ونەركاسىپتىڭ ارتۋىندا ىلگەرىلەۋ بارىسىندا ساپا جوعارىلاعان تاماشا جاعداي جارىققا شىقتى

日期:2024年02月06日
来源:新疆日报
【字体:

ونەركاسىپتىڭ ارتۋىندا ىلگەرىلەۋ بارىسىندا ساپا جوعارىلاعان تاماشا جاعداي جارىققا شىقتى

  _ 2023 ـ جىلعى شينجياڭنىڭ ەكونوميكالىق ساندى مالىمەتتەرىنە تالداۋ

  انار بۇلت \ شينجياڭ گازەتىنىڭ ٴتىلشىسى ما ينيڭ

  جىلدار جايشىلىقتاعىداي رەتىمەن اۋناپ، تابىستار كۇن سايىن جاڭالانۋدا.

  2023 ـ جىل _ پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى. وسى ٴبىر جىلدا شينجياڭ ونەركاسىبى نەگىزدى بەكەمدەپ، تۇعىر قالاپ، تاماشا جاعداي قالىپتاستىردى؛ وسى ٴبىر جىلدا شينجياڭ نازاردى ”جاڭالىققا“ جانە ”ساپاعا“ شوعىرلاندىرىپ، دەربەس وندىرەتىن، بۇكىل ەلگە ايگىلى جوعارى دەڭگەيلى ونەركاسىپ ونىمدەرىن قارسى الدى؛ وسى ٴبىر جىلدا شينجياڭنىڭ ونەركاسىبى ەكونوميكانىڭ، قوعامنىڭ جوعارى ساپالى دامۋىنا بەرىك نەگىز قالاپ، تىڭ ناتيجە جاراتۋدىڭ تەلەگەي ”ونەركاسىپ كۇشىن“ ۇيىستىردى.

ورنىقتى بولدى

  ونەركاسىپ ەكونوميكالىق ارتۋدىڭ نەگىزگى قوزعاۋشى كۇشىنە اينالدى

  2023 ـ جىلى ٴبىر توپ ساندى مالىمەت ونەركاسىپتىڭ جىلدامدىعى مەن كۇشىن ايگىلەدى.

  2023 ـ جىلى بۇكىل رايونداعى كولەمنەن جوعارى ونەركاسىپتىڭ ارتقان قۇنى الدىڭعى جىلداعىدان %6.4 ارتىپ، ارتۋ قارقىنى بۇكىل مەملەكەتتەن (%4.6 ) 1.8 پايىز جوعارى بولدى. كەن اشۋ كاسىبىنىڭ ارتقان قۇنى %6.2 ارتتى، جاساۋ كاسىبىنىڭ ارتقان قۇنى %6 ارتتى، ەلەكتردىڭ، جىلۋدىڭ، جانار گازدىڭ جانە سۋدىڭ ٴوندىرىسى مەن قامداۋ كاسىبىنىڭ ارتقان قۇنى %8.9 ارتتى. مەملەكەت مەنشىگىندەگى كاسىپورىنداردىكى %10، جارنا تۇزىمىندەگى كاسىپورىنداردىكى %7.5، جەكەشە كاسىپورىنداردىكى %10.7 ارتتى.

  ” 2023 ـ جىلى بۇكىل رايون جوعارىدان تومەنگە دەيىن ونەركاسىپ ٴوندىرىسىن مىقتى يگەرىپ، ونەركاسىپ وندىرىسىندەگى قيىن تۇيىندەردى، بوگەتتى تۇيىندەردى كۇش سالا ىركىلىسسىزدەندىرىپ، ونەركاسىپ ەكونوميكاسى جوعارى ساپالى دامۋعا قاراي ۇزدىكسىز قادام تاستادى“، ـ دەدى اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى سۇن جۇڭجىن.

  قايسارلىقپەن العا باساتىن دامۋ قيسىق سىزىعىنىڭ استارىندا قاجىماي ـ تالماي قايراتتانا العا باسۋ جاتىر.

  اۆتونوميالى رايون مۇناي، تابيعي گاز، كومىر، كەن ونىمدەرى سياقتى ەنەرگيا بايلىعى باسىمدىعىن تولىق ساۋلەلەندىرىپ، مەملەكەتتىڭ ٴىرى مۇناي، تابيعي گاز ٴوندىرۋ، وڭدەۋ جانە زاپاس ساقتاۋ بازاسىن، ٴىرى كومىر، كومىر ەلەكتر، كومىر حيميا ونەركاسىپ بازاسىن، ٴىرى جەل ەلەكتر بازاسىن قۇرۋدى ىلگەرىلەتىپ، مەملەكەتتىڭ ەنەرگيا حاۋىپسىزدىگىنە شينجياڭنىڭ ۇلەسىن قوستى. 2023 ـ جىلى بۇكىل رايونداعى كولەمنەن جوعارى ونەركاسىپتىك وڭدەلمەگەن كومىر، وڭدەلمەگەن مۇناي، تابيعي گاز جانە ەلەكتر شىعارۋ مولشەرى وتكەن جىلداعىدان جەكە ـ جەكە %10.7، %1.6 %2.5 جانە 4 %4.5 ارتىپ، ٴونىم مولشەرى جەكە ـ جەكە مەملەكەت بويىنشا 4 ـ، 2 ـ، 2 ـ جانە 5 ـ ورىندى يەلەدى.

  اۆتونوميالى رايون «شينجياڭ ۇيعۇر اۆتونوميالى رايونىنىڭ حالىقتىق شارۋاشىلىقتىڭ دامۋىن، زورايۋىن جەبەۋ جونىندەگى ٴبىرقانشا ساياساتتىق شارانى» شىعارىپ، اتقارىپ، حالىقتىق شارۋاشىلىقتىڭ جەدەل دامۋىنا، زورايۋىنا دەم بەردى. 2023 ـ جىلى بۇكىل رايونداعى كولەمنەن جوعارى حالىقتىق ونەركاسىپ كاسىپورىندارىنىڭ ارتقان قۇنى الدىڭعى جىلداعىدان %10.2 ارتىپ، ارتۋ قارقىنى الدىڭعى جىلداعىدان 3 پايىز جوعارىلاپ، كولەمنەن جوعارى ونەركاسىپتىڭ ارتقان قۇنىنىڭ ارتۋ قارقىنىنان 3.8 پايىز جوعارى بولدى.

  ونەركاسىپتىڭ ارتۋىندا كوپ ۇيەك تىرەك بولدى. 2023 ـ جىلى بۇكىل رايونداعى كولەمنەن جوعارى ونەركاسىپتىڭ 40 ۇلكەن كاسىپ ٴتۇرىنىڭ ىشىندە 32 كاسىپتىكى ارتىپ، ارتۋ كولەمى %80كە جەتىپ، ارتۋ كولەمىنىڭ سالىستىرماسى الدىڭعى جىلداعىدان 35 پايىز كەڭەيدى. 11 ٴتۇيىندى كاسىپتىڭ ىشىندە كومىر قازۋ كاسىبى، ەلەكتر، جىلۋ ٴوندىرىسى جانە قامداۋ كاسىبى، ٴتۇستى مەتال قورىتۋ جانە قىسىممەن سوزىپ وڭدەۋ كاسىبى ونەركاسىپتىڭ ارتۋىن جەبەيتىن نەگىزگى كۇش بولدى.

  ٴبىر ـ بىرلەگەن جوبا ـ جوسپارلار، ورنالاستىرۋلار، تىڭعىلىقتى دا ٴونىمدى شارالار، تالاي رەتكى تاسقا تاڭبا قالدىرار ارەكەتتەر شينجياڭ ونەركاسىبىنىڭ دامۋىنىڭ تولقىن جارا العا باسۋىن، ۇدەرە العا تارتۋىن ىلگەرىلەتىپ، بۇكىل رايون ەكونوميكاسىنىڭ ارتۋىنداعى ”ورنىقتىرعىشتىق“ جانە ”نەگىزگى قوزعالتقىشتىق“ رولىن تولىق ساۋلەلەندىردى.

  جاڭا بولدى

  جاڭا ساپالى وندىرگىش كۇش جاڭا قوزعاۋشى قۋاتتى قاۋلاتتى

  2023 ـ جىلعى ناتيجە ٴتىزىمىنىڭ استارىنداعى ”جاڭا“ ٴسوزىنىڭ قۇپيا سيفرىنا توقتالساق، ٴسوز جوق، جاڭا ساپالى وندىرگىش كۇش دەگەن ٴسوزدى اۋىزعا الامىز.

  2023 ـ جىلى 12 ـ ايدىڭ 10 ـ كۇنى قۇمىل جوعارى، جاڭا تەحنيكالىق كاسىپ سالاسىن اشۋ رايونى وڭتۇستىك بولىك اينالمالى ەكونوميكا كاسىپ سالاسى باقشاسىنداعى چيڭديان كرەمني كاسىبى شەكتى سەرىكتەستىگى قارجى قوسىپ سالعان جىلدىق ٴونىمى 60 گيگاۆاتتىق جالاڭ كريستالدى كرەمني تاياقشاسىن جاپىراقتاۋ 1 ـ مەرزىمدىك 10 گيگاۆاتتىق ينجەنەرياسىن بىرلەسىپ تەكسەرىپ وتكىزىپ الدى، بۇل قۇمىل قالاسىنىڭ كرەمني نەگىزدى جاڭا ماتەريال كاسىپ سالاسىنىڭ تىزبەگىن قۇرۋدا، تىزبەگىن ۇزارتۋدا جوقتان بار بولعان بەلگى سيپاتتى ٴبىر قادام باسقاندىعىن كورسەتەدى.

  2023 ـ جىلى قۇمىل شيرۇڭ ەنەرگيا ساقتاۋ جاڭا ماتەريال شەكتى سەرىكتەستىگى قۇمىلعا ىرگە تەۋىپ، جەرگىلىكتى ورىننىڭ قايتا تۋىندايتىن ەنەرگيا جابدىقتارىن جاساۋىنداعى بوستىقتى تولتىردى.

  قۇمىل قالاسىنىڭ 2023 ـ جىلعى ٴوندىرىس جالپى ٴونىم قۇنى 98 ميلليارد 270 ميلليون يۋانعا جەتىپ، سايكەس مەزگىلدەگىدەن %11.3 ارتىپ، ارتۋ قارقىنى بۇكىل شينجياڭ بويىنشا 1 ـ ورىندى يەلەدى. جاڭا ەنەرگيانىڭ جالپى گەنەراتور اگراگاتتارىنىڭ سيىمدىلىعى 17 ميلليون 108 مىڭ 500 كيلوۆاتقا جەتىپ، كولەمى شينجياڭ بويىنشا 1 ـ ورىنعا شىقتى؛ مەملەكەت بويىنشا ەڭ ۇلكەن، كاسىپ سالاسى تىزبەگى ەڭ كەمەلدى تيتان جانە تيتان قورىتپاسى جاڭا ماتەريالىن ٴوندىرۋ بازاسىن جەدەل قالىپتاستىرىپ، كرەمني نەگىزدى كاسىپ سالاسى شىعىس شينجياڭ اۋماعىنداعى كرەمني ـ فوتوۆولت كاسىپ سالاسىنداعى بوستىقتى تولتىردى؛ بۇكىل شينجياڭدا ەڭ ۇلكەن، كاسىپ سالاسى تىزبەگى ەڭ كەمەلدى جەل ەلەكتر جابدىقتارىن جاساۋ بازاسى قۇرىلدى.

  2023 ـ جىلى 3 ـ ايدىڭ 21 ـ كۇنى ەرەكشە ترانسفورماتور سەرىكتەستىگى دەربەس زەرتتەپ جاساعان دۇنيە جۇزىندەگى تۇڭعىش سيىمدىلىعى ۇلكەن زەردەلى 110 كيلوۆولتتىق جۇكتەمەلى قۇرعاق ترانسفورماتور ەرەكشە ترانسفورماتور شينجياڭ ەلەكتر جەتكىزۋ، كەرنەۋ وزگەرتۋ عىلىم ـ تەحنيكا كاسىپ سالاسى باقشاسىنان ٴساتتى جونەلتىلدى. 2023 ـ جىلى 11 ـ ايدىڭ 19 ـ كۇنى ەلىمىزدىڭ تۇڭعىش ٴبىر جولدا قالىپتاساتىن ەرەن جۇقا ـ جۇمساق يىلگىش ەلەكتروندى اينەك (UTG) ٴوندىرۋ جەلىسى اقسۋدا رەسمي وندىرىسكە قوسىلىپ، ەل ىشىندەگى جوعارى دەڭگەيدەگى ەكران ماتەريالدارى سالاسىنداعى بوستىقتى ٴونىمدى تولتىردى.

  قۇمىل، سانجى، اقسۋ سياقتى جەرلەردى ۋاكىل ەتكەن جاڭا تەحنيكا، جاڭا كاسىپ سالاسى، جاڭا كاسىپ كۇيى قارىشتاپ دامىپ، جاڭا بەتالىس، جاڭا قوزعاۋشى قۋات، جاڭا ۇلگى بىرتىندەپ كوتەرىلىپ، جوعارى ساپالى دامۋدىڭ جاندى كارتيناسىن كورسەتتى.

  ”2023 ـ جىلى بۇكىل رايون ٴتۇيىندى كاسىپ سالاسى شوعىرى عىلىم ـ تەحنيكا نىسانىنان 126سىن اتقارىپ، تەحنيكالىق توقتامداعى كەلىسكەن سوما سالىستىرماسى الدىڭعى جىلداعىدان 1.3 ەسە ارتتى، كولەمنەن جوعارى، جوعارى تەحنيكالى جاساۋ كاسىبى مەن ستراتەگيالىق جاڭادان گۇلدەنگەن كاسىپ سالالارىنىڭ ارتقان قۇنى جەكە ـ جەكە %12.2 جانە %7.8 ارتىپ، يەلەگەن سالىستىرماسى مەن ارتۋ قارقىنى تۇگەلدەي الدىڭعى جىلداعىدان كورنەكتى جوعارىلادى“، ـ دەدى سۇن جۇڭجىن.

  2023 ـ جىلى كاسىپ سالاسى ”جاڭالىققا“ قاراي ىلگەرىلەدى، 2024 ـ جىلعا قادام تاستاعاندا، جاڭالىق اشۋ قادامى ەكپىندى، پارمەندى بولدى.

  بيىل شينجياڭ سيفرلى ەكونوميكانى زور كۇشپەن دامىتىپ، جاساندى زەردە، بيولوگيالىق ٴدارى ـ دارمەك، جاسىل ەسەپتەۋ قۋاتى، ەلەكتروندى ينفورماتسيا، قوزعاۋشى كۇش باتارەياسى، اۆياتسيا جابدىقتارىن جاساۋ، تومەن كەڭىستىك ەكونوميكاسى سياقتى جاڭادان گۇلدەنگەن كاسىپ سالالارىنىڭ دامۋىن جەدەل ىلگەرىلەتىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ ىشكەرىلەي توعىسۋىن ىلگەرىلەتىپ، جاڭا ساپالى وندىرگىش كۇشتەردى كۇش سالا جەتىلدىرەدى.

  ىلگەرىلەدى

  ونەركاسىپتىڭ جوعارى ساپالى دامۋىندا تىڭ ونىمدىلىككە قول جەتتى

  بىرنەشە كۇننەن بەرى، كۇشار ەكونوميكالىق ـ تەحنيكالىق اشۋ رايونىنا ورنالاسقان كۇشار ليحۋا توقىماشىلىق شەكتى سەرىكتەستىگىنىڭ 4 ـ بولىمشە زاۆودىنىڭ اينالمالى ۇرشىقتى توقىماشىلىق ٴوندىرىس سەحىندا ماشينالار گۇرىلدەپ، اۆتوماتتى ٴجىپ ٴيىرۋ ماشينالارى جوعارى ونىمدىلىكپەن جۇمىس جۇرگىزىپ، جاڭا جىلدىق تاپسىرىستى كۇش سالا قاۋىرت دايىندادى.

  كۇشار ليحۋا توقىماشىلىق سەرىكتەستىگىنىڭ 700 مىڭ ۇرشىق ماقتا توقىماشىلىعى نىسانى _ شينجياڭنىڭ ماقتا كاسىپ سالاسىنىڭ دامۋىن ىلگەرىلەتۋدەگى ساۋداگەر شاقىرىپ، قارجى ەنگىزۋ ٴتۇيىندى نىسانى، 1 ـ مەرزىمدىك 400 مىڭ ۇرشىق نىسانى 2023 ـ جىلى 9 ـ ايدا وندىرىسكە قوسىلعاننان بەرى، تاپسىرىس بيىل جىل سوڭىنا دەيىن ٴتىزىلدى. 2 ـ مەرزىمدىك 300 مىڭ ۇرشىق نىسانى بيىل 5 ـ ايدىڭ سوڭىندا وندىرىسكە قوسىلادى دەپ جوسپارلاندى.

  ”بىلتىر شينجياڭ نازاردى ’8 ٴىرى كاسىپ سالاسى شوعىرى‘ قۇرىلىسىنا شوعىرلاندىرىپ، ەرەكشە، باسىمدىققا يە كاسىپ سالالارىن جەتىلدىرىپ، زورايتىپ، جاساۋ كاسىبىندە قۋاتتى رايون قۇرۋدى جانە جاڭاشا ونەركاسىپتەندىرۋ قۇرىلىسىن جەدەل ىلگەرىلەتىپ، اۆتونوميالى رايوننىڭ ونەركاسىپ ەكونوميكاسىنىڭ جوعارى ساپالى دامۋىندا تىڭ ناتيجەگە قول جەتكىزدى“. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى اينالىمدى باقىلاۋ ـ ولشەۋ، سايكەستىرۋ مەكەمەسىنىڭ باستىعى گو رۇيبين بىلاي دەدى: كاسىپ سالاسى تىزبەگىن ۇزارتۋدى، تىزبەگىن تولىقتاۋدى، تىزبەگىن كۇشەيتۋدى بەكەمدەپ، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى اۆتونوميالى رايوننىڭ 1000 ٴتۇرلى ونەركاسىپ نىسان قامباسىن قۇرىپ، نىساندارعا كومەكتەسۋ، جەبەۋ جانە ايلىق ورنالاستىرۋ قىزمەت مەحانيزمى ارقىلى ەندىك باعىتتا بىرلەسىپ ارەكەتتەنىپ، جوعارى مەن تومەن بىرلەسىپ، كەلەلى ونەركاسىپ نىساندارىنىڭ جەدەل سالىنۋىن، وندىرىسكە قوسىلىپ، ونىمدىلىككە جەتۋىن ٴبىر تۇتاس جوسپارلاپ ىلگەرىلەتتى.

  2023 ـ جىلى مەملەكەت بويىنشا تابيعي گازدان ەتيلەن گليكول وندىرەتىن ەڭ ٴىرى نىسان سالىنىپ وندىرىسكە قوسىلىپ، ەرەن جۇقا ـ يىلگىش اينەك ەل ىشىندەگى بوستىقتى تولتىردى، باتەريا دارەجەلى كومىر قىشقىل ليتي، فوتوۆولتتىق بولشەك سياقتى ونىمدەر شينجياڭداعى بوستىقتى تولتىردى، ۇلكەن حۇڭليۋتان، حوشاۋيۇن سياقتى كەن بايلىقتارىن اشۋ جەدەل جۇرگىزىلىپ، تارىم جىلىنا ٴبىر ميلليون 200 مىڭ توننا ەتيلەن ٴوندىرۋ قۇرىلىسى سياقتى جاڭا نىساندار قۇرىلىس باستادى، كومىردى سۇرىپتاپ پايدالانۋ، كومىردەن ولەفين ايىرۋ، كومىردەن مۇناي ـ تابيعي گاز الۋ سياقتى وسى زامانعى كومىر حيميا ونەركاسىپ نىساندارىندا بەلسەندى ىلگەرىلەۋشىلىككە قول جەتتى.

  كاسىپ سالاسى شوعىرى قارىشتاپ دامىپ، ەكونوميكا ەكپىندەي ىلگەرىلەدى.

  2023 ـ جىلى بۇكىل رايوننىڭ ونەركاسىپكە قوسقان قارجىسى سايكەس مەزگىلدەگىدەن %32.6 ارتىپ، ارتۋ قارقىنى 8 ـ ايدان باستاپ ٴۇرتىس 5 اي %30تەن اسىپ، ارتۋ قارقىنى بۇكىل مەملەكەتتىكىنەن (%9 ) 23.6 پايىز جوعارى بولدى. ونەركاسىپكە قوسىلعان قارجى بۇكىل رايونداعى قوسىلعان قارجىنىڭ %49.8ىن يەلەپ، الدىڭعى جىلداعىدان 7.6 پايىز جوعارىلاپ، بۇكىل رايونداعى قارجى قوسۋدىڭ ارتۋىنداعى ”نەگىزگى قوزعالتقىشقا“ اينالدى.

  گو رۇيبين مىنالاردى ٴبىلدىردى: ”8 ٴىرى كاسىپ سالاسى شوعىرى“ قۇرىلىسىن ارقاۋ ەتىپ، بيىل تىزبەكتى ۇزارتىپ، تىزبەكتى تولىقتاپ، تىزبەكتى كۇشەيتۋدى تۇتقا ەتىپ، ەرەكشە، باسىمدىققا يە كاسىپ سالالارىن بەكەمدەپ، دامىتىپ، جاڭادان گۇلدەنگەن كاسىپ سالالارىن جەتىلدىرىپ، زورايتىپ، كاسىپ سالاسىنىڭ شوعىرلانا دامۋىن جەبەيمىز. ەرەكشە تەرەڭ قاباتتاعى جانە داعدىلى ەمەس مۇناي، تابيعي گاز بايلىعىن بارلاۋ، اشۋ تەبىنىن ارتتىرىپ، ”شينجياڭنىڭ مۇنايىن شينجياڭدا وڭدەۋدى“، ”وڭدەلگەن مۇنايدى ازايتىپ، حيميا ونەركاسىپ ونىمدەرىن كوبەيتۋدى“ ىلگەرىلەتەمىز. مەملەكەتتىڭ ساپالى ماقتا ٴجىپ ٴوندىرىس بازاسى قۇرىلىسىن جەدەلدەتىپ، ماقتانى سول جەردىڭ وزىندە كادەگە جاراتۋ مولشەرى مەن ۇرشىقتىڭ كولەمىن جوعارىلاتىپ، تالشىق جاساۋ كاسىپ سالاسى مەن توقىماشىلىق كاسىپ سالاسىنىڭ سايكەستى دامۋىن جەبەپ، ٴبىز توقىماشىلىعى، گۇل باسۋ ـ بوياۋ، توقىماشىلىق سياقتى كاسىپ سالاسى تىزبەگىندەگى، قامداۋ تىزبەگىندەگى ولقىلىقتاردى كۇش سالا تولىقتايمىز. كرەمني نەگىزدى، اليۋمين نەگىزدى، ليتي نەگىزدى، تيتان نەگىزدى، بيولوگيالىق نەگىزدى جاڭا ماتەريالدار بازاسى قۇرىلىسىن بار كۇشپەن ىلگەرىلەتىپ، ەرەكشەلىككە يە وزىق جابدىق جاساۋ كاسىبىن كۇشەيتىپ، زورايتىپ، بيولوگيالىق ەمدەۋ، ٴدارى ـ دارمەك كاسىپ سالاسىن دامىتامىز، زورايتامىز.