جاڭاشا ونەركاسىپتەندىرۋدى جوعارى ساپامەن ىلگەرىلەتۋ سياقتى قىزمەتتەردى اقىلداستى
انار بۇلت \ شينجياڭ گازەتىنىڭ ٴتىلشىسى لي ياڭ 4 ـ ايدىڭ 12 ـ كۇنى ۇرىمجىدەن حابارلايدى. 4 ـ ايدىڭ 12 ـ كۇنى تۇستەن كەيىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشىپ، باس شۋجي شي جينپيڭنىڭ تاياۋداعى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جەتكىزدى، ۇيرەندى، جاڭاشا ونەركاسىپتەندىرۋدى جوعارى ساپامەن ىلگەرىلەتۋ، مەملەكەت جەرىن جاسىلداندىرۋ، ەكولوگيالىق ورتانى وڭىرلەرگە ٴبولىپ باسقارۋ ـ مەڭگەرۋ سياقتى قىزمەتتەردى اقىلداستى، ۇكىمەت جۇيەسىنىڭ پارتيا ٴتارتىبىن ۇيرەنۋ تاربيەسىن ورىستەتۋى سياقتى قىزمەتتەردى ورنالاستىردى.
ءماجىلىس مىنالاردى اتاپ كورسەتتى: جاڭاشا ونەركاسىپتەندىرۋدى ىلگەرىلەتۋدى جالپى جاعداي قىزمەتىنىڭ كورنەكتى ورنىنا قويىپ، جاڭا كەزەكتى عىلىم ـ تەحنيكا توڭكەرىسى مەن كاسىپ سالاسى وزگەرىسى ورايىن مىقتاپ يگەرىپ، دامۋعا جاڭالىق اشۋ ارقىلى دەم بەرۋ ستراتەگياسىن جانە جاساۋ جاعىندا قۋاتتى رايون ستراتەگياسىن ىشكەرىلەي اتقارىپ، ”سەگىز ٴىرى كاسىپ سالاسى شوعىرىن“ جوعارى ساپامەن قۇرىپ، جاڭاشا وندىرگىش كۇشتەردى جەدەل جەتىلدىرىپ جانە دامىتىپ، كاسىپ سالاسىنىڭ شوعىرلانا، جوعارى دەڭگەيلىلەنە، زەردەلىلەنە، جاسىلدانا دامۋ دەڭگەيىن جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە مىعىم تىرەك ازىرلەۋ كەرەك. كاسىپورىنداردىڭ عىلىم ـ تەحنيكادا جاڭالىق اشۋداعى تۇلعالىق ورنىن كۇشەيتىپ، ٴتۇيىندى سالالارداعى شەشۋشى، وزەكتى تەحنيكالاردان قامال الۋعا جانە جەتىستىكتەردى كادەگە جاراتۋعا قولداۋ كورسەتىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ تەرەڭدەي توعىسۋىن ىلگەرىلەتۋ كەرەك. بازارلانعان، زاڭمەن باسقارىلاتىن، حالىقارالانعان ماڭداي الدى شارۋاشىلىق ـ ساۋدا ورتاسىن قالىپتاستىرىپ، قازىنالىق ۇسىنىلىمدى جانە فينانستىق قولداۋدى كۇشەيتىپ، ساپا تىرەگى مەن ولشەم جەتەكشىلىگىن كۇشەيتىپ، رايونىمىزدىڭ جاڭاشا ونەركاسىپتەندىرۋ ٴۇردىسىن ىلگەرىلەتۋدىڭ قۋاتتى بىرىككەن كۇشىن شوعىرلاندىرۋ كەرەك.
ٴماجىلىس مىنالاردى باسا دارىپتەدى: جاسىل تاۋ، تۇنىق سۋ _ باعالى بايلىق ۇستانىمىن مىقتاپ ورناتىپ، جاسىلدى كەڭەيتۋ، جاسىلدى گۇلدەندىرۋ، جاسىلدى قورعاۋدى قاتار اتقارىپ، مەملەكەت جەرىن جاسىلداندىرۋ مەن ورمان، جايلىم بايلىعىن قورعاۋدى ىشكەرىلەي ىلگەرىلەتىپ، جەرگىلىكتى جاعدايعا قاراي ەرەكشە ورمان، جايلىم كاسىپ سالاسىن دامىتىپ، ەكولوگيا ونىمدەرىنىڭ قۇن جاراتۋىن جەدەلدەتىپ، ەكولوگيالىق باسىمدىقتى دامۋ باسىمدىعىنا اينالدىرۋعا قۇلشىنۋ كەرەك. قالالاردى جاسىلداندىرۋ قىزمەتىن بەلسەنە ىلگەرىلەتىپ، رايونىمىز قالالارىنىڭ ٴىس جۇزىندىك جاعدايىن شىعار ٴتۇيىن ەتۋگە تاباندى بولىپ، قالالاردىڭ ەكولوگيالىق كەڭىستىگىن ۇزدىكسىز كەڭەيتىپ، قالانىڭ سالىنىپ بولعان وڭىرلەرىنىڭ جاسىل جامىلعىمەن كومكەرىلۋ سالىستىرماسىن جوعارىلاتۋ كەرەك. شولەيتتەنۋدەن جان ـ جاقتى ساقتانۋ ـ وڭاۋدى بار كۇشپەن ىلگەرىلەتىپ، سۋ ارقىلى كوگالدى بەلگىلەۋگە، جەرگىلىكتى جاعدايعا قاراي ىستەۋگە تاباندى بولىپ، ”ٴۇش تەرىستىك“ ىقتاسىن ورمانى ينجەنەرياسى ارقىلى قۇمدى بەكەمدەۋ، فوتوۆولت ارقىلى قۇمدى تىزگىندەۋ ۇلگىسىن بار كۇشپەن جالپىلاستىرىپ، تاكلاماكان ٴشولى جيەكتىك توسقاۋىل شايقاسىن بار كۇشپەن ويداعىداي جۇرگىزۋ كەرەك.
ٴماجىلىس مىنالاردى اتاپ كورسەتتى: ەكولوگيالىق ورتانى وڭىرلەرگە ٴبولىپ باسقارۋ ـ مەڭگەرۋدى اتقارۋ _ كورىكتى جۇڭگو قۇرىلىسىن جاپپاي ىلگەرىلەتۋدەگى ماڭىزدى ٴتۇزىم جاسامپازدىعى. ساياسي دەڭگەيدى شىنايى جوعارىلاتىپ، وڭىرلەرگە ٴبولىپ باسقارۋ ـ مەڭگەرۋ تالابىن جاپپاي تياناقتاندىرىپ، ەڭ قاتاڭ ٴتۇزىم، ەڭ قاتاڭ زاڭمەن باسقارۋ ارقىلى ەكولوگيالىق ورتانى قورعاۋ كەرەك. تاراۋلاردىڭ سايكەسە بىرلەسىپ ارەكەتتەنۋىن كۇشەيتىپ، رايونىمىزدىڭ ”ٴۇش شەك، ٴبىر ٴتىزىم“ بويىنشا ەكولوگيالىق ورتانى وڭىرلەرگە ٴبولىپ باسقارۋ ـ مەڭگەرۋىن ويداعىداي يگەرىپ، جوعارى دەڭگەيدەگى قورعاۋ ارقىلى جوعارى ساپالى دامۋدى ىلگەرىلەتىپ، جوعارى ساپالى تۇرمىس جاراتىپ، ادام مەن تابيعات جاراسىمدى قاتار ٴومىر سۇرەتىن كورىكتى شينجياڭدى قۇلشىنا قۇرۋ كەرەك.
ٴماجىلىس مىنالاردى باسا دارىپتەدى: يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، اۆتونوميالى رايوندىق پارتكومنىڭ تالاپتارى بويىنشا، «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسىن» ۇيرەنۋدى تۇتاس بارىسپەن ساباقتاستىرىپ، دايەكتى جالعاستىرۋداي جوعارى ولشەم، قاتاڭ تالاپپەن پارتيا ٴتارتىبىن ۇيرەنۋ تاربيەسىن ويداعىداي ورىستەتىپ، ٴتارتىپتى ۇيرەنۋدى، ٴتارتىپتى ٴبىلۋدى، ٴتارتىپتى ايقىنداۋدى، تارتىپكە بويسۇنۋدى ورىنداۋ كەرەك. تارتىپكە، زاڭعا قايشىلىق جاساعان دەلو مىسالدارىنىڭ ساقتاندىرۋ تاربيەلىك رولىن تولىق ساۋلەلەندىرىپ، دەلو ارقىلى ٴمورالدى ٴتۇسىندىرىپ، دەلو ارقىلى ٴتارتىپتى ٴتۇسىندىرىپ، دەلو ارقىلى زاڭدى ٴتۇسىندىرىپ، دەلو ارقىلى جاۋاپكەرشىلىكتى ٴتۇسىندىرىپ، پارتيا مۇشەلەرىن، كادرلاردى سەرگەك بولاتىن، تومەنگى شەكتى انىق بىلەتىن، يمەنۋدى بىلەتىن ەتۋ كەرەك. ۇيىمدىق باسشىلىقتى جانە قۋزاپ تياناقتاندىرۋدى كۇشەيتىپ، پارتيا ٴتارتىبىن ۇيرەنۋ تاربيەسىن ورىستەتۋدى فورماشىلدىقتى ۇزدىكسىز تۇزەتىپ نەگىزگى ساتىنىڭ اۋىرتپالىعىن جەڭىلدەتۋمەن ۇشتاستىرىپ، فورماشىلدىقتان قاتاڭ ساقتانىپ، ىشكەرىلەي تەكسەرۋ ـ زەرتتەۋ جۇرگىزۋ، ماسەلەنى شەشۋدى ىلگەرىلەتۋ قابىلەتىن جوعارىلاتىپ، پارتيا ٴتارتىبىن ۇيرەنۋ تاربيەسىنىڭ تىڭعىلىقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.
ٴماجىلىس باسقا دا ىستەردى اقىلداستى.
