ۋاقىتتى مىقتى يگەرىپ، تيانشان الابىندا ەكپىندەي ىلگەرىلەۋ كۇيىن اسقاقتاتتى

日期:2024年02月21日
来源:新疆日报
【字体:

  2 ـ ايدىڭ 19 ـ كۇنى جۇمىسشىلار ٴۇرىمجى ەكونوميكالىق ـ تەحنيكالىق اشۋ رايونىنداعى (توۋتۇنحى رايونى) شانشي اۆتوكولىك توبى شينجياڭ اۆتوكولىك شەكتى سەرىكتەستىگىنىڭ ٴوندىرىس سەحىندا جۇمىس ىستەۋدە. بيىل بۇل كاسىپورىن 862 اۆتوكولىك تاپسىرىسىن قابىلدادى، مۇنىڭ 396سى ەكسپورت تاپسىرىسى بولىپ، ”ٴساتتى باستامانى“ جۇزەگە اسىردى.

  □ سۋرەتتى انار بۇلت \ شينجياڭ گازەتىنىڭ ٴتىلشىسى شيە لۇڭ تۇسىرگەن

    □ انار بۇلت \ شينجياڭ گازەتىنىڭ تىلشىلەرى

  سەحتا ماشينالار دامىلسىز جۇمىس جۇرگىزدى، ۋاقىتپەن جارىسىپ، تاپسىرىستى ورىنداۋعا قۇلشىندى؛ قۇرىلىس ورنىندا جابدىقتار گۇرىلدەپ، كۇندى تۇنگە جالعاپ قارقىندى تەزدەتتى؛ جەر ـ جەر ەرتە جوسپارلاپ، ەرتە دايىندالىپ، كوكتەمگى ەگىس دايىندىعىن ەرتە باستان يگەرىپ ەرتە قامداندى... ۋاقىتتى مىقتى يگەرىپ، تيانشان الابىندا ۇلۋ جىلىنداعى شىعانداعان ەكپىندەي ىلگەرىلەۋ كۇيىن اسقاقتاتتى.

  2 ـ ايدىڭ 19 ـ كۇنى G0711 جەلىسى ٴۇرىمجى _ لوپنۇر جوعارى قارقىندى تاس جولى تيانشان جەڭىس تۋنەلىنىڭ كىرەر اۋزىنداعى جۇمىس باسىندا ماشينالاردىڭ گۇرىلدەگەن داۋىسى بىردە كوتەرىلىپ، بىردە باسەڭدەدى، جۇمىسشىلار تۋنەلدىڭ ٴاربىر بولىگىندە قاۋىرت جۇمىس ىستەدى، اۆتوكولىكتەر ۇڭگىردەگى قۇرىلىس قالدىقتارىن تۋنەلدەن توقتاۋسىز تاسىپ شىعاردى.

  ”كوكتەم مەرەكەسىندە ٴبىز جۇمىس ورنىمىزدان تاپجىلماي، قۇرىلىس قارقىنىنا شىنايى كەپىلدىك ەتتىك“. جۇڭگو قاتىناس قۇرىلىس توبى شينجياڭ ٴۇرىمجى _ لوپنۇر تاس جولىنىڭ PPP نىسانىن مىندەتىنە العان ٴۇرىمجى _ لوپنۇر جەر قۇرىلىسى 5 ـ بولىك نىسان ٴبولىمىنىڭ ديرەكتورى ۋاڭ حىچي بىلاي دەدى: بيىل نىسان ٴبولىمى ورتالىق تۋنەل ۇڭگىرىندە قۇرىلىس جۇرگىزۋدى باستى مىندەت ەتىپ، نەگىزگى ۇڭگىرگە قاجەتتى جۇمىس اۋماعىن دايىنداپ، جۇمىس مەرزىمىن قاۋىرت ورنالاستىرىپ، ٴوندىرىس جوسپارىن ايقىنداپ، جەتكىلىكتى قۇرىلىس بايلىعىن ورنالاستىرىپ، جىلدىق جوسپاردىڭ ٴساتتى ورىندالۋىنا شىنايى كەپىلدىك ەتەدى.

  تيانشاننان ەندەي وتەتىن، تيانشان جەڭىس تۋنەلىنىڭ شىعار اۋزىنداعى ورتالىق تۋنەل ۇڭگىرىنىڭ ىشىندە TBM جۇرگىزۋشىسى الىپ قازۋ ماشيناسىن مەڭگەرە وتىرىپ، بىرتە ـ بىرتە العا قاراي ىلگەرىلەۋدە، سوڭعى بۋىنداعى قۇرىلىس جۇرگىزۋشىلەر دەرەۋ بولات ارقان سورەنى ورناتىپ، بەتون بۇركىپ، قورشامالى تاستىڭ حاۋىپسىزدىگىنە كەپىلدىك ەتتى. كەزەكتە تيانشان جەڭىس تۋنەلىنىڭ شىعار اۋزىنداعى سول جاق ۇڭگىردەن جيىنى 9075.4 مەتر، وڭ جاق ۇڭگىردەن جيىنى 9193.3 مەتر، ورتالىق تۋنەل ۇڭگىرىنەن جيىنى 11685.45 مەتر قازىلدى، بارلىق قۇرىلىسشى جىلدىق مىندەتتى كوزدە ۇستاي وتىرىپ قۇرىلىس قارقىنىن جەدەل ىلگەرىلەتتى.

  2 ـ ايدىڭ 18 ـ كۇنى نا ـ ايسى ٴۇرىمجى شەكتى سەرىكتەستىگىنىڭ ٴوندىرىس سەحىنا كىرگەنىمىزدە، جۋۋ سۇيىقتىعىنىڭ حوش ٴيىسى مۇرىندى جاردى، 3 تارماق ٴوندىرىس جەلىسى تولىق اينالىسقا ٴتۇسىپ، جۇمىسشىلار ٴوندىرىس جەلىسىنىڭ ٴاربىر بۋىنىندا قاربالاس جۇمىس ىستەپ، 28 مىڭ توننالىق جىلدىق ٴوندىرىس نىسانا ـ مىندەتىن ورىنداۋدا جاقسى باستاما اشۋعا قۇلشىنۋدا ەكەن.

  ”كوكتەم مەرەكەسى دەمالىسىنان كەيىن جۇمىس باستاعان العاشقى كۇندە سەرىكتەستىكتىڭ كۇندىك ٴونىمى 70 تونناعا جەتتى“. سەرىكتەستىكتىڭ ٴوندىرىس ٴبولىمىنىڭ باستىعى لي شينتۇڭ بىلاي دەپ تانىستىردى: سەرىكتەستىكتىڭ بيىلعى ٴوندىرىس نىساناسى بىلتىرعىدان %10 ارتتى. شينجياڭ ەركىن ساۋدا سىناق رايونىن قۇرۋ ورايىنان پايدالانعان سەرىكتەستىك ورتا ازيا بازارىمەن بەلسەنە توعىستى، ”قازىر ٴبىز قازاقستانداعى ساتۋشى ساۋداگەرلەرمەن باستاپقى نيەتناماعا كەلدىك، ونىمدەردىڭ شەتەلگە شىعارىلۋىن ٴۇمىت ەتەمىز“.

  بەيتۇن قالاسىنداعى شينجياڭ دالوسۋ كارتوپ ونىمدەرى شەكتى سەرىكتەستىگىنىڭ ٴوندىرىس سەحىندا دومالاڭداعان كارتوپتار اۆتوماتتى ۇلاسپالى جەلىدە جۋۋ، قابىعىن ارشۋ، جاپىراقتاۋ سياقتى كوپ جۇمىس تارتىبىنەن وتكەننەن كەيىن، اپپاق كارتوپ تالقانىنا اينالدى، الدا شاندۇڭ، شاڭحاي، حۋبەي سياقتى جەرلەرگە ساتىلادى. ”ەكى ٴوندىرىس جەلىسى تاۋلىك بويى توقتامايدى، كۇنىنە 40 توننادان استام ٴونىم وندىرەدى“، ـ دەدى وسى سەرىكتەستىكتىڭ ورىنباسار باس ديرەكتورى لي جياڭ.

  وسى سەرىكتەستىك كارتوپ تالقانىن مانەرلەۋدى نەگىز ەتكەن اۋىل شارۋاشىلىق عىلىم ـ تەحنيكا سەرىكتەستىگى 2023 ـ جىلى ونەركاسىپ ٴونىم قۇنىن جالپى 100 ميلليون يۋاننان اسىردى. لي جياڭ بىلاي دەدى: بيىل ٴبىرىنشى ماۋسىمدا سەرىكتەستىك 2800 توننادان استام كارتوپ تالقانىن ٴوندىرىپ، 30 ميلليون يۋاننان استام ٴونىم قۇنىن جۇزەگە اسىرادى.

  قازىر حوتان ايماعىندا ٴبىر ميلليون 700 مىڭ 200 مۋ جەردەگى دۇمبە ٴبيداي قايتا كوكتەۋدىڭ شەشۋشى مەزگىلىندە تۇر، جەر ـ جەر جەدەل ارەكەتتەنىپ، اۋا تەمپەراتۋراسىنىڭ قايتا ورلەۋىنىڭ ٴتيىمدى ورايىن مىقتى يگەرىپ، قايتا كوكتەۋ مەزگىلىندە بەرىلەتىن تىڭايتقىشتى ۇستەۋ قىزمەتىن جاپپاي ورىستەتىپ، بيىلعى استىقتان مول ٴونىم الۋعا شىنايى كەپىلدىك ەتۋگە نەگىز قالادى.

  حوتان قالاسى تۇساللا قالاشىعى پارتكومىنىڭ ورىنباسار شۋجيى، قالاشىق باستىعى اراپات بولات بىلاي دەدى: بيىل تۇتاس قالاشىقتا 36 مىڭ 800 مۋ جەرگە دۇمبە ٴبيداي ەگىلدى، قازىر قالاشىق عىلىم ـ تەحنيكا جەتەكشىلەرىن اتىز باسىنا بارىپ، تەحنيكالىق ۇگىت تاربيەسىن جانە جەتەكشىلىك ەتۋ قىزمەتىن ورىستەتۋگە ۇيىمداستىردى، مەجەمەن قايتا كوكتەۋ مەزگىلىندە بەرىلەتىن تىڭايتقىشتى ۇستەۋ قىزمەتى ايدىڭ سوڭىنان بۇرىن تولىق ورىندالاتىن بولادى.

  كوكتەمگى ەگىسكە كەپىلدىك ەتۋ ٴۇشىن، جاقىنعى كۇندەردەن بەرى شينجياڭ جينتيانچىڭ ماشينا جابدىقتار شەكتى سەرىكتەستىگى ٴوندىرىس تەبىنىن ارتتىرىپ، ۇستەمەلەپ جۇمىس ىستەپ تاپسىرىستاردى ورىنداۋعا قۇلشىندى، ٴار كۇنگى ٴونىم قۇنى شامامەن 500 مىڭ يۋان بولدى. وسى سەرىكتەستىكتىڭ قازىنا ديرەكتورى جاڭ يىڭ بىلاي دەپ تانىستىردى: سەرىكتەستىك شارۋا وتباسىلارىن ۇيىمداستىرىپ اۋىل شارۋاشىلىق ماشينا جابدىقتارىن پايدالانۋ، سىناق ەتۋ سياقتى كۋرستار اشتى، سونىمەن بىرگە كوكتەمگى ەگىس كەزىندە تەحنيكتەردى ەگىنشىلىك وتباسىلارىنا قىزمەت وتەۋگە جىبەرەدى.