2 ساعاتتا 180 مىڭ كيلوۆات ساعات ەلەكتر ساقتاي الادى
اسقىن ”زاريادتاۋىشتىڭ“ ىسكە قوسىلۋ بايانى
□ انار بۇلت \ شينجياڭ گازەتىنىڭ ٴتىلشىسى شى شين
ەلەكتر كوپ ىستەتىلمەيتىن كەزدە ەلەكتر ساقتاپ، ەلەكتر قاۋىرت ىستەتىلەتىن كەزدە ەلەكتر جەتكىزەدى، نەبارى 2 ساعاتتا 180 مىڭ كيلوۆات ساعات ەلەكتر ساقتاي الادى، بۇل قۇمىل شىسان جيانفاڭ جەل وتىنە ورنالاسقان شينجياڭنىڭ تۇڭعىش ەلەكتر تورى جاعىنداعى جاڭا تيپتەگى دەربەس ەنەرگيا ساقتاۋ ەلەكتر پۋنكتى _ شينجياڭ ونىڭ شىسان جيانفاڭ ەنەرگيا ساقتاۋ 1 ـ ەلەكتر پۋنكتى (تومەندە قىسقارتىلىپ ”ەنەرگيا ساقتاۋ ەلەكتر پۋنكتى“ دەلىنەدى).
ەنەرگيا ساقتاۋ ەلەكتر پۋنكتى قالايشا قىسقا ۋاقىتتا مول ەلەكتر ەنەرگياسىن ساقتاي الادى؟ 3 ـ ايدىڭ 26 ـ كۇنى ٴتىلشى جانە ونىڭ ساپارلاستارى وسى اراعا كەلىپ، وسى اسقىن ”زاريادتاۋىشتىڭ“ جاعدايىن ۇعىستى.
ەنەرگيا ساقتاۋ ەلەكتر پۋنكتىندە اق ٴتۇستى ساندىقتاردىڭ رەتىمەن تىزىلگەندىگىن كورەسىز، ولاردىڭ اتى 1.69 مەگاۆات 3.38 \ مەگاۆات ساعات ەنەرگيا ساقتاۋ باتەريا كامەراسى. باتەريا كامەراسىنىڭ جانىندا ەلەكتر اعىسىنىڭ داۋىسى مەن اۋا اۋىستىرۋ جەلدەتكىشىنىڭ اينالعان داۋىسىن انىق ەستۋگە بولادى.
وسى ەنەرگيا ساقتاۋ ەلەكتر پۋنكتىنىڭ جاۋاپتىسى شى ميڭشىڭ بىلاي دەپ تانىستىردى: بۇكىل ەنەرگيا ساقتاۋ ەلەكتر پۋنكتىنىڭ ەنەرگيا ساقتاۋ جۇيەسى 27 ەنەرگيا ساقتاۋ ۇياشىعىنان قۇرام تاپقان، ٴاربىر ەنەرگيا ساقتاۋ ۇياشىعى 2 باتەريا كامەراسى مەن 3460 كيلوۆاتتىق ەنەرگيا ساقتايتىن كەرنەۋ وزگەرتۋ، كەرنەۋ ورلەتۋ ٴبىر تۇلعاندىرىلعان ٴبىر ماشينانى قامتيدى. حاۋىپسىزدىگى جوعارى تەمىر ليتي فوسفور باتەريا تەحنيكا جەلىسى قولدانىلعان، باتەريا جۇيەسىن 6000 رەتتەن ارتىق زاريادتاۋعا ـ زاريادسىزداندىرۋعا، كەمىندە 10 جىل قولدانۋعا بولادى.
ۇعىسۋىمىزشا، ەنەرگيا ساقتاۋ ەلەكتر پۋنكتىنىڭ سيىمدىلىعى 90 مەگاۆات 180 \ مەگاۆات ساعات بولىپ، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى قۇمىل ەلەكتر قامداۋ سەرىكتەستىگى شىسان جيانفاڭ 220 كيلوۆولتتىق كەرنەۋ وزگەرتۋ پۋنكتىنە جاقىن ورنالاسقان، باتەريادا ەنەرگيا ساقتاۋدان ۇلگى كورسەتۋ نىسانى، ول ەلەكتر جەتكىزۋ جاعىندا ەنەرگيا ساقتاۋ جانە ەلەكتر تورى جاعىندا ەنەرگيا ساقتاۋ سياقتى قوس ەرەكشەلىككە يە.
ەنەرگيا ساقتاۋ ەلەكتر پۋنكتى 2023 ـ جىلى 9 ـ ايدا قۇرىلىپ جەلىگە قوسىلعان. ”نىسان جەلىگە قوسىلعاننان بەرى ٴتۇرلى تەحنيكالىق كورسەتكىشى جانە حاۋىپسىزدىك قاسيەتى جوبالاۋ تالابىن قاناعاتتاندىرىپ، قۇمىل شىسان جيانفاڭ جەل وتىندە جاڭا ەنەرگيانىڭ ورنىقتى دامۋىنا قولداۋ كورسەتتى“، ـ دەدى شى ميڭشىڭ.
2023 ـ جىلى 12 ـ ايدىڭ 1 ـ كۇنى ەنەرگيا ساقتاۋ ەلەكتر پۋنكتى ساۋدا تيجاراتىن باستادى، ٴار ايدا شينجياڭ ەلەكتر قۋاتى ساۋدا تۇعىرى ارقىلى ورتا، ۇزاق مەزگىلدىك ەلەكتر قۋاتى ساۋداسىنا قاتىسقاندا، ەلەكتر زاريادتاعاندا ەلەكتر جۇمسايتىن كاسىپورىن، ەلەكتر زاريادسىزداندىرعاندا ەلەكتر وندىرەتىن كاسىپورىن بولىپ، ورتاشا ەسەپپەن ٴار ايدا كەلىسكەن ساۋدا توقتامىنداعى زاريادتاۋ ەلەكتر مولشەرى شامامەن 10 ميلليون 800 مىڭ كيلوۆات ساعات، زاريادسىزداندىرۋ ەلەكتر مولشەرى شامامەن 9 ميلليون 800 مىڭ كيلوۆات ساعات بولدى.
وسىنداي اسقىن ”زاريادتاۋىشتى“ نەلىكتەن قۇرامىز؟
ٴداستۇرلى وت ەلەكتر داۋىرىندە ەلەكتر بەلگىلەنگەن ولشەم بويىنشا، ٴبىر قالىپتى جىلدامدىقتا، ورنىقتى مەڭگەرىلىپ جەتكىزىلەدى، ال بۇگىنگى كۇندەگى جەل ەلەكتر، فوتوۆولت بولسا تابيعاتقا سۇيەنەدى. زاڭدىلىقسىز تولقۋ ەلەكتر تورىنىڭ حاۋىپسىزدىگىنە سايىس جاريالادى، سونىمەن بىرگە تاراتىلعان ەلەكتر دەر كەزىندە ىستەتىلمەسە، كوپ تاراتىلعان ەلەكتر ساقتالماسا، جاڭا ەنەرگيامەن تاراتقان ەلەكتر ەرەكشە وڭاي ىسىراپ بولادى. جاڭا تيپتەگى ەنەرگيا ساقتاۋدىڭ رولىن تولىق ساۋلەلەندىرسەك، وسى قايشىلىقتاردى شەشۋگە بولادى، ەلەكتر قۋاتىن باسقا ەنەرگياعا وزگەرتىپ ساقتاسا ٴارى ىسىراپشىلدىقتى ازايتۋعا، ٴارى ەلەكتر تورىنىڭ قىسىمىن جەڭىلدەتۋگە بولادى.
”ەلەكتر تورىنىڭ اسقىن ’زاريادتاۋىشى‘ رەتىندە، ەنەرگيا ساقتاۋ ەلەكتر پۋنكتى شىسان جيانفاڭ جەل وتىندەگى جەل ەلەكترىن سىرتقا شىعارۋ قىسىمىن ٴونىمدى باسەڭدەتىپ، ٴوڭىر ىشىندەگى جەل ەلەكتر الاڭىنىڭ جەلدەن بەزۋ جايتىن تولىق وزگەرتۋگە بولادى“. شى ميڭشىڭ بىلاي دەدى: بۇل شىسان جيانفاڭ جەل وتىندە جەل ەلەكتردەن جوعارى ٴونىمدى پايدالانۋ جونىنەن ماڭىزدى ٴمان الادى.
ەلەكتر تورىنان پايدالانۋدىڭ قاتىستى ساندى مالىمەتتەرىنە تالداۋ جانە جورامال جاساۋ ارقىلى ەنەرگيا ساقتاۋ ەلەكتر پۋنكتىنىڭ كوتەرىمدىلىگى مەن كۇش جۇمساۋىنا دالمە ـ ٴدال رەتتەۋ جۇرگىزۋدى، ەلەكتر تورىنىڭ ورنىقتىلىعى مەن سەنىمدىلىگىن جوعارىلاتۋدى جۇزەگە اسىرۋعا بولادى. جوعارى ٴونىمدى ەنەرگيا ساقتاۋ جۇيەسى ارقىلى ەلەكتر قاينار تورىنىڭ كوتەرىمدىلىگىن، ەنەرگيا ساقتاۋىن بىرگە ساپالىلاندىرۋعا، رەتتەۋگە تىرەك ازىرلەپ، ەلەكتر تورىنداعى قامداۋ ـ قاجەتسىنۋ قاتىناسىن تەڭگەرۋگە بولادى، اسىرەسە، قايتا تۋىندايتىن ەنەرگيامەن ەلەكتر تاراتقاندا تولقۋ ٴبىرشاما ۇلكەن بولعاندا قاجەتتى رەتتەۋ قۋاتىن ازىرلەيدى.
شى ميڭشىڭ مىنالاردى ٴبىلدىردى: بولاشاقتا شىسان جيانفاڭ جەل وتىندەگى جەل ەلەكترىنىڭ جەلىگە قوسىلۋ كولەمىنىڭ كەڭەيۋىنە ساي، ەنەرگيا ساقتاۋ ەلەكتر پۋنكتىنىڭ جاڭا ورنالاستىرۋ اينالىم ۇلگىسى مەن ساۋدا ۇلگىسىنىڭ تياناقتاندىرىلىپ قولدانىسقا تۇسۋىندە جاڭالىق اشىپ جانە ٴورىستى كەڭەيتىپ، ەنەرگيا ساقتاۋ ەلەكتر پۋنكتىنىڭ كوپتەگەن قولدانىس ورتاسىندا ەلەكتر تورىنا تىرەك بولۋ رولى مەن قۇنىن مۇمكىندىگىنشە ساۋلەلەندىرەمىز؛ باسقا ەنەرگيا سەرىكتەستىكتەرى، عىلمي زەرتتەۋ قۇرىلىمدارى سياقتىلارمەن سەلبەستىك قاتىناسىن ورناتۋعا ىزدەنىس جاساپ، شينجياڭنىڭ ەنەرگيا ساقتاۋ كاسىپ سالاسىنىڭ جوعارى ساپالى دامۋىن بىرگە ىلگەرىلەتەمىز.
