جوعارى ولشەمدى ەگىنجاي قۇرىلىسى سياقتى قىزمەتتەردى اقىلداستى
انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 16 ـ كۇنى ۇرىمجىدەن حابارلايدى. 3 ـ ايدىڭ 15 ـ كۇنى اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن جەتكىزدى، ۇيرەندى، دايەكتىلەندىردى، ٴماجىلىس جوعارى ولشەمدى ەگىنجاي قۇرىلىسى، تاريحي مادەنيەت ايگىلى قالاسىن قورعاۋ، شارۋاشىلىق ـ ساۋدا ورتاسىن ساپالىلاندىرۋ، دارەجەسىن جوعارىلاتۋ سياقتى قىزمەتتەردى اقىلداستى.
ٴماجىلىس مىنالاردى اتاپ كورسەتتى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، اۆتونوميالى رايوندىق پارتكومنىڭ قىزمەت تالابى بويىنشا، ”استىق ساقتاۋدا جەرگە سۇيەنۋ، استىق ساقتاۋدا تەحنيكاعا سۇيەنۋ“ ستراتەگياسىن تىڭعىلىقتى ىلگەرىلەتىپ، جوعارى ولشەمدى ەگىنجاي قۇرىلىسىن شىنايى كۇشەيتىپ، مەملەكەتتىڭ استىقپەن جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋىن قامتاماسىز ەتىپ، استىق حاۋىپسىزدىگى نەگىزىن جان ـ جاقتى بەكەمدەۋ كەرەك. ۇكىمەتتىڭ جاۋاپكەرشىلىگىن شىن مانىندە تياناقتاندىرىپ، شارۋالاردىڭ تۇلعالىق رولىن تولىق ساۋلەلەندىرىپ، ۇكىمەت جەتەكشىلىك ەتەتىن، تاراۋلار سايكەسەتىن، قوعام قولداۋ كورسەتەتىن، پايداعا كەنەلۋشى تۇلعا ات سالىساتىن قۇرۋ، باسقارۋ قىزمەت ارناسىن قالىپتاستىرۋدى ىلگەرىلەتۋ كەرەك. جوعارى ولشەمدى ەگىنجاي قۇرىلىسىن جانە رايونىمىزدىڭ سۋ بايلىعىن جوعارى ٴونىمدى، ۇنەمدى، شوعىرلى پايدالانۋدى، ”سەگىز ٴىرى كاسىپ سالاسى شوعىرى“ قۇرىلىسىن ٴبىر تۇتاس جوسپارلاپ ىلگەرىلەتىپ، جاڭا تەحنيكا، جاڭا تەحنولوگيا، جاڭا ماتەريال، جاڭا جابدىق سياقتى عىلىم ـ تەحنيكا جەتىستىكتەرىن كادەگە جاراتۋدى جانە پايدالانۋدى كۇشەيتىپ، شارت ـ جاعدايى بار، نەگىزى جاقسى وڭىرلەردىڭ ۇلگى نۇسقاسىن الدىمەن تۇلعالاۋىن قولداپ، كوشىرىپ قولدانۋعا، جالپىلاستىرۋعا بولاتىن تاجىريبەلەردى ەرتەرەك قالىپتاستىرىپ، تۇيىندەر ارقىلى جالپىنى جەتەكتەپ، تۇتاس رايوننىڭ جوعارى ولشەمدى ەگىنجاي قۇرىلىسى دەڭگەيىن جوعارىلاتۋ كەرەك.
ٴماجىلىس مىنالاردى اتاپ كورسەتتى: تاريحي مادەنيەت ايگىلى قالالارىن قورعاۋدى كۇشەيتىپ، جوبالاۋعا، جەتەكشىلىك ەتۋگە تاباندى بولىپ، قورعاۋ مەن پايدالانۋ، قورعاۋ مەن دامىتۋ، قورعاۋ مەن اشۋ سياقتىلاردىڭ كەلەلى قاتىناستارىن دۇرىس، ويداعىداي ٴبىر جاقتى ەتىپ، تاريحي قالا رايونى كولەمىن عىلمي، ۇيلەسىمدى تۇراقتاندىرىپ، ٴارى تاريحي مادەنيەت بەت ـ بەينەسىن ويداعىداي قورعاپ، ويداعىداي جالعاستىرىپ، ويداعىداي ايگىلەپ، ٴارى قالانى جاڭالاۋ قىزمەتىنە ۇشتاستىرىپ، قاتەرلى، كونە قۇرىلىستاردى جوندەپ، وزگەرتىپ سالىپ، نەگىزدىك قۇرىلعى جانە الەۋمەتتىك قىزمەت وتەۋ قۇرىلعىلارىن ۇزدىكسىز كەمەلدەندىرىپ، ٴوندىرىس، تۇرمىس ورتاسى ساپاسىن جوعارىلاتۋ كەرەك. مادەنيەت پەن ساياحاتتىڭ توعىسپالى دامۋىن كۇشەيتىپ، مادەنيەتتى ساياحاتقا ٴسىڭىرىپ، ”تاماقتانۋ، جاتىن ورىن، ٴجۇرىس ـ تۇرىس، ساياحاتتاۋ، زات ساتىپ الۋ، كوڭىل اشۋ“ كاسىپ كۇيىن اناعۇرلىم بايىتىپ، اناعۇرلىم كوپ ەگىنشى ـ مالشىنى جۇمىستانىپ كىرىستەرىن ارتتىرۋعا باستاۋ كەرەك. باسقا ولكەلەردىڭ كونە قالانى وزگەرتىپ سالۋ، مادەنيەت ـ ساياحات جوباسى، كاسىپ كۇيىن ەنگىزۋ، جۇمىس جۇرگىزۋ، باسقارۋ جاقتارىنداعى وزىق تاجىريبەلەرى مەن جەتىستىكتەرىنەن بەلسەنە ۇلگى الىپ، تاريحي مادەنيەت ايگىلى قالالارىن ٴونىمدى قورعاۋ بارىسىندا ”ٴتىرىلتۋ“ كەرەك.
ٴماجىلىس مىنالاردى تالاپ ەتتى: بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن بەلسەنە تۇلعالاپ، زاڭمەن باسقارىلاتىن ۇكىمەت قۇرىلىسىن جەدەل ىلگەرىلەتىپ، ۇكىمەتتىڭ قوعامدىق سەنىمدىلىك جۇيەسى قۇرىلىسىنداعى ۇلگىلىك، باستاماشىلدىق رولىن ساۋلەلەندىرىپ، باۋىرمال، بايىپتى باقىلاۋ ـ باسقارۋدى بەلسەنە اتقارىپ، اكىمشىلىك زاڭ اتقارۋ بويىنشا جاۋاپكەرشىلىكتى جەڭىلدەتۋ، كەشىرۋ ٴتىزىمىن جاساپ، جاريالاپ، مەيىرىمدى زاڭ اتقارۋ ورتاسىن جاراتۋ كەرەك. كاسىپورىنعا تيىمدىلىك جەتكىزۋ ساياساتتارىنىڭ تياناقتانۋىن ونان ارى ىلگەرىلەتىپ، ۇكىمەت پەن كاسىپورىننىڭ بايلانىس جاساۋ ارناسىن ىركىلىسسىزدەندىرىپ، ”ٴوتىنىش ەتپەي ـ اق يگىلىكتەندىرۋ“ مەحانيزمىن قۇرىپ، كاسىپورىنداردىڭ قيىنشىلىقتاردى، ماسەلەلەردى شەشۋىنە بەلسەنە كومەكتەسۋ كەرەك. قارجى قۇراۋ قارىز اقشا ارناسىن ونان ارى كەڭەيتىپ، ۇكىمەت، بانكە، كاسىپورىن سەلبەستىگىن كۇشەيتىپ، ورتا، شاعىن، ۇساق كاسىپورىنداردىڭ قارجى قۇراۋ ارناۋلى ارەكەتىن ورىستەتىپ، كاسىپورىنداردىڭ قارجى قۇراۋى قيىن بولۋ، قارجى قۇراۋى قىمبات بولۋ ماسەلەسىن كۇش سالا شەشۋ كەرەك. شارۋاشىلىق ساۋدا ورتاسىن ساپالىلاندىرۋدىڭ، دارەجەسىن جوعارىلاتۋدىڭ 3 جىلدىق ارەكەتىن تىڭعىلىقتى ىلگەرىلەتىپ، ٴتۇزىلىس مەحانيزم كەدەرگىلەرىن كۇش سالا تالقانداپ، ەڭ جوعارى شەكتە ٴتارتىپتى ىقشامداپ، قىزمەت وتەۋدى ساپالىلاندىرىپ، ونىمدىلىكتى جوعارىلاتىپ، كاسىپورىنداردىڭ قارىزىن كەشەۋىلدەتۋ ماسەلەسىن ٴونىمدى شەشىپ، ٴتۇرلى تيجارات تۇلعالارىنىڭ زاڭدى ۇقىق ـ مۇددەسىن زاڭ بويىنشا تەپە ـ تەڭ قورعاپ، بازاردىڭ ومىرشەڭدىك كۇشىن ونان ارى قاۋلاتىپ، رايونىمىز ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم ويداعىداي دەم بەرۋ كەرەك.
ٴماجىلىس باسقا دا ىستەردى اقىلداستى.
