مۇگەدەكتەر ٴۇشىن قيىن ماسەلەلەردى دەن قويا، سۇيىسپەنشىلىكپەن، كۇش سالا شەشىپ، ناقتى ىستەر تىندىرۋ كەرەك

日期:2024年02月22日
来源:新疆日报
【字体:

ەركىن تۇنياز مۇگەدەكتەر ىستەرىنىڭ جوعارى ساپالى دامۋىن ىلگەرىلەتۋ جونىندە تەكسەرۋ ـ زەرتتەۋ جۇرگىزدى

  مۇگەدەكتەر ٴۇشىن قيىن ماسەلەلەردى دەن قويا، سۇيىسپەنشىلىكپەن، كۇش سالا شەشىپ، ناقتى ىستەر تىندىرۋ كەرەك

  انار بۇلت \ شينجياڭ گازەتىنىڭ ٴتىلشىسى لي ياڭ 2 ـ ايدىڭ 20 ـ كۇنى ۇرىمجىدەن حابارلايدى. 2 ـ ايدىڭ 20 ـ كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز شينجياڭنىڭ مۇگەدەكتەر ىستەرىنىڭ جوعارى ساپالى دامۋى جونىندە تەكسەرۋ ـ زەرتتەۋ جۇرگىزدى ٴارى جۇمىس باسى ٴماجىلىسىن اشىپ، باس شۋجي شي جينپيڭنىڭ مۇگەدەكتەر ىستەرى جونىندەگى ماڭىزدى بايىمداۋلارىنىڭ جانە ماڭىزدى نۇسقاۋلارىنىڭ رۋحىن ىشكەرلەي دايەكتىلەندىرىپ، تياناقتاندىرىپ، اۆتونوميالى رايوندىق 10 ـ كەزەكتى پارتكوم ونىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق ەكى ٴماجىلىستىڭ ورنالاستىرۋى بويىنشا، رايونىمىزدىڭ مۇگەدەكتەر ىستەرىنىڭ دامۋىندا ٴدوپ كەلگەن قيىنشىلىقتاردى، ماسەلەلەردى سايكەستىرىپ شەشتى. ول بىلاي دەپ باسا دارىپتەدى: باس شۋجي شي جينپيڭنىڭ ”ەكى ەرەكشە“ تاپسىرماسىن ەستە بەرىك ساقتاپ، مۇگەدەكتەردىڭ حال ـ جايىن باستان ـ اياق كوكەيدە ساقتاپ، مۇگەدەكتەردىڭ نەگىزگى تۇرمىسىن قامتاماسىز ەتۋ تورىن تىعىز توقىپ، مۇگەدەكتەرگە قاتىستى قوعامدىق قامتاماسىزداندىرۋ ٴتۇزىمى مەن قامقورلىق جاساۋ، قىزمەت وتەۋ جۇيەسىن كەمەلدەندىرىپ، مۇگەدەكتەر ٴۇشىن قيىن ماسەلەلەردى دەن قويا، سۇيىسپەنشىلىكپەن، كۇش سالا شەشىپ، ناقتى ىستەر تىندىرىپ، قۇت ـ ىرىس اكەلىپ، تۇتاس رايوننىڭ مۇگەدەكتەر قىزمەتىنىڭ تىڭ ساتىعا قادام تاستاۋىن ىلگەرىلەتۋ كەرەك.

  ەركىن تۇنياز شينجياڭ مۇگەدەكتەر ىستەرىنىڭ دامۋ جەتىستىكتەرى كورمەسىن ۇستىندە ەكسكۋرسيالاپ، تۇتاس رايوننىڭ مۇگەدەكتەردى ساۋىقتىرۋ جاعىنداعى قىزمەت وتەۋ، ەرەكشە وقۋ ـ اعارتۋ، جۇمىستانۋ، شارۋاشىلىق قۇرۋ، قوعامدىق قامتاماسىزداندىرۋ، قۇرىلعى قۇرىلىسى، زاڭ ارقىلى ۇقىق قورعاۋ سياقتى ٴتۇيىندى قىزمەتتەردىڭ ورىستەتىلۋ جاعدايىن ەگجەي ـ تەگجەيلى ۇعىستى. شينجياڭ مۇگەدەكتەردىڭ كومەكى اسپاپتارى كورمە ورتالىعىندا ٴجۇرۋ، مونشاعا ٴتۇسۋ، تىڭداۋ، كورۋ، تاماقتانۋ كومەكى اسپاپتارىن كورىپ، زەردەلى ساۋىقتىرۋ كومەكى اسپاپتارى، زەردەلى تۇرمىس جانە قالالاردىڭ كەدەرگىسىز قۇرىلىستارىنىڭ جاڭا ونىمدەرىن، جاڭا تەحنيكالارىن ۇعىستى. ول بىلاي دەپ باسا دارىپتەدى: ساۋىقتىرۋ كومەكى اسپاپتارىنىڭ وتباسىلارىنا، الەۋمەتتىك اۋماقتارعا، قۇرىلىمدارعا كىرۋىن ۇزدىكسىز ىلگەرىلەتىپ، مۇگەدەكتەر قاۋىمى ٴۇشىن تۇتاس تىزبەكتى، ٴبىر بەكەتتىك ساپالى ساۋىقتىرۋ قىزمەت وتەۋىن شىنايى ازىرلەۋ كەرەك.

  رايونىمىزدىڭ مۇگەدەكتەر ىستەرىنىڭ دامۋ جاعدايى جونىندەگى مالىمەتتى تىڭداعاننان كەيىن، ەركىن تۇنياز بىلاي دەپ باسا دارىپتەدى: مۇگەدەكتەردىڭ ادامدىق ۇقىعىن قامتاماسىز ەتۋ _ شينجياڭنىڭ ادامدىق ۇقىق ىستەرىنىڭ دامۋىنىڭ، العا باسۋىنىڭ ماڭىزدى بەينەسى. جەر ـ جەر، تاراۋلار ساياسي دەڭگەيدى شىن مانىندە جوعارىلاتىپ، مۇگەدەكتەر قىزمەتىن ويداعىداي ىستەۋدىڭ كەلەلى ٴمانىن تەرەڭ تانىپ، جۇڭگو مۇگەدەكتەر بىرلەستىگى مەملەكەتتىك 8 ـ قۇرىلتايىنىڭ رۋحىن باتىل تياناقتاندىرىپ، اۆتونوميالى رايوندىق پارتكومنىڭ، ۇكىمەتتىڭ قىزمەت تالاپتارى بويىنشا، نەگىزگى تاقىرىپتىق تاربيەنىڭ جەتىستىكتەرىن بەكەمدەپ، كەڭەيتىپ، مۇگەدەكتەردىڭ اناعۇرلىم ابىرويلى، اناعۇرلىم باقىتتى، اناعۇرلىم جوعارى ساپالى تۇرمىس كەشىرۋلەرىنە مۇمكىندىك جاساۋعا قۇلشىنۋ كەرەك.

  ەركىن تۇنياز بىلاي دەپ باسا دارىپتەدى: حالىقتى وزەك ەتكەن دامۋ يدەياسىنا تاباندى بولىپ، مۇگەدەكتەر ىستەرىنىڭ ٴتۇزىلىس ـ مەحانيزمىن ۇزدىكسىز اقاۋسىزداندىرىپ، مۇگەدەكتەردىڭ شۇعىل، قيىن، ۋايىمداعان، ٴزارۋ ماسەلەلەرىن بەلسەنە شەشۋ كەرەك. مۇگەدەكتەردى باعۋعا اماناتتاۋ جانە قارايلاسۋ قىزمەت وتەۋىن كۇشەيتىپ، مۇگەدەكتەردىڭ ”ەكى قوسىمشا قاراجاتىنا“ يكەمدى رەتتەۋ جۇرگىزۋ مەحانيزمىن اقاۋسىزداندىرىپ، مۇگەدەكتەردىڭ نەگىزدىك كومەكشى اسپاپتارمەن جابدىقتالۋىنا جاردەماقى بەرۋ سياقتى مۇگەدەكتەرگە تيىمدىلىك جاساۋ ساياساتىن ويداعىداي تياناقتاندىرىپ، مۇگەدەك بالالاردى ساۋىقتىرۋ، قۇتقارۋ، ولارعا كومەكتەسۋ ولشەمىن جوعارىلاتۋدى، كولەمىن ۇلعايتۋدى ىلگەرىلەتۋ كەرەك. مۇگەدەكتەردىڭ جۇمىستانۋىن قامتاماسىز ەتۋ قاراجاتىن جيۋدى، پايدالانۋدى باسقارۋ ٴتۇزىمىن جانە دالمە ـ ٴدال سيلاۋ ـ تولىقتاۋ، دالمە ـ ٴدال قىزمەت وتەۋ ساياسات شارالارىن ونان ارى كەمەلدەندىرىپ، جۇمىستانۋعا باۋلۋ ساپاسىن جوعارىلاتىپ، مۇگەدەكتەردى دەربەس جاڭالىق اشۋعا، شارۋاشىلىق قۇرۋعا شابىتتاندىرىپ، سۇيەمەلدەپ، اناعۇرلىم كوپ مۇگەدەكتىڭ ەڭبەك ارقىلى كىرىس تابۋىنا، قۇنىن جۇزەگە اسىرۋىنا، تۇرمىس ساپاسىن جوعارىلاتۋىنا مۇمكىندىك جاساۋ كەرەك.

  ەركىن تۇنياز بىلاي دەپ اتاپ كورسەتتى: جەر ـ جەر، تاراۋلار بىرىككەن كۇش قالىپتاستىرىپ، رايونىمىزدىڭ مۇگەدەكتەر ىستەرىنىڭ جوعارى ساپالى دامۋىن بىرگە ىلگەرىلەتۋى كەرەك. ٴار دارەجەلى مۇگەدەكتەر بىرلەستىگى ۇيىمدارى قاي ـ قاشان دا ساياسي قۇرىلىستى ماڭداي الدى ورىنعا قويىپ، مۇگەدەكتەر بىرلەستىگى ۇيىمىنىڭ ساياسي سيپاتىن، العا باسارلىق سيپاتىن، بۇقارالىق سيپاتىن ۇزدىكسىز كۇشەيتۋى كەرەك. يدەيانى ۇزدىكسىز ازات ەتىپ، كوزقاراسقا بۇرىلىس جاساپ، قوعامدانعان قىزمەت ٴتاسىلىن بەلسەنە قاراستىرىپ، قايىر ـ ساحابات، مۇگەدەكتەرگە كومەكتەسۋ ىستەرىن جانە ەرىكتى قىزمەت وتەۋدى زور كۇشپەن دامىتىپ، ٴار ۇلت مۇگەدەكتەردى اۆتونوميالى رايوننىڭ ەكونوميكالىق، قوعامدىق دامۋىنا بەلسەنە ات سالىسۋعا ىنتالاندىرۋ كەرەك.

  جۋ ليفان تەكسەرۋ ـ زەرتتەۋدە بىرگە بولدى.