تاراۋلار، ورىندار مەملەكەتتىك ەكى ٴماجىلىستىڭ رۋحىن جەتكىزدى، ۇيرەندى، دايەكتىلەندىردى
زەيىن ـ زەردەنى ۇيىستىرىپ، كۇش ـ قۋاتتى توپتاپ، قايراتتانا ناقتى ىستەپ، كورىكتى شينجياڭ قۇرۋدى جەدەلدەتەمىز
انار بۇلت \ شينجياڭ گازەتىنىڭ تىلشىلەرى
بىرنەشە كۇننەن بەرى رايونىمىزداعى تاراۋلار، ورىندار باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن جەدەل جەتكىزىپ، ۇيرەنىپ، ٴىس جۇزىندىك جاعدايمەن ۇشتاستىرىپ دايەكتىلەندىرۋ، تياناقتاندىرۋ شارالارىن اقىلداستى. كوپشىلىك مىنالاردى ٴبىلدىردى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، جۇڭگو ۇلگىسىندەگى وسىزامانداندىرۋ ٴۇشىن زەيىن ـ زەردەنى ۇيىستىرىپ، كۇش ـ قۋاتتى توپتاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، رەفورما، دامۋ، ورنىقتىلىق قىزمەتتەرىن مىقتى، ناقتى يگەرىپ، قايراتتانا ناقتى ىستەپ، ٴتۇرلى شەشىمدەردىڭ، ورنالاستىرۋلاردىڭ تياناقتانىپ، ونىمدىلىك كورسەتۋىنە شىنايى كەپىلدىك ەتىپ، كورىكتى شينجياڭدى جەدەل قۇرۋعا كۇش ـ قۋاتىمىزدى ارنايمىز.
اۆتونوميالى رايوندىق جوعارى حالىق سوتى مەكەمەسى:
سوت قىزمەتىن وسىزامانداندىرۋدى جەدەل ىلگەرىلەتەمىز
3 ـ ايدىڭ 15 ـ كۇنى اۆتونوميالى رايوندىق جوعارى حالىق سوتى مەكەمەسى پارتيا باسشىلىق گرۋپپاسىنىڭ (كەڭەيتىلگەن) ٴماجىلىسىن اشىپ مىنالاردى باسا دارىپتەدى: بۇكىل رايونىمىزداعى ٴار دارەجەلى حالىق سوتى مەكەمەلەرى باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، ٴتۇسىنىپ، حالىق سوتى مەكەمەسىنىڭ ٴىس جۇزىندىك جاعدايىمەن تىعىز ۇشتاستىرىپ، مەملەكەتتىك ەكى ٴماجىلىستىڭ رۋحىن دايەكتىلەندىرۋدى، تياناقتاندىرۋدى ويداعىداي يگەرۋى كەرەك. دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، ٴتۇرلى مىندەتتەردى ويداعىداي، ناقتى يگەرىپ، سوت قىزمەتىن وسىزامانداندىرۋ ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا قۇلشىنا تىرەك بولۋ جانە وعان قىزمەت وتەۋ كەرەك. ىرىقتى ٴادىليانى ناقتى جۇرگىزىپ، سوت قىزمەتىنىڭ وسىزاماندانۋىن ىلگەرىلەتۋدىڭ ٴىس جۇزىندىك ونىمدىلىگىن ۇزدىكسىز جارىققا شىعارۋ كەرەك. نازاردى جوعارى ساپالى دامۋعا شوعىرلاندىرىپ، زاڭمەن باسقارىلاتىن شارۋاشىلىق ـ ساۋدا ورتاسىن ساپالىلاندىرۋعا دەم بەرىپ، قورشاعان ورتا بايلىعى سوتىنىڭ كاسىپتىك كۇش قۇرىلىسىن كۇشەيتىپ، جاسىل، تومەن كومىر قىشقىل گازدى دامۋعا زاڭ بويىنشا قىزمەت وتەۋ كەرەك. اكىمشىلىك سوت قىزمەتىن كۇشەيتىپ، زاڭمەن باسقارىلاتىن ۇكىمەت قۇرىلىسىنا دەم بەرۋ كەرەك. ارىز ـ شاعىم قاينارىن جونگە سالۋدى تەرەڭدەتىپ، جاراستىرۋعا جەتەكشىلىك ەتۋ رولىن تولىق ساۋلەلەندىرىپ، شينجياڭ ەرەكشەلىگىنە يە، پارىقتاۋ دەڭگەيى جوعارى ”فىڭچياۋ ۇلگىسىندەگى حالىق سوتىن“ كۇش سالا قۇرىپ، دەلونى اياقتاتىپ، ٴىستى تامامداۋدى، ساياساتتىڭ تابىستى، حالىقتىڭ بەرەكەلى بولۋىن قۇلشىنا جۇزەگە اسىرۋ كەرەك.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى:
ساپالى ورتا، شاعىن كاسىپورىنداردى ساتىلى تۇردە جەتىلدىرەمىز
تاياۋدا اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ (كەڭەيتىلگەن) ٴماجىلىسىن اشىپ مىنالاردى باسا دارىپتەدى: باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭىزدى ساياسي مىندەت ەتىپ، دايەكتىلەندىرۋ، تياناقتاندىرۋ سانالىلىعىن، تاباندىلىعىن جانە اتقارۋ قابىلەتىن شىنايى كۇشەيتۋ كەرەك. جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، ەكونوميكالىق، قوعامدىق دامۋدىڭ كوزەۋلى نىساناسىنا قاداعالاي نازار اۋدارىپ، ساياساتتىق بەتالىس پەن دامۋ ورايىن ٴونىمدى يگەرىپ، كەلەلى ساياساتتاردىڭ، كەلەلى رەفورمالاردىڭ، كەلەلى نىسانداردىڭ تياناقتانۋىن، ناقتىلانۋىن ىلگەرىلەتىپ، جاڭاشا ونەركاسىپتەنۋدى جەدەل ىلگەرىلەتىپ، شينجياڭ ەرەكشەلىگىنە جانە باسىمدىعىنا يە وسىزاماندانعان كاسىپ سالاسى جۇيەسىن كۇش سالا قۇرۋ كەرەك. بيىل ”سەگىز ٴىرى كاسىپ سالاسى شوعىرىن“ جەدەل قۇرىپ، ساپالى ورتا، شاعىن كاسىپورىنداردى ساتىلى تۇردە جەتىلدىرىپ، جاڭادان گۇلدەنگەن كاسىپ سالالارى مەن بولاشاق كاسىپ سالالارىن بەلسەنە جەتىلدىرىپ، سيفرلى نەگىزدىك قۇرىلعى قۇرىلىسىن كۇشەيتىپ، 5G بۇكىلدەي تۇتاسقان زاۆود پەن ونەركاسىپ ينتەرنەتىنەن ۇلگى كورسەتۋ نىساندارىنان ٴبىر توبىن تۇلعالاپ، شينجياڭنىڭ ونەركاسىپ جانە ينفورماتسيالاندىرۋ ٴىسىنىڭ جوعارى ساپالى دامۋىن ىلگەرىلەتۋ كەرەك.
اۆتونوميالى رايوندىق حالىق ىستەرى مەڭگەرمەسى:
حالىق تۇرمىسىن ەڭ تومەنگى شەكتەن تۇسىرمەي قامتاماسىز ەتۋ تورىن بەكەمدەيمىز
تاياۋدا اۆتونوميالى رايوندىق حالىق ىستەرى مەڭگەرمەسى پارتيا باسشىلىق گرۋپپاسىنىڭ (كەڭەيتىلگەن) ٴماجىلىسىن اشىپ، مەملەكەتتىك ەكى ٴماجىلىستىڭ رۋحىن جەتكىزدى، ۇيرەندى، دايەكتىلەندىردى. ٴماجىلىس مىنالاردى تالاپ ەتتى: باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، ٴتۇسىنىپ، ۇكىمەت قىزمەتىنەن باياندامادا ورنالاستىرىلعان حالىق ىستەرى قىزمەتىنىڭ مىندەتىن جەتە ٴتۇسىنىپ، حالىق ىستەرى قىزمەتىنىڭ ٴىس جۇزىندىك جاعدايىمەن تىعىز بايلانىستىرىپ دايەكتىلەندىرۋدى، تياناقتاندىرۋدى ويداعىداي يگەرۋ كەرەك. حالىق ىستەرى مەڭگەرمەسى حالىق ىستەرى قىزمەتىندە بۇقارامەن بايلانىس جاساۋ، بۇقاراعا قىزمەت وتەۋ، بۇقارامەن تىعىز جاناسۋ باسىمدىعىن ساۋلەلەندىرىپ، مەملەكەتتىك ەكى ٴماجىلىستىڭ رۋحىن ۇگىتتەۋ، دايەكتىلەندىرۋ قىزمەتىن بار كۇشپەن ويداعىداي ىستەيدى. سونىمەن بىرگە، بىرگە بايۋدى جەبەۋ بارىسىنداعى ەڭ تومەنگى شەكتەن تۇسىرمەي قامتاماسىز ەتۋ قىزمەت جاۋاپكەرشىلىگى، حالىقتىڭ قارتتانۋىنا بەلسەنە توتەپ بەرۋ بارىسىنداعى باستاماشى بولۋ، ٴبىر تۇتاس جوسپارلاۋ قىزمەت جاۋاپكەرشىلىگى سياقتىلاردى اناعۇرلىم ويداعىداي اتقارىپ، حالىق تۇرمىسىن ەڭ تومەنگى شەكتەن تۇسىرمەي قامتاماسىز ەتۋ تورىن بەكەمدەپ، حالىق تۇرمىسىنا قاتىستى 10 ناقتى ٴىستىڭ ىشىندەگى ”ۇيدە، الەۋمەتتىك اۋماقتا قارتتاردى كۇتىمدەۋ قىزمەت وتەۋىن“ ويداعىداي تياناقتاندىرىپ، قارتتاردى كۇتىمدەۋ ىستەرىنىڭ جوعارى ساپالى دامۋىن پارمەندى ىلگەرىلەتىپ، حالىق تۇرمىسىنىڭ قۇت ـ ىرىسىن ۇزدىكسىز ارتتىرىپ، مەملەكەتتىك ەكى ٴماجىلىستىڭ رۋحىن حالىق تۇرمىسىنا تيىمدىلىك جاساۋدىڭ، حالىق جۇرەگىن جىلىتۋدىڭ ٴىس جۇزىندىك ارەكەتىنە شىن مانىندە اينالدىرادى.
اۆتونوميالى رايوندىق ٴادىليا مەڭگەرمەسى:
شەتەلگە ساياتىن زاڭمەن باسقارۋ قۇرىلىسىن ۇزدىكسىز كۇشەيتەمىز
3 ـ ايدىڭ 15 ـ كۇنى اۆتونوميالى رايوندىق ٴادىليا مەڭگەرمەسى كادرلار جينالىسىن اشىپ مىنالاردى باسا دارىپتەدى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، ٴادىليا اكىمشىلىگىنىڭ ٴىس جۇزىندىك جاعدايىن تياناق ەتىپ، مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، شەتەلگە ساياتىن زاڭمەن باسقارۋ قۇرىلىسىن ۇزدىكسىز كۇشەيتۋ كەرەك. شينجياڭ ەركىن ساۋدا سىناق رايونىن زاڭمەن باسقارۋدى قامتاماسىز ەتۋ مىندەتىن مىقتاپ ارقاۋ ەتىپ، ەركىن ساۋدا سىناق رايونىنىڭ تۇزىمدىك ەسىك اشۋىن جاڭالىق اشا زەرتتەۋدى ىشكەرىلەي ورىستەتىپ، ”جىبەك جولى ەكونوميكالىق بەلدەۋى زاڭ ىستەرى رايونى“ قۇرىلىسىن جەدەل ىلگەرىلەتىپ، حالىقارالىق ساۋدا ىستەرى داۋ ـ شارىن شەشۋ قۇرىلىمدارىنان، ادۆوكاتتىق ىستەر ورنىنان ٴبىر توبىن جەدەل جەتىلدىرىپ، شەتەلگە ساياتىن زاڭ دارىندىلارىن باۋلۋ سەرپىنىن ارتتىرىپ، شەتەلگە ساياتىن زاڭمەن باسقارۋ قۇرىلىسىن كۇشەيتۋدى شينجياڭنىڭ جوعارى دەڭگەيدە ەسىك اشۋىن ىلگەرىلەتۋدىڭ ماڭىزدى تىرەگى ەتىپ، زاڭمەن باسقارۋ امالياتىن ۇزدىكسىز تەرەڭدەتىپ، جوعارى ساپالى دامۋدى ىلگەرىلەتۋ كەرەك.
جۇڭگو عىلىم اكادەمياسى شينجياڭ بولىمشەسى:
جاڭا ساپالى وندىرگىش كۇشتەردى جەتىلدىرەمىز جانە دامىتامىز
تاياۋدا جۇڭگو عىلىم اكادەمياسى شينجياڭ بولىمشەسى بولىمشە اكادەميا جۇيەسىندەگى باسشى كادرلار ٴماجىلىسىن اشىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن مۇقيات ۇيرەندى، ٴتۇسىندى. ٴماجىلىس مىنالاردى باسا دارىپتەدى: مەملەكەتتىك ەكى ٴماجىلىستىڭ رۋحىن ۇيرەنۋدى، دايەكتىلەندىرۋدى كەزەكتەگى ٴتۇيىندى قىزمەتتەردى ويداعىداي يگەرۋمەن ورگانيكالى ۇشتاستىرىپ، ٴبىر تۇلعالاندىرا ىلگەرىلەتىپ، عىلىم ـ تەحنيكا بيىگىن يەلەۋ وزەكتى مىندەتىن مىقتاپ ارقاۋ ەتىپ، ٴار جاقتاعى قىزمەتتەردى جوبالاپ جانە ىلگەرىلەتىپ، عىلىم ـ تەحنيكا جاعىنداعى مەملەكەتتىك قۇراما سىندى اۋىر مىندەتتى ارقالاپ، نەگىزدىك زەرتتەۋ مەن قولدانىلمالى نەگىزدىك زەرتتەۋدى كۇشەيتىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، جاڭا ساپالى وندىرگىش كۇشتەردىڭ جاڭا قوزعاۋشى قۋاتىن جەتىلدىرۋ جانە دامىتۋ كەرەك. ٴتۇيىندى تاجىريبەحانالار، كەلەلى عىلىم ـ تەحنيكالىق نەگىزدىك قۇرىلعىلار سياقتى تۇعىرلاردىڭ باسىمدىعىنا سۇيەنىپ اقىل ـ پاراسات توپتاپ، قامال الىپ، ٴتۇرلى كەلەلى عىلىم ـ تەحنيكا مىندەتتەرىن جوعارى ساپامەن ورىنداۋ كەرەك. نازاردى ”سەگىز ٴىرى كاسىپ سالاسى شوعىرى“ قۇرىلىسىنا شوعىرلاندىرىپ، جاڭا ساپالى وندىرگىش كۇشتەردى جەدەل جەتىلدىرىپ، دامىتىپ، جاڭا قوزعاۋشى قۋاتتى، جاڭا باسىمدىقتى ۇزدىكسىز سومداپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە ۇلەس قوسۋ كەرەك.
