شينجياڭدا جۇڭگونىڭ دامۋىنا كۋا بولدىق

　اراب ەلدەرى ساياسي پارتيا كادرلارى تەكسەرۋ ۇيىرمەسى شينجياڭدا ەكسكۋرسيادا، ساپاردا بولدى _

　　شينجياڭدا جۇڭگونىڭ دامۋىنا كۋا بولدىق

　　□ انار بۇلت \ شينجياڭ گازەتىنىڭ ٴتىلشىسى ۋاڭ نا

　　3 ـ ايدىڭ 27 ـ كۇنىنەن 4 ـ ايدىڭ 1 ـ كۇنىنە دەيىن اراب ەلدەرى ساياسي پارتيا كادرلارى تەكسەرۋ ۇيىرمەسىندەگىلەر ٴۇرىمجى قالاسىندا، سانجى قالاسىندا، تۇرپان قالاسىندا، قاشقار قالاسىندا، اتۇش قالاسىندا ەكسكۋرسيادا، ساپاردا بولىپ، شينجياڭنىڭ ەكونوميكالىق دامۋ، مادەنيەتتى جالعاستىرۋ، ادامدىق ۇقىقتى قامتاماسىز ەتۋ سياقتى جاقتاردا قول جەتكىزگەن تىڭ ىلگەرىلەۋشىلىكتەرىن ۇعىستى.

　　ەكونوميكانىڭ جوعارى ساپالى دامۋىن سەزىندى

　　ماۋجىراعان كوكتەم شۋاعىندا تەكسەرۋ ۇيىرمەسىندەگىلەر قالانىڭ ۇلكەندى ـ كىشىلى كوشەلەرىن ارالاپ، قايشالىسقان ادامدارمەن ارالاسىپ، مادەني تۇرمىس پەن قالا مەيىرىن سەزىنىپ، شينجياڭنىڭ اشىق تا سەنىمدى، دارقان دا سيىسىمدى بەينەسىنەن اسەر الدى.

　　ٴۇرىمجى مادەنيەت ورتالىعىنىڭ جوبا سارايىندا ٴتۇسىندىرۋشىنىڭ اسەرلى تۇسىندىرۋىنە ىلەسە تەكسەرۋ ۇيىرمەسىنىڭ مۇشەلەرى جىبەك جولى ەكونوميكالىق بەلدەۋى وزەكتى رايونى قۇرىلىسى جوباسىن ايگىلەۋ سارايىنا كەلىپ، جىبەك جولىنىڭ دامۋ، وزگەرۋ جەلىسىمەن كورمە اۋماقتارىن ٴبىر ـ بىردەن ەكسكۋرسيالادى؛ ٴۇرىمجى قالاسى قالا جوباسىن ايگىلەۋ سارايىنا كەلىپ، جىبەك جولىنداعى وسى ماڭىزدى قالاشىقتىڭ قۇرىلۋ، دامۋ وزگەرىسى، جوبالاۋ، قۇرۋ جەتىستىكتەرى سياقتى جاعدايلاردى ىشكەرىلەي ۇعىستى.

　　سانجى قالاسىنا ورنالاسقان شينجياڭ اۋىل شارۋاشىلىعى كورمە باقشاسىندا ٴار ٴتۇرلى ىستىق بەلدەۋ وسىمدىكتەرى جاپ ـ جاسىل بولىپ جايقالىپ، شارباققا سالىنعان كوكونىستەر ”سىرعىما قوراپپەن“ اۆتوماتتى اينالىپ تۇر. تەكسەرۋ ۇيىرمەسى ۆەرتيكال اۋىل شارۋاشىلىعى ايگىلەۋ اۋماعىن، جاپىراقتى كوكونىس زاۆودىنىڭ ۇلگى كورسەتۋ اۋماعىن جانە جەمىس ـ جيدەك، كوكونىس زاۆودىنىڭ ۇلگى كورسەتۋ اۋماعىن ٴبىر ـ بىردەن ەكسكۋرسيالاپ، بيولوگيالىق ەلىكتەپ اينالدىرا ٴوسىرۋ، جىلجىمالى كوپ ساتىلى ستەرەومەتريالىق رەليستە جەتىلدىرۋ سياقتى وسى زامانعى اۋىل شارۋاشىلىعى عىلىم ـ تەحنيكاسىن ۇعىستى، ولار قىزمەتكەرلەرمەن قىزىعا پىكىر اۋىسىپ، تالقى ورىستەتتى.

　　تۇرپان قالاسى وۋباي ەلەكتروندى ساۋدا شەكتى سەرىكتەستىگىندە تەكسەرۋ ۇيىرمەسى كاسىپورىننىڭ تيجارات جانە دامۋ، جۇمىس جۇرگىزۋ ۇلگىسى، بولاشاق جوباسى سياقتىلاردى ەگجەي ـ تەگجەيلى ۇعىستى، سونداي ـ اق تىكە تاراتۋ بولمەسىنە كىرىپ، تىكە تاراتۋشىلاردىڭ تىكە تاراتۋدا زات ساتۋىن سول جەردە كوردى؛ قاشقار كەشەندى قورعامالى باجى اۋماعىنداعى قاشقار شەكارا اتتاعان ەلەكتروندى ساۋدا بويىنشا ايگىلەۋ، ساۋدالاۋ ورتالىعىندا تەكسەرۋ ۇيىرمەسىنىڭ مۇشەلەرى جالپىلىق جۇمىس جۇرگىزۋ تۇعىرىندا ناقتى ۋاقىتتا كورسەتىلگەن شەكارا اتتاعان ەلەكتروندى ساۋدا جەلىسىن اسا قىزىعۋشىلىقپەن تاماشالاپ، ساۋدا ورتالىعىنىڭ قۇرىلىسى، جۇمىس جۇرگىزۋ احۋالى سياقتىلاردى ۇعىستى.

　　”جۇڭگو كوممۋنيستىك پارتياسىنىڭ باسشىلىعىندا، شينجياڭنىڭ ەكونوميكاسى، قوعامى گۇلدەندى، دامىدى“. سيريانىڭ بۇرىنعى اكىمشىلىك دامۋ ىستەرى مەملەكەت ىستەرى مينيسترى، سيريا كوممۋنيستىك پارتياسى (باعداش توبى) ساياسي بيۋروسىنىڭ مۇشەسى ابدۇللا حاليل بىلاي دەدى: ٴبىز جۇڭگودان ۇيرەنىپ، ٴوز كۇشىمىزگە سۇيەنىپ، ٴوزىمىزدى ٴوزىمىز الەۋەتتەندىرىپ، قاجىماي ـ تالماي قۇلشىنىپ، ٴوز تاعدىرىمىزدى وزگەرتىپ، مەملەكەتتىڭ دامۋىن ىلگەرىلەتۋىمىز كەرەك.

　　كوپ نەگىزدى مادەنيەتتىڭ تارتىمدىلىعىن سەزىندى

　　تۇرپان كارىز مۇراجايىندا تەكسەرۋ ۇيىرمەسىنىڭ مۇشەلەرى جەر استىنداعى كومەسكى توعانعا كىرىپ، قۇم تاباق، سۋرەت، ناقتى زات جانە ۇلگىنى تاماشالاپ، قىزمەتكەرلەردىڭ ”جەر استى ۇلى قورعانىنىڭ“ سىر ـ قۇپياسى جونىندەگى ٴتۇسىندىرۋىن تىڭدادى؛ يارعول بايىرعى قالاسى سىندى دۇنيە جۇزىندەگى ەڭ ٴىرى، ەڭ بايىرعى، ەڭ تولىق ساقتالعان شيكى توپىراقتى قالاعا ىشكەرىلەي كىرىپ، تاريحتىڭ كەلبەتىن كوردى.

　　”تۇرپان مەن ماروككونىڭ ورتا وڭتۇستىك بولىك قالاسى ۋارزازات جاراتىلىستىق شارت ـ جاعداي، قۇرىلىس ستيلى، حالىقتىق سالت ـ سانا سياقتى جاقتاردا توتەنشە ۇقساپ كەتەدى ەكەن“. ماروككو العاباسارلىق جانە سوتسياليزم پارتياسى ساياسي بيۋروسىنىڭ مۇشەسى ساييد ەكداد قۋانىشپەن بىلاي دەدى: تۇرپاندا ەكسكۋرسيادا، ساپاردا بولىپ، ەرەكشە جاقىندىقتى سەزىندىم، جەرگىلىكتى ورىننىڭ مادەنيەت مۇرالارىن قورعاۋداعى وزىق تاجىريبەلەرى، ادىستەرى ماروككونىڭ ۇيرەنۋىنە، ۇلگى الۋىنا تاتيدى ەكەن.

　　قاشقار قالاسى بايىرعى قالا اۋماعىن قورعاۋ، جالپىلىق باسقارۋ ەسكەرتكىش سارايىندا ناق وزىندەي بالاۋىز مۇسىندەر، سونداي ـ اق وزىندىك وزگەشە ورنالاسۋ قاشقاردىڭ دامىعان، وزگەرگەن تاريحي بارىسىن جاندى دا وبرازدى ايگىلەيدى، تەكسەرۋ ۇيىرمەسىنىڭ مۇشەلەرى بايىرعى قالانى جاڭالاۋدىڭ، قورعاۋدىڭ اسا تابىستى بولعاندىعىنا، حالىققا تيىمدىلىك جاساپ، حالىققا پايدا جەتكىزگەندىگىنە ەرىكسىز ٴسۇيىنىش ٴبىلدىردى؛ قاشقار بايىرعى قالاسىندا ايبىنى اسقاق قالانى اشۋ سالتى، ايقىش ـ ۇيقىش كوشەلەرى، كوزدىڭ جاۋىن الاتىن ۇلتتىق ەرەكشەلىككە يە قولونەر بۇيىمدارى تەكسەرۋ ۇيىرمەسىنىڭ مۇشەلەرىن تۇس ـ تۇستان قول تەلەفوندارىن الىپ شىعىپ سۋرەتكە تۇسىرۋگە باۋرادى.

　　اتۇش قالاسىندا تەكسەرۋ ۇيىرمەسىندەگىلەر سۇنتاق اۋىلىنىڭ ازحان قىستاعىنا ىشكەرىلەي بارىپ، اۋىل ـ قىستاق ساياحاتىنىڭ دامۋ احۋالىن ۇعىستى؛ قىزىلسۋ قىرعىز اۆتونوميالى وبلىستىق مۇراجايدا قىرعىزدىڭ حالىقتىق سالت ـ سانا مادەنيەتىن ۇعىسىپ، قىرعىز ۇلتىنىڭ باتىرلىق ەپوسى «ماناستى» ايتۋدى تاماشالادى، قاتتى قۋانعان كەزدە ولار ارتيستەرمەن بىرگە بيگە باسىپ، ىقپالداستىق جاسادى.

　　”مەن ادامداردىڭ جۇزىنەن ەسكەن جايدارى كۇلكىنى كوردىم“. اراب سول قانات تالقى مىنبەرىنىڭ باس سايكەستىرۋشىسى سامير دياب مىنانى ٴبىلدىردى: شينجياڭدا امەريكاداعى، باتىستاعى جۇڭگوعا قارسى كۇشتەر ايتقان ايتىلمىس ”مادەنيەتتى جويۋ“، ”از ۇلتتارعا تەگەۋرىن كورسەتۋ“ مۇلدە جوق ەكەن. جۇڭگو كوممۋنيستىك پارتياسى مەن جۇڭگو ۇكىمەتى از ۇلتتاردىڭ ۇقىق ـ مۇددەسى مەن دامۋىنا ەرەكشە ٴمان بەرىپ، قازىنالىق كۇش، زاتتىق كۇش سياقتى جاقتاردان كوپتەگەن كومەك بەرىپتى، ٴار ۇلت دامۋ جەتىستىكتەرىنەن ورتاق يگىلىكتەنەدى ەكەن.

　　قوعامنىڭ جاراسىمدىلىعىن، ورنىقتىلىعىن القادى

　　شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسى قىرۋار شىنايى دىبىس، بەينەجازبا ماتەريالدارى ارقىلى لاڭكەستىكتىڭ، ۇشقارىلىقتىڭ شينجياڭداعى كەلۋ قاينارىن بايانداپ، زورلىقتى كۇش لاڭكەستىك ارەكەتتەرىنە قاتاڭ سوققى بەرىلگەننەن كەيىن، بۇگىنگى شينجياڭدا قوعام ورنىقتى، ۇلتتار ىنتىماقتى، ٴدىن جاراسىمدى، حالىق تىنىش ٴومىر، شات ـ شادىمان تىرشىلىك كەشىرىپ جاتقاندىعىن ايگىلەدى.

　　تەكسەرۋ ۇيىرمەسىنىڭ مۇشەلەرى پالەستينا، سيريا، ليۆان، ەگيپەت، يراق، ماۋريتانيا، يوردانيا، ماروككو، تۋنيس، يەمەن سياقتى ەلدەردەن كەلگەن. كورمەنى تاماشالاپ بولعاننان كەيىن، تەكسەرۋ ۇيىرمەسى مۇشەلەرىنىڭ تانىمدارى بىركەلكى، كوزقاراستارى ٴبىرىڭعاي بولدى: شينجياڭ ورىستەتكەن لاڭكەستىككە قارسى تۇرۋ، ۇشقارىلىقتى الاستاۋ كۇرەسى رياسىز دا بۇكپەسىز جۇرگىزىلگەن ادىلەتتى ارەكەت بولىپ، بۇكىل الەمنىڭ لاڭكەستىككە قارسى تۇرۋ كۇرەسىنە ماڭىزدى ۇلەس قوستى. امەريكاداعى، باتىستاعى جۇڭگوعا قارسى كۇشتەر ساياسي ماقسات تۇرعىسىنان قۇتىرىنا وسەك تاراتىپ، جالا جاۋىپ، قاساقانا شينجياڭدى قارالاپ، جۇرتتى جيىركەندىرىپ وتىر.

　　تەكسەرۋ ۇيىرمەسىندەگىلەر تاعى شينجياڭ ٴىسلام ٴدىنى شۋەيۋانىنا باردى، ايتكار مەشىتىن ەكسكۋرسيالادى، شينجياڭنىڭ ازاماتتاردىڭ ٴدىني سەنىم ەركىندىگىن تولىق قامتاماسىز ەتۋدەگى قۇلشىنىستارىنا جوعارى باعا بەردى.

　　تەكسەرۋ ۇيىرمەسىنىڭ باستىعى، پالەستينا فاتاح توڭكەرىستىك كوميتەتىنىڭ مۇشەسى باسام زاكارني مىنالاردى ٴبىلدىردى: امەريكا، باتىس جاق شينجياڭ ”ٴدىني سەنىم ەركىندىگىن شەكتەدى“، ”ٴدىني قايراتكەرلەردى قىسپاققا الدى“ دەپ جالا جاۋىپ، مۇسىلمان جۇرتشىلىعىنىڭ ٴدىني سۇيىسپەنشىلىگىنەن پايدالانىپ، جۇڭگونىڭ ۇلت قاتىناسىنا ىرتكى سالۋعا، شينجياڭنىڭ گۇلدەنۋىن، ورنىقتىلىعىن بۇلدىرۋگە ۇرىندى، پاسىق ارەكەت جۇرتقا ۇنامايدى، ونىڭ ىسكە اسۋى مۇمكىن ەمەس.

　　”بۇل بايىرعى ٴارى ومىرشەڭدىككە تولى جەر ەكەن“، ”شينجياڭدا جۇڭگونىڭ دامۋىنا كۋا بولعانىما قۋانىشتىمىن“، ”شينجياڭدا ٴومىر ٴسۇرۋ باقىت“... 4 ـ ايدىڭ 1 ـ كۇنى شينجياڭ ساپارى اياقتالار ساتتە تەكسەرۋ ۇيىرمەسىنىڭ مۇشەلەرى شىن جۇرەكتەن القادى ٴارى حالىقارالىق قوعامعا تىنىش تا بەرەكەلى، ومىرشەڭدىككە تولى كورىكتى شينجياڭنىڭ حيكاياسىن باياندايتىندىقتارىن ٴبىلدىردى.