندەرىن، تاۋارلاردى جانە قىزمەت وتەۋدى تانىستىرۋعا شابىتتاندىرىلادى.
”ينتەرنەت جەلىسىندە تۇتىنۋشى باۋراۋ + ينتەرنەت جەلىسىنەن تىسقارى ناقتى تۇلعالىق تۇتىنۋ“ ۇلگىسى دامىتىلادى
«اتقارۋ پىكىرىندە» مىنالار العا قويىلدى: جەر ـ جەردى تىكە تاراتۋ تۇعىرى، جوعارى تەحنيكۋم مەكتەپتەرى، كاسىپ قوعامى سياقتىلارمەن بىرلەسىپ تىكە تاراتۋ جارىسى سياقتى جارىس قيمىلدارىن ورىستەتۋگە شابىتتاندىرىپ، تىكە تاراتۋ ەلەكتروندى ساۋدا دارىندىلارىن بايقاپ، جۇرگىزۋشىنىڭ كاسىپتىك دەڭگەيىن جانە زات ساتۋ قابىلەتىن جوعارىلاتۋ كەرەك. ايگىلى ماركانى ٴوزى تاراتۋ، قىستاق تاراتۋ، زاۆود تاراتۋ سياقتى ەرەكشە تىكە تاراتۋلار ورىستەتۋ كەرەك. ”تىكە تاراتۋ “+ توعىسپالى دامۋىن ىلگەرىلەتىپ، اۋىل ـ قىستاق قونالقى، اس ـ سۋ، ساياحات جانە ٴداستۇرلى ساۋدا اينالىمى كاسىپورىندارى، ساۋدا كاسىبى توراپ تۇيىندەرى سياقتىلاردى تىكە تاراتۋ كاسىبىن اشۋعا جەتەكتەپ، ”ينتەرنەت جەلىسىندە تۇتىنۋشى باۋراۋ + ينتەرنەت جەلىسىنەن تىسقارى ناقتى تۇلعالىق تۇتىنۋ“ ۇلگىسى دامىتىلادى.
