اۆتونوميالى رايوندىق حالىق قۇرىلتايى تۇراقتى كوميتەتى 24 ـ رەتكى مەڭگەرۋشىلەر ٴماجىلىسىن وتكىزدى

日期:2024年02月21日
来源:新疆日报
【字体:

  انار بۇلت \ شينجياڭ گازەتىنىڭ ٴتىلشىسى جاڭ لەي 2 ـ ايدىڭ 19 ـ كۇنى ۇرىمجىدەن حابارلايدى. 2 ـ ايدىڭ 19 ـ كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتى 24 ـ رەتكى مەڭگەرۋشىلەر ٴماجىلىسىن وتكىزدى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى.

  ٴماجىلىس اۆتونوميالى رايوندىق 14 ـ كەزەكتى حالىق قۇرىلتايى 2 ـ ٴماجىلىسى ۋاكىلدەرىنىڭ ۇسىنىستارىن بىتىرۋگە تاپسىرۋ قىزمەتىنە قاتىستى ىستەردى اقىلداستى.

  ٴماجىلىس مىنالاردى باسا دارىپتەدى: ۋاكىلدەردىڭ ۇسىنىستارىن ٴبىتىرۋ قىزمەتىن ويداعىداي ىستەۋدىڭ ماڭىزدى ٴمانىن جەتە تانىپ، ”جوعارى ساپالى ٴبىتىرۋ“ نىسانا ـ تالابىمەن تىعىز بايلانىسىپ، ٴبىتىرۋدى مىندەتىنە العان ورىندارمەن بەلسەنە ٴتۇيىلىسىپ، پىكىر اۋىستىرۋدى، بايلانىستى كۇشەيتىپ، قاتىستى ورىنداردى شىنايى يگەرىپ، ناقتى بىتىرۋگە، ساپاعا ٴمان بەرۋگە قۋزاپ، ”ٴاربىرىن تياناقتاندىرۋدى، بارلىق ىسكە جاۋاپ قايتارۋدى“ شىنىمەن ورىنداپ، بۇقارا كوڭىل ٴبولىپ وتىرعان قولامتالى، قيىن ماسەلەلەردى شەشۋدە ناقتى ونىمدىلىك بولۋدى ىلگەرىلەتۋى كەرەك. قاتىستى تاراۋلارمەن بايلانىس جاساۋدى، سايكەسۋدى ويداعىداي ىستەپ، اۆتونوميالى رايوننىڭ پارتيا، ۇكىمەت باسشى كادرلارى باستاماشىلدىقپەن قۋزاپ بىتىرەتىن ۋاكىلدەردىڭ ۇسىنىستارىن تەز ارادا بەلگىلەپ، ۋاكىلدەردىڭ ۇسىنىستارىن بىتىرۋگە تاپسىرۋ ٴماجىلىسىنىڭ ٴتۇرلى دايىندىق قىزمەتتەرىن ويداعىداي ىستەپ، ۋاكىلدەردىڭ ۇسىنىستارىن جوعارى ساپامەن ٴبىتىرۋ ارقىلى اۆتونوميالى رايون ەكونوميكاسىنىڭ، قوعامىنىڭ جوعارى ساپالى دامۋىنا دەم بەرۋ كەرەك.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ ميڭشان، توحتى ياقۇپ، مۇقيات جارمۇقامەت، ٴدىلشات قىدىرقان، پيڭ شينلاي، ۋاڭ گوحى، ٴمامتىمىن قادىر، باس حاتشى ٴمۇتالىپ روزى ماجىلىسكە قاتىناستى.