استىق ٴونىم مولشەرى جوعارىلادى، ماقتا ٴونىم مولشەرى ورنىقتى بولدى، قۇنارلى جەردىڭ قۇنى ارتتى
_ 2023 ـ جىلعى شينجياڭنىڭ وسى زامانعى اۋىل شارۋاشىلىعىنىڭ دامۋى تۋرالى جالپى شولۋ
□ انار بۇلت \ شينجياڭ گازەتىنىڭ ٴتىلشىسى ليۋ ي
2023 ـ جىلى شينجياڭدا اۋىل شارۋاشىلىعىنان تاعى دا مول ٴونىم الىندى، تيانشان الابىندا استىق ٴتۇسىمى مول بولىپ، قامباعا استىق تولدى.
ٴبىر جىلدان بەرى، شينجياڭ مەملەكەتتىك ساپالى ەگىن، مال شارۋاشىلىعى ونىمدەرىمەن قامداۋ ماڭىزدى بازاسىن قۇرۋ ستراتەگيالىق ورنىن تياناق ەتىپ، نازاردى استىق ٴوندىرىسى، ەگىستىك جەردى قورعاۋ سياقتى ٴتۇيىندى مىندەتتەرگە شوعىرلاندىرىپ، ٴوندىرىس قۇرىلىمىن ۇزدىكسىز رەتتەدى، ساپالىلاندىردى، دامۋ نەگىزىن بەكەمدەپ، تۇتاس رايوننىڭ ەگىن، مال شارۋاشىلىعى ونىمدەرىمەن قامداۋ قابىلەتى ورنىقتى جوعارىلادى، استىق ٴونىم مولشەرى ارتىپ، ماقتا ٴونىم مولشەرى ورنىقتى بولىپ، تاعى دا تاماشا ناتيجە جاراتىپ، مەملەكەتتىڭ استىق جانە ماڭىزدى اۋىل شارۋاشىلىعى ونىمدەرىنىڭ حاۋىپسىزدىگىن قامتاماسىز ەتۋگە تىڭ ۇلەس قوستى.
استىقتان، ماقتادان قۋانارلىق مول ٴونىم الىنىپ، وندىرىستە تاعى دا تاماشا ناتيجە جاراتىلدى
2023 ـ جىلى شينجياڭنىڭ استىق، ماقتا، جەمىس ـ جيدەك، مال تۇلىگى سياقتى نەگىزگى اۋىل شارۋاشىلىق ونىمدەرىنىڭ ٴوندىرىس قۋاتى ورنىقتى ارتىپ، اۋىل شارۋاشىلىق ٴوندىرىسىنىڭ جالپىلىق ونىمدىلىگى ۇزدىكسىز جوعارىلادى.
شينجياڭ جاڭا كەزەكتى 100 ميلليارد جىڭ استىق ٴوندىرىس قۋاتىن جوعارىلاتۋ ارەكەتىن بەلسەنە تياناقتاندىرىپ، استىق ٴوندىرىسىنىڭ ورنالاسىمى مەن ەگىمشىلىك قۇرىلىمىن ساپالىلاندىردى، استىق ٴوندىرىس قۋاتىن جوعارىلاتۋ ارەكەتى مەن ٴبيداي، جۇگەرىنى ٴتۇيىن ەتكەن استىقتىڭ بىرلىك ٴونىمىن جوعارىلاتۋ ينجەنەرياسىن اتقاردى. بۇكىل رايوندا استىق ەگىلگەن جەر اۋدانى 42 ميلليون 372 مىڭ مۋعا، جاڭادان ارتقان جەر اۋدانى 5 ميلليون 863 مىڭ مۋعا، جالپى ٴونىمى 21 ميلليون 192 مىڭ تونناعا جەتىپ، 3 ميلليون 57 مىڭ توننا ارتىپ، استىقتىڭ جالپى ٴونىمى تۇڭعىش رەت 20 ميلليون توننادان اسىپ، تاريحتاعى ەڭ جوعارى ورەنى قايتالاي جاراتتى، استىق ەگىلگەن جەر اۋدانى، جالپى ٴونىم مولشەرى سىندى 2 ارتۋ مولشەرى تۇگەلدەي بۇكىل ەل بويىنشا ٴبىرىنشى ورىندى يەلەپ، ”اس كەسەسىن“ ٴوز قولىندا مىقتاپ ۇستاپ قالماستان، مەملەكەتتىڭ استىق حاۋىپسىزدىگىن قامتاماسىز ەتۋگە اناعۇرلىم زور ۇلەس قوستى.
شينجياڭداعى ەڭ ۋاكىلدىك سيپاتقا يە ەكونوميكالىق داقىل بولعان ماقتادان 2023 ـ جىلى تاعى دا جوعارى دەڭگەيدە مول ٴونىم الىندى. اۋىل شارۋاشىلىعى، اۋىل ـ قىستاق تاراۋلارى جەر ـ جەردى تومەن ساپالى، تومەن ٴونىمدى ماقتا اتىزىنان شەگىنىپ شىعۋعا جەتەكتەپ، ماقتا ەگىلەتىن جەردى تەگىستەۋ، تۇقىم سەبۋ، كۇزەۋ، جاپىراق ٴتۇسۋ سياقتى ٴونىم مولشەرى مەن ساپانى جوعارىلاتۋداعى شەشۋشى تەحنيكالىق بۋىنداردى ٴجىتى قاداعالاپ، سورت جالپىلاستىرۋدى ارناعا ٴتۇسىرۋ، اتىز باسقارۋدى كۇشەيتۋ، ٴبىر تۇتاس جيناۋ، مانەرلەۋ ولشەمىن بىرلىككە كەلتىرۋ سياقتى شەشۋشى شارالار ارقىلى تومەن تەمپەراتۋرا، ۇسىك اپاتى سياقتى اپاتتى اۋا رايىنا ٴونىمدى توتەپ بەرىپ، ماقتانىڭ ”بىرلىك ٴونىمى ارتۋ، جالپى ٴونىمى ورنىقتى بولۋ، ساپاسى جاقسى بولۋ“ نىساناسىن جۇزەگە اسىردى.
ساندى مالىمەتتە كورسەتىلۋىنشە، 2023 ـ جىلى شينجياڭدا ماقتانىڭ جالپى ٴونىم مولشەرى 5 ميلليون 112 مىڭ تونناعا جەتىپ، بۇكىل ەلدەگى جالپى ٴونىم مولشەرىنىڭ %91ىن يەلەگەن، جالپى ٴونىمى، بىرلىك ٴونىمى، ونىمدەردى جايعاستىرۋ مولشەرى ٴۇرتىس 30 جىل بويى بۇكىل ەل بويىنشا ماڭداي الدى ورىندا بولعان.
شينجياڭنىڭ اۋىل شارۋاشىلىق ٴوندىرىس قۋاتىنىڭ جوعارىلاۋى، تۇپتەپ كەلگەندە، بۇقارانىڭ ”كوجە قاتىعىنان“ بەينەلەنەدى. وسى ٴبىر جىلدا شينجياڭدا مايلى داقىل جانە قانت ماتەريالدارى سياقتى ەكونوميكالىق داقىلداردىڭ ەگىلۋ كولەمى كورنەكتى ارتتى، كوكونىس ٴونىم مولشەرى 16 ميلليون توننادان اسىپ، بۇكىل رايونىمىزدا كوكونىسپەن ەڭ تومەنگى شەكتەن تۇسىرمەي قامداۋعا كەپىلدىك ەتىلدى. جەمىس ورمان شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ ينجەنەرياسى ىشكەرىلەي اتقارىلىپ، جەمىس ورمان شارۋاشىلىعىنىڭ ٴونىم مولشەرى 13 ميلليون 780 مىڭ تونناعا جەتتى. بۇكىل رايونىمىز مال شارۋاشىلىعىن گۇلدەندىرۋ ارەكەتىن اتقارۋدى تۇتقا ەتىپ، ەگىن، مال شارۋاشىلىعىن ۇشتاستىرۋعا تاباندى بولدى، سيىر، قوي ٴوندىرىسىن نەگىزگى قامال الۋ ٴتۇيىنى ەتىپ، ٴسۇت شارۋاشىلىعىنىڭ ساپاسىن جوعارىلاتۋدى كۇشەيتتى، شوشقا كاسىپ سالاسىندا بۇرىلىس جاساۋدى جەدەلدەتىپ، كولەمدەنگەن باعىمشىلىقتى كەڭەيتتى، بۇكىل رايوننىڭ ەت، جۇمىرتقا، ٴسۇت ٴونىم مولشەرى جەكە ـ جەكە %9.4 ، %4.3 جانە %4.6 ارتتى.
نازار اۋدارۋعا تاتيتىنى، 2023 ـ جىلى شينجياڭ كولشىكتى ولشەمدەندىرىپ جاڭالاۋ، سۋ ونىمدەرىن اقاۋسىز باعۋ جانە ەكولوگيالىق باعىمشىلىقتان ۇلگى كورسەتۋ رايونىن قۇرۋ سياقتى شارالاردى اتقارۋ ارقىلى ٴار ۇلت بۇقاراسىن ساپالى سۋ ونىمدەرىمەن جانە كوركەم سۋ ايدىنى ورتاسىمەن قامداۋعا قۇلشىندى. بۇكىل رايوننىڭ سۋ ونىمدەرىنىڭ ٴونىم مولشەرى ۇزدىكسىز ارتىپ، تۇتاس جىلداعى ٴونىم مولشەرى 184 مىڭ تونناعا جەتىپ، الدىڭعى جىلداعىدان %6.36 جوعارىلاپ، تاريحتاعى ەڭ جوعارى ورەنى جاراتتى، ٴونىم مولشەرى باتىس سولتۇستىكتەگى 5 ولكە، اۆتونوميالى رايون بويىنشا ٴبىرىنشى ورىندى يەلەدى.
سۋ ـ جەر قامتاماسىزدىعىن كۇشەيتتى، ٴوندىرىس نەگىزىن بەكەمدەدى
ەگىستىك جەر مەن سۋ بايلىعى شينجياڭنىڭ اۋىل شارۋاشىلىعىن دامىتۋداعى شەشۋشى فاكتور، ونان دا ماڭىزدىسى، قاجەتتى زاتتىق نەگىز.
2023 ـ جىلى شينجياڭنىڭ سۋ يگىلىگى، اۋىل شارۋاشىلىعى، ورمان، جايلىم جانە اعارلاردى باسقارۋ سياقتى سۋمەن قامداۋ، سۋدان پايدالانۋ تاراۋلارى وزەن ارناسى سۋى، سۋ قويماسىنا سۋ ساقتاۋ، جەر استى سۋى جانە كاسىپ سالاسى قۇرىلىمى سياقتى جاعدايلارمەن ۇشتاستىرىپ، استىق داقىلدارىنىڭ، 2 ـ رەت كوتەرمەگە بەرىلگەن جەرلەردىڭ، نەگىزگى ەگىنجايلاردىڭ جانە جوعارى ولشەمدى ەگىنجايلاردىڭ سۋدان پايدالانۋىن الدىمەن قامتاماسىز ەتۋ، باسقا داقىلداردى يكەمدى ورنالاستىرۋ پرينسيبى بويىنشا ٴارقايسى ايماق، وبلىس، قالالاردى جانە اعار باسقارۋ ورىندارىن سۋ بايلىعىنىڭ ”جالپى مولشەرىن تىزگىندەۋ، يكەمدى ورنالاستىرۋ، رەتتەپ پايدالانۋ، حاۋىپ ـ قاتەردەن ساقتانۋ ـ تىزگىندەۋ“ پرينسيبىنە ساي، جىلدىق سۋارۋ، سۋمەن قامداۋ جوسپارىن ٴبىر تۇتاس جاساۋعا ۇيىمداستىردى. اۋىل شارۋاشىلىعى ٴوندىرىسى بارىسىندا ٴارقايسى تاراۋ ورنالاستىرۋ كەڭەسىن كۇشەيتىپ، داقىلدارعا قاراي، اۋدان ـ قالالارعا قاراي، سۋارۋ پەريودىنا قاراي، اۋىل شارۋاشىلىعىندا سۋارۋ بويىنشا سۋدان پايدالانۋ، سۋمەن قامداۋ جوسپارىن عىلمي جاساپ، ەگىس داقىلدارىن سۋارۋعا پايدالانىلاتىن سۋدى، اسىرەسە، استىق داقىلدارىن سۋارۋعا پايدالانىلاتىن سۋارۋدا سۋدان پايدالانۋ قاجەتىن تولىق قامتاماسىز ەتىپ، سۋمەن قامداۋ ساپاسىن، ونىمدىلىگىن شىنايى جوعارىلاتتى.
ٴبىر جىلدان بەرى، بۇكىل شينجياڭدا ٴبىر تۇتاس، جوعارى ٴونىمدى سۋ بايلىعىن باسقارۋ جۇيەسى العاشقى قادامدا ورناتىلىپ، سۋ بايلىعىن باسقارۋ ۇلگىسىندە ۇتىمسىز بولۋدان تىڭعىلىقتى، عىلمي بولۋعا قاراي بۇرىلىس جاساۋ ۇزدىكسىز ىلگەرىلەتىلدى، بۇكىل شينجياڭدا نەگىزگى وزەندەردەن كەلەتىن سۋ مولشەرى الدىڭعى جىلداعىدان %10 ازايعان جاعدايدا، سۋ بايلىعىن جۇيەلى جايعاستىرۋ جانە دالمە ـ ٴدال رەتتەۋ ارقىلى اۋىل شارۋاشىلىعىن سۋارۋدا سۋمەن قامداۋ مولشەرى ٴبىر ميلليارد 380 ميلليون تەكشەمەتر ارتتى، سۋ قويماسىنداعى سۋ ساقتاۋ مولشەرى سايكەس مەزگىلدەگىدەن ٴبىر ميلليارد 340 ميلليون تەكشەمەتر كوبەيدى، جەر استى سۋىنان 433 ميلليون تەكشەمەتر سۋ از الىنىپ، ”كوپ قامداۋ، كوپ ساقتاۋ، از اشۋ“ نىساناسىن جۇزەگە اسىرىپ، وسى زامانعى اۋىل شارۋاشىلىعىنىڭ دامۋىنا سۋ تىرەگىن، سۋ قامتاماسىزدىعىن ازىرلەدى.
سۋمەن جاقسى قامداۋ ٴۇشىن، سۋدان ٴتىپتى دە جاقسى پايدالانۋ كەرەك. 2023 ـ جىلى شينجياڭ ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ سىندى ماتەريالدىق نەگىزىن ونان ارى بەكەمدەپ، نازاردى ماڭگىلىك نەگىزگى ەگىنجايلارعا شوعىرلاندىرىپ، الدىمەن استىق ٴوندىرىسى يقۋات وڭىرىندە، ماڭىزدى اۋىل شارۋاشىلىق ونىمدەرىن ٴوندىرۋ، قورعاۋ وڭىرىندە جانە اۆتونوميالى رايون تۇراقتاندىرعان ”ميلليون مۋلىق ٴتورت“ ساپالى تۇقىم جەتىلدىرۋ بازاسىندا جوعارى ولشەمدى ەگىنجاي قۇردى. مەحانيزم ورناتۋ، ولشەمدى جوعارىلاتۋ، باقىلاۋ ـ باسقارۋدى قاتايتۋ سياقتى شارالار ارقىلى ەگىنجاي قۇرىلىسىن تۇتقا ەتە وتىرىپ، ”قۇرعاق ەگىپ، دىمقىل شىعارۋ“، ”سۋ مەن تىڭايتقىشتى ٴبىر تۇلعالاندىرۋ“ سياقتى اۋىل شارۋاشىلىق شەبەرلىكتەرىندەگى سۋ ۇنەمدەۋ شارالارىن جالپىلاستىرىپ، جوعارى ٴونىمدى سۋ ۇنەمدەۋ ينجەنەرياسى قۇرىلىسىن جۇرگىزىپ، سۋ بايلىعىنان پايدالانۋ ونىمدىلىگىن اناعۇرلىم جوعارىلاتىپ، استىق سياقتى ەگىس داقىلدارى ٴتۇسىمىن بىركەلكى ارتتىرۋدى جەبەدى.
قازىر شينجياڭدا كارتاعا ٴتۇسىرىلىپ، ساندى مالىمەت قويماسىنا ەنگىزىلگەن جوعارى ولشەمدى ەگىنجاي 55 ميلليون 580 مىڭ مۋعا جەتىپ، ماڭگىلىك نەگىزگى ەگىنجايدىڭ %67.6ىن ۇستادى، جوعارى ٴونىمدى سۋ ۇنەمدەۋ مەن سۋ ـ تىڭايتقىشتى ٴبىر تۇلعالاندىرىپ پايدالانۋ دەڭگەيى بۇكىل ەل بويىنشا الدىڭعى ورىندا تۇردى. جوعارى ولشەمدى ەگىنجاي قۇرىلىسىنا سۇيەنە وتىرىپ، شينجياڭنىڭ ەگىنجايلارىن سۋارۋعا پايدالانىلاتىن سۋدىڭ پايدالانۋ كوەففيتسەنتى 2018 ـ جىلعى 0.55تەن 2023 ـ جىلى 0.575كە جوعارىلادى، باسىم كوپ ساندى جوعارى ولشەمدى ەگىنجاي نىسانى وڭىرىندە ەگىنجايلاردى سۋارۋعا كەپىلدىك ەتۋ مولشەرى %85تەن استام دەڭگەيگە جەتتى. سالىنىپ بولعاننان كەيىنگى جوعارى ولشەمدى ەگىنجايلارداعى ٴبيدايدىڭ بىرلىك ٴونىمى %5تەن استام جوعارىلاپ، جۇگەرىنىڭ بىرلىك ٴونىمى %20تەن استام جوعارىلاپ، ەگىنجايلاردىڭ جالپىلىق ونىمدىلىگى مەن باسەكەلىك قۋاتى كورنەكتى جوعارىلادى.
عىلىم ـ تەحنيكالىق تىرەكتى كۇشەيتىپ، دامۋ ونىمدىلىگىن جوعارىلاتتى
شينجياڭنىڭ اۋىل شارۋاشىلىق وندىرىسىندە ارت ـ ارتىنان مول ٴونىم الۋ بارىسىندا عىلىم ـ تەحنيكا مەن جابدىق ماڭىزدى فاكتورعا اينالدى.
”سورتتى تۇقىمعا تاماشا ٴادىستى سايكەستىردى، سەلبەستىك كووپەراتيۆىنىڭ ٴبيداي ٴوندىرىس قۋاتى تىڭ ساتىعا كوتەرىلدى“. اۋات اۋدانى شينحۇيچىڭ اۋىل شارۋاشىلىق ماشينالارى بويىنشا قىزمەت وتەۋ شارۋالار كاسىپتىك سەلبەستىك كووپەراتيۆى بىرلەسكەن كووپەراتيۆىنىڭ القا باستىعى لەي يانگاڭ بىلاي دەدى: وسى 2 جىلدا سەلبەستىك كووپەراتيۆىمىزدىڭ ٴبيدايى تۇگەلدەي جوعارى ولشەمدى ەگىنجايدا ەگىلدى، توپىراق قۇرامىن ولشەپ تىڭايتقىش بەرۋ، سۋ ـ تىڭايتقىشتى ٴبىر تۇلعالاندىرىپ باسقارۋ سياقتى وزىق ەگىمشىلىك تەحنيكاسى قولدانىلۋ ارقىلى ٴبيدايدىڭ ورتاشا بىرلىك ٴونىمى بۇرىنعىدان 50 كيلوگرامعا جۋىق جوعارىلاپ، ونىمدىلىگى كورنەكتى ارتتى.
وزىق، قولدانىلمالى تەحنيكالاردى اناعۇرلىم تەز جالپىلاستىرۋ ٴۇشىن، بىلتىر جىل باسىنان بەرى، شينجياڭ استىق ٴوندىرۋ قۋاتى ماماندار قىزمەت وتەۋ ۇيىرمەسىن ۇيىمداستىرىپ، استىق وندىرىسىندە جالپى بارىس بويىنشا ويداعىداي تەحنيكالىق قىزمەت وتەۋدى، جەتەكشىلىك ەتۋدى باعىتتامالى تۇردە كوتەرمەگە الىپ، ٴونىمدى ارتتىرۋ تەحنيكاسىنىڭ شىن مانىندە ٴوندىرىستىڭ الدىڭعى شەبىندە رول اتقارۋىنا مۇمكىندىك جاسادى. اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى تەحنيكتەردى ۇيىمداستىرىپ، مەملەكەت پەن اۆتونوميالى رايوننىڭ ٴبيداي كاسىپ سالاسى تەحنيكا جۇيەسىنىڭ ماماندارىمەن، ٴبيدايدان جوعارى ٴونىم العان ٴىرى وتباسىلارمەن بىرگە سوڭعى جىلدارداعى شينجياڭنىڭ ٴبيدايدان جوعارى ٴونىم الۋ قۇرىلىسى بارىسىندا ىزدەنىس جاسالعان، قورىتىندىلانعان جانە سالالانعان كەمەلدى تاجىريبەلەر جانە شەشۋشى تەحنيكالىق شارالار جونىندە زەرتتەۋ ـ تالقى جۇرگىزىپ، «اۆتونوميالى رايوننىڭ ٴبيدايدى ساپالى، جوعارى ٴونىمدى ەگۋ تەحنيكاسى جوباسىن» قورىتىندىلاپ قالىپتاستىرىپ ٴارى قوعامعا جاريالاپ، بۇكىل رايوننىڭ ٴبيداي ٴونىم مولشەرىن زور كولەمدە، بىركەلكى ارتتىرۋىنا ىقپال جاسادى، جەتەكتەدى.
سونىمەن بىرگە بۇكىل شينجياڭدا تۇقىم شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، وڭتۇستىك شينجياڭنىڭ دۇمبە ٴبيداي سياقتى مەملەكەتتىڭ تۇقىم جەتىلدىرۋدەن بىرلەسىپ قامال الۋ جانە اۆتونوميالى رايوننىڭ تۇقىم شارۋاشىلىعىندا ”قابىلەتتىلەر باستاماشى بولاتىن“ قامال الۋ نىساندارىنىڭ اتقارىلۋىن ىلگەرىلەتتى. اۆتونوميالى رايوننىڭ ٴبيداي جانە جۇگەرى كاسىپ سالاسى تەحنيكا جۇيەسى ماماندارى تۇرلىشە ەكولوگيالىق ٴوڭىر بويىنشا تۇقىم سورتىن ورنالاستىرىپ، نەگىزگى سورتتار مەن ۇلگى كورسەتۋ سورتتارىن ايقىنداپ، ٴونىم مولشەرى مەن ساپاسى كورنەكتى، قاسيەتى تۇراقتى ساپالى سورتتاردى ەگۋدى جالپىلاستىرىپ، استىق ٴونىمىن ورنىقتىرۋعا، ٴونىمىن ارتتىرۋعا نەگىز قالادى.
ٴبىر جىلدان بەرى، اۋىل شارۋاشىلىعى، اۋىل ـ قىستاق تاراۋلارى نەگىزگى ساتىنىڭ اۋىل شارۋاشىلىق تەحنيكاسىن جالپىلاستىرۋ جۇيەسى رەفورماسى مەن قۇرىلىسىن جەدەلدەتىپ، ٴبىر توپ نەگىزگى تانىستىرىلاتىن تەحنيكالار مەن جەتەكشى سورتتاردى سارالاپ تانىستىرىپ، نەگىزگى تانىستىرىلاتىن تەحنيكالاردىڭ ورىندالۋ مولشەرىن %95تەن استامعا جەتكىزدى. نازاردى اۋىل شارۋاشىلىعى ماشينالارى جابدىقتارىنداعى ولقىلىقتارعا، ٴالسىز تۇستارعا شوعىرلاندىرىپ، اۋىل شارۋاشىلىعى ماشينالارىن زەرتتەپ اشۋ، جاساۋ، جالپىلاستىرۋ، قولدانۋ ٴبىر تۇلعالانعان سىناق ٴتۇيىنى نىسانىنان 28ىن بەلگىلەدى. قازىر شينجياڭنىڭ استىق داقىلدارىن ساپالى تۇقىممەن قامتۋ مولشەرى %98تەن جوعارى بولدى، ٴبيداي، جۇگەرى جوعارى ٴونىمدى سۋ ۇنەمدەۋ جانە سۋ ـ تىڭايتقىشتى ٴبىر تۇلعالاندىرىپ پايدالانۋ كولەمى 26 ميلليون مۋدان اسىپ، ەگىلگەن جەر كولەمىنىڭ %67ىن ۇستادى، ٴبيداي، جۇگەرى، ماقتا سياقتى نەگىزگى ەگىس داقىلدارىن ەگۋ، جيناۋ تۇتاس بارىسىن ماشينالاندىرۋ جۇزەگە اسىرىلدى. شينجياڭنىڭ اۋىل شارۋاشىلىعىندا جالپى ٴونىم بويىنشا مول ٴونىم الۋ جۇزەگە اسىرىلۋمەن بىرگە، جالپىلىق ونىمدىلىك تە اناعۇرلىم جوعارى ساتىعا كوتەرىلدى.
