1031 ادام ىستەتۋشى ورىن دارىندىلاردى شاقىردى، 36 مىڭنان استام ادام جينالىس ورنىنا كەلىپ جۇمىس ىزدەدى
رايونىمىزدىڭ بيىل كوكتەمدەگى كولەمى ەڭ زور جوعارى مەكتەپ بىتىرگەن وقۋشىلاردى قىزمەتكە قابىلداۋ جينالىسى وتكىزىلدى
انار بۇلت \ شينجياڭ گازەتىنىڭ ٴتىلشىسى جاۋ چۇنحۋا 3 ـ ايدىڭ 23 ـ كۇنى ۇرىمجىدەن حابارلايدى. 3 ـ ايدىڭ 23 ـ كۇنى اۆتونوميالى رايوننىڭ 2024 ـ جىلعى جوعارى مەكتەپ بىتىرگەن وقۋشىلاردى كوكتەم ماۋسىمىنداعى قىزمەتكە قابىلداۋ جينالىسى جانە ”كاسىپ ارقىلى بولاشاققا باستاۋ“بويىنشا بۇكىل ەلدەگى ٴىرى، ورتا قالالاردى ارالاپ قىزمەتكەر قابىلداۋ شينجياڭ بەكەتى قيمىلى شينجياڭ حالىقارالىق ٴماجىلىس ـ كورمە ورتالىعىندا (نەگىزگى جينالىس الاڭى) وتكىزىلدى، سونىمەن بىرگە كورلا قالاسىندا، كۇشار قالاسىندا بولىمشە جينالىس الاڭى ورنالاستىرىلدى. سول كۇنى 1031 كاسىپورىن، ٴىسورىن 25 مىڭنان استام جۇمىس ورنىن ازىرلەپ، 36 مىڭنان استام ادامدى جينالىس ورنىنا كەلىپ جۇمىس ىزدەۋگە باۋرادى، تىكە تاراتىلىم قيمىلىنا قاتىناسقاندار 3 ميلليون 300 مىڭ ادامنان (رەت) استى.
وسى رەتكى قيمىلدى ادام كۇشى بايلىعى جانە قوعامدىق قامتاماسىزداندىرۋ مينيسترلىگى ورىستەتتى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، بيڭتۋان ادام كۇشى بايلىعى جانە قوعامدىق قامتاماسىزداندىرۋ مەكەمەسى، اۆتونوميالى رايوندىق وقۋ ـ اعارتۋ مەڭگەرمەسى سياقتى 8 ورىن باس بولىپ وتكىزدى. بيىل كوكتەم ماۋسىمىنداعى جوعارى مەكتەپ بىتىرگەن وقۋشىلاردى قىزمەتكە قابىلداۋدىڭ ەڭ زور كولەمدى جينالىسى رەتىندە 2024 ـ جىلعى جوعارى مەكتەپ بىتىرگەن وقۋشىلار، بۇرىنعى جوعارى مەكتەپ ٴبىتىرىپ جۇمىسقا ورنالاسپاعان وقۋشىلار جانە ادام ىستەتۋشى ورىندار ٴۇشىن قامداۋ ـ قاجەتسىنۋگە قىزمەت وتەۋ تۇعىرىن قۇرۋدى ماقسات ەتتى.
قيمىل ينتەرنەت جەلىسىندە، جەلىدەن تىسقارى ٴوزارا ۇشتاسقان ٴتاسىل ارقىلى وتكىزىلىپ، سول جەردە قىزمەتكەر قابىلداۋ اۋماعىن، ساياساتتىق اقىل ـ كەڭەس بەرۋ اۋماعىن، قىسقاشا ٴومىربايانعا تۇجىرىم جاساۋ اۋماعىن، بەتپە ـ بەت ەمتيحان كەڭەسۋ اۋماعىن، تىكە تاراتۋدا جۇمىس ورنىن تانىستىرۋ اۋماعىن جانە جالپىلىق قىزمەت وتەۋ اۋماعىن ورنالاستىرىپ، جوعارى مەكتەپ بىتىرگەن وقۋشىلارعا جانە ادام ىستەتۋشى ورىندارعا جۇمىس ىزدەۋ، قىزمەتكەر قابىلداۋ، جۇمىستانۋ جەتەكشىسى، ساياساتتى ۇگىتتەۋ، ناق مايدانداعى بەتپە ـ بەت ەمتيحان سياقتى قىزمەت وتەۋىن ازىرلەدى. سونىمەن بىرگە جۇڭگو شينجياڭ دارىندىلار سايتىندا قيمىل ارناۋلى اۋماعىن ورنالاستىرىپ، كاسىپورىنداردىڭ، ٴىسورىنداردىڭ قىزمەتكەر قابىلداۋ ينفورماتسياسىن جاريالاپ، ينتەرنەت جەلىسىندە قىزمەتكەر قابىلداۋ قيمىلىن ٴبىر ۋاقىتتا ورىستەتتى.
”قىزمەتكەر قابىلداۋ جينالىسى ساعات 10نان 30 مينۋت وتكەندە باستالدى، الايدا ٴبىر ساعات بۇرىن جۇمىس ىزدەۋشىلەر ىركەس ـ تىركەس الاڭعا كىردى، ٴبىز دە كوپتەگەن قىسقاشا ٴومىربايان تاپسىرىپ الدىق“. شينجياڭ چي ـ ان چۋاڭشين ونەركاسىبى ينتەرنەت حاۋىپسىزدىگى شەكتى سەرىكتەستىگىنىڭ كورمە ورنىندا باس ديرەكتور ياڭ شىڭ جۇمىس ىزدەۋشىلەرگە جۇمىس ورنى قاجەتىن تانىستىرۋمەن ابىگەر.
الاڭعا كىرگەنىنە جارتى ساعات بولماي جاتىپ، شينجياڭ تيانشان كاسىپتىك تەحنيكالىق داشۋەسى حالىقارالىق ەكونوميكا جانە ساۋدا ماماندىعىنىڭ وقۋشىسى دۇڭ شۇي بىرنەشە قىسقاشا ٴومىربايانىن بەردى. ”ناق مايدانعا ادامنىڭ كوپ كەلگەنىن كورىپ قىسىم تۇسكەندەي سەزىندىم. شينجياڭ ەركىن ساۋدا سىناق رايونىن قۇرۋدا مەنىڭ بۇل ماماندىعىمنىڭ كوپ جەردە ىسكە جارايتىندىعىنا سەنەمىن“، ـ دەدى دۇڭ شۇي.
وسى رەتكى قىزمەتكەر قابىلداۋ قيمىلىندا تۇڭعىش رەت 30 جوعارى مەكتەپ ٴتۇرلى ادام ىستەتۋشى ورىندارعا مەكتەپ بىتىرگەن وقۋشىلاردى تانىستىرۋ قىزمەت وتەۋىن ازىرلەپ، مەكتەپ پەن كاسىپورىن سەلبەستىگىنىڭ جاڭا تۇعىرىن ورناتىپ، وقۋ ـ اعارتۋ، جۇمىستاندىرۋ سەلبەستىگىنىڭ تىڭ ۇلگىسىن قاراستىردى. 6 شارۋاشىلىق قۇرۋعا باۋلۋ بازاسىن، 3 فينانس قۇرىلىمىن شارۋاشىلىق قۇرۋعا جەتەكشىلىك ەتۋگە ۇسىنىس ەتىپ، شارۋاشىلىق قۇرۋ ساياساتىنان اقىل ـ كەڭەس بەرۋ، جەتىلدىرۋ قىزمەت وتەۋ تانىستىرۋى، نىسان بايلىعىن ٴتۇيىلىستىرۋ، فينانس قارىز اقشا سۇيەمەلى، شارۋاشىلىق قۇرۋ تاجىريبەلەرىن ٴبولىسۋ سياقتى قىزمەت وتەۋ ازىرلەپ، كوپتەگەن جۇمىس ىزدەۋشىلەردى قاتىناسۋعا باۋرادى.
قيمىل كەزىندە ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مەملەكەتتىك دارىندىلار جىلجىمالى ورتالىعى تاعى كاسىپتىك جەتەكشىلىك ەتۋ ماماندارىن ۇسىنىس ەتىپ، شينجياڭ داشۋەسىندە، شينجياڭ اۋىل شارۋاشىلىعى داشۋەسىندە ”قازىرگى داشۋە وقۋشىلارىنىڭ جۇمىستانۋ جاعدايى جانە شاراسى“ نەگىزگى تاقىرىبىندا ارناۋلى لەكسيا ورىستەتتى، ەكى جوعارى مەكتەپتەگى مىڭنان استام وقۋشى سول جەردىڭ وزىندە لەكسيا تىڭدادى.
كەلەسى قادامدا تۇتاس رايونداعى ٴار دارەجەلى الەۋمەتتىك جۇمىستاندىرۋعا قىزمەت وتەۋ قۇرىلىمدارى الەۋمەتتىك جۇمىستاندىرۋعا قىزمەت وتەۋدى نەگىزگى ساتىعا ٴتۇسىرۋدى ۇزدىكسىز ىلگەرىلەتىپ، جەرگىلىكتى جاعدايعا قاراي جۇمىستاندىرۋعا قىزمەت وتەۋ بەكەتىن قۇرىپ، الەۋمەتتىك جۇمىستاندىرۋعا قىزمەت وتەۋ ارناۋلى قيمىلىن ٴبىر تۇتاس جوسپارلاپ ورىستەتىپ، ”ۇلكەن ساندى مالىمەت + تەمىر تابان“ قىزمەت وتەۋ ۇلگىسىنەن پايدالانىپ، جوعارى مەكتەپ بىتىرگەن وقۋشىلاردىڭ ٴوز اتىمەن جۇمىستانۋىنا قىزمەت وتەۋدى جاپپاي تياناقتاندىرىپ، جوعارى مەكتەپ بىتىرگەن وقۋشىلار سياقتى جاستار قاۋىمىنىڭ جوعارى ساپالى تولىق جۇمىستانۋىن جۇزەگە اسىرۋدى جەبەيدى.
