اۆتونوميالى رايوننىڭ حالىقتىق كاسىپورىنداردىڭ ارناۋلى قارجى قۇراۋىن ٴتۇيىلىستىرۋ ماجىلىسىندە
جاسالعان قارىز اقشا كەلىسىمىنىڭ سوماسى 16 ميلليارد 800 ميلليون يۋان بولدى
انار بۇلت \ شينجياڭ گازەتىنىڭ ٴتىلشىسى ۋاڭ يۇڭفي 4 ـ ايدىڭ 13 ـ كۇنى ۇرىمجىدەن حابارلايدى. 4 ـ ايدىڭ 12 ـ كۇنى اشىلعان اۆتونوميالى رايوننىڭ ”ۇكىمەت ـ فينانس ـ كاسىپورىندى“ ٴتۇيىلىستىرۋ ٴماجىلىسىنىڭ حالىقتىق كاسىپورىندار ارناۋلى الاڭىندا 14 كاسىپورىن 13 فينانس قۇرىلىمىمەن كەلىسىمگە قول قويىسىپ، جاسالعان قارىز اقشا كەلىسىمىنىڭ سوماسى 16 ميلليارد 800 ميلليون يۋان بولدى.
ٴتۇيىلىستىرۋ ماجىلىسىندە پيڭ ـ ان مال ـ مۇلىك قامسىزداندىرۋى شينجياڭ بولىمشە سەرىكتەستىگى مەن ەرەكشە ترانسفورماتور شينجياڭ كەرنەۋ وزگەرتكىش زاۆودى ”مال ـ مۇلىك بارلىق قامسىزداندىرۋى، ٴونىم ساپاسىنا كەپىلدىك ەتۋ قامسىزداندىرۋى سياقتى ٴبىر قىدىرۋ قامسىزداندىرۋ نىساندارىنا“ قول قويىستى، مەجەمەن كاسىپورىندارعا 2 ميلليارد يۋان حاۋىپ ـ قاتەر قامتاماسىزدىعىن ازىرلەيدى.
سوڭعى جىلدارى شينجياڭ حالىقتىق كاسىپورىندارعا فينانستىق قىزمەت وتەۋ ساپاسىن، ونىمدىلىگىن ۇزدىكسىز جوعارىلاتىپ، حالىقتىق كاسىپورىنداردى قولداۋ سەرپىنىن ۇزدىكسىز ارتتىردى. مەملەكەتتىك فينانستى باقىلاۋ ـ باسقارۋ باس مەكەمەسىنىڭ ساناعىنا نەگىزدەلگەندە، وتكەن جىلدىڭ سوڭىنا دەيىن، شينجياڭنىڭ فينانس قۇرىلىمدارىنداعى حالىقتىق كاسىپورىنداردىڭ قارىز اقشا قالدىق سوماسى 889 ميلليارد 274 ميلليون يۋانعا جەتىپ، جىل باسىنداعىدان %9.2 ارتىپ، وسىعان ساياتىن قارىز اقشا قالدىق سوماسى بارلار 2 ميلليون 47 مىڭ 100گە جەتكەن؛ سول جىلى حالىقتىق كاسىپورىندارعا جيىنى 953 ميلليارد 205 ميلليون يۋان قارىز اقشا تاراتىلىپ، وتكەن جىلداعىدان %23.25 ارتقان.
ونەركاسىپ ـ ساۋدا بانكەسىنىڭ شينجياڭ بولىمشە بانكەسى جالپىلىق قىزمەت وتەۋ، بايلىقتى جايعاستىرۋ، حاۋىپ ـ قاتەردى باسقارۋ جانە باعالاۋ سياقتى جاقتاردان حالىقتىق كاسىپورىنداردى قولدايتىن ”بەس ارناۋلى“ شارۋاشىلىق مەحانيزمىن ورناتتى؛ اسىرەسە، باعالاۋ جاعىندا بۇل بانكە جالپىعا ٴتيىمدى فينانستىڭ ”نەگىزگى باسشى“ جاۋاپكەرشىلىك ٴتۇزىمىن اتقارىپ، حالىقتىق قارىز اقشانىڭ ارتۋ شاماسى، تىڭنان قوسىلعان قاريدارلاردىڭ ارتۋ شاماسى، قارىز اقشا سالىستىرماسى سياقتى كورسەتكىشتەردى شارۋاشىلىق ناتيجەسىن باعالاۋ جۇيەسىنە ەنگىزىپ، ساتىلار بويىنشا نىسانانى جىكتەدى ٴارى تياناقتاندىرۋدى ۇزدىكسىز ىلگەرىلەتتى.
شيڭيە بانكەسىنىڭ ٴۇرىمجى بولىمشە بانكەسى كوپ ٴتۇرلى شارانى قاتار قولدانىپ، حالىقتىق كاسىپورىندارعا اناعۇرلىم جاقسى فينانستىق قىزمەت وتەۋگە قۇلشىندى. 2023 ـ جىلدىڭ سوڭىنا دەيىن، وسى بانكەنىڭ شينجياڭداعى حالىقتىق كاسىپورىندارداعى قارىز العان قاريدارلارى 3000نان استى (جەكەلەردىڭ شارۋاشىلىق قارىز اقشاسىن قامتيدى)، حالىقتىق قارىز اقشانىڭ قالدىق سوماسى 24 ميلليارد 100 ميلليون يۋان بولىپ، الدىڭعى جىلداعىدان 2 ميلليارد 200 ميلليون يۋان ارتىپ، ارتۋ قارقىنى %10.3 بولدى، حالىقتىق قارىز اقشا وسى بانكەنىڭ كاسىپورىن قارىز اقشاسى جالپى سوماسىنىڭ %49.6ىن ۇستادى.
شينجياڭ بانكەسى ٴوزىنىڭ مەملەكەتتىك فينانس قۇرىلىمدارىمەن پارىقتى ورنىن دۇرىس يگەرىپ، حالىقتىق كاسىپورىنداردى ٴتۇيىندى قىزمەت وتەۋ وبيەكتىسى ەتىپ، حالىقتىق كاسىپورىنداردىڭ قارجى قۇراۋىن قولداۋدى ۇزدىكسىز كۇشەيتتى. بيىل 3 ـ ايدىڭ سوڭىنا دەيىن شينجياڭ بانكەسى 900گە جۋىق حالىقتىق كاسىپورىنعا قىزمەت وتەگەن، قارىز اقشا قالدىق سوماسى 45 ميلليارد 200 ميلليون يۋان بولىپ، كاسىپورىن قارىز اقشا قالدىق سوماسىنىڭ %70ىن ۇستاعان.
نازاردى اۋىل شارۋاشىلىعىنا ساياتىن كاسىپ سالاسى، جابدىق جاساۋ، ساۋدا، زات اينالىمى سياقتى حالىقتىق شارۋاشىلىقتىڭ ٴتۇيىندى سالالارىنا تەرەڭ شوعىرلاندىرعان شينجياڭ اۋىل ـ قىستاق امانات ـ قارىز كووپەراتيۆى كوپ ٴتۇرلى شارانى قاتار قولدانىپ، حالىقتىق شارۋاشىلىقتىڭ دامۋىن، زورايۋىن جەبەدى. سوڭعى 3 جىلدا شينجياڭ اۋىل ـ قىستاق امانات ـ قارىز كووپەراتيۆىنىڭ حالىقتىق كاسىپورىندارعا بەرگەن جالپى قارىز اقشاسى 400 ميلليارد يۋاننان استى؛ بيىل 3 ـ ايدىڭ سوڭىنا دەيىن، حالىقتىق كاسىپورىنداردىڭ قارىز اقشا قالدىق سوماسى 161 ميلليارد 958 ميلليون يۋانعا جەتتى.
2023 ـ جىلى حالىق مال ـ مۇلىك قامسىزداندىرۋى شينجياڭ بولىمشە سەرىكتەستىگى 24 مىڭ 250 ورتا، شاعىن، ۇساق كاسىپورىندى 220 ميلليارد يۋان ٴتۇرلى حاۋىپ ـ قاتەر قامتاماسىزدىعىمەن قامدادى؛ 665 (رەت) ورتا، شاعىن، ۇساق ناقتى كاسىپورىننىڭ، جەكە ساۋدا ـ ونەركاسىپشىلەردىڭ 94 ميلليون 54 مىڭ يۋان قارىز اقشا الۋىنا نەمەسە قارجى قۇراۋىنا كومەكتەستى.
شينجياڭنىڭ جەرگىلىكتى زايوم ساۋداگەرى رەتىندە، شىنۋان حۇڭيۋان باتىس بولىك اكتسيا شەكتى سەرىكتەستىگى جارنا ۇقىعى ارقىلى قارىز اقشامەن قارجى قۇراۋ، بىرىكتىرىپ ساتىپ الىپ قايتا قۇرۋ، جارناسىن بازارعا شىعارۋعا جەتەكشىلىك ەتۋ، حاۋىپ ـ قاتەردى باسقارۋ، بايلىق باسقارۋ سياقتى كوپ جاقتاردان شينجياڭداعى حالىقتىق كاسىپورىنداردىڭ دامۋىن قولدادى.
جيۋشىڭحى جارناسى تىزگىندەلەتىن توبى شەكتى سەرىكتەستىگى وسى زامانعى تۇقىم شارۋاشىلىعى عىلىم ـ تەحنيكاسىندا جاڭالىق اشۋ، وسى زامانعى اۋىل شارۋاشىلىعىن باسقارۋ ۇلگىسىندە جاڭالىق اشۋ جانە اۋىل شارۋاشىلىق قوسىمشا ونىمدەرى بيولوگيالىق تەحنيكاسىندا جاڭالىق اشۋدى شوعىرلى ٴبىر تۇلعالاندىرعان اۋىل شارۋاشىلىعىنىڭ تۇتاس كاسىپ سالاسى تىزبەگىن دامىتۋ جالپىلىق توبى سەرىكتەستىگى. 2007 ـ جىلى 4 ـ ايدان قازىرگە دەيىن اۋىل شارۋاشىلىعىن دامىتۋ بانكەسىنىڭ شينجياڭ بولىمشە بانكەسى جيۋشىڭحىعا جيىنى 4 ميلليارد يۋاننان استام ٴتۇرلى قارىز اقشا بەردى.
جيۋشىڭحىنىڭ اتقارۋشى باس جوراسى شى ياليڭ بىلاي دەدى: اۋىل شارۋاشىلىعىن دامىتۋ بانكەسى عانا ەمەس، تاعى كوپتەگەن بانكەلەر سەرىكتەستىككە ٴتۇرلى فينانستىق قولداۋ كورسەتىپ، سەرىكتەستىكتىڭ جاڭالىق اشۋ قابىلەتىنىڭ جوعارىلاۋىنا جانە ۇزاق ۋاقىت ورنىقتى دامۋىنا بەرىك نەگىز قالادى.
