انار بۇلت \ شينجياڭ گازەتىنىڭ ٴتىلشىسى ما ينيڭ 4 ـ ايدىڭ 2 ـ كۇنى ۇرىمجىدەن حابارلايدى. ٴۇرىمجى ديوپۋ حالىقارالىق اۋە جايىنان ۇعىسۋىمىزشا، ٴبىرىنشى ماۋسىمدا ٴۇرىمجى ديوپۋ حالىقارالىق اۋە جايىنىڭ جولاۋشى قابىلداۋ ـ جونەلتۋ مولشەرى 6 ميلليون 16 مىڭ 800 ادامعا (رەت)، زات، جولداما قابىلداۋ ـ جونەلتۋ مولشەرى 38 مىڭ 500 تونناعا جەتىپ، 43 مىڭ 800 كەزەك ۇشاقتىڭ ۇشىپ ـ قونۋى قامتاماسىز ەتىلىپ، سايكەس مەزگىلدەگىدەن جەكە ـ جەكە %22.52، %41.06 ، %14.92 ارتقان.
مۇنىڭ ىشىندە 3 ـ ايدا ٴۇرىمجى حالىقارالىق اۋەجايىنىڭ جولاۋشى قابىلداۋ ـ جونەلتۋ مولشەرى 2 ميلليون 6900 ادامعا (رەت)، زات، جولداما قابىلداۋ ـ جونەلتۋ مولشەرى 11 مىڭ 500 تونناعا جەتىپ، 14 مىڭ 800 كەزەك ۇشاقتىڭ ۇشىپ ـ قونۋى قامتاماسىز ەتىلىپ، سايكەس مەزگىلدەگىدەن جەكە ـ جەكە %17.06 ، %35.18 ، %9.21 ارتقان. جولاۋشى قابىلداۋ ـ جونەلتۋ مولشەرىنىڭ قاۋىرت كۇنى 3 ـ ايدىڭ 29 ـ كۇنى جارىققا شىعىپ، 70 مىڭ 800 ادامعا (رەت) جەتكەن. 3 ـ ايدىڭ 31 ـ كۇنى ٴۇرىمجى حالىقارالىق اۋەجايى جازعى، كۇزگى اۋە تاسىمالى ماۋسىمىن قارسى الىپ، كۇنىنە ورتا ەسەپپەن 568 ەل ٴىشى ـ سىرتى كەزەكشى ۇشاعىنىڭ ۇشۋ ـ قونۋ مىندەتىن ورىنداۋدى جوسپارلاعان.
شينجياڭنىڭ دامۋى كۇن سايىن جاڭارىپ، ومىرشەڭدىك كۇشى قاۋلادى. ەلىمىزدەگى ەڭ جاس ەركىن ساۋدا سىناق رايونى رەتىندە، جۇڭگو (شينجياڭ) ەركىن ساۋدا سىناق رايونى قۇرىلىسى جاپپاي باستالىپ، دۇنيە ٴجۇزىنىڭ نازارى وسى اراعا شوعىرلانىپ، قىرۋار جولاۋشى تولاسسىز اعىلدى. ٴبىرىنشى ماۋسىمدا ٴۇرىمجى حالىقارالىق اۋەجايى 2 ميلليون 991 مىڭ 600 جولاۋشى (رەت) قابىلداپ، سايكەس مەزگىلدەگىدەن %22.76 ارتتى، جولاۋشىلار، باستىسى، چىڭدۋ، بەيجيڭ، جىڭجوۋ، شي ـ ان قاتارلى جەرلەردەن كەلگەن.
جاڭا اۋە تاسىمالى ماۋسىمىندا ۇرىمجىدەن بەيجيڭگە، شاڭحايعا، شي ـ انعا، جىڭجوۋعا، چىڭدۋعا، لانجوۋعا، ۋحانعا باراتىن كەزەكشى ۇشاقتاردىڭ سانى كۇنىنە ورتا ەسەپپەن 10 كەزەكتەن استى، داليان، لانجوۋ، ۋحان، شي ـ ان، جۋحاي قاتارلى قالالارعا جاڭادان 5 اۋە جەلىسىن كوبەيتىپ، ٴۇرىمجىنىڭ ەل ىشىندەگى نەگىزگى قالالار شوعىرىمەن، ەكونوميكالىق شەڭبەرمەن اۆياتسيا بايلانىسى ٴۇرتىس تەرەڭدەدى.
قازىر شينجياڭ حالىقتىق اۆياتسياسى جيىنى 19 حالىقارالىق مەرزىمدى جولاۋشى تاسىمال اۋە جەلىسىن (مۇنىڭ ىشىندە جاڭادان اشىلعان ٴۇرىمجى _ قاشقار _ ٴىسالاماباد اۋە جەلىسى قامتىلادى) ىسكە قوسىپ، ورتا ازياداعى 5 ەلمەن، سونداي ـ اق پاكيستان، گرۋزيا، يران، ازەربايجان، تايلاند، ۆيەتنام، اراب بىرىككەن امىرلىگى، اۋعانستان قاتارلى ەلدەرمەن اۋە قاتىناس بايلانىسىن ورناتتى. ماۋسىم اۋىسقاننان كەيىن ٴۇرىمجى _ شياڭگاڭ اۋە جەلىسىندە اپتاسىنا 2 كەزەك ۇشۋ قالپىنا كەلتىرىلەدى، كەيىن ٴۇرىمجى _ ماسكەۋ اۋە جەلىسى دە قالپىنا كەلەدى، سول كەزدە شينجياڭنىڭ حالىقاراعا جانە رايوندارعا قاتىنايتىن اۋە جەلىسى جيىنى 21 گە جەتىپ، اۆياتسيا تورىنىڭ ىركىلىسسىزدىگى ونان ارى كۇشەيەدى.
