گانسۋ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋ جۇرگىزدى، اۋىس ـ كۇيىس جاسادى

گانسۋ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋ جۇرگىزدى، اۋىس ـ كۇيىس جاسادى

ما شيڭرۇي، حۋ چاڭشىڭ، رىن جىنحى، ەركىن تۇنياز، لي يفي، شى موۋجۇن، حى جۇڭيوۋ، جاڭ جۋ قيمىلعا قاتىناستى

　　　3 ـ ايدىڭ 20 ـ كۇنى گانسۋ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋ جۇرگىزدى، اۋىس ـ كۇيىس جاسادى، ەكى ولكە ـ اۆتونوميالى رايون ۇرىمجىدە قىزمەت اڭگىمە ٴماجىلىسىن اشتى.

　　　　□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

　　انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 20 ـ كۇنى ۇرىمجىدەن حابارلايدى. گانسۋ ولكەسىنىڭ پارتيا، ۇكىمەت ۋاكىلدەر ۇيىرمەسى 3 ـ ايدىڭ 20 ـ كۇنى شينجياڭعا كەلىپ تەكسەرۋ جۇرگىزدى، اۋىس ـ كۇيىس جاسادى، ەكى ولكە ـ اۆتونوميالى رايون قىزمەت اڭگىمە ٴماجىلىسىن اشىپ، باس شۋجي شي جينپيڭ مەن پارتيا ورتالىق كوميتەتىنىڭ وڭىرلەردىڭ سايكەسىپ دامۋى جونىندەگى شەشىمدەرىن، ورنالاستىرۋلارىن تياناقتاندىرۋدى ارقاۋ ەتىپ، ەكى ولكە ـ اۆتونوميالى رايوننىڭ باسىمدىقتار ارقىلى ٴبىرىن ـ ٴبىرى تولىقتاۋىن، ٴوزارا تيىمدىلىك جەتكىزىپ، سەلبەستىك جاساسۋىن اناعۇرلىم تەرەڭدەتىپ، ەكونوميكانىڭ، قوعامنىڭ جوعارى ساپالى دامۋىن قول ۇستاسا ىلگەرىلەتىپ، جۇڭگو ۇلگىسىندەگى وسىزامانداندىرۋ قۇرىلىسىن جەبەۋدى بىرگە اقىلداستى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، گانسۋ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى حۋ چاڭشىڭ، گانسۋ ولكەلىك پارتكومنىڭ ورىنباسار شۋجيى، ولكە باستىعى رىن جىنحى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، گانسۋ ولكەلىك پارتكومنىڭ ورىنباسار شۋجيي شى موۋجۇن، اۆتونوميالى رايوندىق پارتكومنىڭ ورىنباسار شۋجيلەرى حى جۇڭيوۋ، جاڭ جۋ قيمىلعا قاتىناستى.

　　شينجياڭداعى كەزىندە گانسۋ ولكەسىنىڭ پارتيا، ۇكىمەت ۋاكىلدەر ۇيىرمەسى سانجى، ٴۇرىمجى سياقتى جەرلەردى ارالاپ، ەرەكشە ترانسفورماتور سەرىكتەستىگىنە بارىپ، جوعارى، جاڭا تەحنيكالىق كاسىپ سالاسىنىڭ دامۋى، ەكى ولكە ـ اۆتونوميالى رايوننىڭ سەلبەستىگىنە قىزمەت وتەۋ سياقتى ىستەردىڭ اياق الىسىنا تەكسەرۋ جۇرگىزدى، ٴۇرىمجى حالىقارالىق قۇرلىقتىق پورت اۋماعىنا بارىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ تابىستارىن ۇعىستى، شينجياڭ ەنەرگيا توبىندا ەنەرگيانى اشۋعا، پايدالانۋعا قاتىستى جاعدايدى تەكسەردى، تاعى شينجياڭداعى گانسۋلىق قايراتكەرلەر ۋاكىلدەرىنىڭ اڭگىمە ٴماجىلىسىن اشتى.

　　سول كۇنى تۇستەن كەيىن گانسۋ ولكەسى ● شينجياڭ ۇيعۇر اۆتونوميالى رايونىنىڭ قىزمەت اڭگىمە ٴماجىلىسى ۇرىمجىدە اشىلدى. ما شيڭرۇي بىلاي دەدى: مەملەكەتتىك ەكى ٴماجىلىس ٴساتتى اياقتالىپ كوپ وتپەي، گانسۋ ولكەسى پارتيا، ۇكىمەت ۋاكىلدەر ۇيىرمەسىنىڭ شينجياڭعا كەلىپ تەكسەرۋ جۇرگىزۋى، اۋىس ـ كۇيىس جاساۋى گانسۋ ولكەسىنىڭ وڭىرلەردىڭ سايكەسىپ دامۋىن كۇشەيتۋگە ايرىقشا ٴمان بەرەتىندىگىن تولىق ايگىلەدى، مەن اۆتونوميالى رايوندىق پارتكوم، ۇكىمەت، بيڭتۋان جانە تۇتاس رايونداعى ٴار ۇلت كادر ـ بۇقاراسى اتىنان قىزۋ قارسى الامىن، گانسۋ ولكەسىنىڭ شينجياڭ قىزمەتىنە پارمەندى قولداۋ كورسەتكەندىگىنە العىس ايتامىن. باس شۋجي شي جينپيڭ مەن پارتيا ورتالىق كوميتەتى باتىس بولىكتىڭ دامۋىنا زور ٴۇمىت ارتتى، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە، گانسۋ مەن شينجياڭ سىندى ەكى ولكە ـ اۆتونوميالى رايوننىڭ ستراتەگيالىق ورنىن اناعۇرلىم ايقىندادى. ٴبىز گانسۋ مەن شينجياڭنىڭ ستراتەگيالىق سەلبەستىگىن تەرەڭدەتىپ، جوعارى ساپالى دامۋدى بىرگە جەبەۋدىڭ ەكى ولكە ـ اۆتونوميالى رايوننىڭ جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، باسىپ وتەتىن جولى ەكەندىگىن تەرەڭ سەزىندىك. بىلتىر 2 ـ ايدا ەكى ولكە ـ اۆتونوميالى رايون لانجوۋدا اڭگىمە ٴماجىلىسىن وتكىزىپ، اۋىس ـ كۇيىس جاساپ، سەلبەستىكتى بىرگە اقىلداسقاننان بەرى، ەكى جاقتىڭ ستراتەگيالىق ٴتۇيىلىسۋى جانە ناقتى ىستەر سەلبەستىگى ۇزدىكسىز تەرەڭدەپ، وڭىرلىك سايكەستى ىقپالداسىپ دامۋ ارناسى ۇزدىكسىز كەمەلدەندى. قازىر گانسۋ ”ٴبىر وزەك، ٴۇش بەلدەۋ“ وڭىرلىك دامۋ ارناسىن جەدەل قالىپتاستىرىپ، جوعارى ساپالى دامۋدى ۇزدىكسىز ىلگەرىلەتىپ، جاپپاي سوتسياليستىك وسىزاماندانعان باقىتتى، كوركەم جاڭا گانسۋ قۇرۋدا. شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى ”بەس ۇلكەن ستراتەگيالىق ورىنعا“ شوعىرلاندىرا وتىرىپ ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭ قۇرۋعا قۇلشىنۋدا. جاڭا جورىقتا ەكى ولكە ـ اۆتونوميالى رايون سەلبەستىگى جاڭا ورايعا، جاڭا ورىسكە ٴدوپ كەلىپ وتىر. ەكى جاقتىڭ سەلبەستىك تابىستارىن ۇزدىكسىز بەكەمدەپ، سەلبەستىكتىڭ ساپاسىن، ونىمدىلىگىن جوعارىلاتىپ، نازاردى مەملەكەتتىڭ ەنەرگيا حاۋىپسىزدىگىن قامتاماسىز ەتۋگە شوعىرلاندىرىپ، ”شينجياڭنىڭ ەلەكترىن سىرتقا جەتكىزۋ“ سياقتى سالالارداعى سەلبەستىكتى تەرەڭدەتۋىن؛ نازاردى وسىزاماندانعان كاسىپ سالاسى جۇيەسىن ورناتۋعا شوعىرلاندىرىپ، كاسىپ سالاسىنىڭ ٴبىرىن ـ ٴبىرى تولىقتاپ دامۋىن جانە تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى نىعايتىپ، تۇقىم پلازماسى، اۋىل شارۋاشىلىق ماشينا جابدىقتارىن جاساۋ، جاڭا ەنەرگيا، جاڭا ماتەريال سياقتىلار توڭىرەگىندە جاڭا ساپالى وندىرگىش كۇشتەردى قول ۇستاسا دامىتۋىن؛ نازاردى جاڭا دامۋ ارناسىنا قىزمەت وتەۋگە جانە ونىمەن توعىسۋعا شوعىرلاندىرىپ، ەسىك اشۋ، سەلبەستىك جاساۋ تۇعىرىنان تەڭ يگىلىكتەنىپ، ”ٴبىر بەلدەۋ، ٴبىر جولدى“ بىرگە قۇراتىن مەملەكەتتەر مەن ەل ٴىشى بازارىن قول ۇستاسا اشۋىن؛ نازاردى ارالاسۋعا، ىشتەسۋگە، توعىسۋعا شوعىرلاندىرىپ، ەكى ولكە ـ اۆتونوميالى رايونداعى بۇقارانىڭ ىقپالداستىعىن، بارىس ـ كەلىسىن جانە كاسىپورىنداردىڭ قوس باعىتتا قارجى قوسۋىن تەرەڭدەتىپ، جاڭا داۋىردەگى وڭىرلەردىڭ سايكەستى دامۋىنىڭ جاڭا تاراۋىن قول ۇستاسا جازۋىن ٴۇمىت ەتەمىن.

　　حۋ چاڭشىڭ گانسۋ ولكەلىك پارتكوم، ولكەلىك ۇكىمەت جانە بۇكىل ولكە حالقى اتىنان شينجياڭنىڭ ۇزاق ۋاقىتتان بەرى گانسۋعا زور كۇشپەن قولداۋ كورسەتىپ كەلگەندىگىنە العىس ايتتى. ول بىلاي دەدى: سوڭعى جىلدارى اۆتونوميالى رايوندىق پارتكوم، ۇكىمەت جانە شينجياڭ ٴوندىرىس ـ قۇرىلىس بيڭتۋانى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جاپپاي دايەكتىلەندىرىپ، تياناقتاندىرىپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى كوزدەپ، قوعامدىق كەلەلى جاعداي ورنىقتى، ەكونوميكا اقاۋسىز دامىعان، حالىق تىنىش ٴومىر، شات ـ شادىمان تىرشىلىك كەشىرگەن تاماشا جاعدايدى ساقتادى. وتكەن ٴبىر جىلدا گانسۋ باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن مۇقيات دايەكتىلەندىرىپ، تياناقتاندىرىپ، ”ٴتورتتى كۇشەيتۋ“ ارەكەتىن اتقارۋدى جەتەكشى، ”ٴۇشتى يگەرۋ، ٴۇشتى جەبەۋ“ ارەكەتىن ورىستەتۋدى تۇتقا ەتىپ، ستراتەگيالىق جاڭادان گۇلدەنگەن كاسىپ سالالارىنىڭ دامۋىن بار كۇشپەن ىلگەرىلەتىپ، شىعىس، ورتا بولىكتەن ويىسقان كاسىپ سالالارىن بەلسەندىلىكپەن، ىرىقتىلىقپەن قابىلداپ، ىرىقتىلىقپەن تىنىش جاعداي جاراتۋ، ىرىقتىلىقپەن ورنىقتى جاعداي جاراتۋ جانە سۇيىسپەنشىلىككە تولى گانسۋ قۇرىلىسىن كۇش سالا ىلگەرىلەتتى، ٴتۇرلى ىستەردە قارىشتاپ دامىعان جاعداي جارىققا شىقتى. وسىزامانداندىرۋ قۇرىلىسىنىڭ جاڭا جورىعىنا قادام باسقاندا، ەكى ولكە ـ اۆتونوميالى رايوننىڭ ٴتۇرلى سالاداعى سەلبەستىكتى، اۋىس ـ كۇيىستى ۇزدىكسىز تەرەڭدەتىپ، قۇرىلعىلاردىڭ ٴوزارا تۇتاسۋىن، كاسىپ سالاسىنىڭ ٴبىرىن ـ ٴبىرى جەبەۋىن، ەسىك اشۋدا ٴوزارا كومەكتەسۋدى، گۋمانيتارلىق ىقپالداستىقتى تىڭعىلىقتى ىلگەرىلەتىپ، تاس جول ارناسى، حالىقارالىق جۇك تاسىمالى كەزەكشى پويەزى، شەكارا وتكەلىن اشىق ۇستاۋ، سىرتقى ساۋدا كاسىپ سالاسى سياقتى سالالارداعى سەلبەستىكتى اناعۇرلىم كۇشەيتىپ، جاڭا ەنەرگيا جانە جابدىق جاساۋ، جاڭا ماتەريال، مۇناي حيميا ونەركاسىبى، مادەنيەت ـ ساياحات، ەرەكشە اۋىل شارۋاشىلىعى، وسى زامانعى قىزمەت وتەۋ كاسىبى سياقتى كاسىپ سالالارىنداعى سەلبەستىكتى تەرەڭدەتىپ، وقۋ ـ اعارتۋ، عىلىم ـ تەحنيكا، ەمدەۋ، كادر ـ دارىندىلار اۋىس ـ كۇيىسى سياقتى سەلبەستىكتەردىڭ ورەسىن جوعارىلاتىپ، سەلبەستىك جاساسقان ىستەردىڭ تياناقتانىپ ونىمدىلىك بەرۋىن بىرگە ىلگەرىلەتىپ، ەكى جاقتىڭ سەلبەستىگىنىڭ تىڭ ساتىعا قادام تاستاۋىن قول ۇستاسا ىلگەرىلەتۋدى ٴۇمىت ەتەمىن.

　　ماجىلىستە ەركىن تۇنياز، لي يفي جەكە ـ جەكە اۆتونوميالى رايوننىڭ جانە بيڭتۋاننىڭ ەكونوميكالىق، قوعامدىق دامۋ جاعدايىن تانىستىردى؛ رىن جىنحى گانسۋ ولكەسىنىڭ ەكونوميكالىق، قوعامدىق دامۋ جاعدايىن تانىستىردى. گانسۋ ولكەلىك حالىق ۇكىمەتى مەن شينجياڭ ٴوندىرىس ـ قۇرىلىس بيڭتۋانى ستراتەگيالىق سەلبەستىك جۇلگەلىك كەلىسىمىنە قول قويدى؛ ەكى ولكە ـ اۆتونوميالى رايوننىڭ ٴىشىنارا قالالارى (ايماق، وبلىس) ستراتەگيالىق سەلبەستىك نەمەسە دوس قالا بولۋ كەلىسىمىنە قول قويدى؛ ەكى ولكە ـ اۆتونوميالى رايوننىڭ قاتىناس ـ تاسىمال تاراۋلارى مەن قاتىستى جوعارى مەكتەپتەرى، كاسىپتىك مەكتەپتەرى سەلبەستىك كەلىسىمىنە قول قويدى.

　　گانسۋ ولكەسىنىڭ باسشىلارىنان ۋاڭ فۋ، چىڭ شياۋبو، سۇن شۋەتاۋ، جاڭ جينگاڭ، جاڭ شياۋچياڭ، جاڭ ۋي، حۋاڭ رۇيشۋە، لانجوۋ داشۋەسىنىڭ باسشىسى ما شياۋجيە، اۆتونوميالى رايوننىڭ جانە بيڭتۋاننىڭ باسشىلارىنان تيان شياڭلي، چىن ۋيجۇن، چىن ميڭگو، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، شۋە بين، ۋاڭ گاڭ، شۇي شيان ـ ي، جين جىجىن، حا زىڭيوۋ، گاۋ جيميڭ قاتىستى قيمىلدارعا قاتىناستى.