ەركىن تۇنياز سانجى قالاسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
جاڭاشا وندىرگىش كۇشتەردى دامىتۋدا الدا ٴجۇرۋ، ۇلگى كورسەتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 4 ـ ايدىڭ 6 ـ كۇنى سانجىدان حابارلايدى. 4 ـ ايدىڭ 6 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز سانجى قالاسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالابى بويىنشا عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن ىلگەرىلەتىپ، جاڭا كاسىپ سالالارىن، جاڭا ۇلگىلەردى، جاڭا قوزعاۋشى قۋاتتى جەدەل جارىققا شىعارىپ، جاڭاشا وندىرگىش كۇشتەردى دامىتۋدا قۇلشىنا الدا ٴجۇرۋ، ۇلگى كورسەتۋ كەرەك.
سانجى مەملەكەتتىك اۋىل شارۋاشىلىعى جوعارى، جاڭا تەحنيكالىق كاسىپ سالالارىنان ۇلگى كورسەتۋ اۋماعىندا ەركىن تۇنياز امبەباپ سىناق بازاسىنا كەلىپ، ەگىنجايلاردى ارالاپ، سول ورىندا كوكتەمگى ماقتا ەگۋ، كوكتەمگى تۇقىم ٴسىڭىرۋ، ساباننان پايدالانۋ، ەگىس جارعاقتارىن جيناپ الۋ سياقتى احۋالداردى ۇعىستى. ”نىسان اتقارىلعاننان كەيىن، ٴار مۋدان قانشا تەكشەمەتر سۋ ۇنەمدەلەدى؟ مۋ باسىنان ورتاشا ارتاتىن ٴونىم مولشەرى قانشا كيلوگرام بولادى“؟ ەركىن تۇنياز زەردەلى اۋىل شارۋاشىلىعى امبەباپ باسقارۋ تۇعىرىن سول ورىندا تەكسەرىپ كوردى، سونداي ـ اق جۇڭگو اۋىل شارۋاشىلىعى عىلىم اكادەمياسىنىڭ ماقتا زەرتتەۋ جاعىنداعى بىلىكتى مامانىمەن ىشكەرىلەي پىكىر اۋىستىرىپ، زەردەلى ماقتا اتىزىنداعى جوعارى ٴونىمدى ”ٴجۇز، مىڭ، 10 مىڭ مۋلىق“ ۇلگى كورسەتۋ ينجەنەرياسى قۇرىلىسىنىڭ احۋالىن ۇعىستى. ول بىلاي دەپ باسا دارىپتەدى: عىلمي زەرتتەۋ ۇسىنىلىمى سەرپىنىن ارتتىرىپ، ماقتانى جاسىل، جوعارى ٴتۇسىمدى، جوعارى ٴونىمدى ٴوسىرۋ تەحنيكاسى جانە ۇلكەن ساندى مالىمەت، جاساندى زەردە سياقتى تەحنيكالاردى تەرەڭ توعىستىرىپ قولدانۋ جاعىندا بەلسەنە ىزدەنىس جاساپ، عىلىم ـ تەحنيكادان پايدالانىپ اۋىل شارۋاشىلىعىنىڭ قارىشتاپ دامۋىنا كۇش ۇستەۋ كەرەك. باستاماشى كاسىپورىنداردى جەتىلدىرىپ، ەنگىزىپ، اۋىل شارۋاشىلىعى سەلبەستىك كووپەراتيۆى سياقتىلار ارقىلى شارۋالاردى باۋلۋ تەبىنىن ارتتىرىپ، شارۋالاردى زەردەلىلەنگەن دامۋ جولىن كەڭەيتۋگە جەتەكتەۋ كەرەك. سانجى قالاسى ديانبا قالاشىعى تۋلياڭ قىستاعىنىڭ زەردەلى جىلىجايلى گۇل بازاسىندا ەركىن تۇنياز بىلاي دەپ باسا دارىپتەدى: وي جەلىسىندە جاڭالىق اشىپ، وڭىرلىك ورىن، بايلىق باسىمدىعىن تولىق ساۋلەلەندىرىپ، گۇل كاسىپ سالاسى مەن اۋىل ـ قىستاقتىڭ ەرەكشەلىككە يە مادەنيەت ـ ساياحاتىن ۇشتاستىرىپ، تۋىندايتىن كاسىپ كۇيلەرىن تۇلعالاپ، شارۋالاردىڭ كىرىستى ارتتىرۋىن جەبەۋ كەرەك.
”ونىمدەر نەگىزىنەن قايدا ساتىلادى؟ بيىلعى تاپسىرىس جاعدايى قالاي“؟ ەرەكشە ترانسفورماتور زەردەلى ەلەكتر كابەلى كاسىپ سالاسى باقشاسىندا ەركىن تۇنياز سەحتارعا كىرىپ، كاسىپورىننىڭ عىلىم ـ تەحنيكادا جاڭالىق اشۋ، سيفرلانۋعا بۇرىلىس جاساۋ، بازاردى كەڭەيتۋ سياقتى احۋالدارىن ەگجەي ـ تەگجەيلى ۇعىسىپ، كاسىپورىننىڭ تالاپ ـ تىلەگىن تىڭدادى. ول بىلاي دەپ باسا دارىپتەدى: ەنەرگيانى جاسىلعا ويىستىرۋ ورايىن مىقتى يگەرىپ، وزىندىك ورىندى ٴدال تاۋىپ، سيفرلاندىرۋ مەن زەردەلىلەندىرۋدىڭ توعىسپالى دامۋىن جەدەلدەتىپ، ماركا قۇرىلىسى ارقىلى باسەكەلىك قۋاتتى جوعارىلاتىپ، جاساۋ كاسىبىنىڭ جوعارى دەڭگەيلىلەنۋىن، زەردەلىلەنۋىن، جاسىلدانۋىن ىلگەرىلەتىپ، ”سەگىز ٴىرى كاسىپ سالاسى شوعىرى“ قۇرىلىسىنا اناعۇرلىم زور ۇلەس قوسۋ كەرەك.
سانجى قالاسىنىڭ سولتۇستىگىندەگى شولەيتتى جەرلەردە ەگىستىكتەن ورماندى قالپىنا كەلتىرۋدەن ۇلگى كورسەتۋ اۋماعىندا ەركىن تۇنياز ورماندى جەردى ارالاپ، سەكسەۋىل ورمانىنىڭ ٴوسۋ جاعدايىن سول جەردە كورىپ، وسىمدىك جامىلعىسىمەن كومكەرىلۋ مولشەرى، قۇمايتتانۋدان ساقتانۋ، قۇمدى تىزگىندەۋ بويىنشا سۋدان پايدالانۋدى ورنالاستىرۋ، كۇندەلىكتى شارلاۋ ـ قورعاۋ سياقتى احۋالداردى ۇعىسىپ، بىلاي دەپ باسا دارىپتەدى: ساياسي دەڭگەيدى شىن مانىندە جوعارىلاتىپ، قۇمايتتانۋدى جالپىلىق جونگە سالۋدى بار كۇشپەن ىلگەرىلەتىپ، ٴار دارەجەلى ورمان باستىقتارىنىڭ جاۋاپكەرشىلىگىن جاپپاي ناقتىلاندىرىپ، فوتوۆولتتىق قۇم تىزگىندەۋ سياقتى تاجىريبەلەردى زور كۇشپەن جالپىلاستىرىپ، ورمان، جايلىم ورتىنەن ساقتانۋ جاۋاپكەرشىلىگى ٴتۇزىمىن قاتاڭ تياناقتاندىرىپ، جەرگىلىكتى جاعدايعا قاراي ەرەكشەلىككە يە ورمان، جايلىم كاسىپ سالاسىن دامىتىپ، ”ەكولوگيانىڭ كوركەمدىگىنىڭ، كاسىپ سالاسىنىڭ گۇلدەنۋىنىڭ، بۇقارانىڭ بايۋىنىڭ“ ورگانيكالى بىرلىگىن جۇزەگە اسىرۋ كەرەك.
شينجياڭ شياۋچۋ ازىق ـ تۇلىك شەكتى سەرىكتەستىگىندە ەركىن تۇنياز بىلاي دەپ اتاپ كورسەتتى: ازىق ـ تۇلىك حاۋىپسىزدىگى تومەنگى شەگىن مىقتى ساقتاپ، حاۋىپسىزدىك ارقىلى ماركانى بەكەمدەپ، ماركا ارقىلى بازار اشىپ، تىرەكتى كاسىپورىنداردىڭ جەتەكتەۋ رولىن ساۋلەلەندىرۋ كەرەك.
تەكسەرۋ ـ زەرتتەۋ كەزىندە، ەركىن تۇنياز بىلاي دەپ باسا دارىپتەدى: لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋ، ۇدايىلاندىرۋ شارالارىن اناعۇرلىم عىلمي، دالمە ـ ٴدال تياناقتاندىرىپ، ورنىقتىلىق ارقىلى دامۋعا شىنايى كەپىلدىك ەتىپ، دامۋ ارقىلى ورنىقتىلىقتى جەبەۋ كەرەك. نازاردى جاڭاشا وندىرگىش كۇشتەردى دامىتۋعا شوعىرلاندىرىپ، ”سەگىز ٴىرى كاسىپ سالاسى شوعىرى“ قۇرىلىسىن ارقاۋ ەتىپ، جاڭادان گۇلدەنگەن كاسىپ سالالارىن جەتىلدىرىپ، زورايتىپ، بولاشاق كاسىپ سالالارىن كورەگەندىكپەن ورنالاستىرىپ، وسىزاماندانعان كاسىپ سالاسى جۇيەسىن جەدەل قۇرۋ كەرەك. جوعارى ولشەمدى ەگىنجاي قۇرىلىسىن جەدەلدەتىپ، ەگىس ۋاقىتىن قاپى جىبەرمەي كوكتەمگى ەگىستى مىقتى يگەرىپ، استىق حاۋىپسىزدىگىن قامتاماسىزداندىرۋعا ۇلەس قوسۋ كەرەك.
