شينجياڭنىڭ جاسىل، تومەن كومىر قىشقىل گازدى دامۋىن ىلگەرىلەتۋ كەرەك

日期:2024年02月05日
来源:新疆日报
【字体:

قارامايلى قالاسى ۋاڭ تيەگۋان اكادەميك ۇجىمىن ەنگىزدى

  شينجياڭنىڭ جاسىل، تومەن كومىر قىشقىل گازدى دامۋىن ىلگەرىلەتۋ كەرەك

  انار بۇلت\شينجياڭ گازەتىنىڭ ٴتىلشىسى گۋان مىڭيىڭ 2 ـ ايدىڭ 3 ـ كۇنى ۇرىمجىدەن حابارلايدى. 2 ـ ايدىڭ 3 ـ كۇنى جۇڭگو مۇناي داشۋەسى (بەيجيڭ) قارامايلى مەكتەپ رايونىنىڭ ۋاڭ تيەگۋان اكادەميك ۇجىمىن ەنگىزۋ ارناۋلى تاقىرىپتىق اڭگىمە ٴماجىلىسى ۇرىمجىدە اشىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت قاتىناستى ٴارى ٴسوز سويلەدى.

  ماجىلىستە جۇڭگو مۇناي داشۋەسى (بەيجيڭ) قارامايلى مەكتەپ رايونى مەن ۋاڭ تيەگۋان اكادەميك ۇجىمى كەلىسىمگە قول قويىستى، الداعى جەردە ەل ىشىندە وزىق، حالىقارادا بىرەگەي بولعان CCUS (كومىر قىشقىل گازىن جيناۋ، پايدالانۋ جانە پەشەتتەپ ساقتاۋ) تەحنيكاسىندا جاڭالىق اشۋ ورتالىعىن سالىپ، شينجياڭنىڭ CCUSدا جاڭالىق اشاتىن باستاماشى دارىندىلار ۇجىمىن قۇرىپ، وڭىرلىك CCUS تۇتاس كاسىپ سالاسى تىزبەگىنىڭ دامۋىنا كۇش ۇستەيدى.

  ٴيۇسۇپجان مامەت بىلاي دەپ اتاپ كورسەتتى: دارىندىلار _ ٴبىرىنشى بايلىق. شينجياڭ بۇرىنعى ٴارقانداي كەزدەگىمەن سالىستىرعاندا دارىندىلارعا ٴتىپتى دە مۇقتاج ٴارى دارىندىلاردى اناعۇرلىم جەتىلدىرىپ شىعا الادى. اكادەميك ۇجىمىن ەنگىزۋ اۆتونوميالى رايوندىق پارتكومنىڭ دارىندىلار جاعىندا قۋاتتى رايون قۇرۋ ستراتەگياسىن اتقارۋداعى ماڭىزدى شاراسى، ونان دا ماڭىزدىسى، ”8 ٴىرى كاسىپ سالاسى شوعىرىن“ قۇرۋداعى، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدەگى كوكەي تەستى قاجەتى. ٴارقايسى قاتىستى تاراۋلار ساياسي دەڭگەيدى شىنايى جوعارىلاتىپ، ٴوزىنىڭ قىزمەت جاۋاپكەرشىلىگىمەن ۇشتاستىرىپ، ”ٴبىر ٴىستى ٴبىر كەڭەسۋگە“، ەرەكشە ٴىستى ەرەكشە بىتىرۋگە تاباندى بولىپ، قۇرىلىس جوباسىن كەمەلدەندىرۋدى مىقتى يگەرىپ، ٴبىر ـ بىرلەپ تياناقتاندىرۋدى قاداعالاۋ كەرەك. ۇدايىلانعان بايلانىس جاساۋ مەحانيزمىن قالىپتاستىرىپ، قىزمەت وتەۋ مەن قامتاماسىز ەتۋ قىزمەتىن بار زەيىن ـ زەردە مەن كۇش ـ قۋاتتى جۇمساي وتىرىپ ويداعىداي ىستەپ، ەڭ زور شىن نيەتپەن، ەڭ جوعارى ولشەممەن، ەڭ ساپالى قىزمەت وتەۋمەن اكادەميك ۇجىمىنا قولداۋ كورسەتىپ جانە قامتاماسىزدىق ازىرلەپ، ۇجىم ماماندارىنىڭ بار ىقىلاسىن سالىپ، ٴبىلىم سوڭىنا تۇسۋىنە، زەرتتەۋ جۇرگىزۋىنە مۇمكىندىك جاساۋ كەرەك. جۇڭگو مۇناي داشۋەسىنىڭ (بەيجيڭ) قارامايلى مەكتەپ رايونى ورايدى قاستەرلەپ، وزدەرىنە قامشى باسىپ، اكادەميك ۇجىمىنىڭ باسىمدىعىنان تولىق ويداعىداي پايدالانىپ، ٴوندىرىس، وقىتۋ، زەرتتەۋ، كادەگە جاراتۋ، ”ۇيرەتۋ، كومەكتەسۋ، جەتەكتەۋ“ باۋلۋى سياقتى جاقتاردا كوبىرەك جەتىستىككە جەتىپ، كۇنى بۇرىن تابىسقا كەنەلىپ، شينجياڭعا اناعۇرلىم كوپ جوعارى ساپالى، جاڭالىق اشاتىن، امبەباپ دارىندىلار باۋلىپ، ەكونوميكانىڭ، قوعامنىڭ جوعارى ساپالى دامۋىنا اناعۇرلىم ويداعىداي قىزمەت وتەۋ كەرەك.