ۋاكىل زويا باقىت:
جوعارى ساپامەن مىندەت وتەۋدىڭ جاۋاپناماسىن دەن قويا جازامىن
□ انار بۇلت \ شينجياڭ گازەتىنىڭ ٴتىلشىسى لي جيا ـ ني، ەرىكتى ٴتىلشى دۇڭ شىجۇي
”شينجياڭ ۋاكىلدەر ۇيىرمەسىنىڭ اشىق ۇيىرمە قيمىلىندا شينجياڭنىڭ قار ـ مۇز ساياحاتى تاعى دا جۇرت نازارىن اۋداردى، مەن ٴوز ماڭىمداعى ناقتى مىسالدار ارقىلى تىلشىلەردىڭ سۇراۋىنا جاۋاپ بەردىم، شينجياڭ اشىق، سەنىمدى، ومىرشەڭدىك كۇشكە تولى مەكەن“. تاياۋدا، مەملەكەتتىك حالىق قۇرىلتايىنىڭ ۋاكىلى، التاي ايماقتىق مادەني ەسكەرتكىش جانە مۇراجاي مەكەمەسىنىڭ قىزمەتكەرى زويا باقىت شينجياڭ شەكارادان كىرۋ ـ شىعۋ شەكارا قورعانىسى تەكسەرۋ باس پۋنكتى التاي شەكارالىق باسقارۋ تارماق اترەتىنە كەلىپ مەملەكەتتىك ەكى ٴماجىلىس رۋحى جونىندە ۇگىت لەكسيا جاسادى.
مەملەكەتتىك ەكى ٴماجىلىس الاڭىنان ۇگىت لەكسيا الاڭىنا دەيىن، زويا باقىت ٴتول كەشىرمەسى ارقىلى العان العاشقى اسەرى نەگىزىندە، قاراپايىم دا ۇعىنىقتى تىلمەن ٴوزىنىڭ مەملەكەتتىك ەكى ٴماجىلىس كەزىندە كورگەنىن، ەستىگەنىن، سەزىنگەندەرىن ٴبولىستى.
ۇكىمەت قىزمەتىنەن باياندامادا مادەني ەسكەرتكىشتەردى جۇيەلى قورعاۋدى جانە ونان ۇيلەسىمدى پايدالانۋدى كۇشەيتۋ العا قويىلدى، بۇل جالعاستىرۋ مەن دامىتۋدىڭ ديالەكتيكالىق بىرلىگى قاتىناسىن ايگىلەدى. ەسكەرتكىش جانە مادەني مۇراجاي قىزمەتكەرى رەتىندە، زويا باقىت مۇراجايدا ساقتالعان مادەني ەسكەرتكىشتەرگە، بايتاق دالاعا قويىلعان مۇرالارعا جان ٴبىتىرۋدىڭ تاريحي مادەني مۇرالاردى قورعاۋ، پايدالانۋداعى كەلەلى ٴمانىن تەرەڭ تۇسىنەدى، مادەني ەسكەرتكىشتەردى قورعاۋ جەتىستىگى ارقىلى ٴتىپتى دە كوپ بۇقاراعا تيىمدىلىك جەتكىزۋدە مىندەت اۋىر، جول ۇزاق ەكەنىن دە انىق بىلەدى.
”التاي ايماعىن مىسالعا الساق، قار ـ مۇز ەكونوميكاسىنىڭ قارىشتاپ دامۋىنا ىلەسە، التايدىڭ قار ـ مۇز دالاسى ەكونوميكانى دامىتۋدىڭ ’قىزۋ‘ اسەرىن جارىققا شىعارىپ، اس ـ سۋ، تۇسەلحانا، كوڭىل اشۋ، قاتىناس سياقتى تۇتاس كاسىپ تىزبەگىنىڭ دامۋ جۇيەسىن قالىپتاستىرۋعا باستاماشىلدىق ەتتى“. زويا باقىت بىلاي دەدى: شينجياڭنىڭ جەرى كەڭ، كورىنىسى كوركەم، ساياحات بايلىعى مول، جاراتىلىستىق بايلىق پەن تاريحي مادەني مۇرا ٴبىر ـ بىرىنە ٴار بەرگەن، بولاشاقتا شينجياڭنىڭ ساياحات كومەسكى كۇشى بارعان سايىن مول بولاتىنى داۋسىز.
”انىق ٴتۇسىندىردى، ٴبىز كوپ نارسەنى بىلدىك“. ”مول بىلىمگە يە بولدىق، ٴبىز مەملەكەتتىك ەكى ٴماجىلىس رۋحىن بۇقاراعا قىزمەت وتەۋدىڭ جاڭا شاراسىنا، جاڭا ادىسىنە اينالدىرىپ، التاي ايماعىنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە جاڭا قوزعاۋشى كۇش ۇستەيمىز“. ۇگىت لەكسيانى تىڭداعان سوڭ، كوپشىلىك ۇيرەنۋدى تەك ۇران سالىپ اۋىز جۇزىندە قالدىرۋعا بولمايتىنىن، ٴسوز جوق، ٴىس جۇزىندىك ارەكەتتە ايگىلەپ، نەگىزگى ساتىدا قىزمەت ىستەۋ باسىمدىعىن ساۋلەلەندىرىپ، ۇكىمەت قىزمەتىنەن باياندامادا العا قويىلعان حالىق تۇرمىسى شارالارىن ناقتى تياناقتاندىرىپ، جۇرت جۇرەگىنە ۇيالاتاتىندىقتارىن جابال ٴبىلدىردى.
”نەگىزگى ساتى حالىق قۇرىلتايى ۋاكىلى رەتىندە، مەن مەملەكەتتىك ەكى ٴماجىلىستىڭ رۋحىن ويداعىداي ۇگىتتەپ، ويداعىداي تياناقتاندىرامىن“. زويا باقىت مىنالاردى ٴبىلدىردى: بۇقارامەن بايلانىستى كۇشەيتىپ، بۇقارادان الىپ، بۇقاراعا قايتارۋعا باستان ـ اياق تاباندى بولىپ، پارتيانىڭ حالىققا تيىمدىلىك جاساپ، حالىققا پايدا جەتكىزۋ ابزال ساياساتىن، جاقسى ٴۇنىن دەر كەزىندە بۇقاراعا جەتكىزەمىن. ”جوعارى ساپالى دامۋعا دەم بەرۋ، 10 مىڭ ۋاكىل 10 مىڭ وتباسىنا بارۋ“ سياقتى قيمىلدارعا بەلسەندى ات سالىسىپ، بۇقارا ەڭ كوڭىل ٴبولىپ وتىرعان، ەڭ تىكە، ەڭ كوكەي تەستى ماسەلەلەردى دەر كەزىندە ۇعىسىپ، جيناپ، ۇسىنىس ـ پىكىر جازىپ، ۋاكىلدىك قىزمەت مىندەتىمدى وتەپ، مىندەت وتەۋدىڭ جاۋاپناماسىن ويداعىداي جازامىن.
