وڭتۇستىك شينجياڭ اۋماعىنىڭ ەكپىندەي ىلگەرىلەگەن اياق دىبىسىنا قۇلاق تۇرەلىك _
جۇمىستاندىرۋ ارناسى كەڭەيتىلدى، ٴوندىرىس يگەرىلدى، قارقىن تەزدەتىلدى
شينجياڭ گازەتى انار بۇلت \ شينجياڭ گازەتىنىڭ ٴتىلشىسى ٴپاريزات ابدۇل
كەڭ كوسىلگەن بايتاق اتىزدا اۋىل شارۋاشىلىق ماشيناسى تەمىر سوقامەن جەر جىرتۋدا؛ ٴوندىرىس جەلىسىندە ٴتۇرلى ماشينالار قاربالاس جۇمىس جۇرگىزۋدە؛ قۇرىلىس ورنىندا قازىق قاعۋ ماشيناسى دامۋ نەگىزىن بەكەمدەۋدە... وڭتۇستىك شينجياڭ اۋماعىنىڭ بايتاق دالاسىنىڭ بارلىق جەرىنەن جەدەل ىستەۋ، قاۋىرت ىستەۋ، ناقتى ىستەۋ كورىنىسى مەن مۇندالايدى، ٴار ۇلت كادرلارى مەن بۇقاراسى ەكپىندەگەن كۇرەس بەينەسىمەن ٴبىرىنشى ماۋسىمدا تاماشا باستاما اشۋعا اتوي سالدى.
جۇمىستاندىرۋ قىزمەت وتەۋى كەڭەيدى
1 ـ ايدىڭ اياق شەنىنەن باستاپ 2024 ـ جىلعى كوكتەم سامالى ارەكەتى وڭتۇستىك شينجياڭ اۋماعىندا دابىرالى ورىستەتىلدى، جەر ـ جەر جەلىدە، جەلىدەن تىسقارى قىزمەتكەر قابىلداۋ قيمىلىن تىنباي جۇرگىزىپ، جۇمىستاندىرۋدى ورنىقتىرۋعا، حالىق تۇرمىسىنا تيىمدىلىك جاساۋعا، دامۋدى جەبەۋگە كۇش سالدى.
”ٴۇيىمنىڭ الدىندا قىزمەتكەر قابىلداۋ جينالىسىنا قاتىناسۋىم تۇڭعىش رەت بولىپ وتىر، جۇمىس ورنى ٴبىرشاما كوپ، مەن دە كوڭىلىمدەگى جۇمىستى تاپتىم“. 3 ـ ايدىڭ 12 ـ كۇنى قاشقار قالاسىندا وتكىزىلگەن ”كوكتەم سامالى ارەكەتى جانە كاسىپورىنداردىڭ جۇمىستى قالپىنا كەلتىرۋ، ٴوندىرىستى قالپىنا كەلتىرۋ“ بويىنشا قىزمەتكەر قابىلداۋ جينالىسىندا جۇمىس ىزدەۋشى ٴاليا رىشات جۇمىس ورنىنا قول جەتكىزگەننەن كەيىن، بولاشاققا ۇمىتپەن قارادى.
قىزمەتكەر قابىلداۋ جينالىسى ورنىندا 21 كاسىپورىن ٴتۇيىن بەلگىلەپ، دارىندىلاردى قابىلداپ، جۇمىس ىزدەۋشىلەردى ەمدەۋ، فينانس، قوناقجاي، اس ـ سۋ، قوجالىق سياقتى سالالارعا ساياتىن 480نەن استام جۇمىس ورنىمەن قامدادى. سول ورىندا تاعى ساياساتتىق قىزمەت وتەۋ بويىنشا اقىل ـ كەڭەس بەرۋ، جۇمىستانۋعا، شارۋاشىلىق قۇرۋعا جەتەكشىلىك ەتۋ، ەڭبەك زاڭىنان اقىل ـ كەڭەس بەرۋ ارناۋلى بولىكتەرى قۇرىلىپ، ۇگىت كىتاپشاسىن تاراتۋ، ساياسات جونىندە تۇسىنىك جاساۋ سياقتى تاسىلدەر ارقىلى جۇمىس ىزدەۋشىلەرگە جۇمىستاندىرۋعا كومەكتەسۋ، شارۋاشىلىق قۇرۋعا جەتەكشىلىك ەتۋ، ونەرگە باۋلۋ، شارۋاشىلىق قۇرۋعا قارىز اقشا بەرۋ سياقتى مەيىر جەتكىزۋ قىزمەت وتەۋىن ازىرلەدى.
3 ـ ايدىڭ 11 ـ كۇنى مەملەكەتتىك ەكى ٴماجىلىس اياقتالىسىمەن، شينجياڭ مەن مەملەكەتتىك كەڭەستىڭ مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتى بەيجيڭدە ماڭىزدى ٴماجىلىس _ ورتالىق كاسىپورىندارىنىڭ كاسىپ سالاسى ارقىلى شينجياڭعا كومەكتەسىپ جۇمىستاندىرۋدى جەبەۋ قىزمەتىن ىلگەرىلەتۋ ٴماجىلىسىن اشتى. وسى رەتكى ٴماجىلىس نازاردى وڭتۇستىك شينجياڭعا شوعىرلاندىرىپ، جۇمىستاندىرۋدى ارتتىرۋ سيگنالىن تاراتتى.
سول كۇنى ”جەلەكتىلەر كەلبەتىن ايگىلەۋ، ايەلدەر كۇشىن قاۋلاتۋ“ تاقىرىبىنداعى كوكتەمدە ايەلدەردى قىزمەت ورنىمەن قامداۋ ارناۋلى مايدان جۇمىسقا قابىلداۋ جينالىسى ونسۋ اۋدانىنىڭ ونسۋ قالاشىعى جينحۋا جاڭا قىستاعى _ فاڭسۋ . ويلا جەمىس ورمانى مادەنيەت كاسىپ سالاسى نەگىزگى تاقىرىپتىق قىستاعىندا باستالدى. جۇمىس باسىندا ونسۋ اۋدانىنداعى 13 كاسىپورىن اۋدارماشى، جۇمىس اتقارۋشى، بۇعالتىر، حاتشى، قىزمەت وتەۋشى، ماتەريال قىزمەتكەرى، تازالىقشى سياقتى تۇرلىشە جۇمىس ورىنىمەن قامدادى.
”2023 ـ جىلدان باستاپ سەرىكتەستىك 9 رەت قىزمەتكەر قابىلداۋ جينالىسىن وتكىزدى، وسى رەت ايەلدەرگە باعىتتالعان ارناۋلى قىزمەتكەر قابىلداۋدا جيىنى 80 جۇمىس ورنى تۇرلىشە كاسىپتەگى، تۇرلىشە ماعلۇماتتاعى ايەل جۇمىس ىزدەۋشىلەردىڭ قاجەتىنەن شىقتى، العاشقى قادامدا 100 ادام جۇمىسقا ورنالاسۋ نيەتىنە كەلدى“، ـ دەدى اقسۋ جىرۇن اۋىل ـ قىستاقتى دامىتۋ شەكتى سەرىكتەستىگىنىڭ باس ديرەكتورى جۇڭ مانيۋان.
وسى تەكتەس قىزمەتكەر قابىلداۋ ارەكەتى وڭتۇستىك شينجياڭنىڭ جەر ـ جەرىندە ٴالى دە جالعاسۋدا. 3 ـ ايدىڭ 13 ـ كۇنى 2024 ـ جىلعى ”كوكتەم سامالى ارەكەتى“ جانە حوتان ايماعى مەن قارامايلى قالاسىنىڭ ەڭبەككۇش سەلبەستىگى بويىنشا ارناۋلى قىزمەتكەر قابىلداۋ جينالىسى حوتان اۋداندىق تەحنيكالىق مەكتەبىنە ەندى. سول كۇنى قارامايلى قالاسىنان كەلگەن كاسىپورىندار مۇناي الابى، قىزمەت وتەۋ، جاي جۇمىسشىلىق سياقتى 600دەن استام ساپالى قىزمەت ورنىمەن قامدادى، سول ورىندا 139 اداممەن العاشقى ادىمدا جۇمىستانۋ نيەتىنە كەلىستى.
نىسان قۇرىلىسىنىڭ قارقىنى تەزدەدى
قازىر حوتان اۋدانى قاشتاش اۋىلى كولەمىندەگى يۇرۇڭقاش سۋ يگىلىگى تورابى ينجەنەريا قۇرىلىسىنىڭ جۇمىس باسىندا، قازۋ ماشيناسى دۇرىلدەپ، قۇرىلىس اۆتوموبيلدەرى ارلى ـ بەرلى قايشالىسىپ، قۇرىلىس جۇمىسى تارتىپپەن ىلگەرىلەتىلۋدە. ”قازىر ۇلكەن توسپانىڭ وڭ ـ سول جاعاسىنداعى توسپا يىعى مەن وزەن ارناسىنداعى ۇساق تاستاردى تازالاۋدا، مەجەمەن 140 مىڭ تەكشەمەتر ۇساق تاس وسى ايدا تازالانىپ بولادى“، ـ دەدى وسى ينجەنەريانىڭ 1 ـ مەردىگەرلىك نىسان ٴبولىمى قۇرىلىس جۇرگىزۋدى باسقارۋ ٴبولىمىنىڭ باستىعى جاڭ ۋي.
يۇرۇڭقاش سۋ يگىلىگى تورابى ينجەنەرياسى ەكولوگيالىق سۋ جەتكىزۋدى، سۋارۋدى، سۋ تولىقتاۋدى نەگىز ەتىپ، تاسقىننان ساقتانۋمەن ۇشتاستىرىپ، توك شىعارۋعا تەڭ ٴمان بەرەتىن جالپىلىق پايدالانۋ تيبىندەگى ٴتۇيىندى ينجەنەريا. نىسان جۇمىس باستاعاننان بەرى، قۇرىلىسقا قاتىناسقان تاراپتار جىلدىق نىسانا ـ مىندەتتەرگە قاداعالاي نازار اۋدارىپ، قايراتتانا ىستەپ، بار كۇشپەن قارقىندى ىلگەرىلەتتى.
شينجياڭ گىجوۋبا يۇرۇڭقاش سۋ يگىلىگى تورابىن اشۋ شەكتى سەرىكتەستىگىنىڭ باس ينجەنەرى سۇي ان ـ جى بىلاي دەپ تانىستىردى: ينجەنەريا اياق الىسىن تەزدەتۋ ٴۇشىن كوكتەم مەرەكەسى كەزىندە ينجەنەريا ٴۇرتىس قۇرىلىس جۇرگىزدى، كەزەكتە قالىپتى قۇرىلىس جۇرگىزۋ كۇشەمەلىلىگىن قالپىنا كەلتىردى. 2023 ـ جىلدىڭ سوڭىنا دەيىن ينجەنەرياعا 4 ميلليارد يۋان قارجى قوسىلىپ، قاتىناس ينجەنەرياسى جانە سۋ اعىزۋ قۇرىلىسى، توسپا ٴيىنى ينجەنەرياسى نەگىزىنەن تامامدالىپ، ينجەنەريا قۇرىلىسى مىندەتىنىڭ %50ى ورىندالدى. بيىل 800 ميلليون يۋان قارجى قوسۋدى ورىنداۋ، توسپانى تىندىرۋ جانە زاۆود ۇيلەرىن جاساۋدى ٴتۇيىندى جۇرگىزۋ جوسپارلاندى.
شينجياڭ داشىشيا سۋ يگىلىگى تورابى ينجەنەرياسى قۇرىلىسىنىڭ جۇمىس باسى دا قاربالاس كۇيگە ەندى. ”كەزەكتە قۇرىلىس ورنىنا بارىپ قۇرىلىس جۇرگىزىپ جاتقاندار شامامان 1000 ادام، ماشينا جابدىقتارى 300 دانا \ پار بولىپ، ٴارقايسى قۇرىلىس جۇرگىزۋ جۇمىس اۋماقتارى تۇگەلدەي جۇمىستى، ٴوندىرىستى قالپىنا كەلتىردى“. شينجياڭ گىجوۋبا داشىشيا سۋ يگىلىگى تورابى ينجەنەرياسى اشۋ شەكتى سەرىكتەستىگى ينجەنەريا باسقارۋ ٴبولىمىنىڭ باستىعى لي ميڭدى: قازىرگە دەيىن توسپاعا بەتون قۇيۋ بيىكتىگى 200 مەتردەن اسىپ، جوسپار مولشەرىنىڭ %90ى ورىندالدى، ـ دەدى.
قازىرگى تاڭدا، جۇمىستاندىرۋدى ارتتىرۋدى باعدار ەتكەن ٴبىر توپ كەلەلى كاسىپ سالاسى نىساندارى، ٴتۇيىندى حالىق تۇرمىسى ينجەنەريالارى وڭتۇستىك شينجياڭ اۋماعىندا جەدەل سالىنۋدا.
3 ـ ايدىڭ 7 ـ كۇنى قاعىلىق اۋدانىنداعى 100 ميلليون يۋاننان استام قارجى قوسىلعان تۇڭعىش جاساۋ كاسىبى نىسانى _ 0.5GWh باتارەيا جانە ەنەرگيا ساقتاۋ كەبەجەسى PACK ٴوندىرۋ نىسانىنا قول قويىلدى. بۇل نىساندى حۋنان چىنچۋ ەنەرگيا شەكتى سەرىكتەستىگى قارجى قوسىپ قۇرعان، ٴوندىرىس جەلىسى نىسانىن جانە مەملەكەت دارەجەلى تەكسەرۋ ـ ولشەۋ تاجىريبەحانا نىسانىن قامتيدى، مۇنداعى ٴوندىرىس جەلىسى نىسانىندا جىلىنا 0.5GWh اليۋمين قوراپتى ليتى ەلەكتروندى ەنەرگيا ساقتاۋ باتارەياسىن وندىرەتىن ٴبىر ٴوندىرىس جەلىسى جانە جىلىنا 0.5GWh اليۋمين قوراپتى ليتي ەلەكتروندى باتارەياسى PACK وندىرەتىن ٴبىر ٴوندىرىس جەلىسى قامتىلعان. نىسان ٴوندىرىس قۋاتىنا جەتكەننەن كەيىن، شامامەن 175 ميلليون يۋاندىق ٴونىم قۇنىن جۇزەگە اسىرادى دەپ مەجەلەندى.
كوكتەمگى ەگىس وندىرىسىندە قۋات مىعىم بولدى
تىرشىلىك جاندانىپ، بار الاپ كوكتەمگى ەگىستىك قاربالاستىعىنا ٴتۇستى. وڭتۇستىك شينجياڭ اۋماعىنىڭ كەڭ ـ بايتاق اۋىل ـ قىستاعىن ارالاساڭىز، سۋ جىبەرىپ سۋارۋ، تاقتا جاساۋ، بۇتاۋ، تىڭايتقىش بەرۋ، مايسا كوشىرىپ ەگۋ سياقتى تىرشىلىك لەبى ەسكەن، شوگەلدىكپەن ەڭبەك ىستەپ كوكتەمگى بەينەگە شومعان كارتينانىڭ بىرتىندەپ ايشىقتالا تۇسكەندىگىن كورەسىز.
ٴپايزاۋات اۋدانى عولتوعىراق قالاشىعى ورتا قوسكول قىستاعىنىڭ 1000 مۋ جەردەگى جوعارى ولشەمدى قوس جارعاقتى ٴپايزاۋات قاۋىنىنان ۇلگى كورسەتۋ اتىزىندا ٴىرى تۇرپاتتى ماشينالار ٴتارتىپتى جۇمىس جۇرگىزۋدە. ”جاڭالانعاننان كەيىنگى جوعارى ولشەمدى ەگىنجايلار جەر جىرتۋ، جەر تەگىستەۋ، جارعاق جابۋ سياقتى جۇمىستاردى ماشينالاندىرۋدى جۇزەگە اسىرىپ، قىزمەت ونىمدىلىگىن جوعارىلاتتى“. وسى قىستاقتىڭ پارتيا ياچەيكاسىنىڭ شۋجيى ٴالي تۇرسۇن بيىل ورتا قوسكول قىستاعى 2600 مۋ جەرگە ٴپايزاۋات قاۋىنىن ەگۋدى جوسپارلادى، كەزەكتە 1900 مۋ جەرگە ەگىلىپ بولدى دەدى.
3 ـ ايدىڭ 14 ـ كۇنى يۇپۇرعا اۋدانى جەكسەنبى بازار قالاشىعى چۇرۇچ قىستاعىندا ەگىنشىلىك وتباسى جاڭ يانبين اعايىندى ەكەۋى تەمپەراتۋرا جوعارىلاعان ٴتيىمدى ورايدى مىقتى يگەرىپ، بەديان ەكتى.
تاياۋ جىلداردان بەرى، يۇپۇرعا اۋدانى بەديان كاسىپ سالاسىنىڭ دامۋىن ىلگەرىلەتىپ، بەديان ەگۋ اۋدانىن جىل سايىن كەڭەيتتى. بيىل 1 ـ ايدا شينجياڭ ٴزىرا (بەديان) كاسىپ سالاسى تەحنيكاسىن زەرتتەۋ ورنى يۇپۇرعا اۋدانىندا ماڭدايشالىق اسىپ قۇرىلىپ، بەديان كاسىپ سالاسىنىڭ دامۋىنا تىڭ قوزعاۋشى كۇش ۇستەدى.
بىلتىر جاڭ يانبين اعايىندىلار 600 مۋدان استام جەرگە بەديان ەگىپ، مۋ باسىنان ورتا ەسەپپەن 1900 يۋان شاماسىندا تابىس تاپتى، وعان كىرىستىرە ەگىلگەن ماقتانى قوسقاندا تاپقان كىرىسى وتكەن جىلدارداعىدان 30 پايىزعا تاياۋ ارتتى. ”بيىل ٴبىز ٴىشىنارا جەرلەردى اينالىمعا سالدىق، 1000 مۋ جەرگە بەديان ەكتىك، كوكتەم مەرەكەسىنەن كەيىن سۋ جىبەرۋ، جەر جىرتۋ، اۋىل شارۋاشىلىق ماتەريالدارىن ساتىپ سالۋ، اۋىل شارۋاشىلىق ماشينالارىنا بايلانىس جاساۋ جۇمىسىن باستادىق. بيىلعى كىرىستىڭ اناعۇرلىم جاقسى بولاتىندىعىنا سەنەمىز“، ـ دەدى جاڭ يانبين نىق سەنىممەن.
كوكتەمگى ەگىس دايىندىعىندا اۋىل شارۋاشىلىق ماتەريالدارى الدىمەن ويلاستىرىلادى. ەگىس جارعاقتارى ماڭىزدى اۋىل شارۋاشىلىق ماتەريال ٴونىمى رەتىندە كوكتەمگى ەگىستە ماڭىزدى رول اتقارۋدا.
3 ـ ايدىڭ 11 ـ كۇنى ونسۋ اۋدانىنا ورنالاسقان اقسۋ حىشين سۋحۋا شەكتى جاۋاپكەرشىلىك سەرىكتەستىگىنىڭ ٴوندىرىس سەحىندا 11 ٴوندىرىس جەلىسى تۇگەلدەي جۇمىس جۇرگىزۋدە، جارعاق جاساۋ ماشيناسىنان ورام ـ ورام ساپالى ەگىس جارعاقتارى ٴۇزىلىسسىز جاسالىپ شىعۋدا؛ ٴونىم ساقتاۋ اۋماعىندا ٴتۇرلى تۇرپاتتى ەگىس جارعاقتارى رەتتى قويىلىپ، شىعارىلۋ الدىندا تۇرعان.
”كەزەكتە سەرىكتەستىك ٴار كۇنى 45 توننا ەگىس جارعاعىن وندىرەدى، باستىسى، اقسۋ ايماعىن، قاشقار ايماعىن، حوتان ايماعىن جانە بيڭتۋان 1 ـ شىنىڭ ٴارقايسى تۋان ـ الاڭدارىن قامدايدى. بيىل سەرىكتەستىكتىڭ تاپسىرىس مولشەرى 8000 تونناعا جەتتى، كەزەكتە 4000 نەشە توننا ٴوندىرىلدى، 3000 توننادان استام زات جونەلتىلدى“ دەدى وسى سەرىكتەستىكتىڭ باس ديرەكتورى ياڭ يۇڭ.
