كۇش ـ قايراتتى تاسقىنداتىپ، تىڭ جورىققا اتتاندى

日期:2024年02月20日
来源:新疆日报
【字体:

كۇش ـ قايراتتى تاسقىنداتىپ، تىڭ جورىققا اتتاندى

  _ تيانشان الابىندا ”قىزمەتكە شىققان ٴبىرىنشى كۇنى“ كورگەن ـ بىلگەندەرىمىز


  2 ـ ايدىڭ 18 ـ كۇنى قىزمەتكەرلەر سانجى قالاسى ەرەكشە ترانسفورماتور سەرىكتەستىگى شينجياڭ ەلەكتر جەتكىزۋ ـ كەرنەۋ وزگەرتۋ عىلىم ـ تەحنيكا كاسىپ سالاسى باقشاسىنىڭ ەرەكشە جوعارى كەرنەۋلى ٴوندىرىس سەحىندا ترانسفورماتور قۇراستىرۋدا. مەرەكەدەن كەيىنگى العاش قىزمەت كۇنىندە وسى كاسىپورىن ”بىلەك سىبانا قايراتتانا ىستەۋ“ ۇلگىسىن اشىپ، قاربالاس ٴوندىرىس جۇرگىزىپ، تاپسىرىسقا ۇلگىرتىپ، ٴبىرىنشى ماۋسىمدا تاماشا باستاما اشۋعا بار كۇشپەن ۇمتىلدى.

□ سۋرەتتى حى لۇڭ تۇسىرگەن

  بەتاشار

  ەڭبەكشىلدىڭ كوكتەمى ەرتە، بۇل ٴدال قايراتتانا ىلگەرىلەيتىن كەز. كوكتەم مەرەكەسىنىڭ دەمالىسى ەندى عانا اياقتالدى، ادامدار ومىرشەڭدىك كۇشكە تولى رۋحاني كۇيمەن جياچىن ۇلۋ جىلىنداعى قىزمەتكە بەل شەشە كىرىستى. بۇگىننەن باستاپ انار بۇلت \ شينجياڭ گازەتى ”جورىققا اتتانۋ دابىلىن قاعىپ، بار كۇشپەن باستاما اشايىق“ ارناۋلى ايدارىن اشىپ، تيانشان الابىندا ارىنداعان ارعىماق ايداعار رۋحىن ايگىلەيدى، قىرپۋلى قايرات ـ تەبىنمەن جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاڭا بەينەسىن، جاڭا جاعدايىن ىلگەرىلەتەدى، نازار اۋدارىڭىزدار.

  □ انار بۇلت \ شينجياڭ گازەتىنىڭ تىلشىلەرى

  ”ٴبىز كۇي ـ جايىمىزدى دەرەۋ رەتتەپ، مەرەكەدەن كەيىنگى قىزمەتتەردىڭ داعدىلى ارناعا ٴتۇسۋىن كۇش سالا جەبەپ، قىزمەتكەرلەردىڭ قىزمەت ورنىنا ورالاتىن، يدەيانىڭ ورنىعىپ، قاربالاس ىستەيتىن، جەدەل ىسكە كىرىسەتىن، قارقىندى تەزدەتىپ، العا ۇمتىلاتىن قويۋ راي قالىپتاستىرىپ، بيىلعى قىزمەت نىسانالارىن تابىسپەن ورىنداۋعا نەگىز قالاۋىمىز كەرەك.“ 2 ـ ايدىڭ 18 ـ كۇنى بيىلعى كوكتەم مەرەكەسىنەن كەيىنگى ٴبىرىنشى قىزمەت كۇنى، قۇتىبي اۋدانىنىڭ دافىڭ قالاشىعىندا اشىلعان مەرەكەدەن كەيىنگى ”زەيىندى قىزمەتكە اۋدارۋ جينالىسىندا“ قالاشىق پارتكومىنىڭ شۋجيى لين چياڭ وسىلاي دەدى.

  جىل ەسەبى كوكتەمدە. كوكتەم مەرەكەسىنىڭ دۋمانى وتە بەرە، بۇكىل شينجياڭنىڭ جەر ـ جەرى دەرەۋ قىزمەت كۇيىنە ٴوتىپ، زەيىن ـ زەردەنى اۋدارىپ، كۇش ـ قۋاتتى ۇيىستىرىپ، جۇمىستى، ٴوندىرىستى قالپىنا كەلتىرىپ، 2024 ـ جىلى جاڭا جاعداي اشۋعا، تاماشا ناتيجە جاراتۋعا قۇلشىندى.

  جاڭا جىلدا جاڭا نىساناعا، ٴساتتى باستاماعا ۇمتىلدى

  2 ـ ايدىڭ 18 ـ كۇنى قۇمىل قالاسى اراتۇرىك ونەركاسىپ باقشا رايونى شينجياڭ گۋاڭحۇي كومىر قىشقىل گازدى عىلىم ـ تەحنيكاسىنان كەشەندى پايدالانۋ شەكتى سەرىكتەستىگىنىڭ اۆتوكولىككە تيەۋ اۋماعىندا ٴبىر كۇبىلى اۆتوموبيلگە سۇيىق كۇيدەگى كومىر قىشقىل گازى تيەلىپ جاتتى، جۇمىس باسى ٴتارتىپتى دە قاربالاس بولدى.

  قازىندى ەنەرگيانى تومەن كومىر قىشقىل گازدى، جوعارى ونىمدىلىكپەن اشاتىن جاڭادان گۇلدەنگەن تەحنيكا رەتىندە، شينجياڭ گۋاڭحۇي كومىر قىشقىل گازدى عىلىم ـ تەحنيكادان كەشەندى پايدالانۋ شەكتى سەرىكتەستىگى جوعارعى بۋىنداعى كاسىپورىنداردان شىققان جاراقسىز گاز بەن كومىر قىشقىل گازدى تياناق ەتىپ، ”اممياكتى مۇزداتۋ + تومەن تەمپەراتۋرادا سۇيىلتىپ تازارتۋ“ تەحنولوگياسىن قولدانىپ، سۋسىزداندىرۋ، كۇكىرتسىزدەندىرۋ، تازارتۋ سياقتى بارىستار ارقىلى تازارتۋ دارەجەسى %95تەن جوعارى سۇيىق كۇيدەگى كومىر قىشقىل گاز ونىمدەرىن ٴوندىردى. سۇيىق كۇيدەگى كومىر قىشقىل گازى تۇرپان _ قۇمىل مۇناي الابى سياقتى شينجياڭداعى مۇناي الاپتارىندا سۋ ىعىستىرۋ تەحنولوگياسىنىڭ ورنىن باسىپ، مۇناي اشۋ ونىمدىلىگىن جوعارىلاتۋمەن بىرگە، قورشاعان ورتانى قورعاۋدىڭ تاماشا ونىمدىلىگىن جۇزەگە اسىردى.

  ”كوكتەم مەرەكەسى دەمالىسىندا ٴبىز ەگجەي ـ تەگجەيلى ٴوندىرىس جوسپارىن جاساپ، ۇسىكتەن ساقتانۋ، جابدىقتاردى قورعاۋ، تەحنولوگيالىق جۇمىس جۇرگىزۋ سىندى 3 جاقتان كىرىسىپ، دەن قويا باسقارۋدى جولعا قويىپ، قۇرىلعىنىڭ ۇتىمدى، ورنىقتى اينالىمىنا كەپىلدىك ەتتىك“. اتالعان سەرىكتەستىكتىڭ باس ديرەكتورى ليۋ چىڭ بىلاي دەپ تانىستىردى: سەرىكتەستىك قاريدارلاردىڭ كومىر قىشقىل گازىن پايدالانۋ سۇرانىسىنا نەگىزدەلىپ، دەر كەزىندە كوتەرىمدىلىگىن جوعارىلاتىپ، تۇتاس جىلدىق ٴونىم مولشەرىن ارتتىرۋعا قۇلشىندى. بيىل 1 ـ ايدا سەرىكتەستىك 9466 توننا سۇيىق كۇيدەگى كومىر قىشقىل گازىن ٴوندىرىپ، ٴساتتى باستاما باستادى.

  2 ـ ايدىڭ 18 ـ كۇنى شينجياڭ شييۇيچۇن ٴسۇت شارۋاشىلىعى شەكتى جاۋاپكەرشىلىك سەرىكتەستىگىنىڭ ايران ٴوندىرۋ سەحىندا جۇمىسشىلار مانەرلەنگەن دايىن ايراندى قوراپتاۋمەن قاربالاستاندى. كوكتەم مەرەكەسى دەمالىسىندا وسى سەرىكتەستىك تولىق ٴوندىرىس جۇرگىزىپ، مەرەكەلىك بازاردى بار كۇشپەن قامدادى. كوكتەم مەرەكەسىنەن كەيىن بارلىق قىزمەتكەر جۇمىس ورنىنا بارىپ، ٴوندىرىستى اناعۇرلىم تەزدەتتى.

  ”رۋحتى سەرپىلتىپ، قايراتتانا ىستەۋ، ۇلۋ جىلىندا تاعى دا جاڭا جورىققا اتتانۋ كەرەك“. وسى سەرىكتەستىكتىڭ پارتيا ياچەيكاسىنىڭ شۋجيى، ورىنباسار باس ديرەكتور وۋ گوبيڭ بىلاي دەدى: نازاردى اۆتونوميالى رايوننىڭ ”8 ٴىرى كاسىپ سالاسى شوعىرى“ قۇرىلىسىنا شوعىرلاندىردى، سەرىكتەستىكتە جوعارىدان تومەنگە دەيىن دامۋدى جەدەلدەتۋ، كولەمىن كەڭەيتۋ سەنىمى مىعىم. بيىل سەرىكتەستىك نازاردى ٴونىمنىڭ دامىنە، رولىنا جانە باۋراعىشتىعىنا ونان ارى شوعىرلاندىرىپ، ساپاسىن جوعارىلاتىپ، ونىمدە جاڭالىق اشىپ، ٴسۇت ونىمدەرىنىڭ ٴونىم مولشەرىن 130 مىڭ توننادان اسىرۋعا كۇش سالادى.

  كوكتەم مەرەكەسى دەمالىسىنان كەيىنگى ٴبىرىنشى قىزمەت كۇنىندە جۇڭگو مۇناي ـ تابيعي گاز توبى قارامايلى مۇناي حيميا شەكتى جاۋاپكەرشىلىك سەرىكتەستىگى مۇناي ايىرۋ 5 ـ بىرلەسكەن سەحىنىڭ 1 ـ دارەجەلى ينجەنەرى ان شياۋجيە جۇمىس ٴتارتىبى ەلىكتەمەلى جۇمساق بولشەگىنەن پايدالانىپ، ٴونىمنىڭ تەحنولوگيالىق پارامەترىن سالىستىرۋمەن قاربالاستانىپ، تەحنولوگيانى ساپالىلاندىرۋ بۋىنىنان جاڭا ونىمدىلىك ٴتۇيىنىن تابۋدى ٴۇمىت ەتتى. سەرىكتەستىك ٴوندىرىس اينالىمى ٴبولىمىنىڭ ورىنباسار ديرەكتورى ما ياڭ بىلاي دەپ تانىستىردى: سەرىكتەستىك بيىل ”ٴتورتتى جىنتىكتەۋ“ باسقارۋ تالابىن جاپپاي تياناقتاندىرىپ، ”ەرەكشەلىك + ونىمدىلىك“ سىندى دامۋ وي جەلىسىن كورنەكتىلەندىرىپ، كاسىپورىننىڭ ساپانى جاپپاي جوعارىلاتىپ، ونىمدىلىكتى ارتتىرۋىن كۇش سالا جەبەيدى.

  جاڭا جىلدا تىڭ ومىرشەڭدىك كۇش، جاڭا قۋات توپتالدى

  2 ـ ايدىڭ 18 ـ كۇنى اقسۋ شييۇي مال شارۋاشىلىعىن دامىتۋ شەكتى جاۋاپكەرشىلىك سەرىكتەستىگىنىڭ سيىر، قوي ەتىن ٴبولۋ سەحىندا ەرشات ٴاليا جانە ۋاڭ جۇن قاتارلى قىزمەتكەرلەر قىزمەت ارەدىگىندە سەرىكتەستىكتىڭ دامۋ بولاشاعىن قىزۋ تالقىلادى.

  اتالعان سەرىكتەستىك اقسۋ ايماعىنىڭ اۋىل شارۋاشىلىعىن كاسىپ سالالاندىرۋداعى ٴتۇيىندى باستاماشى كاسىپورىن. كوكتەم مەرەكەسى قارساڭىندا سەرىكتەستىك جاسىل سيىر، قوي ەتى سياقتى مال شارۋاشىلىعى ونىمدەرىمەن شينجياڭنىڭ ٴىشى ـ سىرتىنداعى بازارلاردى ۇزدىكسىز قامدادى. سەرىكتەستىك پارتكومىنىڭ شۋجيى، القا باستىعى ۋاڭ ۋىنبين بىلاي دەپ تانىستىردى: سەرىكتەستىك عىلىم ـ تەحنيكا ارتىقشىلىقتارى ارقىلى كاسىپ سالاسىنىڭ دامۋىن ىلگەرىلەتتى. اسىل تۇقىمدى مال ٴوسىرۋ، ساتۋ، جەم ـ ٴشوپ ەگۋ، مانەرلەۋدەن سۋىق تىزبەكتى قامبادا ساقتاۋ، زات اينالىمى، اۋىل شارۋاشىلىعى عىلىم ـ تەحنيكالىق قىزمەت وتەۋىنە دەيىن، ونان مال، قۇس ٴتۇيىندى ورنىنداعى سويىس مال، قۇس ونىمدەرىن جىنتىكتەي مانەرلەۋ سياقتىلارعا دەيىن كاسىپورىننىڭ ٴوندىرىس كولەمى ۇزدىكسىز كەڭەيىپ، كاسىپ تىزبەگى ۇزدىكسىز ۇزاردى. ”جاڭا ٴبىر جىلدا سەرىكتەستىك جاڭا ونىمدەردى زەرتتەپ اشۋعا اناعۇرلىم كۇش سالىپ، تۇتىنۋشىلاردى اناعۇرلىم كوپ تۇردەگى جانە ٴدامى ٴتىل ۇيىرەتىن اقسۋدىڭ جاسىل مال شارۋاشىلىعى ونىمدەرىمەن قامدايدى“، ـ دەدى ۋاڭ ۋىنبين.

  بيىل سانجى حۇيزۋ اۆتونوميالى وبلىسى ”ٴبىرىنشى ماۋسىمدا قۇلشىنىپ، ٴساتتى باستامانى قولعا كەلتىرۋ“ قىزمەت تالابىن العا قويدى، بۇكىل وبلىستا جوعارىدان تومەنگە دەيىن ”باستالا سالا شەشۋشى شايقاس جۇرگىزۋ، باستالا سالا اتوي سالۋ“ سىندى كۇرەس بەينەسىمەن ٴتۇيىندى كاسىپ سالاسى تىزبەگىنىڭ ارتۋدى ورنىقتىرۋ قىزمەتتەرىن ورنىقتى، مىقتى، ناقتى يگەرەدى. عىلىم ـ تەحنيكادا جاڭالىق اشۋدىڭ كۇش ۇستەۋ ارەكەتى، اۋىل شارۋاشىلىعىن سەرپىلتۋ ارەكەتى، ونەركاسىپتى ەسەلەپ ارتتىرۋ ارەكەتى سياقتى ”10 ٴىرى تيپتىك ارەكەتتى“ اتقارۋدى كۇش سالا ىلگەرىلەتىپ، جاڭا ساپالى وندىرگىش كۇشتەردى بەلسەنە جەتىلدىرىپ، دامۋدىڭ جاڭا ساپالى باسىمدىعىن سومدايدى.

  2 ـ ايدىڭ 18 ـ كۇنى شينجياڭ بوشىران زەردەلى اۋىل شارۋاشىلىق ماشينالارى شەكتى جارنا سەرىكتەستىگىنىڭ باس قۇراستىرۋ سەحىندا جاڭا ۇلگىدەگى ماقتا تەرۋ ماشيناسى، تۇقىم سەبۋ ماشيناسى، ٴدارى سەبۋ ماشيناسى سياقتى ونىمدەردى قۇراستىرۋ جۇمىسى تارتىپپەن ٴجۇرىلىپ جاتتى. ”كوكتەم مەرەكەسىنەن ىلگەرى كوپتەگەن تاپسىرىس قابىلدادىق، دەمالىس ۋاقىتى اياقتالىسىمەن سەرىكتەستىكتەگى بارلىق قىزمەتكەر جۇمىس ورنىنا ورالىپ، بار كۇشىن سالا ونىمدەردى قاربالاس ٴوندىردى“، ـ دەدى سەرىكتەستىكتىڭ شارۋاشىلىق ـ ساۋدا جوسپارلاۋ باسقارۋشىسى باي جينيان.

  شيحۋ قالاسىنداعى جابدىق جاساۋ باستاماشى كاسىپورىن رەتىندە، بۇل سەرىكتەستىك عىلىم ـ تەحنيكادا جاڭالىق اشۋدى جەتەكشى ەتىپ، ٴوزى جۇرەتىن قوبديشالى ماقتا تەرۋ ماشيناسى سياقتى بۇكىلدەي دەربەس ٴبىلىم مەنشىك ۇقىعىنا يە اۋىل شارۋشىلىعى ماشينا جابدىقتارى ونىمدەرىن جوبالاپ، زەرتتەپ ـ اشتى. 2023 ـ جىلى سەرىكتەستىك وندىرگەن ماقتا تەرۋ ماشيناسىنىڭ ەل ىشىندەگى ەلىمىز وندىرگەن ماقتا تەرۋ ماشينالارى بازارىن يەلەۋ سالىستىرماسى %42.14كە جەتىپ، ماقتا تەرۋ ماشيناسى بولشەكتەرىنىڭ %20ى جەرگىلىكتى ورىندا ٴوندىرىلدى. ”بيىل ەل ٴىشى جانە حالىقارالىق بازارعا بەلسەنە ٴورىس اشىپ، ٴوزىمىز وندىرگەن ماقتا تەرۋ ماشيناسىن دۇنيە ٴجۇزىنىڭ جەر ـ جەرىندەگى ماقتا اتىزدارىنا جەتكىزۋگە ۇمتىلامىز“، ـ دەدى باي جينيان مىعىم سەنىممەن.

  2 ـ ايدىڭ 18 ـ كۇنى تاڭەرتەڭ ەرتە ٴۇرىمجى جوعارى، جاڭا تەحنيكالىق كاسىپ سالاسىن اشۋ رايونىنداعى (جاڭا قالا رايونى) شينجياڭ ايلىشين ٴدارى ـ دارمەك شەكتى سەرىكتەستىگىندە شينجياڭ دارىلىك ۋسارىمساق زەرتتەۋ ٴتۇيىندى تاجىريبەحاناسىنىڭ مەڭگەرۋشىسى، ايلىشين ٴدارى ـ دارمەك شارۋاشىلىعى عىلمي زەرتتەۋ باستاماشىسى شى رۇڭمەي بىرنەشە اسپيرانت كومەكشىنى ەرتىپ تاجىريبەحاناعا كىرىپ، بيىلعى بىرنەشە جاڭا نىساندى زەرتتەۋ ـ اشۋعا بار كۇشپەن كىرىستى.

  بيىل ايلىشين ٴدارى ـ دارمەك سەرىكتەستىگى ۋسارىمساق ونىمدەرى ٴوندىرىس قۋاتىن 3 ەسە ارتتىرىپ، بۇكىل ەل بازارىن اشۋ نىساناسىن بەلگىلەدى. سەرىكتەستىكتىڭ باس ديرەكتورى اي بو مىعىم سەنىممەن: ”ۇلۋ جىلىندا سەرىكتەستىكتىڭ اناعۇرلىم كەڭ دامۋ كەڭىستىگىن اشاتىندىعىنا سەنەمىن“، ـ دەدى.

  جاڭا جىلدا جاڭا بەينە ايگىلەپ، ساۋداگەر شاقىرىپ قارجى ەنگىزۋمەن قاربالاس بولدى

  2 ـ ايدىڭ 18 ـ كۇنى مەرەكەدەن كەيىنگى ٴبىرىنشى قىزمەت كۇنىندە قۇمىل قالالىق ساۋدا ىستەرى مەكەمەسىندەگى قىزمەتكەرلەر كاسىپورىندارمەن، كاسىپ سالاسى تىزبەگى جەتەكشى ورىندارىمەن ٴتۇيىلىسۋ جۇمىسىمەن قاربالاس بولىپ، ساۋداگەر شاقىرىپ قارجى ەنگىزۋ نىسانىمەن بەلسەنە ٴجىتى ىلەستى.

  قۇمىل قالاسى 2024 ـ جىلدى ”ساۋداگەر شاقىرۋدىڭ تۇڭعىش جىلى“ ەتىپ، قاۋىرت ساۋداگەر شاقىرۋدىڭ قويۋ رايىن قالىپتاستىرىپ، تۇتاس قالانىڭ ساۋداگەر شاقىرىپ قارجى ەنگىزۋىنىڭ ساپاسىن، ونىمدىلىگىن، ولشەمىن جوعارىلاتۋىن ىلگەرىلەتتى.

  ”2023 ـ جىلى قۇمىل قالاسى ساۋداگەر شاقىرىپ قارجى ەنگىزۋ نىسانىنان جيىنى 154ىن ەنگىزىپ، تياناقتانعان قارجى جيىنى 48 ميلليارد 200 ميلليون يۋان بولىپ، سايكەس مەزگىلدەگىدەن %92 ارتتى. بيىل بىلتىرعى نەگىزدە تىڭ ارتۋ بولادى“. قۇمىل قالالىق ساۋدا ىستەرى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى جاڭ شۇي: بيىل قۇمىل قالاسى كاسىپ سالاسى تىزبەگىندە ساۋداگەر شاقىرۋ سەرپىنىن ۇزدىكسىز ارتتىرىپ، ساۋدا ارقىلى ساۋداگەر شاقىرۋ، ەلشى جىبەرىپ ساۋداگەر شاقىرۋ، شاعىن اترەت ارقىلى ساۋداگەر شاقىرۋ، شينجياڭعا كومەكتەسۋ بويىنشا ساۋداگەر شاقىرۋ، تۇيىندە تۇرىپ ساۋداگەر شاقىرۋ سەرپىنىن ارتتىرىپ، ساۋداگەر شاقىرىپ قارجى ەنگىزۋ اياسىن كەڭەيتەدى، ـ دەدى.

  2 ـ ايدىڭ 18 ـ كۇنى جىجياڭداعى شيڭي اۋىل شارۋاشىلىعى عىلىم ـ تەحنيكا (شينجياڭ) شەكتى سەرىكتەستىگىنىڭ باس ديرەكتورى سۇڭ شىڭنيان بيىل وڭتۇستىك شينجياڭدا سورتاڭ جەرلەردى وڭاۋ ونىمدەرىن وڭدەۋ نىسانىن اتقارۋدى جوسپارلاي باستادى. 2023 ـ جىلى جىجياڭ ولكەسى حۋجوۋ قالاسىنىڭ شينجياڭعا كومەكتەسۋ قولباسشىلىق شتابىنىڭ دانەكەر بولۋىندا سۇڭ شىڭنيان كەلپىن اۋدانىندا قارجى قوسىپ زاۆود سالۋ بەكىمىنە كەلەدى.

  اقسۋ ايماقتىق ساۋدا ىستەرى مەكەمەسىنەن ۇعىسۋىمىزشا، بىلتىر 12 ـ ايدىڭ 25 ـ كۇنى اقسۋ ايماعى ”قىس ماۋسىمىندا قاۋىرت ساۋداگەر شاقىرۋ“ ارەكەتىن جاپپاي اتقارعاننان بەرى 33 رەت سىرتقا شىعىپ ساۋداگەر شاقىرىپ، تۇيىلىستىرگەن نىسان جيىنى 290عا جەتكەن. بيىل كوكتەم مەرەكەسى وتىسىمەن اقسۋ ايماعى قىس ماۋسىمىندا قاۋىرت ساۋداگەر شاقىرۋ ورايىنان پايدالانىپ، ٴبىر جاعىنان، ٴوندىرىستى كەڭەيتۋدى، وندىرىسكە قوسىلۋدى يگەرىپ، ٴبىر جاعىنان، ەنگىزۋدى، ىلگەرىلەتۋدى يگەرىپ، 3 ـ ايدا ٴبىر توپ كەلەلى نىسانعا شوعىرلى قول قويۋعا ۇمتىلۋدا.

  سانجى وبلىسى بايلىق باسىمدىعىنا سۇيەنىپ، نازاردى اۆتونوميالى رايوننىڭ ”8 ٴىرى كاسىپ سالاسى شوعىرى“ قۇرىلىسىنا شوعىرلاندىرىپ، 24 ٴتۇيىندى كاسىپ سالاسى تىزبەگىن بەلگىلەۋ نەگىزىندە ماركا ارقىلى ساۋداگەر شاقىرۋ قيمىلىمەن كاسىپ سالاسى نىسانىندا باستاما اشۋدى جەبەپ، كاسىپورىنداردىڭ ”سانجىعا ”ىڭكار بولۋىنا“، سانجىمەن توعىسۋىنا، سانجىعا تامىر تارتۋىنا مۇمكىندىك جاسادى.

  ”ٴبىز ٴتۇيىندى كاسىپ سالاسى تىزبەگىن، ٴتۇيىندى شوعىردى، ٴتۇيىندى باقشا رايونىن كوزدەپ، 24 كاسىپ سالاسى تىزبەگىن دەن قويا جەتىلدىرىپ، ماركا ارقىلى ساۋداگەر شاقىرۋ قيمىلىمەن ٴتۇيىندى نىسانداردىڭ تياناقتانۋىن ىلگەرىلەتىپ، ’ٴۇش 100 ميللياردتىق، بەس 10 ميللياردتىق‘ ەرەكشەلىككە، باسىمدىققا يە كاسىپ سالاسى شوعىرىن بار كۇشپەن تۇلعالاپ، شينجياڭ ونەركاسىپ ەكونوميكاسى دامۋىنىڭ جاڭا بيىگىن تۇلعايمىز“، ـ دەدى سانجى وبلىستىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى ليۋ شيحۇڭ.

  (ٴتىلشى گى يوۋجۇن، قاتىناسقان تىلشىلەر ۋي يۇڭگۇي، جاڭ جىلي، ٴرايدا، جاۋ يۋە، ەرىكتى تىلشىلەر ياڭ حى، فۋ شياۋجۋان، جيڭ ليچۇڭ، ۋاڭ حۇڭشيا، جين ليڭ)

   ”ٴبىرىنشى كۇننەن“ باستاپ بار كۇشپەن ۇمتىلايىق!

  □ جاڭ بەي

  قالانىڭ ۇلكەندى ـ كىشىلى كوشەلەرىندە اۆتوكولىكتەر قايشالىستى، كەلەلى نىسانداردىڭ جۇمىس باسىندا ماشينالار گۇرىلدەدى، اكىمشىلىك قىزمەت وتەۋ ورتالىعىنىڭ زالى قاربالاس تا ٴتارتىپتى جۇمىسقا كىرىستى... كوكتەم مەرەكەسى دەمالىسىنان كەيىن قىزمەتكە شىققان ٴبىرىنشى كۇنى ٴار سالا، ٴار كاسىپ، ٴار شەپ تولىق تەبىندى كۇيمەن ەكپىندەي العا ىلگەرىلەگەن جياچىن ۇلۋ جىلىن باستادى، قىرپۋلى قايرات ـ جىگەر تيانشان الابىندا تاسقىندادى.

  بيىل جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14-بەسجىلدىق“ جوبانىڭ نىسانا-مىندەتتەرىن ورىنداۋداعى شەشۋشى ءبىر جىل. شينجياڭداعى ءار ۇلت كادىرلارى مەن بۇقارا جونىنەن العاندا، بۇل كوكتەم ءبىزدىڭ جوعارى ساپالى دامۋدى ىلگەرىلەتۋدىڭ التىن مەزگىلىن قارسى العاندىعىمىزدى اڭعارتادى، ول يدەيالىق قامالدى تالقانداپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن مىقتاپ يگەرىپ، كورىكتى شينجياڭ قۇرۋدا قولدان جىبەرۋگە بولمايتىن ءتيىمدى وراي؛ ونان دا ماڭىزدىسى، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قۇلشىنا ىلگەرىلەتىپ، ءار ۇلت حالقىنا باقىت جاراتۋدىڭ ۋاقىت كۇتىپ تۇرمايدى دەيتىن اياق الىسىنا كۋا بولادى.

  ءاربىر كۇن شىت جاڭا ءارى زايا جىبەرۋگە بولمايتىن باعالى ۋاقىت، ءار كۇن اناعۇرلىم تاماشا بولاشاققا نەگىز قالاۋدا، ءبىز كوكتەم مەرەكەسىنەن كەيىن قىزمەتكە شىققان ءبىرىنشى كۇننەن باستاپ بار كۇشپەن ۇمتىلىپ، بۇدان بىلايعى ءار كۇندى ءورشىل تەبىنمەن باستايىق. سوندا عانا بولاشاق جونىندەگى تاماشا ءۇمىتتى رەالدىققا اينالدىرا الامىز.