بيىل شينجياڭنىڭ استىق ٴوندىرىس نىساناسى تاعى ٴبىر ميلليون توننا ارتتىرىلادى

日期:2024年02月22日
来源:新疆日报
【字体:

بيىل شينجياڭنىڭ استىق ٴوندىرىس نىساناسى تاعى ٴبىر ميلليون توننا ارتتىرىلادى

  جالپى ٴونىم مولشەرى 22 ميلليون توننادان تومەن بولمايدى

  انار بۇلت \ شينجياڭ گازەتىنىڭ ٴتىلشىسى ليۋ ي 2 ـ ايدىڭ 20 ـ كۇنى ۇرىمجىدەن حابارلايدى. ٴتىلشىنىڭ اۆتونوميالى رايوندىق پارتكومنىڭ اۋىل ـ قىستاق قىزمەتى ماجىلىسىنەن ۇعىسۋىنشا، 2024 ـ جىلى شينجياڭ مەملەكەتتىك ساپالى ەگىن، مال شارۋاشىلىق ونىمدەرىمەن قامداۋ ماڭىزدى بازاسىن قۇرۋ ستراتەگيالىق ورنىن ارقاۋ ەتىپ، استىق ەگۋ جەر اۋدانىن بەلسەنە تياناقتاندىرىپ، استىق ٴوندىرىسى نىساناسىن تاعى ٴبىر ميلليون توننا ارتتىرادى ەكەن، تۇتاس جىلدا استىقتىڭ جالپى ٴونىم مولشەرى 22 ميلليون توننادان تومەن بولمايدى ەكەن.

  بيىل شينجياڭ مەملەكەتتىڭ استىق حاۋىپسىزدىگىنە تاعى دا ۇلەس قوسۋدى ”اۋىل شارۋاشىلىعى، اۋىل ـ قىستاق، شارۋالار“ قىزمەتىنىڭ ماڭداي الدى مىندەتى ەتتى، اۋىل شارۋاشىلىعى، اۋىل ـ قىستاق تاراۋلارى استىق ٴونىم مولشەرىنىڭ نىسانا ـ مىندەتتەرىن ايماق، اۋدان، اۋىل ـ قىستاقتارعا، جەر بولىكتەرىنە دەيىن جىكتەپ، ناقتى قارجى قوسۋعا تاباندى بولىپ، استىق وندىرەتىن ٴىرى اۋداندارعا سيلىق، قوسىمشا قاراجات بەرۋ، استىق ەگەتىن شارۋالارعا قوسىمشا قاراجات بەرۋ ساياساتىن جاپپاي تياناقتاندىرىپ، جەرگىلىكتى قازىنانىڭ ناقتى تيىمدىلىككە كەنەلۋىنە، شارۋالار كىرىسىنىڭ قامتاماسىز ەتىلۋىنە شىنايى كەپىلدىك ەتىپ، مەملەكەتتىڭ قاجەتى مەن شينجياڭنىڭ قابىلەتىن اناعۇرلىم ويداعىداي ٴبىر تۇتاس جوسپارلاپ، مەملەكەتتىڭ ”باتىس سولتۇستىكتەگى استىق قامباسىن“ ويداعىداي قۇرادى.

  وسى بارىستا شينجياڭ استىق ەگۋ قۇرىلىمىن ۇزدىكسىز ساپالىلاندىرىپ، ٴبيدايدىڭ ٴونىم مولشەرىن ”ورنىقتىرۋعا“ كۇش سالىپ، بىرلىك ونىمگە كۇش سالىپ، جالپى ٴونىمدى ورنىقتىرۋعا سۇيەنىپ، سەرپىمدى، سەلەن قۇرامى كۇشتى، ورگانيكالى ارناۋلى پايدالانىلاتىن ٴبيدايدى جانە ساپالى ارناۋلى پايدالانىلاتىن ٴبيدايدى دامىتىپ، ساپالى استىقتى ولشەمدەندىرۋدەن ۇلگى كورسەتۋ بازاسىن قۇرادى. جۇگەرىنى ”كەڭەيتۋدە“ ونىمدىلىككە قول جەتكىزىپ، جەرگىلىكتى جاعدايعا قاراي ارناۋلى پايدالانىلاتىن جۇگەرى، ساپالى تۇقىمدىق جۇگەرى جانە جاستاي تۇتىناتىن جۇگەرى ەگۋدى دامىتىپ، استىققا دا، جەمگە دە پايدالانۋعا كەلەتىن ساپالى جۇگەرى مەن سۇرلەمدىك جۇگەرىنى زور كۇشپەن دامىتادى.

  ٴارقايسى استىق وندىرەتىن وڭىرلەر بىرلىك ٴونىمدى جوعارىلاتۋعا كۇش سالىپ، اۋىل شارۋاشىلىعى عىلىم ـ تەحنيكاسىنان ٴوندىرىس قۋاتىن الۋعا تاباندى بولىپ، استىق وندىرەتىن 35 ٴىرى اۋداننىڭ ٴوندىرىس قۋاتىن جوعارىلاتۋداعى شەشۋشى رولىن ساۋلەلەندىرىپ، ” 100مۋدان قامال الۋ، 1000 مۋ قۇرۋ، 10 مىڭ مۋدان ۇلگى كورسەتۋدى“ۇزدىكسىز ىلگەرىلەتىپ، بۇكىل رايونىمىزدا استىق ٴونىمىن كەڭ كولەمدە بىركەلكى ارتتىرۋعا ىقپال كورسەتەدى، باستاماشىلدىق ەتەدى. جەر ـ جەر استىق ەگۋ، باپتاۋ، ٴونىم الۋ بۋىندارىنداعى ٴونىمدى ارتتىرۋدىڭ كومەسكى كۇشىن ىشكەرىلەي اشىپ، ٴبيدايدىڭ ورتاشا بىرلىك ٴونىمىن 1.5 __ 1 پايىز، جۇگەرىنىڭ ورتاشا بىرلىك ٴونىمىن 2 _ 3 پايىز جوعارىلاتۋعا كۇش سالادى.

  شينجياڭ تاعى استىقتى رەتتەۋ ـ مەڭگەرۋ قابىلەتىن ۇزدىكسىز كۇشەيتىپ، استىق ساقتاۋ قۇرىلعىلارى قۇرىلىسىنىڭ سەرپىنىن ارتتىرىپ، استىق بويىنشا شۇعىل جاعدايعا توتەپ بەرۋ، قامتاماسىز ەتۋ ورتالىعىنان 100دەن استامىن جانە استىق بويىنشا شۇعىل جاعدايعا توتەپ بەرۋ، قامتاماسىز ەتۋ كاسىپورنى مەن تۇيىنىنەن 3000نان استامىن قۇرىپ، استىقتى جايشىلىقتا جەتكىلىكتى دايىنداۋعا، جاقسى ساقتاۋعا، شەشۋشى ساتتە سەپتەپ شىعارۋعا، پايدالانىلۋعا شىنايى كەپىلدىك ەتەدى.