كاسىپ سالاسى نەگىزىن بەكەمدەپ، اۋدان ٴوڭىرى ەكونوميكاسىنىڭ جوعارى ساپالى دامۋىن ىلگەرىلەتۋ كەرەك

ما شيڭرۇي تارباعاتاي ايماعىنىڭ شيحۋ قالاسىندا جانە سانجى حۇيزۋ اۆتونوميالى وبلىسىنىڭ شونجى اۋدانىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى

كاسىپ سالاسى نەگىزىن بەكەمدەپ، اۋدان ٴوڭىرى ەكونوميكاسىنىڭ جوعارى ساپالى دامۋىن ىلگەرىلەتۋ كەرەك

　　4-ايدىڭ 5-كۇنىنەن 6-كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي تارباعاتاي ايماعىنىڭ شيحۋ قالاسىندا جانە سانجى حۇيزۋ اۆتونوميالى وبلىسىنىڭ شونجى اۋدانىندا تەكسەرۋ-زەرتتەۋ جۇرگىزدى. سۋرەتتە: 4-ايدىڭ 5-كۇنى ما شيڭرۇي شيحۋ قالاسىنداعى شينجياڭ بوشىران زەردەلى اۋىل شارۋاشىلىق ماشينالارى جارنا شەكتى سەرىكتەستىگىندە كاسپورىننىڭ ءوندىرىس- شارۋاشىلىق جاعدايىن ۇعىسۋدا.

　　سۋرەتتى اناربۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

　　انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 6 ـ كۇنى شونجىدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 4 ـ ايدىڭ 5 ـ كۇنىنەن 6 ـ كۇنىنە دەيىن تارباعاتاي ايماعىنىڭ شيحۋ قالاسىندا جانە سانجى حۇيزۋ اۆتونوميالى وبلىسىنىڭ شونجى اۋدانىندا تەكسەرۋ ـ زەرتتەۋ جۇرگىزىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرۋدى، تياناقتاندىرۋدى ارقاۋ ەتىپ، نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، اۋدان ٴوڭىرىنىڭ ونەركاسىپ ەكونوميكاسىن جەتىلدىرۋ، زورايتۋ، ٴتۇيىندى نەگىزدىك قۇرىلعىلار قۇرىلىسىن جەدەلدەتۋ، مادەني ەسكەرتكىش جۇرتتارىن قورعاۋ، پايدالانۋ دەڭگەيىن جوعارىلاتۋ سياقتى قىزمەتتەر جونىندە قاتىستى كاسىپورىنداردىڭ دامۋى مەن نىسان قۇرىلىسىن باسقارۋ جاعدايىن سول جەردىڭ وزىندە تەكسەرىپ، اۋدان ٴوڭىرىنىڭ كاسىپ سالاسىن دامىتۋ ناقتى قۋاتىن جانە نىسان اينالىمىنىڭ ساپاسىن، ونىمدىلىگىن ۇزدىكسىز جوعارىلاتۋدى جەبەپ، شينجياڭدى مادەنيەتپەن نارلەندىرۋدى تىڭعىلىقتى ىلگەرىلەتىپ، ناقتى، جاندى، ٴونىمدى تۇردە جۇڭحۋا ۇلتى ورتاق تۇلعا تانىمىن بەرىك ورناتىپ، ەكونوميكانىڭ، قوعامنىڭ جوعارى ساپالى دامۋىنىڭ جاڭا جاعدايىن ۇزدىكسىز اشۋدى تالاپ ەتتى.

　　شيحۋ قالاسىنىڭ ونەركاسىپ ەكونوميكاسىنىڭ تارباعاتاي ايماعىنداعى باسىمدىعى كورنەكتى. 4 ـ ايدىڭ 5 ـ كۇنى ما شيڭرۇي شيحۋ قالاسىندا ىلگەرىندى ـ كەيىندى كايساي بيو تەحنيكا شەكتى سەرىكتەستىگى، بوشىران زەردەلى اۋىل شارۋاشىلىق ماشينالارى جارنا شەكتى سەرىكتەستىگى، شيحۋ سىرا زاۆودى سياقتى كاسىپورىندار مەن قاتىستى نىساندارعا سول جەردىڭ وزىندە تەكسەرۋ ـ زەرتتەۋ جۇرگىزدى.

　　كايساي بيو تەحنيكا شەكتى سەرىكتەستىگىندە ما شيڭرۇي كاسىپورىننىڭ شارۋاشىلىق باسقارۋ جاعدايى جونىندەگى تانىستىرۋدى تىڭداپ، كاسىپورىننىڭ شينجياڭنىڭ جۇگەرى ەگىمشىلىگى باسىمدىعى مەن كومەسكى كۇشىن تولىق ساۋلەلەندىرىپ، نازاردى نەگىزگى كاسىپكە شوعىرلاندىرىپ، ٴوندىرىس قۋاتىن ۇزدىكسىز ىسكە قوسىپ، كاسىپ سالاسىنىڭ تومەنگى بۋىنىنا قاراي كەڭەيتۋدى، ورنالاستىرۋدى جەدەلدەتىپ، ەل ٴىشى مەن ورتا ازيا ەلدەرى بازارىنداعى ٴورىسىن بەلسەنە كەڭەيتۋىن ٴۇمىت ەتتى. بوشىران سەرىكتەستىگى شينجياڭداعى ايگىلى ماقتا تەرۋ ماشيناسىن جاساۋ كاسىپورنى، ونىمدەرىنىڭ ەل ىشىندەگى ماقتا تەرۋ ماشيناسى بازارىنداعى ۇلەسى %40تەن اسادى. ما شيڭرۇي ماقتا تەرۋ ماشينالارى كورمەسىن كورىپ، سەحقا كىرىپ، قۇراستىرۋ جانە اۆتوماتتاندىرىلعان ٴوندىرىس جاعدايىن ۇعىسىپ، كاسىپورىنعا كاسىپتىك باسىمدىقتى بەكەمدەپ، شەشۋشى تەحنيكالاردان قامال الۋدى جەدەلدەتىپ، زەيىن ـ زەردەنى شوعىرلاندىرىپ، نەگىزگى كاسىپتى زورايتىپ، كۇشەيتىپ، شينجياڭدى تياناق ەتىپ، توڭىرەككە ىقپال جاساپ، شينجياڭنىڭ اۋىل شارۋاشىلىعىن وسىزامانداندىرۋ مەن شارۋالاردىڭ كىرىسىن ارتتىرۋعا اناعۇرلىم ويداعىداي دەم بەرۋدى تاپسىردى. شيحۋ سىراسىنىڭ تاياۋ جىلداردان بەرى ەل ىشىندەگى تانىمالدىلىعى مەن ماركاسىنىڭ ىقپالى كۇن سايىن جوعارىلاپ كەلەدى. ما شيڭرۇي كاسىپورىننىڭ ٴوندىرىس سەحتارىنىڭ اينالىمى مەن ٴونىم كورمەسى سياقتىلاردى تەكسەرىپ، جوعارى ساپانى ساقتاپ، ۇلكەن بازاردى اناعۇرلىم كەڭەيتىپ، كاسىپورىن باسقارۋ، ونىمدەردى زەرتتەۋ ـ اشۋ، ساتۋ، جالپىلاستىرۋ سياقتىلاردىڭ وسىزاماندانۋ دەڭگەيىن ۇزدىكسىز جوعارىلاتىپ، كاسىپورىننىڭ ماركا قۇنى مەن بازارداعى باسەكەلىك قۋاتىن ۇزدىكسىز جوعارىلاتۋ كەرەكتىگىن باسا دارىپتەدى. ما شيڭرۇي تاعى شيحۋ جىبەك قۇرتى قاۋاشاعى جىبەگى تۇتاس كاسىپ سالاسى تىزبەگى نىسانى قۇرىلىسىنىڭ جۇمىس باسىن كوزدەن كەشىرىپ، نىسان قۇرىلىسىن زاڭ ەرەجە بويىنشا ىلگەرىلەتۋ، اۋىل شارۋاشىلىعىنا كومەكتەسۋ، اۋىل شارۋاشىلىعىن جەتەكتەۋ رولىن ساۋلەلەندىرۋ سياقتىلار جونىندە تالاپ قويدى.

　　4 ـ ايدىڭ 6 ـ كۇنى ما شيڭرۇي شونجى اۋدانىندا تەكسەرۋ ـ زەرتتەۋ جۇرگىزدى. شونجى جانبۇلاق اۋەجايىندا بيىل جىل باسىندا سىناق رەتىندە ۇشىرۋ ٴساتتى بولىپ، ىسكە قوسىلىپ، ۇشاق قاتىناۋدى كۇتىپ تۇر. ما شيڭرۇي اۋەجايعا كەلىپ، قۇرىلىس، اينالىم جاعدايى جونىندەگى مالىمەتتى تىڭداپ، اۋە قاتىناسى دايىندىق قىزمەتىنىڭ اياق الىسىن ەگجەي ـ تەگجەيلى ۇعىسىپ، جوعارى ساپالى قۇرىلىستى، جوعارى ولشەمدى جۇمىس جۇرگىزۋدى تياناق ەتىپ، شينجياڭ اۆياتسيا تورابىمەن بەلسەنە توعىسىپ، جەتەكتەۋ، ىقپال جاساۋ رولىن شىنايى ساۋلەلەندىرىپ، شونجى سياقتى توڭىرەكتەگى وڭىرلەردىڭ قاتىناس قولايلىلىعىن جوعارىلاتۋ، ساياحات كاسىبىنىڭ دامۋىن جەبەۋ، ەكونوميكانىڭ ومىرشەڭدىك كۇشىن قاۋلاتۋ سياقتىلارعا جاڭا قوزعاۋشى قۋات قوسۋ كەرەكتىگىن باسا دارىپتەدى. ما شيڭرۇي ىلگەرىندى ـ كەيىندى لانشان تۇنحى ەنەرگيا شەكتى سەرىكتەستىگىنە جانە مينچي تاس ماتەريالدار كاسىپ سالاسى باقشاسىنا بارىپ، حيميا ونەركاسىبى مەن تاس ماتەريالدار كاسىبىنىڭ دامۋ جاعدايىنا تەكسەرۋ ـ زەرتتەۋ جۇرگىزىپ، بايلىق، وڭىرلىك ورىن، شينجياڭعا كومەكتەسۋ سياقتى باسىمدىقتاردان ويداعىداي پايدالانىپ، جەرگىلىكتى جاعدايعا قاراي ەرەكشە، باسىمدىققا يە كاسىپ سالالارىن دامىتۋدى جوسپارلاپ، ۇزدىكسىز كولەمىن كەڭەيتىپ، ونىمدىلىگىن جوعارىلاتىپ، كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋ ارقىلى اۋدان ٴوڭىرى ەكونوميكاسىنىڭ جالپى تۇلعالىق ناقتى قۋاتىن جوعارىلاتۋدى ىلگەرىلەتۋ كەرەكتىگىن باسا دارىپتەدى.

　　ما شيڭرۇي شونجىداعى تاڭچاۋدۇن بايىرعى قالاسىنىڭ ەسكى جۇرتىن كوزدەن كەشىردى. بۇل ەسكى جۇرت شينجياڭدا قازىر ساقتالىپ وتىرعان كولەمى ٴبىرشاما ۇلكەن تاڭ داۋىرىنەن يۋان داۋىرىنە دەيىنگى ەسكى جۇرت بولىپ، 7 ـ توپتاعى مەملەكەتتىك ٴتۇيىندى قورعالاتىن مادەني ەسكەرتكىش ورىنى دەپ جاريالانعان. ما شيڭرۇي ەسكى جۇرتتاعى ارحەولوگيالىق قازبانىڭ اياق الىسى مەن ناتيجەسى جونىندەگى تانىستىرۋدى تىڭداپ، قاتىستى جاۋاپتىلارمەن ەگجەي ـ تەگجەيلى پىكىر اۋىستىرىپ، عىلمي رۋح ۇستانىپ ەسكى جۇرتتاردى قازۋ قىزمەتىن ويداعىداي ىستەپ، مادەني ەسكەرتكىشتەردى زەرتتەۋدى، ٴتۇسىندىرۋدى جانە كورسەتۋدى، تاراتۋدى كۇشەيتىپ، وندا قامتىلعان جۇڭحۋا ۇلتىنىڭ كوپ نەگىز ٴبىر تۇلعالانۋ، ۇلتتاردىڭ ارالاسۋى، ىشتەسۋى، توعىسۋى سياقتى جاقتارداعى باي مازمۇنداردى تولىق اشىپ، تاريح ارقىلى ادام تاربيەلەۋ رولىن شىنايى ساۋلەلەندىرىپ، شينجياڭدى مادەنيەتپەن نارلەندىرۋدى ىلگەرىلەتۋگە، ٴار ۇلت بۇقاراسىنىڭ جۇڭحۋا ۇلتى ورتاق تۇلعا تانىمىن بەرىك ورناتۋعا دەم بەرۋ كەرەكتىگىن باسا دارىپتەدى.

　　ما شيڭرۇي تەكسەرۋ ـ زەرتتەۋ بارىسىندا بىلاي دەپ باسا دارىپتەدى: كاسىپ گۇلدەنسە، اۋدان ٴوڭىرى گۇلدەنەدى. كاسىپ سالاسى _ اۋدان ٴوڭىرى ەكونوميكاسىنىڭ جوعارى ساپالى دامۋىنىڭ ماڭىزدى تىرەگى. جوعارى ساپالى دامۋ سىندى جاڭا داۋىردەگى بۇلجىماس قاعيدانى مىقتاپ يگەرىپ، شينجياڭنىڭ ەرەكشە، باسىمدىققا يە كاسىپ سالالارىن دامىتۋدىڭ جالپى تۇلعالىق ورنالاستىرۋىمەن بەلسەنە توعىسىپ، بايلىق ارتىقشىلىعىن، وڭىرلىك ورىن باسىمدىعىن جانە كاسىپ سالاسى نەگىزىن تياناق ەتىپ، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى ۇزدىكسىز ىلگەرىلەتىپ، ناقتى ەكونوميكانى كۇش سالا دامىتۋ، زورايتۋ كەرەك. كاسىپ سالاسىنىڭ وسىزاماندانۋ دەڭگەيىن جوعارىلاتۋدى ارقاۋ ەتىپ، ٴداستۇرلى كاسىپ سالاسىن جاڭالاۋدى، دارەجەسىن جوعارىلاتۋدى جەدەل ىلگەرىلەتىپ، جاڭادان گۇلدەنگەن كاسىپ سالاسىن بەلسەنە جەتىلدىرىپ جانە دامىتىپ، ٴتۇيىندى نىسان قۇرىلىسىن كۇش سالا ىلگەرىلەتىپ، كاسىپ سالاسى تىزبەگىنىڭ ٴالسىز بۋىندارىن تولىقتاپ، كۇشەيتىپ، اۋدان وڭىرىندە اناعۇرلىم كوپ تىرەكتى كاسىپ سالاسىن قالىپتاستىرىپ، وسىزاماندانعان كاسىپ سالاسى جۇيەسىن ورناتۋدى جەبەۋ كەرەك. عىلىم ـ تەحنيكانىڭ جاڭالىق اشۋ ارقىلى دەم بەرۋ، جەتەكتەۋ رولىن ۇزدىكسىز ساۋلەلەندىرىپ، جاڭاشا وندىرگىش كۇشتەردىڭ دامۋ بەتالىسىن يگەرىپ، جوعارى، جاڭا تەحنيكالى كاسىپورىنداردى كۇش سالا جەتىلدىرىپ، جاڭالىق اشۋ قابىلەتى كۇشتى، ٴبىرىن ـ ٴبىرى تولىقتاۋ باسىمدىعى كورنەكتى، جەبەۋ رولى كورنەكتى اناعۇرلىم كوپ عىلىم ـ تەحنيكالىق شارۋاشىلىق تۇلعالارىن جەتىلدىرىپ جانە ەنگىزىپ، جوعارى ساپالى دامۋدىڭ جاڭا قوزعاۋشى قۋاتىن، جاڭا باسىمدىعىن سومداۋ كەرەك. نازاردى دامۋ جەتىستىكتەرى ارقىلى جەرگىلىكتى ورىنعا تيىمدىلىك جاساۋدى ىلگەرىلەتۋگە شوعىرلاندىرىپ، كاسىپ سالاسىن جەتىلدىرۋدى، كاسىپورىننىڭ دامۋىن بۇقارانىڭ جۇمىستانۋىمەن، اۋىل ـ قىستاقتى گۇلدەندىرۋمەن، ۇلتتار ىنتىماعىمەن اناعۇرلىم ويداعىداي ٴبىر تۇتاس جوسپارلاپ، ەكونوميكالىق دامۋدىڭ جۇمىستانۋعا جەتەكشىلىك ەتۋ قوزعاۋشى كۇشىن ۇزدىكسىز جوعارىلاتىپ، ٴار ۇلت بۇقاراسىنىڭ كاسىپ سالاسىنىڭ دامۋىنا ىشكەرىلەي ات سالىسىپ، كاسىپ سالاسىنىڭ ارتقان قۇن پايداسىنان اناعۇرلىم كوپ يگىلىكتەنىپ، كىرىس دەڭگەيىن ۇزدىكسىز جوعارىلاتۋىن جەبەۋ كەرەك. دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، ورنىقتىلىقتى قورعاۋ شارالارىن ناقتى، ەگجەي ـ تەگجەيلى تياناقتاندىرىپ، قوعامدى باسقارۋ ونىمدىلىگىن جوعارىلاتىپ، قوعامدىق كەلەلى جاعدايدىڭ ورنىقتىلىعىن باتىل ساقتاپ، ٴوندىرىس حاۋىپسىزدىگىن تاباندىلىقپەن ويداعىداي يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانىپ، ٴار سالاداعى حاۋىپ ـ قاتەرلەر مەن كومەسكى كىناراتتاردان ٴبىر تۇتاس ويداعىداي ساقتانىپ، جوعارى دەڭگەيلى حاۋىپسىزدىك ارقىلى جوعارى ساپالى دامۋدى اناعۇرلىم ويداعىداي قامتاماسىز ەتۋ كەرەك.