انار بۇلت \ شينجياڭ گازەتىنىڭ ٴتىلشىسى يۇي جياڭيان، ەرىكتى ٴتىلشى جاڭ پيڭ 2 ـ ايدىڭ 4 ـ كۇنى باي اۋدانىنان حابارلايدى. 2 ـ ايدىڭ 2 ـ كۇنى جۇڭگو مۇناي توبىنىڭ دەربەس زەرتتەپ جاساعان دۇنيە جۇزىندەگى تۇڭعىش 12 مىڭ مەترلىك اۆتوماتتى بۇرعىلاۋ ماشيناسى تەرەڭگە، قيىنعا قاراي بار كۇشىمەن بۇرعىلاپ ىلگەرىلەگەن تۇستا، جۇڭگو مۇناي توبى باتىس بولىك بۇرعىلاۋ ـ بارلاۋ ينجەنەريا شەكتى سەرىكتەستىگىنىڭ تاعى ٴبىر ٴىرى ەلدىڭ ماڭىزدى جابدىعى تارىم مۇناي الابىنا ىرگە تەپتى.
” 1 ـ ايدىڭ 28 ـ كۇنى تارىم مۇناي الابىنىڭ بوز بولىگىندەگى ٴبىر ۇڭعىمادا جۇڭگو مۇناي توبىنىڭ تۇڭعىش 175 مەگاپاسكالدىق قىسىممەن جارۋ جابدىعى سىناق رەتىندە قولدانىلدى“. باتىس بولىك بۇرعىلاۋ ـ بارلاۋ ۇڭعىما تۇبىندە جۇمىس جۇرگىزۋ سەرىكتەستىگىنىڭ (زاپاس قاباتتى جاڭعىرتۋدى زەرتتەۋ ورتالىعى) ورىنباسار ديرەكتورى لىڭ شي تانىستىرىپ بىلاي دەدى: جۇمىس باسىنىڭ ەڭ جوعارى قۇرىلىس جۇرگىزۋ قىسىم كۇشى 131 مەگاپاسكال، ناسوستىڭ ورتاشا قىسىمى 121.79 مەگاپاسكال بولىپ، 128 مەگاپاسكالمەن ۇزبەي قۇم جىبەرىپ قۇرىلىس جۇرگىزۋ رەكوردىن ٴبىر جولدا جاراتتى.
175 مەگاپاسكالدىق قىسىممەن جارۋ جابدىعى _ تارىم مۇناي الابى مەن باتىس بولىك بۇرعىلاۋ ـ بارلاۋ سەرىكتەستىگى ەرەكشە تەرەڭ قاباتتاعى اسا جوعارى قىسىمدى جەر قاباتىنىڭ شۇعىل قىسىمدى ۇڭعىماسىنىڭ جانە ەرەكشە تەرەڭ قاباتتاعى ٴدوڭ جەردىڭ كۇشەمە قىسىمىن تومەندەتۋ قيىن بولۋ سىندى جاعدايدى شەشۋ ٴۇشىن بىرگە ورىستەتكەن كەلەلى عىلىم ـ تەحنيكادان قامال الۋ سانالادى. بۇل جابدىقتىڭ ٴساتتى سىناق ەتىلۋى تەرەڭ جەردىڭ زاپاس قاباتىن جاڭعىرتۋ قۋاتىن جوعارىلاتۋمەن بىرگە، ونان دا ماڭىزدىسى، ەلىمىزدەگى تۇڭعىش 10 مىڭ مەترلىك تەرەڭ ۇڭعىما _ شىندي تاكى 1 ـ ٴنومىرلى ۇڭعىماسىندا زاپاس قاباتتى جاڭعىرتۋعا تەحنيكالىق دايىندىق ازىرلەدى.
تەرەڭ جەر قاباتىن بارلاۋ ـ اشۋ سۇرانىسىن قامتاماسىز ەتۋ ٴۇشىن، تارىم مۇناي الابى باتىس بولىك بۇرعىلاۋ ـ بارلاۋ سەرىكتەستىگىمەن ارناۋلى قىزمەت باسشىلىق گرۋپپاسىن قۇرىپ، 175 مەگاپاسكالدىق قىسىممەن جارۋ جابدىعىن جۇمىس ۇستىندە سىناق ەتۋدى، پايدالانۋدى جاپپاي جەدەل ىلگەرىلەتتى ٴارى كوپ رەت بىرلەسىپ ارناۋلى تاقىرىپتىق ٴماجىلىس ۇيىمداستىرىپ، زەرتتەۋ جۇرگىزىپ، ورنالاستىرۋ جاساپ، جوعارى قىسىمدى قۇبىرلاردى شوعىرلاندىرۋ، شوعىرلاندىرىلعان قۇبىرلاردى تۇتاستىرۋ ولشەمى جانە جوبا سياقتىلاردى بىرلىككە كەلتىردى؛ كوپتەگەن كاسىپتىك تەحنيكتەر جابدىق جاساۋ زاۆودىنا بارىپ، سوندا تۇرىپ جاساۋدى باقىلاپ، ٴوندىرۋ، جاساۋ اياق الىسىن ىلگەرىلەتىپ، ٴونىمنىڭ ٴوندىرىس ساپاسىن مەڭگەردى.
2023 ـ جىلى 11 ـ ايدا تۇڭعىش 175 مەگاپاسكالدىق ۇلكەن ديامەترلى قىسىممەن جارۋ قۇبىر سۇيمەنىن ٴساتتى جاساپ، وعان قاشىقتان ماي جىبەرۋ، بۇرالمالى كلاپاندى اۆتوماتتى مەڭگەرۋ، اسا تۇنىق بەينە كەسكىنمەن باقىلاۋ جۇيەسىن ورناتىپ، 175 مەگاپاسكالدىق قىسىممەن جارۋ قۇبىر سۇيمەنىن قاشىقتان اۆتوماتتى مەڭگەرۋدى جۇزەگە اسىردى.
باتىس بولىك بۇرعىلاۋ ـ بارلاۋ ۇڭعىماسىندا جۇمىس جۇرگىزۋ سەرىكتەستىگى تارىم مۇناي الابىنىڭ بارلاۋ ىستەرى بولىمىمەن بىرلەسىپ 175 مەگاپاسكالدىق قىسىممەن جارۋ جابدىعىن جۇمىس باسىندا پايدالانۋ گرۋپپاسىن قۇرىپ، بوز بولىگى قۇرىلىس ورنىندا سىناق جۇرگىزىپ، تاجىريبە ىستەدى. ساناققا قاراعاندا، بوز بولىگىندەگى وسى ۇڭعىمانىڭ قۇم جىبەرىپ قىسىممەن جارۋ جالپى سۇيىقتىق مولشەرى 616 تەكشەمەتر، جالپى قۇم مولشەرى 29.19 توننا، ورتاشا ىعىستىرۋ مولشەرى مينۋتىنا 2.51 تەكشەمەتر، ورتاشا قۇم قويۋلىعى ٴار تەكشەمەتردە 105 كيلوگرام، ناسوستىڭ ورتاشا قىسىمى 121.79 مەگاپاسكال بولىپ، تارىم مۇناي الابىنىڭ قۇم جىبەرىپ قىسىممەن جارۋ ورتاشا قۇرىلىس جۇرگىزۋ قىسىمىنىڭ جاڭا رەكوردىن جاراتىپ، قۇرىلىس جۇرگىزۋدە قىمباتتى پارامەترگە يە بولدى.
” 175مەگاپاسكالدىق قىسىممەن جارۋ جابدىعىنىڭ ٴساتتى قولدانىلۋى جۇڭگو مۇنايىنىڭ تەرەڭ جەردەگى زاپاس قاباتتى جاڭعىرتۋىنىڭ جاڭا ەراسىن اشىپ، تەرەڭ جەر قاباتىن عىلمي بارلاۋدا جەر استى سارايىنىڭ ەسىگىن اشىپ، مۇناي قاينارىن الۋعا قۋاتتى تەحنيكالىق تىرەك ازىرلەدى“، ـ دەدى باتىس بولىك بۇرعىلاۋ ـ بارلاۋ ۇڭعىماسىندا جۇمىس جۇرگىزۋ سەرىكتەستىگىنىڭ (زاپاس قاباتتى جاڭعىرتۋدى زەرتتەۋ ورتالىعى) ديرەكتورى جىڭ بو.
