انار بۇلت \ شينجياڭ گازەتىنىڭ ٴتىلشىسى چىن چياڭۋي 3 ـ ايدىڭ 22 ـ كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنەن ۇعىسۋىمىزشا، جۋىقتا شينجياڭ جاڭا ەنەرگيالى ەلەكتر كاسىپورىندارى مەن كومىر جاعىپ ٴوزىن قامدايتىن ەلەكتر ستانسيالارىنىڭ ٴبىرىنشى ماۋسىمدا ەلەكتردەن پايدالانۋ جوعارى ورلەۋىن رەتتەۋ بالامالىق ساۋداسىن ورىنداپ، بالامالىق ساۋدا ەلەكتر مولشەرى 176 ميلليون 800 مىڭ كيلوۆات ساعاتقا جەتىپ، سايكەس مەزگىلدەگىدەن %175 ارتىپ، جاڭا ەنەرگيانىڭ پايدالانىلۋىن ونان ارى جەبەگەن.
جاڭا ەنەرگيالى ەلەكتر كاسىپورىندارى مەن كومىر جاعىپ ٴوزىن قامدايتىن ەلەكتر ستانسيالارىنىڭ ەلەكتردەن پايدالانۋ جوعارى ورلەۋىن رەتتەۋ بالامالىق ساۋداسى دەگەنىمىز ەلەكتر تورىنىڭ جۇرگىزىلۋ حاۋىپسىزدىگىنە كەپىلدىك ەتۋ، جاڭا ەنەرگيا ارقىلى تۇتاس قامتاماسىزدىق سيپاتتى ساتىپ الۋ، شينجياڭ وڭىرىندەگى ەلەكتردەن پايدالانۋ بازارى جانە سىرتقا ەلەكتر جەتكىزۋ قاجەتىن قاناعاتتاندىرۋ نەگىزىندە، كومىر جاعىپ ٴوزىن قامدايتىن ەلەكتر ستانسيالارىنىڭ ەلەكتردەن پايدالانۋ جوعارى ورلەۋىن رەتتەۋ كەڭىستىگىن تولىق اشىپ، كومىر جاعاتىن ٴوز ەلەكتر ستانسيالارى گەنەراتور اگراگاتتارىنىڭ ەلەكتردەن پايدالانۋ جوعارى ورلەۋىن رەتتەۋ سەرپىنىن ارتتىرۋ ارقىلى جاڭا ەنەرگيالى ەلەكتر كاسىپورىندارىنىڭ تۇتاس قامتاماسىزدىق سيپاتتى ساتىپ الىناتىن ەلەكتر مولشەرىنەن باسقا كوپ ەلەكتر تاراتۋ مولشەرىن ٴوزىن قامدايتىن ەلەكتر ستانسياسىنا قاراستى كاسىپورىنداردىڭ ەلەكتردەن پايدالانۋ كوتەرىمدىلىگىنە اۋىستىرۋدى كورسەتەدى.
مۇنداي بالامالىق ساۋدا _ قازىر شينجياڭ ەلەكتر قۋاتى ساۋدا ورتالىعى شەكتى سەرىكتەستىگى اتقارىپ وتىرعان نەگىزگى بالامالىق ساۋدانىڭ ٴبىرى، ول جاڭا ەنەرگيانى قابىلداۋ كەڭىستىگىن ونان ارى كەڭەيتىپ، جاڭا ەنەرگيانىڭ پايدالانىلۋ مولشەرىن جوعارىلاتادى. جاڭا ەنەرگيا كاسىپورىندارى مەن كومىر جاعىپ ٴوزىن قامدايتىن ەلەكتر ستانسيالارىنىڭ بالامالىق ساۋداسى جاڭا ەنەرگيانى قابىلداۋ جانە ەنەرگيا ۇنەمدەپ، لاس زاتتاردى ىعىستىرۋدى ازايتۋ ساياساتىن تياناقتاندىرىپ، جاڭا ەنەرگيا كاسىپورىندارىنىڭ ەلەكتر تاراتۋ ونىمدىلىگىن جوعارىلاتۋىن جەبەپ، ٴوزىن قامدايتىن ەلەكتر ستانسيالارىنىڭ تازا ەلەكتر ەنەرگياسىنا پايدالانىلاتىن ەلەكتردى ساتىپ الۋ وزىندىك قۇنىن ۇنەمدەپ، كوپ جاقتىڭ تەڭ يگىلىككە كەنەلۋىن جۇزەگە اسىردى.
جاڭا ەنەرگيا كاسىپورىندارى مەن كومىر جاعىپ ٴوزىن قامدايتىن ەلەكتر ستانسيالارىنىڭ بالامالىق ساۋداسىنىڭ ەلەكتر مولشەرى 176 ميلليون 800 مىڭ كيلوۆات ساعات بولىپ، 176 مىڭ 300 توننا كومىر قىشقىل گازىن، 5300 توننا كۇكىرت قوس توتىعىن، 2700 توننا ازوت توتىعىن از ىعىستىرعانمەن بارابار.
