انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 22 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 3 ـ ايدىڭ 22 ـ كۇنى ۇرىمجىدە قازاقستان قاتىناس مينيسترلىگىنىڭ مينيسترى قارابايەۆپەن كەزدەسىپ، جۇڭگونىڭ شينجياڭى مەن قازاقستاننىڭ شەكارا وتكەلى قۇرىلىسى، ۇلاستىرۋ، تۇتاستىرۋ، زات اينالىمى تاسىمالى سياقتى سەلبەستىك ىستەرىن ونان ارى ىلگەرىلەتۋ جونىندە ىشكەرىلەي اۋىس ـ كۇيىس جاساپ، ەكى جاق سەلبەستىگىنىڭ كەڭەيۋىن، تەرەڭدەۋىن جەبەپ، ەكى ەل مەملەكەت باسشىلارىنىڭ ماڭىزدى ورتاق تانىمىنىڭ ناقتاپ تياناقتانۋىن ىلگەرىلەتتى.
ما شيڭرۇي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان قارابايەۆتىڭ جانە ونىڭ ساپارلاستارىنىڭ ساپارلاي كەلگەندىگىن قارسى الدى. ول بىلاي دەدى: بىلتىردان بەرى جۇڭگو شينجياڭىنىڭ قازاقستاننىڭ ءار جىگىمەن بارىس - كەلىسى كۇن سايىن جيىلەپ، ءار سالاداعى سەلبەستىگى ۇزدىكسىز تەرەڭدەدى، مينيستر مىرزانىڭ وسى رەتكى ساپارى ەكى جاقتىڭ سەلبەستىگىنە تىڭ قوزعاۋشى كۇش قوسادى. سوڭعى جىلدارى ءتوراعا شي جينپيڭ مەن توقايەۆ زۇڭتۇڭ جۇڭگو − قازاقستان قارىم - قاتىناسىنىڭ ۇزدىكسىز جوعارى دەڭگەيدە دامۋىنا جەتەكشىلىك ەتتى. قازاقستان جۇڭگو شينجياڭىنىڭ ەڭ ماڭىزدى ساۋدا سەرىكتەرىنىڭ ءبىرى، ەكى جاق ۇلاستىرۋدى، تۇتاستىرۋدى كۇشەيتۋ سياقتى جاقتاردا قىرۋار قىزمەتتەر ىستەپ، كورنەكتى ونىمدىلىككە قول جەتكىزدى. ەكى جاقتىڭ ەكى ەل مەملەكەت باسشىلارىنىڭ ماڭىزدى ورتاق تانىمىن بەلسەنە تياناقتاندىرىپ، سەلبەستىك جەتىستىكتەرىن ۇزدىكسىز كەڭەيتىپ، شاۋەشەكتەن اياكوزگە دەيىنگى تەمىر جول قۇرىلىسى قىزمەتىن بار كۇشپەن ىلگەرىلەتۋىن ٴۇمىت ەتەمىن. ٴوزارا ۆيزا كەشىرىم ەتۋ ساياساتىنان ويداعىداي پايدالانىپ، ەكى جاقتىڭ ساياحاتشىلارىنىڭ شەكارا اتتاعان ساياحاتىنا بەلسەنە شارت ـ جاعداي ازىرلەۋ كەرەك. شەكارا وتكەلىنىڭ قۇرىلعى دەڭگەيىن جانە كەدەننەن وتكىزۋ ونىمدىلىگىن جوعارىلاتىپ، حالىقارالىق تاسىمالدىڭ ونىمدىلىگىنىڭ جوعارىلاۋىن، كولەمىنىڭ كەڭەيۋىن جەبەۋ كەرەك. ٴبيداي، جۇگەرى سياقتى اۋىل شارۋاشىلىعى ونىمدەرى ساۋداسىن جەبەپ، اۆياتسيا سەرىكتەستىگى، اۋە جەلىسىن كەڭەيتۋ سياقتى جاقتارداعى سەلبەستىكتى كۇشەيتىپ، ناقتى ىستەپ، ىسكەرلىك كورسەتۋ ارقىلى ەكى جاقتىڭ سەلبەستىك ىستەرىنىڭ تياناقتانىپ، ونىمدىلىك كورسەتۋىن ىلگەرىلەتىپ، ەكى ەلدىڭ جان ـ جاقتى ٴوزارا تيىمدىلىك جەتكىزۋ سەلبەستىگىنىڭ ۇزدىكسىز تەرەڭدەۋىنە دەم بەرۋ كەرەك.
قارابايەۆ مىنالاردى ٴبىلدىردى: قازاقستان _ جۇڭگو ەكى ەلدىڭ مەملەكەت باسشىلارى ٴجيى بايلانىس، اۋىس ـ كۇيىس جاساپ، ٴبىزدىڭ قاتىناس سالاسىندا جۇڭگومەن، اسىرەسە، شينجياڭمەن سەلبەستىكتى كۇشەيتۋىمىزگە جاڭا نىسانا مەن بەتالىس كورسەتتى. قازاقستان _ جۇڭگو قارىم ـ قاتىناسى جاڭا ”التىن 30 جىلعا“ قادام تاستاپ، ٴبىزدىڭ ٴوزارا تيىمدىلىك جەتكىزۋ سەلبەستىگىن تەرەڭدەتۋىمىزگە اناعۇرلىم كوپ وراي اكەلدى. بىلتىردان بەرى قازاقستان مەن جۇڭگو شينجياڭىنىڭ ٴار جىكتەگىلەرىنىڭ ٴوزارا ساپاردا بولۋى، اۋىس ـ كۇيىس جاساۋى جيىلەپ، ەكى جاقتىڭ دوستىق سەلبەستىگى بۇرىن بولماعان التىن مەزگىلگە قادام تاستادى. 2023 ـ جىلى قازاقستان مەن جۇڭگونىڭ ەكى جاقتى ساۋداسى كورنەكتى ارتتى، جۇڭگونىڭ شينجياڭى بۇعان ماڭىزدى ۇلەس قوستى. ەكى جاقتىڭ تاماشا سەلبەستىك جاعدايىن ۇزدىكسىز بەكەمدەپ، تەمىر جول، تاس جول سياقتىلاردىڭ ۇلاسۋ، تۇتاسۋ كەڭىستىگىن كەڭەيتىپ، شەكارا وتكەلدەرىنىڭ سەلبەستىك دەڭگەيىن جوعارىلاتىپ، ەكى جاق ساياحاتشىلارىنىڭ قولايلى بارىس ـ كەلىسىن جەبەۋ، اۋىل شارۋاشىلىعى ونىمدەرى ساۋداسىن تەرەڭدەتۋ سياقتى قىزمەتتەردى ارقاۋ ەتىپ، اناعۇرلىم كوپ شارالار ارقىلى سەلبەستىك ارناسىن ۇزدىكسىز ىركىلىسسىزدەندىرىپ، سەلبەستىك كەڭىستىگىن ٴونىمدى تۇردە كەڭەيتۋىن، ەكى جاق سەلبەستىگىن ۇزدىكسىز جاڭا دەڭگەيگە كوتەرۋىن ٴۇمىت ەتەمىن.
چىن ۋيجۇن، جۋ ليفان، اۆتونوميالى رايونعا (ورتالىققا) توتە قاراستى ورىندار مەن كاسىپورىنداردىڭ نەگىزگى جاۋاپتى جولداستارى، قازاقستاننىڭ قاتىستى تاراۋلارىنىڭ، وبلىس، قالالارىنىڭ، كاسىپورىندارىنىڭ ۋاكىلدەرى كەزدەسۋگە قاتىناستى.
