انار بۇلت \ شينجياڭ گازەتىنىڭ تىلشىلەرى لۋ فىڭباۋ، ما ينيڭ 2 ـ ايدىڭ 20 ـ كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى وتكىزگەن ”قاتىناستا قۋاتتى رايون قۇرۋدى قۇلشىنا جەدەلدەتىپ، جوعارى ساپالى دامۋدىڭ جول اشۋ اتويشىسى بولۋعا قۇلشىنايىق“ تاقىرىبىنداعى اقپار جاريالاۋ ماجىلىسىنەن ۇعىسۋىمىزشا، ” 14 ـ بەسجىلدىق“ مەزگىلىندە شينجياڭ بارلىق اۋدانعا جوعارى قارقىندى تاس جول (1 ـ دارەجەلى) تۇتاسۋدى نەگىزىنەن جۇزەگە اسىرادى ەكەن.
اۆتونوميالى رايوندىق قاتىناس ـ تاسىمال مەڭگەرمەسى پارتكومىنىڭ مۇشەسى، ورىنباسار مەڭگەرمە باستىعى سۇن جين بىلاي دەپ تانىستىردى: بىلتىر جىل سوڭىنا دەيىن شينجياڭدا تاس جولدىڭ جالپى ۇزىندىعى مەجەمەن 228 مىڭ 300 كيلومەترگە جەتتى، مۇنىڭ ىشىندە جوعارى قارقىندى (1 ـ دارەجەلى) تاس جولدىڭ ۇزىندىعى مەجەمەن 11 مىڭ 600 كيلومەترگە جەتىپ، جول تورابى قۇرىلىمى ۇزدىكسىز كەمەلدەندى. شينجياڭداعى بارلىق ايماق، وبلىس، قالاعا جوعارى قارقىندى تاس جول تۇتاستىرىلدى، جوڭعار ويپاتى مەن تارىم ويپاتىنىڭ جوعارى قارقىندى (1 ـ دارەجەلى) تاس جول اينالما جەلىسى جاپپاي سالىنىپ بولدى؛ تيانشاننىڭ سولتۇستىك بوكتەرىندەگى قالالار شوعىرىنا ” 8 اۆتوكولىك جولدى“ جوعارى قارقىندى تاس جول تۇتاستى؛ 108 اۋدان ـ قالاعا 2 ـ دارەجەلى جانە ودان جوعارى دارەجەلى تاس جول تۇتاستى، مۇنىڭ ىشىندە 98ىنە جوعارى قارقىندى (1 ـ دارەجەلى) تاس جول تۇتاستى؛ بارلىق اۋىل ـ قالاشىق پەن شارت ـ جاعدايى بار قۇرىلىمدىق قىستاقتاردىڭ بارىنە اسفالت جول تۇتاستىرىلىپ، جولاۋشىلار اۆتوبۋزى قاتىنادى. ”14-بەسجىلدىق“ مەزگىلىندە 107 اۋدان قالاعا جوعارى قارقىندى (1-دارەجەلى) تاس جول تۇتاسۋىنا بار كۇشپەن شىنايى كەپىلدىك ەتىپ، تەز، ىركىلىسسىز جوعارى قارقىندى تاس جول تورىن جەدەل قۇرادى.
”سونىمەن بىرگە قالا مەن اۋىلدىڭ قاتىناس نەگىزدىك قۇرىلعى تورابىن اناعۇرلىم كەمەلدەندىرىپ، جەرگىلىكتى ورىن ەكونوميكاسىنىڭ دامۋىنا قىزمەت وتەپ، اۋىل-قىستاقتى گۇلدەندىرۋدى جەدەلدەتۋ ءۇشىن اناعۇرلىم جوعارى ساپالى قاتىناس-تاسىمال قامتاماسىزدىعىن ازىرلەيمىز“،-دەدى سۇن جين.
