اۆتونوميالى رايوندىق حالىق قۇرىلتايى تۇراقتى كوميتەتى تىلشىلەر ٴماجىلىسىن وتكىزدى
جاڭادان ماقۇلدانعان 4 زاڭ ەرەجەنىڭ قاتىستى جاعدايلارىن تانىستىردى
انار بۇلت \ شينجياڭ گازەتىنىڭ ٴتىلشىسى جاڭ لەي 4 ـ ايدىڭ 1 ـ كۇنى ۇرىمجىدەن حابارلايدى. 4 ـ ايدىڭ 1 ـ كۇنى اۆتونوميالى رايوندىق حالىق قۇرىلتايى تۇراقتى كوميتەتى تىلشىلەر ٴماجىلىسىن وتكىزدى، اۆتونوميالى رايوندىق حالىق قۇرىلتايى تۇراقتى كوميتەتى زاڭ ـ ٴتۇزىم قىزمەتى كوميتەتىنىڭ قاتىستى جاۋاپتىسى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى 9 ـ ٴماجىلىسى داۋىسقا سالىپ ماقۇلداعان «شينجياڭ ۇيعۇر اۆتونوميالى رايونىنىڭ جۇڭي ٴدارى ـ دارمەك ەرەجەسى»، «شينجياڭ ۇيعۇر اۆتونوميالى رايونىنىڭ قاشقار بايىرعى قالاسىن قورعاۋ ەرەجەسى»، «شينجياڭ ۇيعۇر اۆتونوميالى رايونىنىڭ قوعامدىق سەنىمدىلىك ەرەجەسى» جانە جاڭادان تۇزەتۋ ەنگىزىلگەن «شينجياڭ ۇيعۇر اۆتونوميالى رايونىنىڭ ەگىنجاي جارعاعىن باسقارۋ ەرەجەسى» سىندى 4 زاڭ ەرەجەنىڭ ماقساتى، ٴمانى، ەرەكشەلىككە يە جارقىن ٴتۇيىنى سياقتىلار جونىندە اقپار جاريالادى.
بۇل رەتكى تىلشىلەر ٴماجىلىسى اۆتونوميالى رايوندىق حالىق قۇرىلتايى تۇراقتى كوميتەتىنىڭ تۇراقتى كوميتەت ماجىلىسىنەن كەيىن ماقۇلدانعان زاڭ ەرەجە جونىندە دەرەۋ اشقان ارناۋلى تاقىرىپتاعى تۇڭعىش تىلشىلەر ٴماجىلىسى بولدى. اۆتونوميالى رايوندىق حالىق قۇرىلتايى تۇراقتى كوميتەتى كەڭسەسىنىڭ ورىنباسار مەڭگەرۋشىسى دۇڭ يەلين الداعى جەردە بۇل قىزمەتتىڭ ۇدايى ورىستەتىلەتىندىگىن ٴبىلدىردى. ”بۇل زاڭمەن باسقارۋ ۇگىتىن كۇشەيتۋدەگى، زاڭ ەرەجەنىڭ ٴونىمدى اتقارىلۋىنا تاماشا زاڭمەن باسقارۋ ورتاسىن ازىرلەۋدەگى، زاڭ ەرەجە شىعارۋدىڭ تۇتاس تىزبەگىندە جالپى بارىستىق حالىق دەموكراتياسىن امالياتتا ايگىلەۋدەگى ماڭىزدى شارا“، ـ دەدى ول.
«شينجياڭ ۇيعۇر اۆتونوميالى رايونىنىڭ جۇڭي ٴدارى ـ دارمەك ەرەجەسى» جالپى 9 تاراۋ، 56 تارماقتان قۇرالعان، جەكە ـ جەكە ”جالپى ەرەجە“، ”جۇڭي ٴدارى ـ دارمەگى جونىنەن قىزمەت وتەۋ“، ”جۇڭي ٴدارى ـ دارمەگىن قورعاۋ جانە كاسىپ سالاسىنىڭ دامۋى“، ”جۇڭي ٴدارى ـ دارمەك دارىندىلارىن باۋلۋ“، ”جۇڭي ٴدارى ـ دارمەگىن جالعاستىرۋ جانە وندا جاڭالىق اشۋ“، ”جۇڭي ٴدارى ـ دارمەك مادەنيەتىن تاراتۋ جانە اۋىس ـ كۇيىس جاساۋ“، ”قامتاماسىزداندىرۋ شارالارى“، ”زاڭدىق جاۋاپكەرشىلىك“، ”قوسىمشا ەرەجە“ سياقتى تاراۋلارعا ٴبولىنىپ، شينجياڭنىڭ جۇڭي ەمدەۋ بايلىعىن ورنالاستىرۋدى جالپى بەتتىك ارناعا ٴتۇسىرىپ، جۇڭي ٴدارى ـ دارمەك دارىندىلارىن باۋلۋعا ىنتالاندىرىپ، جۇڭي ٴدارى ـ دارمەك بايلىعىن قورعاۋدى كۇشەيتۋ العا قويىلدى. «ەرەجە» شينجياڭنىڭ جۇڭي ٴدارى ـ دارمەگىنىڭ تۋراشىلدىقتان اينىماي جاڭالىق اشۋىن، جالعاسۋىن، دامۋىن قامتاماسىز ەتۋگە، جۇڭي شيپاگەرلىگى مەن باتىس شيپاگەرلىگىنىڭ ٴبىرىن ـ ٴبىرى تولىقتاۋىن، سايكەستى دامۋىن جەبەۋگە، سالاماتتى شينجياڭ ستراتەگياسىن جاپپاي ىلگەرىلەتىپ، حالىقتىڭ سالاماتتىعىن اناعۇرلىم ويداعىداي قامتاماسىز ەتۋگە پارمەندى زاڭمەن باسقارۋ قامتاماسىزدىعىن ازىرلەدى. «ەرەجە» بيىل 5 ـ ايدىڭ 1 ـ كۇنىنەن باستاپ اتقارىلادى.
«شينجياڭ ۇيعۇر اۆتونوميالى رايونىنىڭ قاشقار بايىرعى قالاسىن قورعاۋ ەرەجەسى» جالپى 5 تاراۋ، 30 تارماقتان قۇرالعان، جەكە ـ جەكە ”جالپى ەرەجە“، ”جوبالاۋ جانە قورعاۋ“، ”جالعاستىرۋ جانە پايدالانۋ“، ”زاڭدىق جاۋاپكەرشىلىك“، ”قوسىمشا ەرەجە“ سياقتى تاراۋلارعا ٴبولىنىپ، قاشقار بايىرعى قالاسىن قورعاۋ مەن ودان پايدالانۋعا زاڭمەن باسقارۋ قامتاماسىزدىعىن ازىرلەدى. «ەرەجەدە» بايىرعى قالانىڭ تاريحي مادەنيەتىن جالعاستىرۋعا جانە ودان پايدالانۋعا باسا ٴمان بەرىلگەن، جۇڭحۋا ۇلتى ورتاق تۇلعا تانىمىن بەرىك ورناتۋ نەگىزگى جەلىسىمەن ساباقتاستىرىلعان، قورعاۋ پرينسيبى مەن قورعاۋ قىزمەتىنىڭ نەگىزگى تۇلعالىق جاۋاپكەرشىلىگى ايقىندالعان، قورعاۋدىڭ قىزمەت جاۋاپكەرشىلىگى ارناعا تۇسىرىلگەن، قورعاۋدىڭ ٴتۇيىندى مىندەتى كورنەكتىلەنگەن، حاۋىپسىزدىك بارىنەن ماڭىزدى سياقتى ەرەكشەلىكتەر ايگىلەنگەن. «ەرەجە» بيىل 5 ـ ايدىڭ 1 ـ كۇنىنەن باستاپ اتقارىلادى.
«شينجياڭ ۇيعۇر اۆتونوميالى رايونىنىڭ قوعامدىق سەنىمدىلىك ەرەجەسى» جالپى 7 تاراۋ، 51 تارماقتان قۇرالعان، نەگىزىنەن قوعامدىق سەنىمدىلىك جۇيەسى قۇرىلىسىن، قوعامدىق سەنىمدىلىك ينفورماتسياسىن باسقارۋدى، قوعامدىق سەنىمدىلىك ينفورماتسياسىن قولدانۋدى، قوعامدىق سەنىمدىلىك نەگىزگى تۇلعاسىنىڭ ۇقىق ـ مۇددەسىن قورعاۋدى ارناعا ٴتۇسىرۋ سياقتى مازمۇندار قامتىلادى. «ەرەجەدە» جەرگىلىكتى زاڭ ەرەجە شىعارۋدىڭ قوعامدىق سەنىمدىلىك جۇيەسى قۇرىلىسىن جەتەكتەۋدەگى، ارناعا تۇسىرۋدەگى جانە قامتاماسىز ەتۋدەگى رولى تولىق ساۋلەلەندىرىلگەن، بۇل سوتسياليستىك وزەكتى قۇن كوزقاراسىن اسقاقتاتۋعا، شينجياڭنىڭ قوعامدىق سەنىمدىلىك جۇيەسىن ونان ارى اقاۋسىزداندىرۋعا، قوعامدىق سەنىمدىلىك دەڭگەيىن جوعارىلاتۋعا، سەنىمدىلىك نەگىزگى تۇلعالارىنىڭ زاڭدى ۇقىق ـ مۇددەسىن قورعاۋعا، قوعامدىق باسقارۋ مەحانيزمىندە جاڭالىق اشۋعا، شارۋاشىلىق ـ ساۋدا ورتاسىن ساپالىلاندىرۋعا، ەكونوميكانىڭ، قوعامنىڭ جوعارى ساپالى دامۋىن جەبەۋگە ٴتيىمدى. «ەرەجە» بيىل 10 ـ ايدىڭ 1 ـ كۇنىنەن باستاپ اتقارىلادى.
جاڭادان تۇزەتۋ ەنگىزىلگەن «شينجياڭ ۇيعۇر اۆتونوميالى رايونىنىڭ ەگىنجاي جارعاعىن باسقارۋ ەرەجەسى» جالپى 26 تارماقتان قۇرالعان، وندا نەگىزىنەن ۇكىمەت پەن كاسىپ سالاسىن باسقارۋ تاراۋلارىنىڭ باقىلاۋ ـ باسقارۋ جاۋاپكەرشىلىگى، ەگىنجاي جارعاعىن ٴوندىرۋ، ساتۋ، قولدانۋ، جيناپ الۋ، قايتا پايدالانۋ سياقتى بۋىندارداعى جاۋاپكەرشىلىك پەن بورىش ايقىندالعان، جيناپ الىپ پايدالانۋ جۇيەسىن اقاۋسىزداندىرۋ جانە باقىلاۋ ـ تەكسەرۋ سياقتى مازمۇندارعا وزگەرىس ەنگىزىلگەن، وسى رەت وزگەرىس ەنگىزىلگەن جارقىن تۇيىندەر نەگىزىنەن ەگىنجاي جارعاعىنىڭ ساپاسىن، ولشەمىن قاتاڭ شەكتەۋ، ۇكىمەتتىڭ جانە كاسىپ سالاسىن باقىلاۋ ـ باسقارۋ تاراۋىنىڭ قىزمەت جاۋاپكەرشىلىگىن ايقىنداۋ، تولىق تىزبەكتى باقىلاۋ ـ باسقارۋ قىزمەتىن كەمەلدەندىرۋ جانە ٴارقايسى بۋىننىڭ نەگىزگى تۇلعالىق جاۋاپكەرشىلىگىن ايقىنداۋ، جيناپ الىپ پايدالانۋ جۇيەسىن ورناتۋ، اقاۋسىزداندىرۋ جانە قالدىق جارعاقتاردى زالالسىز ٴبىر جاقتى ەتۋدى ىلگەرىلەتۋ سياقتى ٴتورت جاقتا بەينەلەندى. «ەرەجەنىڭ» اتقارىلۋى شينجياڭنىڭ ەگىنجاي جارعاعىن باسقارۋدى ۇزدىكسىز جاقسى ىستەۋ، اۋىل شارۋاشىلىعىنىڭ كولەم، قاينار جاعىنان لاستانۋىنان ساقتانۋ جانە ونى وڭاۋ، اۋىل شارۋاشىلىعىنىڭ ەكولوگيالىق ورتاسىن قورعاۋ، اۋىل شارۋاشىلىعىنىڭ جاسىل، جوعارى ساپالى دامۋىنا كۇش ۇستەۋ، ىلگەرىلەتۋ جونىنەن ماڭىزدى مانگە يە. «ەرەجە» بيىل 5 ـ ايدىڭ 1 ـ كۇنىنەن باستاپ اتقارىلادى.
