7 ـ كەزەكتى التىن شىراق سيلىعىنا يە بولعانداردىڭ تىزىمدىگى جاريالاندى
شينجياڭ مۇراجايى جىلدىق تۇتاس سيلىققا يە بولدى
انار بۇلت \ شينجياڭ گازەتىنىڭ ٴتىلشىسى جاۋ مەي 3 ـ ايدىڭ 24 ـ كۇنى ۇرىمجىدەن حابارلايدى. شينجياڭ مۇراجايىنان ۇعىسۋىمىزشا، 3 ـ ايدىڭ 21 ـ كۇنى 7 ـ كەزەكتى التىن شىراق سيلىعىن تاراتۋ سالتاناتى شاڭحايدا وتكىزىلدى، شينجياڭ مۇراجايىنىڭ ”شينجياڭنىڭ جەرىن كۇزەتەيىك“ جەلىلەس مادەنيەت جاسامپازدىعى وسى كەزەكتى التىن شىراق سيلىعىنىڭ جىلدىق تۇتاس سيلىعىنا يە بولدى.
شينجياڭ مۇراجايى مادەنيەت جاسامپازدىعى ٴبولىمىنىڭ مەڭگەرۋشىسى گۋان ي بىلاي دەپ تانىستىردى: ”شينجياڭنىڭ جەرىن كۇزەتەيىك“ شينجياڭ مۇراجايىنىڭ 2023 ـ جىلى 8 ـ ايدا شىعارعان جەلىلەس مادەنيەت جاسامپازدىعى ونىمدەرى. وسى جەلىلەس مادەنيەت جاسامپازدىعى ونىمدەرى، باستىسى، حان داۋىرىندەگى 4 ايگىلى تاريحي تۇلعا بان چاۋ، جاڭ چيان، گىڭ گۇڭ، جىڭ جي جانە ”فۋشي نۇيۋا جىبەك سۋرەتى“، ”قابىر الاستاۋ اڭى“، ”بارىس تەڭبىلدى دوڭگەلەك التىن تاقتا“ سياقتى قۇندى مادەني ەسكەرتكىشتەردى نەگىز ەتكەن ٴتۇپ تۇلعالىق جاسامپازدىق.
”ٴبىزدىڭ حان داۋىرىندەگى 4 ايگىلى تاريحي تۇلعانى جاسامپازدىق IP ەتۋىمىزدەگى سەبەپ، باستىسى، ەجەلدەن بەرى وسى جەردە جاساپ جاتقان ادامدارعا قۇرمەت ەتۋ. ٴبىز وسى ٴبىر قىدىرۋ مادەنيەت جاسامپازدىعى ارقىلى ’كۇزەتۋ‘ سىندى بورىشتى جەتكىزىپ، 4 باتىردىڭ رۋحىنىڭ ۋاقىتتىڭ ۇلى كەرۋەنىندە ۇزدىكسىز جالعاسۋىن ٴۇمىت ەتەمىز“. گۋان ي بىلاي دەدى: ”شينجياڭنىڭ جەرىن كۇزەتەيىك“ جالپى 100 تۇردەن استام مادەنيەت جاسامپازدىعى ونىمدەرىن شىعاردى، مۇندا قامىس جەلپۋىش، كەنەپ سومكە، قايقى جاستىق، شاش قىستىرعىش، توڭازىتقىش جاپسىرماسى سياقتىلار قامتىلعان.
ۇعىسۋعا قاراعاندا، التىن شىراق سيلىعى _ ازيا وڭىرىندەگى ەڭ بەدەلگە جانە ۋاكىلدىك سيپاتقا يە ساۋدا سالاسى جوباسى اسەمونەر كورمە سيلىعىنىڭ ٴبىرى، شينجياڭ مۇراجايى ٴۇرتىس 3 جىل التىن شىراق سيلىعىنا يە بولدى. وسىدان بۇرىن شينجياڭ مۇراجايىنىڭ ”مادەني ەسكەرتكىشتەردى جانداندىرايىق _ 24 امال جاسامپازدىق جوباسى“، شينجياڭ مۇراجايى شانشان وۋتلەتس الاڭىمەن بىرلەسىپ وتكىزگەن ”شانحاي جۇڭگو جىلى ’جۇڭگونىڭ ٴداستۇرلى كوكتەم مەرەكەسى مادەنيەتىن سان مىڭ وتباسىلارىنا جەتكىزۋ“ جەلىلەس قيمىلى 2022 ـ جىلعى، 2023 ـ جىلعى التىن شىراق سيلىعىندا سيلىققا يە بولعان.
