انار بۇلت \ شينجياڭ گازەتىنىڭ ءتىلشىسى ما ينيڭ 9 - ايدىڭ 21 - كۇنى ۇرىمجىدەن حابارلايدى. 1 - ايدان 8 - ايعا دەيىن تۇتاس رايوننىڭ ونەركاسىپكە قوسىلعان قارجىسى سايكەس مەزگىلدەگىدەن ％30 ارتىپ، تۇتاس ەلدىڭ ونەركاسىپكە قوسىلعان قارجىسىنىڭ ورتاشا ارتۋ قارقىنىنان (％8. 8) 2. 21 پايىز جوعارى بولىپ، تۇتاس ەلدە 4 - ورىندى يەلەدى. مۇنى ءتىلشى اۆتونوميالى رايوندىق حالىق ۇكىمەتى اقپارات كەڭسەسى وتكىزگەن ”شينجياڭنىڭ جوعارى ساپالى دامۋدى ىلگەرىلەتۋى“ جەلىلەس نەگىزگى تاقىرىبىنىڭ 11 - مايدانى ”ەرەكشە باسىمدىققا يە كاسىپ سالالارىنىڭ جوعارى ساپالى دامۋىن جەدەل ىلگەرىلەتىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن بەلسەنە قۇرۋ“ اتىنداعى اقپار جاريالاۋ ماجىلىسىنەن ۇعىستى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى اقپار جاريالاۋ ماجىلىسىنە قاتىناستى ءارى قاتىستى جاعدايلاردى تانىستىردى.
”بيىل اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى ونەركاسىپ نىسان قۇرىلىستارىن جەدەل ىلگەرىلەتىپ، ’8 ءىرى كاسىپ سالاسى شوعىرىنا‘ ماڭىزدى تىرەك ازىرلەدى“. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى چىڭ دوفۋ بىلاي دەپ تانىستىردى: كاسىپ سالاسى نەگىزىن تياناق ەتىپ، ەرەكشە باسىمدىققا يە كاسىپ سالاسىن زورايتىپ، جەتىلدىرىپ، كاسىپ سالاسى تىزبەگىن ۇزارتۋدى، تىزبەگىن تولىقتاۋدى، تىزبەگىن كۇشەيتۋدى بەكەمدەدى، ونەركاسىپ جانە ينفورماتسيالاندىرۋ مەڭگەرمەسى مىڭداعان نىساندى قامتىعان اۆتونوميالى رايوندىق ونەركاسىپ نىسان قويماسىن قۇرىپ، نىسان ارقىلى كومەكتەسۋ، جەبەۋ جانە ايلىق رەتتەۋ قىزمەت مەحانيزمى ارقىلى ەندىك بويىنشا بىرلەسىپ قيمىلداپ، جوعارى - تومەن جالعاسىپ، كەلەلى ونەركاسىپ نىساندارىنىڭ جەدەل قۇرىلىس جۇرگىزۋىن، وندىرىسكە قوسىلىپ، ونىمدىلىككە جەتۋىن ءبىر تۇتاس جوسپارلاپ ىلگەرىلەتتى.
1 - ايدان 8 - ايعا دەيىن تۇتاس رايوننىڭ ونەركاسىپ بويىنشا قويماعا الىنعان 1516 نىسانىندا جۇمىس (قالپىنا كەلتىرۋ) باستالىپ، جۇمىس (قالپىنا كەلتىرۋ) باستاۋ سالىستىرماسى ％98كە جەتتى. 50 ءتۇرلى جالپى ءبىر ميلليارد يۋاننىڭ ۇستىندە قارجى قوسىلعان، 10 ءتۇرلى جالپى 10 ميلليارد يۋاننىڭ ۇستىندە قارجى قوسىلعان نىشاندىق كەلەلى ونەركاسىپ نىساندارىنىڭ قۇرىلىسى جەدەل ىلگەرىلەتىلدى.
بيىل جىل باسىنان بەرى اۆتونوميالى رايون مۇناي، گاز، كومىر، كەن ونىمدەرى، ماقتا سياقتى ەنەرگيا بايلىقتارىن كادەگە جاراتۋدى بەلسەنە ىلگەرىلەتىپ، ەرەكشە باسىمدىققا يە كاسىپ سالاسىنىڭ تىزبەگىن ۇزارتۋدى، تىزبەگىن تولىقتاۋدى، تىزبەگىن كۇشەيتۋدى ىلگەرىلەتتى.
مۇناي، مۇناي حيميا جاعىندا، مۇناي، گاز بايلىعىن بارلاۋدى، اشۋدى جانە زاپاس قوردى مولايتىپ، ءوندىرىستى ارتتىرۋدى جەدەلدەتىپ، كورلا ءبىر ميلليون 200 مىڭ توننالىق ەتاننان ەتيلەن ءوندىرۋ، قارامايلى 720 مىڭ توننالىق پارىقتى پوليمەر سياقتى ءبىر توپ مۇناي حيميا نىساندارىنىڭ قۇرىلىسى جەدەل ىلگەرىلەتىلدى.
كومىر، كومىر ەلەكتر، كومىر حيميا ونەركاسىبى جاعىندا، جۇندۇڭ، قۇمىل مەملەكەتتىك كومىردەن مۇناي، گاز الۋ ستراتەگيالىق بازا قۇرىلىسىن جەدەلدەتتى، 1 - ايدان 8 - ايعا دەيىن تۇتاس شينجياڭنىڭ كومىر ءونىمى 280 ميلليون توننا بولىپ، سايكەس مەزگىلدەگىدەن ％10 ارتتى. تۇرپان ءبىر ميلليون توننالىق كومىردەن كاربينول الۋ، سانجى 104 مىڭ توننالىق 1، 4 - بۋتاديول سياقتى ءبىر توپ ءتۇيىندى نىسانداردىڭ قۇرىلىسى جەدەل ىلگەرىلەتىلدى.
جاسىل كەن كاسىبى جاعىندا، چارقىلىق 120 مىڭ توننالىق كومىر قىشقىل ليتي 1 - مەرزىمدىك نىسانىنىڭ وندىرىسكە قوسىلۋى ىلگەرىلەتىلدى، حوتان 100 مىڭ توننالىق ليتيلى تۇز سياقتى كەلەلى نىسانداردىڭ قۇرىلىسى جەدەل ىلگەرىلەتىلدى.
توقىماشىلىق، كيىم - كەشەك جاعىندا، توقىماشىلىق، كيىم - كەشەك كاسىپورىندارىنا ءونىمدى شينجياڭ سىرتىنا تاسىمالداۋ اقىسى، ەلەكتر اقىسى قوسىمشا قاراجات قارجىسى، ەلەكتر باعاسى قوسىمشا قاراجات قارجىسى بويىنشا 697 ميلليون يۋان ءبولدى، تۇڭعىش كەزەكتى شينجياڭ توقىماشىلىق، كيىم - كەشەك ساۋداگەر شاقىرۋ قارجى ەنگىزۋ تانىستىرۋ ءماجىلىسىن وتكىزىپ، كەلىسىم جاسالعان سوما 18 ميلليارد 500 ميلليون يۋان بولدى. كرەمني نەگىزدى جاڭا ماتەريالدار جاعىندا، ونەركاسىپتىك كرەمنيدىڭ ولشەمگە تولىمدى ءوندىرىس قۋاتىن بەلگىلەۋدىڭ 5 تاراۋ اقىلداسۋ مەحانيزمىن ورناتىپ، كوپ كريستالدى كرەمني، جوعارى ءونىمدى فوتوۆولتتىق باتارەيا بولشەكتەرى، جوعارى ءونىمدى جالاڭ كريستالدى كرەمني تاياقشاسى جانە كرەمني جاپىراقشاسى سياقتى ءبىر توپ نىساندى وندىرىسكە قوسۋدى ىلگەرىلەتتى.
”ونەركاسىپ جانە ينفورماتسيالاندىرۋ مەڭگەرمەسى ونەركاسىپ سالاسىنداعى ءتۇيىندى نىسان قۇرىلىستارىن ۇزدىكسىز ويداعىداي يگەرەدى“. چىڭ دوفۋ مىنانى ءبىلدىردى: قازىر شينجياڭدا ەرەكشەلىككە يە وسىزاماندانعان كاسىپ سالاسى جۇيەسىن بەلسەنە قۇرۋدامىز، ونەركاسىپ جانە ينفورماتسيالاندىرۋ مەڭگەرمەسى ”تۇيىننەن - تۇيىنگە دەيىنگى“ كومەكتەسۋ، جەبەۋ مەحانيزمىن تياناقتاندىرىپ، ءتۇيىندى نىسانداردىڭ تەز ارادا وندىرىسكە قوسىلۋىن ىلگەرىلەتىپ، ونەركاسىپ ەكونوميكاسىنداعى جاڭا ارتۋ ءتۇيىنىن قالىپتاستىرادى.
