مەملەكەتتىك ەكى ٴماجىلىس رۋحىنىڭ شينجياڭدا تياناقتانىپ ونىمدىلىك كورسەتۋىن تىڭعىلىقتى ىلگەرىلەتەمىز

تاراۋلار، ورىندار مەملەكەتتىك ەكى ٴماجىلىستىڭ رۋحىن جەتكىزدى، ۇيرەندى، دايەكتىلەندىردى

　　مەملەكەتتىك ەكى ٴماجىلىس رۋحىنىڭ شينجياڭدا تياناقتانىپ ونىمدىلىك كورسەتۋىن تىڭعىلىقتى ىلگەرىلەتەمىز

　　انار بۇلت \ شينجياڭ گازەتىنىڭ تىلشىلەرى

　　تاياۋ كۇندەردەن بەرى رايونىمىزداعى تاراۋلار، ورىندار ىركەس ـ تىركەس ٴماجىلىس اشىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن جەتكىزىپ، ۇيرەنىپ، ٴوز قىزمەتتەرىنىڭ ٴىس جۇزىندىگىمەن ۇشتاستىرىپ، دايەكتىلەندىرۋ، تياناقتاندىرۋ شارالارىن اقىلداستى. كوپشىلىك مىنالاردى ٴبىلدىردى: باس شۋجي شي جينپيڭنىڭ ماڭىزدى سوزدەرىنىڭ رۋحىمەن يدەيانى، ارەكەتتى بىرلىككە كەلتىرۋگە تاباندى بولىپ، پارتيا مەن مەملەكەت ىستەرىندە باستاما جىلدا قول جەتكەن كەلەلى تابىستاردى تولىق تانىپ، بيىلعى ەكونوميكالىق، قوعامدىق دامۋدىڭ نىسانا ـ مىندەتتەرىن دالمە ـ ٴدال يگەرىپ، مەملەكەتتىك ەكى ٴماجىلىس رۋحىنىڭ شينجياڭدا تياناقتانىپ ونىمدىلىك كورسەتۋىن تىڭعىلىقتى ىلگەرىلەتەمىز.

　　اۆتونوميالى رايوندىق دامۋ جانە رەفورما كوميتەتى:

　　جوعارى ساپالى دامۋداعى ٴتۇيىندى مىندەتتەردى تىڭعىلىقتى ىلگەرىلەتەمىز

　　3 ـ ايدىڭ 15 ـ كۇنى اۆتونوميالى رايوندىق دامۋ جانە رەفورما كوميتەتى كادرلار جينالىسىن اشىپ، مىنالاردى باسا دارىپتەدى: باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭىزدى ساياسي مىندەت ەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ارقىلى زەيىن ـ زەردەنى، كۇش ـ قۋاتتى ۇيىستىرۋعا تاباندى بولىپ، باس شۋجيدىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىڭعىلىقتى ناقتى تياناقتاندىرۋ كەرەك. ۇگىت قىزمەتىن جان ـ جاقتى ويداعىداي ىستەپ، بۇكىل كوميتەتتەگى كادرلاردىڭ جاڭا جورىقتا ەكپىندەي ىلگەرىلەيتىن، جاڭا داۋىردە ۇلەس قوساتىن قۋاتتى بىرىككەن كۇشىن ۇزدىكسىز ۇيىستىرۋ كەرەك. ۇكىمەت قىزمەتىنەن باياندامادا ورنالاستىرىلعان ٴتۇرلى مىندەتتەردى جەتە يگەرىپ، شينجياڭنىڭ ٴىس جۇزىندىگىمەن تىعىز ۇشتاستىرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن كوزدەپ، شىندىققا جۇگىنىپ ناقتى ٴىس ىستەپ، شىنايى يگەرىپ ناقتى ىستەپ، جوعارى ساپالى دامۋداعى ٴتۇيىندى مىندەتتەردى تىڭعىلىقتى ىلگەرىلەتىپ، نازاردى ”سەگىز ٴىرى كاسىپ سالاسى شوعىرى“ قۇرىلىسىنا شوعىرلاندىرىپ، جاڭا ساپالى وندىرگىش كۇشتەردى جەدەل دامىتىپ، جاڭا قوزعاۋشى قۋاتتى، جاڭا باسىمدىقتى ۇزدىكسىز سومداپ، شينجياڭنىڭ رەفورما، دامۋ، ورنىقتىلىق قىزمەتتەرىن ىلگەرىلەتۋدە ۇزدىكسىز تىڭ قادام تاستاپ، جاڭا جۇڭگو قۇرىلعاندىعىنىڭ 75 جىلدىعىن ۇزدىك ناتيجەمەن قارسى الامىز.

　　اۆتونوميالى رايوندىق ساۋدا ىستەرى مەڭگەرمەسى:

　　بەلسەندىلىكپەن سىرتقى ساۋدانى ورنىقتىرامىز، شەتەل قارجىسىن ورنىقتىرامىز، تۇتىنۋدى جەبەيمىز

　　جۋىقتا اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ (كەڭەيتىلگەن) ٴماجىلىسىن اشىپ، ساۋدا ىستەرى جۇيەسىندەگى ٴار دارەجەلى پارتيا ۇيىمدارىنان باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭىزدى ساياسي مىندەت ەتىپ، جاپپاي قامتىمدى تۇردە ۇيرەنۋدى ويداعىداي يگەرىپ، جەدەل قىزۋ ورلەۋگە كوتەرۋدى تالاپ ەتتى. ساۋدا ىستەرى قىزمەتىنىڭ ەل ٴىشى ۇلكەن اينالىمىنىڭ ماڭىزدى قۇرامداس بولىگى بولۋ، ەل ٴىشى، حالىقارا سىندى قوس اينالىمدى تۇتاستىراتىن ماڭىزدى دانەكەر بولۋ، جاڭا دامۋ ارناسىن قالىپتاستىرۋدا ماڭىزدى رول اتقارۋ سىندى ”3 ماڭىزدى“ ورىن تۇراقتاندىرۋىن تياناق ەتىپ، جۇڭگو (شينجياڭ) ەركىن ساۋدا سىناق رايونىن جوعارى ولشەممەن قۇرۋ، 8 ـ كەزەكتى جۇڭگو _ ازيا _ ەۆروپا كورمەسىن ويداعىداي وتكىزۋ، شەكارا وتكەلدەرىنىڭ وسىزاماندانۋ قۇرىلىسىن جەدەل ىلگەرىلەتۋ، سىرتقى ساۋدانىڭ ساپاسىن ٴوسىرىپ، ونىمدىلىگىن ارتتىرۋدى بەلسەنە جەبەۋ، تۇتىنۋدى جەبەۋ جىلى جەلىلەس قيمىلدارىن ويداعىداي يگەرۋ، ساۋداگەر شاقىرىپ قارجى ەنگىزۋدى بار كۇشپەن ورىستەتۋ سياقتى ٴتۇيىندى قىزمەتتەردى تىعىز ارقاۋ ەتە وتىرىپ، يدەيانى بىرلىككە كەلتىرىپ، بىرىككەن كۇش ۇيىستىرىپ، بەلسەنە ىسكەرلىك كورسەتىپ، تۇتاس رايوننىڭ ساۋدا ىستەرى قىزمەتىندە تاعى دا تاماشا ناتيجە جاراتۋدى بار كۇشپەن ىلگەرىلەتىپ، ٴىس جۇزىندىك ارەكەت ارقىلى شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا كۇش ۇستەۋ كەرەك.

　　اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى:

　　ٴتۇيىندى قىزمەتتەردى ارقاۋ ەتىپ، ارناعا ٴتۇسىرۋدى يگەرىپ، جاڭالىق اشۋدى كوزدەيمىز

　　3 ـ ايدىڭ 15 ـ كۇنى اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسىنىڭ پارتيا باسشىلىق گرۋپپاسى كادرلار جينالىسىن اشىپ، نازاردى 11 جاقتاعى 34 ٴتۇيىندى مىندەتكە شوعىرلاندىرىپ، ولشەمگە، ۇلگىگە تۋرالانۋ بارىسىندا جۇيەگە ٴتۇسىرۋدى يگەرىپ، جاڭالىق اشۋدى كوزدەپ، دەڭگەيدى جوعارىلاتۋدى جەبەپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن ۇيرەنۋدى، دايەكتىلەندىرۋدى تۇرعىن ٴۇي جانە قالا، اۋىل قۇرىلىسى ىستەرىنىڭ جوعارى ساپالى دامۋىن ىلگەرىلەتۋدىڭ جاندى امالياتىنا شىن مانىندە اينالدىرۋدى تالاپ ەتتى. جينالىس مىنالاردى باسا دارىپتەدى: قۇرىلىس كاسىبىنىڭ وسى زامانعى كاسىپ سالاسى جۇيەسىن كۇش سالا تۇلعالاپ، شارۋاشلىق تۇلعالارىن جەتىلدىرىپ، زورايتىپ، جاسىل جاڭالاۋدى، زەردەلى جاساۋدى، عىلىم ـ تەحنيكادان قامال الۋدى جانە جالپىلاستىرىپ، قولدانۋدى كۇشەيتىپ، كاسىپتەگى باستاماشى دارىندىلاردى جانە جوعارى ساپالى ماماندانعان كادر ـ دارىندىلار قوسىنىن جەدەل جەتىلدىرۋ كەرەك. قورا ـ جاي كاسىبىنىڭ دامۋىنداعى جاڭا ۇلگىنى جەدەل ورناتىپ، تۇرعىن ٴۇي بازارى مەن تۇرعىن ٴۇيدى قامتاماسىز ەتۋ جۇيەسى قۇرىلىسىن كەمەلدەندىرىپ، 3 ۇلكەن ينجەنەريا قۇرىلىسىن بەلسەنە ىلگەرىلەتۋ كەرەك. قالالاردى جاڭالاۋ ارەكەتىن نىق قاداممەن اتقارىپ، قالا تەكسەرۋىن تىڭعىلىقتى ورىستەتىپ، نازاردى كونە، ەسكى شاعىن اۋماقتاردى جاڭالاۋ، جەر استى قۇبىرى تورابىن جاڭالاۋ، قالانىڭ تىرشىلىك جەلىسى حاۋىپسىزدىك ينجەنەرياسى سياقتى ٴتۇيىندى سالالارعا، شەشۋشى بۋىندارعا شوعىرلاندىرىپ، قونىسقا جايلى زەردەلى سەرپىمدى قالانى قۇلشىنا قۇرۋ كەرەك. جانارگاز، قۇرىلىس جۇرگىزۋ، وزدەرى سالىپ العان ٴۇي سياقتى كومەسكى كىناراتتاردى اشالاي ٴبىر ـ بىرلەپ تەكسەرىپ رەتتەۋ ـ وڭاۋ قىزمەتىن ٴۇرتىس ىشكەرىلەي ورىستەتىپ، ٴوندىرىس حاۋىپسىزدىگى قورعانىس شەبىن باتىل بەكەمدەۋ كەرەك. قالا، اۋىلداردىڭ جەر سىلكىنىسىنە ٴتوزىمدى بەيقۇت ٴۇي ينجەنەرياسى، قامتاماسىزدىق سيپاتتى تۇرعىن ٴۇي، قۇرىلىس ۇستالارىن باۋلۋ، جۇمىستاندىرۋ، ”كومىردى ەلەكترگە وزگەرتۋ“ ينجەنەرياسى سياقتى حالىق تۇرمىسى ناقتى ىستەرىن تىڭعىلىقتى ويداعىداي ىستەۋ كەرەك.

　　اۆتونوميالى رايوندىق ساناق مەكەمەسى:

　　شىنايى يگەرىپ ناقتى ىستەۋ ارقىلى جاڭا ساپالى وندىرگىش كۇشتەردىڭ دامۋىنا كۇش ۇستەيمىز

　　3 ـ ايدىڭ 13 ـ كۇنى اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ (كەڭەيتىلگەن)ءماجىلىسىن اشىپ، مىنالاردى باسا دارىپتەدى: باس شۋجي شي جينپيڭنىڭ مەملەكەتتىك ەكى ماجىلىستەگى ماڭىزدى سوزدەرىنىڭ رۋحىن مۇقيات ٴتۇسىنۋ جاعىنا كۇش سالىپ، جاڭا ايتىلىمداردى، جاڭا كوزقاراستاردى، جاڭا تۇجىرىمداردى، جاڭا تالاپتاردى دالمە ـ ٴدال يگەرىپ، 2024 ـ جىلعى ەكونوميكالىق، قوعامدىق دامۋدىڭ جالپى تۇلعالىق تالاپتارى مەن ساياساتتىق بەتالىسىن تەرەڭ يگەرىپ، شىندىققا جۇگىنىپ ناقتى ٴىس ىستەپ، شىنايى يگەرىپ ناقتى ىستەپ جوعارى ساپالى دامۋدىڭ ٴتۇيىندى مىندەتتەرىن تىڭعىلىقتى ىلگەرىلەتۋ كەرەك. نازاردى ”سەگىز ٴىرى كاسىپ سالاسى شوعىرى“ قۇرىلىسىنا شوعىرلاندىرىپ، شينجياڭنىڭ جاڭا ساپالى وندىرگىش كۇشتەردى دامىتۋىنا ساناق كۇشىن قوسۋ كەرەك. ساناقتىق قاداعالاۋدىڭ، تالداۋ جاساۋدىڭ ۇدايىلانۋىن، دالمە ـ ٴدال بولۋىن، عىلميلانۋىن ورىنداپ، ەكونوميكالىق، قوعامدىق دامۋدا ٴدوپ كەلىپ وتىرعان جاعدايلار، مىندەتتەر جونىندە تالداۋ جاساۋ، تۇجىرىمداۋ قابىلەتىن كۇشەيتىپ، شينجياڭنىڭ ەكونوميكالىق، قوعامدىق ٴار كاسىپ، ٴار سالاسىنىڭ جاعدايى مەن مىندەتىنە جانە بۇكىل ەلدەگى ورنىنا ٴدال تالداۋ جاساۋ، جەتە تالداۋ جاساۋ كەرەك. تەكسەرۋ مەن زەرتتەۋدى كۇشەيتىپ، يدەيانى ازات ەتىپ، ىشكەرىلەي تالداۋ جاساپ، شارالاردى ورتاعا قويىپ، شينجياڭنىڭ ەكونوميكالىق، قوعامدىق دامۋىنىڭ باسىمدىعى مەن جەتەرسىزدىكتەرىن، ٴدوپ كەلىپ وتىرعان ورايلار مەن سىن ـ سايىستاردى كورسەتۋ كەرەك.

　　شينجياڭ سالىق مەكەمەسى:

　　شارۋاشىلىق تۇلعالارىنا اناعۇرلىم جاقسى شارامەن قىزمەت وتەيمىز

　　تاياۋدا شينجياڭ سالىق مەكەمەسى پارتكوم (كەڭەيتىلگەن) ٴماجىلىسىن اشىپ، مىنالاردى باسا دارىپتەدى: شينجياڭ سالىق جۇيەسى دامۋ كەلەلى جاعدايىنا ىرىقتىلىقپەن توعىسىپ، قۇرىلىمدىق سيپاتتى سالىقتى ازايتۋ، اقىنى تومەندەتۋ ساياساتىن ٴۇرتىس ويداعىداي تياناقتاندىرىپ، نازاردى جۇڭگو (شينجياڭ) ەركىن ساۋدا سىناق رايونى قۇرىلىسى، ”ٴبىر بەلدەۋ، ٴبىر جول“ وزەكتى رايونى قۇرىلىسى، ”سەگىز ٴىرى كاسىپ سالاسى شوعىرىنىڭ“ دامۋى سىندى ٴتۇيىندى قىزمەتتەرگە شوعىرلاندىرىپ سالىق فۋنكتسياسىن اناعۇرلىم كەڭەيتىپ، شينجياڭنىڭ جوعارى ساپالى دامۋىن ىلگەرىلەتۋگە اناعۇرلىم كوپ سالىق كۇشىن قوسۋ كەرەك. شەكارا اتتاعان سالىق ـ اقى قىزمەت وتەۋ ماركاسىنا سۇيەنىپ، ٴتۇرلى شەكارا اتتاعان سالىق ـ اقى تيىمدىلىك ساياساتىن تياناقتاندىرۋدى ۇزدىكسىز تەرەڭدەتىپ، رايون اتتاپ بىرلەسىپ سالىق جيۋ قىزمەت وتەۋىن قولايلىلاندىرۋ شاراسىن شىعارۋ جونىندە بەلسەنە ىزدەنىس جاساپ، شەكارا اتتاعان سالىق تولەۋشىلەر، اقى تولەۋشىلەر ٴدوپ كەلگەن بوگەتتەردى، قيىن ماسەلەلەردى شەشىپ، اناعۇرلىم ناقتى ستيل، اناعۇرلىم زور تەبىن، اناعۇرلىم جاقسى شارا ارقىلى شارۋاشىلىق تۇلعالارىنا قىزمەت وتەپ، سالىق شارۋاشىلىق ـ ساۋدا ورتاسىن ٴۇرتىس ساپالىلاندىرۋ كەرەك.