انار بۇلت \ شينجياڭ گازەتىنىڭ ٴتىلشىسى چىن چياڭۋي 3 ـ ايدىڭ 16 ـ كۇنى ۇرىمجىدەن حابارلايدى. ٴتىلشىنىڭ ٴۇرىمجى كەدەنىنەن ۇعىسۋىنشا، بيىل الدىڭعى 2 ايدا شينجياڭنىڭ سىرتقى ساۋدا يمپورت ـ ەكسپورت جالپى قۇنى 63 ميلليارد 690 ميلليون يۋان بولىپ، سايكەس مەزگىلدەگىدەن %51.4 ارتىپ، بۇكىل ەلدىڭ ارتۋ قارقىنىنان 42.7 پايىز جوعارى بولعان. سونىمەن، شينجياڭنىڭ سىرتقى ساۋداسى جاقسى باستاما اشقان.
الدىڭعى 2 ايدا، شينجياڭنىڭ سىرتقى ساۋداسى بىلتىرعى تۇتاس جىلدا جوعارى قارقىنمەن ارتقان تەبىندى جالعاستىرىپ، ايماق، وبلىس، قالالاردىڭ بەينەسى ەرەكشە كورنەكتى بولدى، 10 ايماق، وبلىس، قالانىڭ ارتۋ قارقىنى بۇكىل رايوننىڭ جالپى تۇلعالىق دەڭگەيىنەن جوعارى بولدى، سىرتقى ساۋدا جالپى قۇنىندا قاشقار ايماعى، ٴۇرىمجى قالاسى جانە ىلە قازاق اۆتونوميالى وبلىسى جەكە ـ جەكە الدىڭعى 3 ورىندا تۇردى.
اۆتونوميالى رايوننىڭ سىرتقى ساۋدانى جەبەۋ، كولەمدى ورنىقتىرۋ، قۇرىلىمدى ساپالىلاندىرۋ ساياساتىنىڭ جەبەۋىمەن، الدىڭعى 2 ايدا شينجياڭنىڭ سىرتقى ساۋداسىنىڭ قۇرىلىمدىق قايشىلىعى ەداۋىر جاقساردى، يمپورت ـ ەكسپورت ساۋدا ەلىندە، تاسىمال تاسىلىندە كوپ نەگىزدەلۋ جارىققا شىعىپ، ەكسپورت ەتىلەتىن تاۋارلاردىڭ قۇرىلىمى ساپالىلانىپ، يمپورت ورنىقتىلىق بارىسىندا ارتقان.
الدىڭعى 2 ايدا شينجياڭنىڭ شەكارالىق شاعىن سومالى ساۋدا يمپورت ـ ەكسپورت قۇنى سايكەس مەزگىلدەگىدەن %39.8 ارتىپ، بىلتىرعى سول تۇستاعى شينجياڭنىڭ سىرتقى ساۋدا يمپورت ـ ەكسپورت جالپى قۇنىنىڭ %54.5ىن يەلەگەن. كاسىپ سالاسى تىزبەگى اناعۇرلىم ۇزىن، كاسىپورىنداردىڭ دەربەس دامۋ قابىلەتى مەن جاساۋ ورەسىن اناعۇرلىم ايگىلەيتىن ادەتتەگى ساۋدا يمپورت ـ ەكسپورت قۇنىنىڭ ارتۋ قارقىنى جالپى تۇلعالىق ارتۋ قارقىنىنان تەزدەپ، يمپورت ـ ەكسپورت قۇنى سايكەس مەزگىلدەگىدەن %117.3 ارتىپ، بىلتىرعى سول تۇستاعى شينجياڭ سىرتقى ساۋدا يمپورت ـ ەكسپورت جالپى قۇنىنىڭ %34.8ىن يەلەپ، الدىڭعى جىلعى سول تۇستاعىدان 10.6 پايىز جوعارىلاعان.
كاسىپورىن تۇرلەرىنەن الىپ قاراعاندا، حالىقتىق، مەملەكەت مەنشىگىندەگى، شەتەل قارجى قوسقان كاسىپورىنداردىڭ يمپورت ـ ەكسپورت قۇنى تۇگەلدەي ەكى ورىندى سانمەن جانە ودان جوعارى ارتقان. حالىقتىق كاسىپورىندار شينجياڭنىڭ سىرتقى ساۋداسىنداعى نەگىزگى قوسىن رولىن ۇزدىكسىز ساۋلەلەندىرىپ، يمپورت ـ ەكسپورت قۇنى 59 ميلليارد 810 ميلليون يۋان بولىپ، سايكەس مەزگىلدەگىدەن %48.1 ارتىپ، بىلتىرعى سول تۇستاعى شينجياڭنىڭ سىرتقى ساۋدا يمپورت ـ ەكسپورت جالپى قۇنىنىڭ %93.9ىن يەلەگەن. مەملەكەت مەنشىگىندەگى كاسىپورىندار مەن شەتەل ساۋداگەرلەرى قارجى قوسقان كاسىپورىنداردىڭ يمپورت ـ ەكسپورت قۇنى سايكەس مەزگىلدەگىدەن جەكە ـ جەكە %146.7 جانە %11.1 ارتقان.
”ٴبىر بەلدەۋ، ٴبىر جولدى“ بىرگە قۇرۋدىڭ ۇزدىكسىز تەرەڭدەۋىنە ىلەسە، شينجياڭ الەمدىك ٴىرى بازارمەن بەلسەنە توعىستى. الدىڭعى 2 ايدا جۇڭگونىڭ شينجياڭى بۇكىل الەمدەگى 186 مەملەكەتپەن جانە رايونمەن ساۋدا بارىس ـ كەلىسىن جاساسىپ، ورتا ازياداعى 5 ەلمەن يمپورت ـ ەكسپورت قۇنى 43 ميلليارد 740 ميلليون يۋان بولىپ، سايكەس مەزگىلدەگىدەن %33 ارتىپ، بىلتىرعى سول تۇستاعى شينجياڭنىڭ سىرتقى ساۋدا يمپورت ـ ەكسپورت جالپى قۇنىنىڭ %68.7ىن ۇستاعان. وڭىرلىك جان ـ جاقتى ەكونوميكالىق سەرىكتەستىك قارىم ـ قاتىناس كەلىسىمىندەگى (RCEP) باسقا مۇشە ەلدەرمەن، شىعىس وڭتۇستىك ازيا ەلدەرى وداعىمەن، ەۆروپا وداعىمەن يمپورت ـ ەكسپورت قۇنى سايكەس مەزگىلدەگىدەن جەكە ـ جەكە %301.6، %330.3، %98.7 ارتقان؛ افريكامەن، ورتا شىعىستاعى 17 ەلمەن، ورتا، شىعىس ەۆروپامەن، وڭتۇستىك امەريكا قۇرلىعىمەن يمپورت ـ ەكسپورت قۇنى سايكەس مەزگىلدەگىدەن جەكە ـ جەكە %377.2، %179.4، %315.7، %184.4 ارتقان.
اسىرەسە، كىلەڭ ورتا ازيا بازارىنا عانا سۇيەنۋ جاعدايىنىڭ وزگەرۋى شينجياڭنىڭ سىرتقى ساۋدا تاسىمال ارناسىنىڭ وزگەرۋىن ىلگەرىلەتتى. الدىڭعى 2 ايدا شينجياڭ تاس جول، تەمىر جول، تەڭىز تاسىمالى سىندى تاسىمال ٴتاسىلى بويىنشا يمپورت ـ ەكسپورت قۇنى سايكەس مەزگىلدەگىدەن جەكە ـ جەكە %18.1، %85، %184.7 ارتتى.
شينجياڭ حالىقارالىق ساۋدانىڭ ”جەلىلەنۋ“ جانە ەل ىشىندەگى اۆتوكولىك كاسىپ سالاسىنىڭ دامۋ بەتالىسىنا بەلسەنە سايكەستى جانە ونى يگەردى. الدىڭعى 2 ايدا ەلەكترلى اۆتوكولىك، ليتيلى باتەريا، فوتوۆولت ونىمدەرى سياقتى ”جاڭا 3 ٴتۇر“ ونىمدەرىنىڭ يمپورت ـ ەكسپورت قۇنى سايكەس مەزگىلدەگىدەن %110.2 ارتتى، مۇندا ەلەكترلى اۆتوكولىكتىڭ ەكسپورت قۇنى سايكەس مەزگىلدەگىدەن %87.1 ارتىپ، بىلتىرعى سول تۇستاعى شينجياڭنىڭ اۆتوكولىك ەكسپورت قۇنىنىڭ %20.9ىن يەلەپ، شينجياڭنىڭ سىرتقى ساۋدا جاڭا قوزعاۋشى قۋاتىنىڭ ماڭىزدى قۇرامداس بولىگىنە اينالدى.
بىلتىرعى سول تۇستاعىمەن سالىستىرعاندا، شينجياڭنىڭ ٴداستۇرلى باسىمدىققا يە كاسىپ سالالارىنىڭ ەكسپورت قۇنى بىردەي جىلدام ارتىپ، ماشينا ـ ەلەكتر ونىمدەرىنىڭ ەكسپورت قۇنى سايكەس مەزگىلدەگىدەن %59.3 ارتىپ، ەكسپورت ەتىلگەن تاۋاردىڭ تەحنيكالىق فاكتورىنىڭ اناعۇرلىم كورنەكتىلەنگەندىگىن، بىرتىندەپ قۇن تىزبەگىنىڭ الدىڭعى بۋىنىنا قاراي كوتەرىلگەندىگىن اڭعارتتى.
