− ”ارمانعا قۇلاش سەرمەگەن جۇڭحۋا · كورىكتى شينجياڭ“ 2023 - جىلعى شەتەلدەگى جۇڭگو ءتىل - جازۋىنداعى مەديالاردىڭ شينجياڭداعى تىلشىلىك قيمىلى ۇرىمجىگە قادام تاستادى
□ انار بۇلت \ شينجياڭ گازەتىنىڭ ءتىلشىسى گو ليڭ
كەزەكشى پويەزدىڭ اتتانعان كورىنىسىن سۋرەتكە ءتۇسىردى، ءار ۇلت بۇقاراسىمەن ىشكەرىلەي پىكىر اۋىستىردى... 6 - ايدىڭ 5 - كۇنى 2023 - جىلعى 1 - مەرزىمدەگى شەتەلدەگى جۇڭگو ءتىل - جازۋىنداعى مەديالاردىڭ شينجياڭدا تىلشىلىك جاساۋ ۇيىرمەسى ۇرىمجىگە كەلدى. مالايزيا، ەگيپەت، كانادا، امەريكا، گەرمانيا، فيليپپين سياقتى 16 مەملەكەت پەن وڭىردەگى جۇڭگو ءتىل - جازۋىنداعى 20 مەديانىڭ جانە 5 ورتالىق مەديانىڭ تىلشىلەرى ءۇرىمجى حالىقارالىق قۇرلىقتىق پورت رايونى، ءۇرىمجى قالالىق مادەنيەت ورتالىعىنىڭ جوبا سارايى، شينجياڭ حالىقارالىق ۇلكەن بازارى سياقتى ورىنداردى ارالادى، كوپشىلىك قالامدارىمەن جانە اپپارات كوزىمەن ءوز كوزدەرىمەن كورگەن كورىكتى شينجياڭدى دۇنيە جۇزىمەن بولىسەتىندىكتەرىن ءبىلدىرىستى.
6 - ايدىڭ 4 - كۇنى جۇڭگو حۋاچياۋلار بىرلەستىگىنىڭ جەتەكشىلىگىندە، شينجياڭ ۇيعۇر اۆتونوميالى رايوندىق پارتكومنىڭ ۇگىت ءبولىمى، شينجياڭ ۇيعۇر اۆتونوميالى رايوندىق حۋاچياۋلار بىرلەستىگى بىرلەسىپ ۇيىمداستىرعان ”ارمانعا قۇلاش سەرمەگەن جۇڭحۋا ·كورىكتى شينجياڭ“ 2023 - جىلعى شەتەلدەگى جۇڭگو ءتىل - جازۋىنداعى مەديالاردىڭ شينجياڭداعى تىلشىلىك قيمىلى باستالدى.
”ەڭ ەرتە جولعا شىعاتىن كەزەكشى پويەزدىڭ ۋاقىتى“، ”تاسىلاتىن تاۋار، كەزەكشى پويەزدىڭ ساندى مالىمەتى“، ”كاسىپ سالاسى تياناقتانعاندىعىنىڭ ءىس جۇزىندىك مىسالى“... العاشقى بەكەت ءۇرىمجى حالىقارالىق قۇرلىقتىق پورت رايونىندا، شينجياڭ حالىقارالىق قۇرلىقتىق پورت (توبى) شەكتى جاۋاپكەرشىلىك سەرىكتەستىگى باس ديرەكتورىنىڭ كومەكشىسى جاۋ ي تىلشىلەر ۇيىرمەسى مۇشەلەرىنىڭ سۇراۋلارىنا ءبىر - بىرلەپ جاۋاپ قايتارىپ، تۇسىنىك جاسادى.
”ءبىز شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن تىڭعىلىقتى ىلگەرىلەتىپ، ناقتى، قوماقتى جەتىستىكتەرگە قول جەتكىزگەندىگىن شىنايى سەزىندىك“. مالايزيا حالىقارالىق حانزۋ تىلىندەگى مەديالار وداعىنىڭ ءتوراعاسى شۇي بيڭي بىلاي دەدى: ءۇرىمجى حالىقارالىق قۇرلىقتىق پورت رايونى سياقتى ءتۇيىندى وركەندەۋ، ەسىك اشۋ تۇعىرى قۇرىلىسى بەلسەندى ىلگەرىلەۋشىلىككە قول جەتكىزدى، سىرتقا ەسىك اشۋدىڭ ۇلكەن ارناسى العاشقى ادىمدا قالىپتاستى، شينجياڭ سالىستىرمالى توماعا - تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالىپ كەلەدى ەكەن.
ءۇرىمجى قالالىق مادەنيەت ورتالىعىنىڭ جوبا سارايىنداعى ءبىر تەاترحانادا تىلشىلەر ۇيىرمەسىنىڭ مۇشەلەرى شۇعىل كوتەرىلگەن، قۇلدىراپ تۇسكەن، ت . ب ەلىكتەمەلى كورىنىستەگى ءۇرىمجى قالاسىنىڭ ءبىر جىلداعى ءتورت ماۋسىمىنىڭ وزگەرىسىن، سايالى باقتان ساۋدا شەڭبەرىنە، جوعارى جىلدامدىقتى تەمىر جول ۆوگزالىنان اۋەجايعا دەيىنگى بارىستى ەلىتە سەزىندى... كوپشىلىك جابال مىنانى ءبىلدىردى: مەيلى كۇندىزگى قايشالىسقان قالىڭ جۇرت، اعىلعان اۆتوكولىك بولسىن، الدە كوركى كوز سۇرىندىرەر كەشكى كورىنىس بولسىن، شينجياڭنىڭ بارلىق جەرى ومىرشەڭدىك كۇشكە تولى ەكەن.
شينجياڭ حالىقارالىق ۇلكەن بازارىندا كوزدىڭ جاۋىن العان تاۋارلار، ەرەكشە قۇرىلىس، سالت - سانا، ءدامدى تاعام، ۇلتتىق ءان - بيلەردىڭ ءبارى تىلشىلەر ۇيىرمەسىن ايالداپ تاماشالاۋعا بارىنشا باۋرادى، توقتاۋسىز سۋرەتكە ءتۇسىرىپ ەستەلىككە الۋمەن بىرگە، كوپشىلىك تاعى زات ساتىپ الۋ، قاتارعا تۇرىپ نىشاندىق قۇرىلىستارعا كىرۋ ۇلگىسىن باستادى. ”مەن بەيجيڭدە شينجياڭنىڭ ءدامدى تاعامىن ىزدەۋشى ەدىم، وسى رەت بۇل ارانىڭ وزىنە كەلىپ شينجياڭنىڭ ءدامدى تاعامىنان اۋىز تيگەنىمە قاباعات قۋانىشتامىن“. ارگەنتينا حۋارىن توۋتياۋىنىڭ (بەيجيڭ) باس ديرەكتورى تاۋ حۇڭشي ءدامدى تاعامنان اۋىز تيۋمەن بىرگە، ساۋداگەرلەرمەن، تۇرعىندارمەن ىشكەرىلەي پىكىر اۋىستىرىپ، ءدامدى تاعام جاساۋ تاسىلىنەن باقىتتى تۇرمىسقا دەيىنگى ەلەۋسىز جايتتەردىڭ ءبارىن وسى جولعى تىلشىلىك ساپارىنىڭ العاشقى ماتەريالى ەتتى.
شۇي بيڭي بىلاي دەدى: شەتەلدەگى جۇڭگو ءتىل - جازۋىنداعى مەديالاردىڭ ۋاكىلى رەتىندە، رياسىز كوڭىلمەن، ايقىن، ۇستامدى، شىنايى، وبيەكتيۆ، ءادىل ۇنمەن ەل ءىشى - سىرتىمەن بايلانىس ورناتىپ، فوتو اپپاراتىممەن شينجياڭنىڭ ادەمى ساتتەرىن ەستەلىككە الىپ، وسىناۋ حيكىمەتتى القاپتى ارالاپ، شينجياڭ حيكاياسىن دۇنيە جۇزىنە اڭگىمەلەيمىن.
