اۆتونوميالى رايوندىق ساياسي كەڭەس 2024 ـ جىلعى ٴتۇيىندى ۇسىنىس جوبا تاقىرىبىن تاڭداۋ كەڭەس ٴماجىلىسىن اشتى

日期:2024年02月06日
来源:新疆日报
【字体:

  انار بۇلت \ شينجياڭ گازەتىنىڭ ٴتىلشىسى جاڭ يۇنمەي 2 ـ ايدىڭ 4 ـ كۇنى ۇرىمجىدەن حابارلايدى. 2 ـ ايدىڭ 4 ـ كۇنى تۇستەن كەيىن اۆتونوميالى رايوندىق ساياسي كەڭەس 2024 ـ جىلعى ٴتۇيىندى ۇسىنىس جوبا تاقىرىبىن تاڭداۋ كەڭەس ٴماجىلىسىن اشىپ، ۇسىنىس جوبانى ٴبىر جاقتى ەتۋدى مىندەتىنە العان ورىندارداعى قاتىستى جولداستاردى بيىلعى ٴتۇيىندى ۇسىنىس جوبا تاقىرىبىن تاڭداۋ جونىندە كەڭەسۋگە، پىكىر اۋىستىرۋعا ۇسىنىس ەتتى.

  ٴتۇيىندى ۇسىنىس جوبا تاقىرىبىن تاڭداۋ كەڭەس ٴماجىلىسىن اشۋ رايونىمىزدا تۇڭعىش رەت بولىپ وتىر، مۇنداعى ماقسات ٴتۇيىندى ۇسىنىس جوبالاردى سارالاۋ مەحانيزمىن اناعۇرلىم كەمەلدەندىرىپ، ٴتۇيىندى ۇسىنىس جوبالاردى ٴبىر جاقتى ەتۋ ساپاسىن شىنايى جوعارىلاتۋ.

  بيىلعى ٴتۇيىندى ۇسىنىس جوبالاردى سارالاۋدىڭ جەتەكشى يدەياسى _ شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 ـ قۇرىلتايىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، حالىق بۇقاراسىنىڭ تاماشا تۇرمىسقا دەگەن تىلەگىمەن جانە ناقتى ٴجىتى قاداعالاپ وتىرعان ىستەرىمەن تىعىز ۇشتاستىرىپ، اۆتونوميالى رايوندىق پارتكومنىڭ وزەكتى قىزمەتىنە اناعۇرلىم ويداعىداي قىزمەت وتەۋ.

  اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ٴماجىلىسى جالپى 948 ۇسىنىس جوبا تاپسىرىپ الدى، تەكسەرۋ ارقىلى 575 ۇسىنىس جوبا ەستەلىككە الىندى. ٴتۇيىندى ۇسىنىس جوبالار وسىنىڭ ىشىنەن سارالانادى، تاقىرىپ تاڭداۋ مازمۇنى ساياسي، ەكونوميكا، مادەنيەت، قوعام، ەكولوگيا سىندى 5 ۇلكەن قۇرىلىستى قامتيدى. اۆتونوميالى رايوندىق ساياسي كەڭەستىڭ ۇسىنىس جوبا كوميتەتى وسى رەتكى ماجىلىستە كەڭەسكەن ۇسىنىس ـ پىكىرلەرگە نەگىزدەلە وتىرىپ ٴتۇيىندى ۇسىنىس جوبالاردىڭ تاقىرىپتارىنا وزگەرىس ەنگىزىپ، كەمەلدەندىرىپ، ٴتارتىپ بويىنشا قاراۋعا جولداعاننان كەيىن ٴبىر جاقتى ەتۋدى مىندەتىنە العان ورىنداردىڭ ٴبىر جاقتى ەتۋىنە تاپسىرادى.

  اۆتونوميالى رايوندىق ساياسي كەڭەس ۇسىنىس جوبالاردى ٴبىر جاقتى ەتۋ قىزمەتىنە وسكەلەڭ ٴمان بەردى، ٴار جىلى بارلىق ۇسىنىس جوبالاردان بىرنەشە ٴتۇيىندى ۇسىنىس جوبانى سارالاپ الىپ، اۆتونوميالى رايوننىڭ پارتيا، ۇكىمەت باسشىلارى باس بولىپ قۋزاپ ٴبىتىرىپ، ٴتۇيىن ارقىلى كولەمگە جەتەكشىلىك ەتىپ، ۇسىنىس جوبا قىزمەتىنىڭ جالپى تۇلعالىق ساپاسىنىڭ جوعارىلاۋىن جەبەدى. 2022 ـ جىلدان باستاپ، اۆتونوميالى رايوننىڭ پارتيا، ۇكىمەت باسشىلارىنىڭ ٴتۇيىندى ۇسىنىس جوبالاردى باستاماشىلدىقپەن قۋزاپ ٴبىتىرۋى جاڭالىق اشۋ سيپاتتى تۇزىمدىك ورنالاستىرۋ ەتىلدى، قازىر ناقتى ناتيجەگە قول جەتكىزدى.