شينجياڭنىڭ اۋىل شارۋاشىلىعىندا قۋاتتى رايون قۇرۋ نىساناسىن كوزدەپ، اۋىل شارۋاشىلىعىن، اۋىل ـ قىستاقتى وسىزامانداندىرۋدى ىلگەرىلەتۋدە تىڭ قادام تاستاۋ كەرەك

日期:2024年02月22日
来源:新疆日报
【字体:

اۆتونوميالى رايوندىق پارتكومنىڭ اۋىل ـ قىستاق قىزمەتى ءماجىلىسى اشىلدى

  شينجياڭنىڭ اۋىل شارۋاشىلىعىندا قۋاتتى رايون قۇرۋ نىساناسىن كوزدەپ، اۋىل شارۋاشىلىعىن، اۋىل ـ قىستاقتى وسىزامانداندىرۋدى ىلگەرىلەتۋدە تىڭ قادام تاستاۋ كەرەك

  ما شيڭرۇي ٴسوز سويلەدى

  ەركىن تۇنياز باسقاردى، ٴزۇمىرات وبۇل، حى جۇڭيوۋ قاتىناستى، جاڭ جۋ ناقتى ورنالاستىرۋ جاسادى 


  2-ايدىڭ 20-كۇنى اۆتونوميالى رايوندىق پارتكومنىڭ اۋىل-قىستاق قىزمەتى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.

سۋرەتتى اناربۇلت\ شينجياڭ گازەتى ءتىلشىسى سۇي جىجيان تۇسىرگەن

  انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 20 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ اۋىل ـ قىستاق قىزمەتى ٴماجىلىسى 2 ـ ايدىڭ 20 ـ كۇنى اشىلدى، اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى ماڭىزدى بايىمداۋلارىن جانە ورتالىقتىڭ ەكونوميكالىق قىزمەت ٴماجىلىسىنىڭ، ورتالىقتىڭ اۋىل ـ قىستاق قىزمەتى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، شينجياڭنىڭ اۋىل شارۋاشىلىعىندا قۋاتتى رايون قۇرۋ نىساناسىن كوزدەپ، ٴىستى تىڭعىلىقتى ىستەپ، شىنايى يگەرىپ ناقتى ىستەپ، مەملەكەتتىڭ ساپالى ەگىن، مال شارۋاشىلىعى ونىمدەرىمەن قامداۋ ماڭىزدى بازاسىن بار كۇشپەن تۇلعالاپ، اۋىل ـ قىستاقتى جاپپاي گۇلدەندىرۋدە ناقتى ىلگەرىلەۋشىلىككە قول جەتكىزۋدى جەبەپ، اۋىل شارۋاشىلىعىن، اۋىل ـ قىستاقتى وسىزامانداندىرۋدىڭ جاڭا ناتيجەلەرىمەن جۇڭگو ۇلگىسىندەگى وسىزامانداندىرۋدىڭ شينجياڭ امالياتىن اناعۇرلىم ويداعىداي ىلگەرىلەتۋ كەرەك.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى جاڭ جۋ باس شۋجي شي جينپيڭنىڭ ماڭىزدى نۇسقاۋى مەن ورتالىقتىڭ اۋىل ـ قىستاق قىزمەتى ٴماجىلىسىنىڭ رۋحىن جەتكىزدى، سونداي ـ اق بۇكىل رايوننىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندە ناقتى ورنالاستىرۋ جاسادى.

  ما شيڭرۇي بىلاي دەپ اتاپ كورسەتتى: باس شۋجي شي جينپيڭ اۋىل شارۋاشىلىعى، اۋىل ـ قىستاق شارۋالار قىزمەتى جونىندە كوپ رەت ماڭىزدى ٴسوز سويلەپ، ماڭىزدى نۇسقاۋ بەرىپ، جۇڭگو ۇلگىسىندەگى وسىزاماندانعان اۋىل شارۋاشىلىعى، اۋىل ـ قىستاق، شارۋالاردىڭ جاڭا تاراۋىن ويداعىداي جازۋعا ٴتۇبىرلى بويسۇنۋ ولشەمىن ازىرلەدى. ٴبىز ”ەكىنى تۇراقتاندىرۋدى“ باتىل قولداۋ، ”ەكىنى قورعاۋدى“ باتىل ورىنداۋ ساياسي بيىگىندە تۇرىپ، باس شۋجيدىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ورتالىقتىڭ اۋىل ـ قىستاق قىزمەتى ٴماجىلىسىنىڭ ورنالاستىرۋلارىن دايەكتىلەندىرىپ، تياناقتاندىرىپ، ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسىنىڭ“ تاجىريبەلەرىن ۇيرەنىپ جانە ونى ويداعىداي قولدانىپ، اۋىل ـ قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋ اياق الىسىن تەزدەتىپ، شينجياڭنىڭ اۋىل شارۋاشىلىعىندا قۋاتتى رايون بولۋعا قاراي قادام تاستاۋىن ىلگەرىلەتۋىمىز كەرەك.

  ما شيڭرۇي بىلاي دەپ اتاپ كورسەتتى: 2023 ـ جىلى شينجياڭ باس شۋجيدىڭ جانە پارتيا ورتالىق كوميتەتىنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىردى، وسى زامانعى اۋىل شارۋاشىلىعىن دامىتۋدى ىلگەرىلەتۋدىڭ ەرەكشە باسىمدىعى، كومەسكى كۇشى ۇزدىكسىز جارىققا شىعىپ، اۋىل شارۋاشىلىعى، اۋىل ـ قىستاق، شارۋالار قىزمەتىنىڭ ناتيجەلەرى قۋانارلىقتاي بولىپ، مەملەكەتتىڭ استىق جانە ماڭىزدى اۋىل شارۋاشىلىق ونىمدەرىمەن قامداۋ حاۋىپسىزدىگىن قامتاماسىز ەتۋگە ۇلەس قوسۋ سالىستىرماسى بارىنشا جوعارىلادى. جاڭا ٴبىر جىلدا، جۇڭگو ۇلگىسىندەگى وسىزامانداندىرۋدى ىلگەرىلەتۋدى ەڭ ۇلكەن ساياسي ەتۋگە تاباندى بولىپ، اۋىل شارۋاشىلىعىندا قۋاتتى رايون قۇرۋ نىساناسىن كوزدەپ، نازاردى ەگىنشىلەردىڭ، مالشىلاردىڭ كىرىسىن ارتتىرۋ سىندى وزەكتى مىندەتكە شوعىرلاندىرىپ، شينجياڭنىڭ اۋىل شارۋاشىلىعىن، اۋىل ـ قىستاقتى وسىزامانداندىرۋىن جەدەل ىلگەرىلەتۋدە تىڭ قادام تاستاۋ كەرەك.

  ما شيڭرۇي بىلاي دەپ باسا دارىپتەدى: مەملەكەتتىڭ استىق جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋىن قامتاماسىز ەتۋ سىندى وسى ارقاۋدى قاي ـ قاشان دا مىقتاپ شيراتىپ، ەلىمىزدىڭ ەگىس داقىلدارى ٴوندىرىس قۋاتىنىڭ ستراتەگيالىق زاپاسىن قالىپتاستىرۋدى ىلگەرىلەتۋ كەرەك. استىق حاۋىپسىزدىگىندە پارتكوم مەن ۇكىمەت بىردەي جاۋاپكەرشىلىك ارقالاۋدى كۇشەيتىپ، اۋدانىن كەڭەيتۋگە، قۇرىلىمىن ساپالىلاندىرۋعا، بىرلىك ونىمىندە قامال الۋعا، ٴوندىرىس قۋاتىن جوعارىلاتۋعا كۇش سالىپ، استىق ٴونىم مولشەرىن تاعى دا ٴبىر ميلليون توننانىڭ ۇستىندە ارتتىرۋعا ۇمتىلىس جاساۋ كەرەك. اۋىل شارۋاشىلىعىندا سىرتقا ەسىك اشۋ دەڭگەيىن جوعارىلاتىپ، استىق يمپورت ەتۋ، مانەرلەۋ بازاسىن تۇلعالاپ، مەملەكەتتىك زاپاس استىق قامباسىن قۇرۋ كەرەك. ماقتا كاسىپ سالاسىن ساپالىلاندىرىپ، ماقتانىڭ جالپى ٴونىمىن 5 ميلليون توننانىڭ ۇستىندە ورنىقتىرۋعا كەپىلدىك ەتىپ، مەملەكەت دارەجەلى ماقتا، ماقتا ٴجىپ ساۋدا ورتالىعىن جوعارى ساپادا ىسكە قوسۋ كەرەك. ساپالى جەمىس ـ جيدەك، كوكونىس ٴوندىرىسىن كۇشەيتىپ، وسىزاماندانعان كوكونىس كاسىپ سالاسى تىزبەگىن تۇلعالاۋ كەرەك. مال شارۋاشىلىعىن زورايتىپ، ەرەكشە بالىقشىلىق، ”ٴشول دالاداعى بالىقشىلىق اۋىلىنىڭ“ جاڭا تانىسقىسىن تۇلعالاۋ كەرەك. كەدەيلىكتەن ارىلتۋدان قامال الۋدىڭ تابىستارىن استە بوساڭسىتپاي بەكەمدەپ، كەڭەيتىپ، ەگىنشى ـ مالشىلاردىڭ ورنىقتى تۇردە كىرىستەرىن ارتتىرۋىن، بايۋىن ۇزدىكسىز زور كۇشپەن ىلگەرىلەتۋ كەرەك. قايتا كەدەيلەسۋدەن ساقتانۋدى قاداعالاۋدىڭ دەر كەزىندە بولۋىن جانە كومەكتەسۋ ـ سۇيەمەلدەۋدىڭ دالمە ـ دالدىگىن جاپپاي جوعارىلاتىپ، وڭتۇستىك شينجياڭداعى 4 ايماق، وبلىستى، كەدەيلىكتەن قۇتىلعان اۋدانداردى جانە باسقا جەرگە كوشىرىپ ورنالاستىرۋ وڭىرلەرىن كورنەكتىلەندىرىپ، كومەكتەسۋ ـ سۇيەمەلدەۋ كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋ ارەكەتىن جانە قايتا كەدەيلەسۋدەن ساقتانۋدان، جۇمىستاندىرۋدان قامال الۋ ارەكەتىن اتقارىپ، اۋىل ـ قىستاق كاسىپ سالاسى جانە اۋىل ـ قىستاق كوللەكتيۆ شارۋاشىلىعى دامۋىنىڭ ساپاسىن، ونىمدىلىگىن جوعارىلاتىپ، كىرىستى ارتتىرۋ ارناسىن الۋان ٴتۇرلى امالمەن كەڭەيتىپ، ەگىنشى ـ مالشىلاردىڭ جان باسىندىق كىرىس دەڭگەيىن ۇزدىكسىز جوعارىلاتۋ كەرەك. اۋىل شارۋاشىلىعى كاسىپ سالاسى شوعىرى قۇرىلىسىن كورنەكتى تۇردە ويداعىداي مىقتى يگەرىپ، شينجياڭ ەرەكشەلىگىنە جانە باسىمدىعىنا يە وسى زامانعى اۋىل شارۋاشىلىعى كاسىپ سالاسى جۇيەسىن جەدەل ورناتۋ كەرەك. ولكە دارەجەلى باسشىلاردىڭ كاسىپ سالاسى شوعىرىن كوتەرمەگە الۋ، بايلانىس جاساۋ مەحانيزمىن تياناقتاندىرىپ، كاسىپ سالاسى تىزبەگىندەگى ولقىلىقتاردى تولىقتاۋ، ارتىقشىلىقتاردى ساۋلەلەندىرۋ ٴىرى نىساندارىنان ٴبىر توبىن جوسپارلاپ، اتقارىپ، كاسىپ سالاسى تىزبەگىندەگى ٴتۇيىندى نىسان قويماسىن، ٴتۇيىندى كاسىپورىن قويماسىن قۇرىپ، اۋىل شارۋاشىلىعىن كاسىپ سالالاندىرۋداعى جەتەكشى كاسىپورىنداردى زورايتىپ، كۇشەيتىپ، اۋىل شارۋاشىلىعىنا ساياتىن حالىقتىق كاسىپورىندارعا باعىتتالعان قولداۋ تەبىنىن ارتتىرىپ، اۋىل شارۋاشىلىق ونىمدەرى بازارىن اشۋدى جاپپاي تەرەڭدەتىپ، اۋىل ـ قىستاقتىڭ جاڭا كاسىپ سالاسىن، جاڭا كاسىپ كۇيىن جەتىلدىرۋ، دامىتۋ كەرەك. فاكتورلىق قامتاماسىزدىقتى كۇشەيتىپ، وسى زامانعى اۋىل شارۋاشىلىعىنىڭ جوعارى ساپالى دامۋىنا بەرىك نەگىزدىك تىرەك ازىرلەۋ كەرەك. ەگىستىك جەردى قورعاۋ جاۋاپكەرشىلىگىن قاتايتىپ، ەگىستىك جەر قىزىل سىزىعىن قاتاڭ ساقتاپ، جوعارى ولشەمدى ەگىنجاي قۇرىلىسىن تىڭعىلىقتى ىلگەرىلەتۋ كەرەك. سۋ ۇنەمدەۋ، سۋ ساقتاۋ، سۋ جەتكىزۋ، سۋ مولايتۋدى ٴبىر تۇتاس جوسپارلاپ، سۋ بايلىعىنان شوعىرلى، ۇنەمدى، جوعارى ٴونىمدى پايدالانۋ دەڭگەيىن جوعارىلاتىپ، ٴىرى سۋ بايلىعىن ۇلەستىرۋ ينجەنەريالارىن جانە سۋ بايلىعىن رەتتەۋ، ىركۋ قۋاتى قۇرىلىسىن جۇيەلى ىلگەرىلەتۋ كەرەك. عىلىم ـ تەحنيكا مەن رەفورمانىڭ قاتار دەم بەرۋىن كۇشەيتىپ، اۋىل ـ قىستاقتى گۇلدەندىرۋدەگى قوزعاۋشى كۇشتى، جالىندى كۇشتى قاۋلاتۋ كەرەك. ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسىنىڭ“ تاجىريبەلەرىن ىشكەرىلەي ۇيرەنىپ، قولدانىپ، اۋىل ـ قىستاق قۇرىلىسى مەن باسقارۋ ورەسىن جوعارىلاتۋ كەرەك. اۋىل ـ قىستاقتىڭ قونىس ورتاسىن رەتتەۋ ـ وڭاۋدى ىشكەرىلەي ىلگەرىلەتىپ، نەگىزدىك قۇرىلعىلار قۇرىلىسى مەن الەۋمەتتىك قىزمەت وتەۋ دەڭگەيىن ۇزدىكسىز جوعارىلاتۋ كەرەك. اۋىل ـ قىستاق نەگىزگى ساتى پارتيا ۇيىمى قۇرىلىسىن كۇشەيتىپ، تاڭداۋلى كادرلاردىڭ، دارىندىلاردىڭ نەگىزگى ساتىعا بارۋىن ىلگەرىلەتىپ، قىستاقتا تۇرۋ قىزمەتىن كۇشەيتۋ جانە ساپالىلاندىرۋ كەرەك. تىنىش اۋىل ـ قىستاق قۇرىلىسىن ويداعىداي يگەرىپ، جۇڭحۋا ۇلتى ورتاق تۇلعا تانىمى مەن شينجياڭدى مادەنيەتپەن نارلەندىرۋ قىزمەتىن ناقتىلى، اسەرلى، ٴونىمدى تۇردە ويداعىداي ىستەپ، ٴار ۇلت ەگىنشى ـ مالشى قاۋىمىن وسى زامانعى وركەنيەتتى تۇرمىسپەن توعىسۋعا جەتەكتەۋ كەرەك. قابىلەتتى، دەڭگەيدى جاپپاي جوعارىلاتىپ، اۋىل شارۋاشىلىعى، اۋىل ـ قىستاق، شارۋالار قىزمەتىنىڭ جوعارى ساپالى ماماندانعان كادر، دارىندىلار قوسىنىن تۇلعالاۋ كەرەك. اۋىل ـ قىستاقتى گۇلدەندىرۋ جاۋاپكەرشىلىك ٴتۇزىمىن تياناقتاندىرۋدى مىقتى يگەرىپ، 5 دارەجە شۋجيلەرىنىڭ اۋىل ـ قىستاقتى گۇلدەندىرۋدى يگەرۋىن كۇشەيتىپ، كاسپىتىك قابىلەتتى زور كۇشپەن جوعارىلاتىپ، اۋىل شارۋاشىلىعى، اۋىل ـ قىستاق، شارۋالار قىزمەتىن يگەرۋدىڭ مايتالمانى بولۋ كەرەك. اۋىل شارۋاشىلىعىنا ساياتىن كادرلاردى تاربيەلەۋ تەبىنىن ۇلعايتىپ، ٴتۇرلى دارىندىلاردى اۋىل ـ قىستاقتى گۇلدەندىرۋگە ات سالىسۋعا جەتەكتەۋ كەرەك. دۇرىس ناتيجە كوزقاراسىن بەرىك ورناتىپ، ”ٴتورتتى نەگىزگى ساتىعا ٴتۇسىرۋدى“ اسقاقتاتىپ، فورماشىلدىق، تورەشىلدىك ماسەلەلەرىن باتىل تۇزەتىپ، نەگىزگى ساتىداعى كادرلاردىڭ اۋىرتپالىعىن ۇزدىكسىز جەڭىلدەتىپ، ەگىنشى ـ مالشىلاردىڭ ۇقىق ـ مۇددەسىنە سۇعاناقتىق جاساعان ”ميكرو شىرىكتەسۋدى“ قاتاڭ تەكسەرىپ ٴبىر جاقتى ەتۋ كەرەك.

  ەركىن تۇنياز ٴماجىلىستى باسقارعاندا بىلاي دەپ اتاپ كورسەتتى: جەر ـ جەر، تاراۋلار اۋىل شارۋاشىلىعى، اۋىل ـ قىستاق، شارۋالار قىزمەتىن باستان ـ اياق ەڭ باستى ٴتۇيىن ەتىپ، اۋىل شارۋاشىلىعىن، اۋىل ـ قىستاقتى الدىمەن دامىتۋ تالابىن تياناقتاندىرىپ، اۆتونوميالى رايوندىق پارتكومنىڭ تۇراقتاندىرعان ٴتۇيىندى مىندەتتەرىن مىقتاپ ارقاۋ ەتىپ، نازاردى ”ەكىگە شىنايى كەپىلدىك ەتۋگە، ٴۇشتى جوعارىلاتۋعا، ەكىنى كۇشەيتۋگە“ شوعىرلاندىرىپ، اۋىل ـ قىستاقتى جاپپاي گۇلدەندىرۋدى ىلگەرىلەتۋدى نەگىزگى تۇتقا ەتىپ، ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسىنىڭ“ تاجىريبەلەرىن ۇيرەنىپ، ويداعىداي قولدانىپ، استىقپەن جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋىن قامتاماسىز ەتۋ، ەگىنشى ـ مالشىلاردىڭ كىرىسىن ارتتىرۋ، اۋىل شارۋاشىلىعى، اۋىل ـ قىستاق، شارۋالار فاكتورلىق قامتاماسىزدىعى سياقتى ٴتۇيىندى قىزمەتتەردى ناقتى، ەگجەي ـ تەگجەيلى تياناقتاندىرىپ، بيىلعى اۋىل شارۋاشىلىعى، اۋىل ـ قىستاق، شارۋالار قىزمەتىنىڭ نىسانا ـ مىندەتتەرىن ورىنداۋعا شىنايى كەپىلدىك ەتۋ كەرەك. قىزمەت جاۋاپكەرشىلىگىن قاتايتىپ، ناقتىلاندىرىپ، ٴبىر دارەجەنىڭ ٴبىر دارەجەنى مىقتى يگەرۋىن، ساتىلار بويىنشا مىقتى يگەرۋدى تياناقتاندىرۋ كەرەك. قىزمەت ستيلىنە تىنباي بۇرىلىس جاساپ، يدەيانى ازات ەتىپ، شىندىققا جۇگىنىپ ناقتى ىستەپ، فورماشىلدىق، تورەشىلدىك ماسەلەلەرىن كۇش سالا وڭاپ، شينجياڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتىندە جاڭا جاعداي اشۋدى ىلگەرىلەتۋ كەرەك.

  جاڭ جۋ سوزىندە اۋىل شارۋاشىلىعى، اۋىل ـ قىستاق، شارۋالار قىزمەتىنە ناقتى ورنالاستىرۋ جاسادى: مەملەكەت قاجەتىن جانە شينجياڭ قابىلەتىن ٴبىر تۇتاس جوسپارلاپ، مەملەكەتتىڭ استىق حاۋىپسىزدىگىن قامتاماسىز ەتۋگە تاعى دا ۇلەس قوسۋ؛ سۋ، جەر، تۇقىم، اۋىل شارۋاشىلىق ماشينالارى سياقتى شەشۋشى فاكتورلاردى يگەرىپ، وسى زامانعى اۋىل شارۋاشىلىعىنىڭ دامۋ نەگىزىن جالپى بەتتىك نىعايتۋ؛ كولەمدى قايتا كەدەيلەسۋ تۋىلماۋ تومەنگى سىزىعىن باتىل ساقتاۋ؛ ەرەكشە كاسىپ سالاسى شوعىرىن قۇرۋ وي جەلىسىندە، ۇستانىمىندا بۇرىلىس جاساۋدى جانە دامۋ ٴتاسىلىنىڭ دارەجەسىن جوعارىلاتۋدى ىلگەرىلەتىپ، شينجياڭ ەرەكشەلىگىندەگى وسى زامانعى اۋىل شارۋاشىلىعى كاسىپ سالاسى جۇيەسىن ورناتۋ؛ قونىستانۋعا جايلى، كاسىپتەنۋگە ىڭعايلى بولۋدى جانە كورىكتى اۋىل ـ قىستاق قۇرىلىسىن تىڭعىلىقتى ىلگەرىلەتۋ؛ پارتيا قۇرىلىسى ارقىلى جەتەكشىلىك ەتۋگە تاباندى بولىپ، اۋىل ـ قىستاقتى باسقارۋ جۇيەسى مەن باسقارۋ قابىلەتىنىڭ وسىزاماندانۋىن جەدەل ىلگەرىلەتۋ؛ رەفورما جاساۋدى، جاڭالىق اشۋدى تەرەڭدەتىپ، اۋىل شارۋاشىلىعىندا قۋاتتى رايون قۇرىلىسىنىڭ ساياساتتىق پايداسىن جەدەل جارىققا شىعارۋ؛ ٴار دارەجەلى پارتكومنىڭ اۋىل شارۋاشىلىعى، اۋىل ـ قىستاق، شارۋالار قىزمەتى كۇشىن سەپتەپ، كۇشەيتىپ، اۋىل شارۋاشىلىعى، اۋىل ـ قىستاق، شارۋالار قىزمەتىندەگى شىڭدالعان كادرلار قوسىنىن قۇرۋ كەرەك.

  ماجىلىستە 2023 ـ جىلعى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋدى تەكسەرۋ، باعالاۋ جاعدايى حابارلاندىرىلدى، اۆتونوميالى رايوننىڭ وسى زامانعى اۋىل شارۋاشىلىعى كاسىپ سالاسى تەحنيكالىق جۇيەسىنىڭ نەگىزگى ماماندارىنىڭ ەسىمدىگى جاريالاندى، ىلە قازاق اۆتونوميالى وبلىسىنىڭ، اقسۋ ايماعىنىڭ، ماكىت اۋدانىنىڭ، كەريا اۋدانىنىڭ، ماناس اۋدانىنىڭ، شينجياڭ تايكۇن توبىنىڭ قاتىستى جاۋاپتى جولداستارى پىكىر اۋىستىرىپ ٴسوز سويلەدى. ٴماجىلىس كەزىندە ماجىلىسكە قاتىناسقان جولداستار اۆتونوميالى رايوننىڭ ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسىنىڭ“ تاجىريبەلەرىنەن ۇيرەنۋدى، قولدانۋدى، اۋىل ـ قىستاقتى جاپپاي گۇلدەندىرۋدى پارمەندى، ٴونىمدى ىلگەرىلەتۋگە قاتىستى حۇجاتتاردى جانە اۋىل ـ قىستاقتى گۇلدەندىرۋ ستراتەگياسىن اتقارۋدىڭ ناقتى جەتىستىكتەرىن باعالاۋعا قاتىستى حۇجاتتاردى تالقىلادى.

  چىن ۋيجۇن، قادەن كابەن، اۆتونوميالى رايوندىق ۇكىمەتتىڭ جانە بيڭتۋاننىڭ قاتىستى باسشىلارى، اۆتونوميالى رايونداعى قاتىستى ورىندارداعى جاۋاپتى جولداستار جانە ماماندار، كاسىپورىن ۋاكىلدەرى، ورتالىقتىڭ شينجياڭدا تۇراتىن قاتىستى ورىندارىنداعى، فينانس قۇرىلىمدارىنداعى، عىلمي زەرتتەۋ ورىندارىنداعى، جوعارى وقۋ ورىندارىنداعى جاۋاپتى جولداستار نەگىزگى ٴماجىلىس الاڭىندا ماجىلىسكە قاتىناستى. ٴارقايسى ايماق، وبلىس، قالالاردا، اۋدان، قالا، رايونداردا جانە بيڭتۋاننىڭ شى، قالا، تۋان ـ الاڭدارىندا بولىمىشە ٴماجىلىس الاڭى ورنالاستىرىلدى.