رايونىمىز حابارلاندىرۋ باسىپ تاراتتى
جەل، كۇن نۇرى بايلىعى باسىمدىعىن اناعۇرلىم ساۋلەلەندىرىپ، ەرەكشە كاسىپ سالالارىنىڭ جوعارى ساپالى دامۋىن جەبەۋ كەرەك
انار بۇلت \ شينجياڭ گازەتىنىڭ ٴتىلشىسى شى شين 3 ـ ايدىڭ 31 ـ كۇنى ۇرىمجىدەن حابارلايدى. شينجياڭنىڭ جەل، كۇن نۇرى سياقتى جاڭا ەنەرگيا بايلىعى باسىمدىعىن تولىق ساۋلەلەندىرىپ، جاڭاشا وندىرگىش كۇشتەردىڭ جەدەل زورايۋىن قولداۋ ٴۇشىن، بۇرىنعى ساياسات نەگىزىندە، اۆتونوميالى رايوندىق دامۋ جانە رەفورما كوميتەتى مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگىمەن بىرلەسىپ، تاياۋدا «جەل، كۇن نۇرى بايلىعى باسىمدىعىن اناعۇرلىم ساۋلەلەندىرىپ، ەرەكشە كاسىپ سالالارىنىڭ جوعارى ساپالى دامۋىن جەبەۋ ساياسات ـ شارالارى جونىندەگى حابارلاندىرۋدى» باسىپ تاراتتى.
مەملەكەتتىڭ حۇجاتتارىنىڭ رۋحى مەن قىزمەت تالابىن ارقاۋ ەتىپ، بايلىق باسىمدىعىن كادەگە جاراتۋدى تەزدەتىپ، ”8 ٴىرى كاسىپ سالاسى شوعىرىنا“ اناعۇرلىم ويداعىداي قىزمەت وتەۋ ٴۇشىن، «حابارلاندىرۋدا» 5 ٴتۇيىندى قىزمەت بەتالىسى ايقىندالدى.
ٴبىرىنشى، سۋتەگى ەنەرگياسى كاسىپ سالاسىنىڭ جەدەل دامۋىن ىلگەرىلەتىپ، جاساۋ، جەتكىزۋ، ساقتاۋ، پايدالانۋ تۇتاس كاسىپ سالاسى تىزبەگىن شوعىرلى ىلگەرىلەتۋ كەرەك.
ەكىنشى، جاسىل، تومەن كومىر قىشقىل گازدى، جوعارى ٴونىمدى ەسەپتەۋ قۋاتى تورابى قۇرىلىسىن قولداپ، بۇكىل شينجياڭنىڭ ”ٴبىر تورىن“ قالىپتاستىرىپ، بۇكىل ەل بويىنشا ٴبىر تۇلعالانعان ەسەپتەۋ قۋاتى تورابى جۇيەسىمەن توعىسۋ كەرەك.
ٴۇشىنشى، ەنەرگيا ىستەتەتىن ٴتۇيىندى ورىنداردا جاسىل ەلەكترگە اۋىستىرۋدى ىلگەرىلەتىپ، ەنەرگيانى كوپ سارىپ ەتەتىن كاسىپورىنداردىڭ جاسىل ەلەكتر تۇتىنۋ جاۋاپكەرشىلىگىن كۇشەيتىپ، جاسىل ەلەكتردى تۇتىنۋ دەڭگەيىن جوعارىلاتۋدى ىلگەرىلەتىپ، جاڭا ەنەرگيا ارقىلى ەلەكترمەن قامداۋ رەفورماسىن تۇيىندە سىناق ەتۋدى جەرگىلىكتى جاعدايعا قاراي ورىستەتىپ، سوڭعى ەنەرگيادان پايدالانۋداعى جاسىل ەلەكتردىڭ سالىستىرماسىن ۇزدىكسىز جوعارىلاتىپ، ەنەرگيا سارىپ ەتۋ جالپى مولشەرى مەن كۇشەمەلىلىگىن ٴونىمدى تومەندەتۋ كەرەك.
ٴتورتىنشى، تومەن كومىر قىشقىل گازدى كاسىپ سالاسى باقشا رايونىن قۇرۋدى ىلگەرىلەتىپ، جاسىل ەلەكتردى نەگىز ەتكەن تومەن كومىر قىشقىل گازدى، نولدىك كومىر قىشقىل گازدى ەنەرگيامەن قامداۋ باقشا رايونىن قۇرىپ، سالىنىپ بولعان ٴتۇيىندى ونەركاسىپ باقشا رايوندارىنىڭ قازىندى ەنەرگياسىنىڭ ورنىن باسۋىنا دەم بەرىپ، ەرەكشە كاسىپ سالاسى شوعىرىنىڭ جاسىل كوتەرىمدىلىك ورنىن قالىپتاستىرۋ كەرەك.
بەسىنشى، باسىمدىققا يە بايلىقتاردى كادەگە جاراتۋدى جەدەلدەتىپ، ستراتەگيالىق جاڭادان گۇلدەنگەن كاسىپ سالالارىنا ساۋداگەر شاقىرىپ، قارجى ەنگىزىپ، ناقتى، تۇراقتى مال ـ مۇلىكتى، كەلەلى نەگىزدىك قۇرىلعىلاردى شينجياڭعا كەلىپ ىرگە تەبۋگە ەنگىزۋ كەرەك.
اۆتونوميالى رايوندىق دامۋ جانە رەفورما كوميتەتى جەل، كۇن نۇرى سياقتى جاڭا ەنەرگيا بايلىعى باسىمدىعىن ۇزدىكسىز ساۋلەلەندىرىپ، جاڭا ەنەرگيانى قابىلداۋ كەڭىستىگىن بەلسەنە كەڭەيتىپ، شينجياڭ ەرەكشەلىگىنە يە جاسىل، تومەن كومىر قىشقىل گازدى وسىزاماندانعان كاسىپ سالاسى جۇيەسىن قۇرۋعا قىزمەت ەتەدى.
