چيڭميڭ دەمالىسىندا شينجياڭنىڭ تۇتىنۋ بازارىنىڭ اينالىمى ورنىقتى بولدى
اس ـ سۋ تۇرىندەگى تۇتىنۋ سايكەس مەزگىلدەگىدەن %26.97 ارتتى
انار بۇلت \ شينجياڭ گازەتىنىڭ ٴتىلشىسى حي حۇڭۋي 4 ـ ايدىڭ 6 ـ كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، چيڭميڭ دەمالىسى كەزىندە بۇكىل شينجياڭداعى تۇرمىستىق قاجەتتى بۇيىمدار بازارىندا قامداۋ جەتكىلىكتى، تاۋار ٴتۇرى مول، زات اينالىم ارناسى ىركىلىسسىز، باعا جالپى جاقتان ورنىقتى بولعان. ساۋدا ىستەرى تاراۋلارى ٴتۇيىندى باقىلاعان 94 بولشەك ساتۋ، اس ـ سۋ كاسىپورنىنىڭ ساتىلۋ سوماسى 103 ميلليون يۋانعا جەتكەن، مۇنىڭ ىشىندە اس ـ سۋ ٴتۇرىنىڭ ساتىلۋ سوماسى بىلتىرعى سايكەس مەزگىلدەگىدەن %26.97 ارتقان.
ساۋدا ىستەرى مينيسترلىگى تۇرمىستىق قاجەتتى بۇيىمدار تۇعىرىنىڭ باقىلاۋ ـ ولشەۋ ساندى مالىمەتىنە نەگىزدەلگەندە، چيڭميڭ دەمالىسى كەزىندە شينجياڭنىڭ نەگىزگى اۋىل شارۋاشىلىعى قوسىمشا ونىمدەرىنىڭ باعاسى جالپى جاقتان ورنىقتى، استىق باعاسى نەگىزىنەن تۇراقتى بولعان، بۇكىل شينجياڭنىڭ تۇتىنۋ بۇيىمدارى بازارىندا كۇرىش، ۇن، ماي، ەت، جۇمىرتقا، ٴسۇت، كوكونىس، جەمىس ـ جيدەك، سۋ ونىمدەرىنىڭ باعاسى ورنىقتى، مولشەرى جەتكىلىكتى بولعان.
چيڭميڭ دەمالىسىنىڭ الدىندا، اۆتونوميالى رايوندىق ساۋدا ىستەرى مەڭگەرمەسى «2024 ـ جىلعى چيڭميڭ دەمالىسى كەزىندە بازاردى باقىلاۋ ـ ولشەۋ قىزمەتىن ويداعىداي ىستەۋ جونىندەگى حابارلاندىرۋدى» تاراتىپ، جەر ـ جەردەن چيڭميڭ دەمالىسى كەزىندە بازاردى باقىلاۋ ـ ولشەۋ قىزمەتىنە ايرىقشا ٴمان بەرىپ، ساندى مالىمەتتەردى قۋزاۋدى، تەكسەرۋدى كۇشەيتىپ، بازاردىڭ قامداۋىن بار كۇشپەن قامتاماسىز ەتىپ، ساۋدا ـ ساتتىق سالاسىنداعى حاۋىپسىزدىك حاۋىپ ـ قاتەرلەرىن، كومەسكى كىناراتتاردى ٴبىر ـ بىردەن تەكسەرۋدى، رەتتەۋ ـ وڭاۋدى شىنايى كۇشەيتۋدى تالاپ ەتتى.
مەرەكە كەزىندە شينجياڭداعى ٴىرى ساۋدا سارايلارى، ەرەن بازارلار، اس ـ سۋ كاسىپورىندارى مەرەكە، دەمالىس كۇندەرىندە تۇتىنۋ ورايىن مىقتى يگەرىپ، ساتۋدى جەبەۋ قيمىلدارىن ورىستەتتى. شينجياڭنىڭ جەر ـ جەرىندەگى ساۋدا ىستەرى تاراۋلارى ”تۇتىنۋدى جەبەۋ جىلى“ قيمىلى اياسىندا، ساۋدا كاسىپورىندارىن كوپ سالادا، كوپ ساتىدا تۇتىنۋدى جەبەۋ قيمىلىن ورىستەتۋگە ۇيىمداستىرىپ، جەتەكتەپ، مەرەكەلىك تۇتىنۋ بازارىن جانداندىردى. ٴۇرىمجى قالاسى ”كوكتەم لەبى ەسىپ، تىرشىلىك تىڭ تىنىسقا تولدى“ اتىنداعى كوكتەم شۋاعىنا شومعان جاڭا تۇتىنۋ ماۋسىمى قيمىلىن وتكىزىپ، ساۋدا، بولشەك ساتۋ كاسىپورىندارىن ارزانداتۋ، ساتۋدى جەبەۋ قيمىلىن ورىستەتۋگە ۇيىمداستىردى؛ قاشقار ايماعىنىڭ بولشەك ساتۋ جانە اس ـ سۋ كاسىپورىندارى چيڭميڭ دەمالىسىندا ٴوتىمدى بولۋ ورايىن مىقتى يگەرىپ، ورىك گۇلى ساياحات ـ مادەنيەت مەرەكەسى سياقتى ٴتۇرلى فورماداعى تۇتىنۋدى جەبەۋ قيمىلىن ۇيىمداستىرىپ ورىستەتتى؛ سانجى حۇيزۋ اۆتونوميالى وبلىسى ”تۇتىنۋدىڭ يگىلىگىنەن ٴلاززاتتانۋ . باقىتتى سانجى“ اتىنداعى تۇتاس وڭىرلىك زات ساتىپ الۋ مەرەكەسىن وتكىزدى. كولەمدى ساۋدا سارايلارى، ەرەن بازارلار، ٴۇي ەلەكتر جابدىقتارىن ساتاتىن كاسىپورىندار، ماي قۇيۋ پۋنكتتەرى سياقتىلار بەلسەنە ات سالىسىپ، ارزانداتۋ، تۇتىنۋ تولسا اقىنى ازايتۋ، قايتارما تيىمدىلىك بەلەتى سياقتى كوپ ٴتۇرلى پايدا جەتكىزۋ، ساتۋدى جەبەۋ قيمىلدارىن جولعا قويدى. ساندى مالىمەتتە كورسەتىلۋىنشە، استىق، ماي، ازىق ـ تۇلىك، كيىم ـ كەشەك، اياق كيىم، باس كيىم سياقتىلاردىڭ ساتىلۋ سوماسى بىلتىرعى سول تۇستاعىدان تۇرلىشە دارەجەدە ارتقان.
