اۆتونوميالى رايوندىق ۇكىمەت ۇنەمىلىك ىستەر ٴماجىلىسىن اشتى
ماقتا تۇتاس كاسىپ سالاسى تىزبەگىنىڭ ورنىقتى، اقاۋسىز دامۋى سياقتى قىزمەتتەردى اقىلداستى
انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 22 ـ كۇنى ۇرىمجىدەن حابارلايدى. 3 ـ ايدىڭ 22 ـ كۇنى تۇستەن كەيىن، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشتى، ٴماجىلىس باس شۋجي شي جينپيڭنىڭ جۋىقتاعى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جەتكىزدى، ۇيرەندى، ماقتا تۇتاس كاسىپ سالاسى تىزبەگىنىڭ ورنىقتى، اقاۋسىز دامۋى، كەلەلى نىساندار قۇرىلىسى، جاڭا ەنەرگيانىڭ جوعارى ساپالى دامۋىن جەبەۋ، كوكتەمگى ەگىس قاتارلى قىزمەتتەردى اقىلداستى.
ءماجىلىس اۆتونوميالى رايوننىڭ ماقتا كاسىپ سالاسىن دامىتۋ باسشىلىق گرۋپپاسىنىڭ 2024 ـ جىلعى 1 ـ جالپى جيىنىن قوسا اشىپ، «اۆتونوميالى رايوننىڭ توقىماشىلىق، كيىم ـ كەشەك كاسىپ سالاسى ساياساتىن رەتتەۋ، ساپالىلاندىرۋ جوباسىن»، «اۆتونوميالى رايوننىڭ ماقتا جانە توقىماشىلىق، كيىم ـ كەشەك كاسىپ سالاسى دامۋىنىڭ 2024 ـ جىلعى قىزمەت تۇيىندەرىن» اقىلداستى. ٴماجىلىس مىنالاردى اتاپ كورسەتتى: جىبەك جولى ەكونوميكالىق بەلدەۋى وزەكتى رايونى قۇرىلىسى مەن جۇڭگو (شينجياڭ) ەركىن ساۋدا سىناق رايونى قۇرىلىسى ورايىن مىقتى يگەرىپ، شينجياڭنىڭ ماقتا بايلىعى مەن كاسىپ سالاسىنىڭ بۇكىل ەلدىڭ ەكونوميكا كەلەلى جاعدايىنداعى ماڭىزدى رولىن تولىق ساۋلەلەندىرىپ، مەملەكەتتىڭ ساپالى ماقتا بازاسىن قۇرۋدى، ماقتا ساپاسىن جوعارىلاتۋدى جانە ماقتا كاسىپ سالاسى تىزبەگىن ۇزارتۋدى وزەكتى مىندەت ەتىپ، ”بيڭتۋان مەن جەرگىلىكتى ورىن ٴبىر تۇتاس جۇيە“ دەگەنگە تاباندى بولىپ، وسىزاماندانعان ماقتا جانە توقىماشىلىق، كيىم ـ كەشەك كاسىپ سالاسى جۇيەسىن جەدەل ورناتۋ كەرەك. ماقتانىڭ كوكتەمگى ەگىس ٴوندىرىسىن ٴجىتى قاداعالاپ، ”قۇرعاق ەگىپ، تامشىلاتىپ سۋارۋ“ سياقتى ٴونىمدى ارتتىراتىن شەشۋشى تەحنيكالاردىڭ تياناقتانۋىن مىقتى يگەرىپ، بىرلىك ٴونىمىنىڭ دەڭگەيىن جوعارىلاتۋ كەرەك. وڭتۇستىك شينجياڭنىڭ ماقتا كاسىپ سالاسىنىڭ جوعارى ساپالى دامۋىن كورنەكتى تۇردە مىقتى يگەرىپ، كاسىپ سالاسى تىزبەگىندەگى ولقىلىقتاردى كۇش سالا تولىقتاپ، كاسىپ سالالىق شوعىرلانۋى جوعارى، جۇمىستاندىرۋعا دەم بەرۋى كورنەكتى ٴبىر توپ توقىماشىلىق، كيىم ـ كەشەك كاسىپ سالاسى شوعىرىن جەتىلدىرۋ كەرەك. مەملەكەت دارەجەلى ماقتا، ماقتا ٴجىپ ساۋدا ورتالىعىن جەدەل قۇرىپ، مەرزىمدەمەلى تاۋار مەن دايىن تاۋاردىڭ ىقپالداستىعىن ىلگەرىلەتىپ، توڭىرەكتەگى ەلدەردىڭ ماقتا جانە توقىماشىلىق، كيىم ـ كەشەك بازارلارىمەن ۇلاستىرۋدى ـ تۇتاستىرۋدى كۇشەيتۋ كەرەك. ٴتۇرلى ساياسات ـ شارالاردى تياناقتاندىرىپ، ساياساتتى ۇگىتتەۋدى، ٴتۇسىندىرۋدى كۇشەيتىپ، ماقتا ەگەتىن ديقانداردىڭ كىرىسىن قامتاماسىز ەتۋ كەرەك.
ٴماجىلىس مىنالاردى اتاپ كورسەتتى: كەلەلى نىساندار قۇرىلىسىن جەدەلدەتىپ، بەلگىلەنگەن نىسانداردىڭ جۇمىس باستاي الاتىندارىندا ۋاقىتتى مىقتى يگەرە جۇمىس باستاپ، الدىعا ىلگەرىلەي الاتىندارىن العا ىلگەرىلەتىپ، اناعۇرلىم كوپ قىزمەت جەتىستىكتەرىن قالىپتاستىرۋعا قۇلشىنۋ كەرەك. زاپاس نىسانداردا الدىڭعى مەرزىمدىك قىزمەت قارقىنىن جەدەلدەتىپ، فاكتورلارمەن قامتاماسىز ەتۋدى كۇشەيتىپ، ونىمدىلىگىن شىن مانىندە جوعارىلاتىپ، شارت ـ جاعداي پىسىپ ـ جەتىلگەننەن كەيىن دەرەۋ جاڭادان جۇمىس باستايتىن نىساندارعا اينالدىرۋ كەرەك. ”التى ماڭىزدى ٴتىزىمدى“ جاپپاي ىشكەرىلەي تياناقتاندىرىپ، ”ٴبىر نىسان، ٴبىر ارناۋلى ٴبان، ٴبىر جوبا، سوڭىنا دەيىن يگەرۋ“ قىزمەت مەحانيزمى ارقىلى جوبا بويىنشا شايقاس جۇرگىزۋدى، ٴتىزىم بويىنشا باسقارۋدى اتقارىپ، ورنالاستىرۋدى، قۋزاۋدى كۇشەيتىپ، ”نىساندى بارىنشا يگەرەتىن“ قامال الۋ رايىن قالىپتاستىرۋ كەرەك.
ٴماجىلىس مىنالاردى باسا دارىپتەدى: رايونىمىزدىڭ جەل، كۇن نۇرى بايلىعى باسىمدىعىن ونان ارى ساۋلەلەندىرىپ، كوپ ەنەرگيانىڭ ٴبىرىن ـ ٴبىرى تولىقتاۋىنا جانە ەلەكتر كوزدەرىنىڭ، جەلىلەرىنىڭ، كوتەرىمدىلىگىنىڭ، قۋات ساقتاۋدىڭ سايكەستى دامۋىنا تاباندى بولىپ، كوپ نەگىزدى اشۋ ـ پايدالانۋ ارناسىن قالىپتاستىرۋ كەرەك. عىلمي زەرتتەۋ جەتىستىكتەرىن كادەگە جاراتۋدى، ودان پايدالانۋدى كۇشەيتىپ، سۋتەگى ەنەرگياسى كاسىپ سالاسىنىڭ جەدەل دامۋىن ىلگەرىلەتىپ، جاسىل، تومەن كومىر قىشقىل گازدى، جوعارى ٴونىمدى زەردەلى ەسەپتەۋ ورتالىعى قۇرىلىسىنا قولداۋ كورسەتىپ، بۇكىل شينجياڭنىڭ ەسەپتەۋ قۋاتىنىڭ ”ٴبىر تور“ بولۋىن جەبەپ، بۇكىل ەلدىڭ ٴبىر تۇلعالانعان ەسەپتەۋ قۋاتى تورى جۇيەسىمەن توعىسۋ كەرەك. كاسىپ سالاسىنىڭ، ەنەرگيانىڭ جاسىل، تومەن كومىر قىشقىل گازدى تيپ جاڭالاۋىن ىلگەرىلەتىپ، جاسىل، تومەن كومىر قىشقىل گازدى كاسىپ سالاسىن جەدەل جەتىلدىرىپ، زورايتىپ، رايونىمىزدىڭ جوعارى ساپالى دامۋىنا اناعۇرلىم ويداعىداي دەم بەرۋ كەرەك.
ٴماجىلىس مىنالاردى اتاپ كورسەتتى: كوكتەمگى ەگىس دايىندىعى قىزمەتىن تىڭعىلىقتى، ناقتى يگەرىپ، كوكتەمدە اتىز باپتاۋدى مۇقيات ىستەپ، تۇقىم، حيميالىق تىڭايتقىش، ەگىس دارىلەرى، تامشىلاتىپ سۋارۋ تاسپاسى سياقتى ٴوندىرىس ماتەريالدارىن دايىنداۋدى، قامداۋدى بار كۇشپەن ويداعىداي قامتاماسىز ەتۋ كەرەك. اۋىل ـ قىستاقتىڭ قاتىناس، سۋ يگىلىگى، ەلەكتر قۋاتى ىركىلىسسىزدىگىن قامتاماسىز ەتىپ، اۋىل شارۋاشىلىعىن ماشينالاندىرۋ جانە قوعامدانعان قىزمەت وتەۋ دەڭگەيىن ۇزدىكسىز جوعارىلاتىپ، سورتتى تۇقىمنىڭ، تاماشا ٴادىستىڭ، تاماشا ماشينا ـ جابدىقتاردىڭ، ساپالى اتىزدىڭ تەرەڭدەي توعىسۋىن ىلگەرىلەتىپ، اۋىل شارۋاشىلىعىن كۇشەيتەتىن، شارۋالارعا تيىمدىلىك جاسايتىن، شارۋالاردى بايىتاتىن ساياساتتاردى ناقتى، ەگجەي ـ تەگجەيلى تياناقتاندىرىپ، بيىلعى استىق نىسانا ـ مىندەتتەرىن جانە شارۋالاردىڭ كىرىسىن ارتتىرۋدى جۇزەگە اسىرۋدا جاقسى باستاما اشىپ، ٴساتتى قادام تاستاۋ كەرەك. سۋ بايلىعىنان جوعارى ٴونىمدى پايدالانۋدى كۇشەيتىپ، اۋىل شارۋاشىلىعىندا سۋ ۇنەمدەپ سۋارۋدى ورىستەتىپ، كوكتەمگى ەگىس وندىرىسىنە پارمەندى سۋدان پايدالانۋ قامتاماسىزدىعىن ازىرلەۋ كەرەك.
ٴماجىلىس باسقا دا ىستەردى اقىلداستى.
